المساعد الشخصي الرقمي

مشاهدة النسخة كاملة : بغيت اشتري تواير مياجر جديده او شبه جديده من وين؟


fantasy
22-11-2010, 12:29 AM
السلام عليكم
طبعا اكيد بتقولون روح اي مكان تواير بس اللي ابيه هو سعر منافس يعني التاير الواحد الحين في السوق حق الجي اكس بحدود الخمسميه و طالع وانا عندي الحين مركب من سنه هانكوك باربعميه الواحد فهل حد يعرف اسعار افضل من 400؟؟؟
اادري ان الواحد مايدور الرخص لكن للعلم ترى الحوادث اللي تصير او خل نقول اغلبها مش من نوعيه الشركه وانما من السرعه الزايده فلو حد عنده تواير جديده مبدلها مع بوالين و حاب يبيعها ياليت يبلغني او لو في بنجري يبيع مستعمل جديد يساعدنا ولا تهونون
ولكم تحياتي
بوسلطان قطر
22-11-2010, 12:49 AM
الغالي محطة التيسير شارع سلوه اربع تواير والخامس مجان ب۱۸۰۰ ريال اسم التاير كيو تاير من تجربة الشباب يقولون عجيبيين اوغير هاي يغسلك السيارة ابلاش مافي احسن من العرض والا تواير الدنلوب الواحد ب۷٥۰ ريال في المحلات الي تحت دوار مدماك
باسكن روبنز
22-11-2010, 12:50 AM
والله لو علي آنا ،

بانصحك بالبالوون ، :)
fantasy
22-11-2010, 01:25 AM
اشكرك والله يا بوسلطان على الرد لك تحياتي يالغالي باجر انشالله رايح اشوف عرضهم اما اخوي باسكن والله ماقد فكرت بالبوالين ياليت تعطيني رايك ومقارنه عن المياجر ليش تفضلهم
اخر سوال تخبرون هالموسم و سيلين هل لو اغير الحين التواير له تأثير ولا اتوكل لان اللي عندي منتهين و منتفخين كان في بالي تاير او اثنين ولا اتوكل كلهم ابدلهم لان بوسلطان الصراحه خليتني اشتط
بوعلي-Qtr
22-11-2010, 04:51 AM
اخوي بخصوص البوالين
شوف قلبته اسرع من الميجر طبعا
افضل من الميجر للرمله لانها تواير رمله وحصى ..
الشكل احلى مايبيله كلام ههههه

الميجر يمسكك على الارض بشكل افضل من البالون وسيفتي اكثر
بريكه افضل من الميجر
يعيش معاك اكثر من البالون
يتشقق فالحصى
ويكفيك ان الموتر جاي من الشركه وعليه مياجر يعني الموتر مصمم على اساس انه مياجر فأكيد في دراسات قبل لاينحط هالتاير على هالموتر
ولا شاللي يمنع اي شركه انها تركب اي نوع من انواع التواير ؟
فأكيد الشركه اختارت لك افضل نوع لسيارتك
ولميجر مايقول لا يوديك وين ماتبي :)
باسكن روبنز
22-11-2010, 06:06 AM
البالون آكشخ وآرز من المياجر ،

خاصة أن كان كروزر بصراحه مايستاهل بلا بـالون ،

هذا رأيي بصراحه ،
fantasy
22-11-2010, 08:29 AM
يعطيكم الف عافيه على التجاوب استخصلت الى اني ممكن اشتري بوالين اخشهم لموسم مثل هالوقت و ابدلهم مع المياجر وقت سفر او صيف بس اوفر مكان لهم اول شي ههههه
شكرا جزيلا اخواني و يعطيكم العافيه
المخفي
22-11-2010, 08:41 AM
اشتري دنلوب من الوكيل الدرويش قياس 16 على 480 ريال و ركبهم في اي بنشري
toghma
22-11-2010, 12:16 PM
مرحبا الشيخ

بخصوص التواير ـ بالون ولا مياجر هذا يعتمد على شخصيتك انت ـ هل انت تروح رملة كثير ؟ ولا تسافر كثير أو دوامك بعيد عن بيتك

البالون طبعا يصلح للرملة ولرزة الموتر واذا سواقتك خفيفة تعيش التواير معاك سنة كاملة
والمياجر تصلح لكل شئ وما انصحك نهائيا إنك تاخذها مستعملة إلا اذا شخص منزلها من موتره ومن الوكالة مباشرة . لان المستعملة تطلع لك فيها نفخة.
وعرض التيسير جدا روعة بصراحة ـ يبيله ـ

بالمختصر المفيد إذا انت تروح رملة مرة بالشهر أو بس في الشتاء وسواقه عادية بدون استعراض ـ خلاص خذ لك مياجر وتوكل على الله .

ولا سوي مثل بعض الشباب ( رنقات شنابر وتواير بالون حق الشتاء ) و ( رنقات وكالة مع تواير مياجر حق الصيف ) .
وكل عام وانت بخير