((( من عنده فكره عن الفحص الطبي للزواج .. ياليت يفيدنا )))

[ALRAYYAN]

السلام عليكم

اخواني وخواتي

ياليت اللي عنده فكره على الفحص الطبي للمتزوجين الجدد

شالمطلوب ووين ومتى وشلون وشكثر ياخذ وقت
وهل من الممكن يسوونه الزوجين في مختبر او عياده خاصه ولا لازم مركز صحي ؟؟؟

ياليت تفيدوني باسرع وقت ولا تهونون .. وجزاكم الله خير

[عزتي سمو ذاتي]

http://www6.0zz0.com/2009/12/16/22/612016435.jpg

[عزتي سمو ذاتي]

http://www14.0zz0.com/2009/12/16/22/590083268.jpg

[سكرمر]

مبروك مقدما ً

[ALRAYYAN]

جزاك الله خير يالشيخ .. لكن ابي تجربه من معرس ولا عروس جدد

لان هذول جزاهم الله خير دايم يحطون لنا الانظمه ويشرحون لنا الخطوات ونلقاها حبر على ورق ونروح وننصدم بالواقع ويكون مخالف لما ذكر

فالتجربه خير برهان على مايقولون

[نورالهدى]

ألف مبروك

[لابس بشت]

تروح انت المركز الصحي اللي انت تابع له
او المركز اللي تتبعه الزوجه
تتواعدون في وقت معين
او كل شخص يروح بروحه بس تعطيهم اسمك واسم الزوجه
وهم بيردون عليكم بعد 10 ايام تطلع النتيجه
المهم اللي يروح قبل يعطيهم اسم الطرف الثاني

[ALRAYYAN]

تروح انت المركز الصحي اللي انت تابع له
او المركز اللي تتبعه الزوجه
تتواعدون في وقت معين
او كل شخص يروح بروحه بس تعطيهم اسمك واسم الزوجه
وهم بيردون عليكم بعد 10 ايام تطلع النتيجه
المهم اللي يروح قبل يعطيهم اسم الطرف الثاني

بدون موعد مسبق اخوي ؟

[دكان عباس]

شكراعلى الشرح الوافي

[عزتي سمو ذاتي]

لازم تأخذ أول موعد بالتلفون وبعدين تروح انت والخطيبة الموعد وبعد أسبوع تطلع النتيجة

[QatarSupport]

تتصل باحد المراكز الطبيه التي يتم فيها فحص ما قبل الزواج

و تاخذ موعد لك وللطرف الثاني و يطلبون منك رقم بطاقتك الشخصيه

و تقريبا بيكون موعدك بعد اسبوع من اتصالك

و بعدها تروح الموعد و يفحص عليك بعده اساله وعينه دم

مهب لازم يكون الطرفين موجودين بنفس الوقت او الساعه

و لكن لازم يكونون موجودين نفس اليوم و نفس الفرع

اغلبيه المراكز الصحيه تخلص النتيجه بعد اسبوعين او 10 ايام

لكن انصحك بمركز الخور لانه يخلصك في اسبوع ولا عليه ضغط و زحمه

مثل باقي المراكز

و مبرووك ما دبرك طال عمرك

[ALRAYYAN]

الله يرحم والديكم .. ماقصرتوا والفال لكم ان شاء الله

[فارس الكلمة]

أنا أعتقد .. بأنه ليس شرطاً أن يكون فحص الخطيب و الخطيبة في نفس المركز الصحي ..

و في نفس الوقت أيضاً .. نريد تأكيد ذلك ..؟

[ام ريان]

انا جديده وبفيدك بالتفصيل:d
مو لازم تروح لمركز صحي تابع له انت او الزوجه
اتصل لاي مركز صحي من المذكورين فوق وقولهم ابي موعد لفحص الزواج وانت ع الفون بياخذون منك بياناتك وبيانات الزوجه بعد
يعني قبل لاتتصل تجمع بياناتك وبيانات الزوجه وبيقولون لك تعال باليوم المحدد فيه ايام الفحص
بتروح هناك انت والزوجه في نفس الوقت بيدخلونك غرفه بيعطونكم تعبون استماره وبعدها بتدخل عند الممرضه بتسألك اسئله وبعدها ترسلك للمختبر تسوي التحليل وبنفس اليوم من الاسبوع اللي بعده يروح كل واحد منكم يستلم النتيحه ولازم كل واحد يستلم نتيجته بنفسه ممنوع احد غيرك يستلم نتيجتك

والله يوفقك ويتمملك على خير يارب

[KABOOM]

زين ياليت حد يشرح لنا الفحص عباره عن شنو
شيتم في الفحص وايش هو بالضبط
وليش يسوونه


اخوي الله يتم عليك ويوفقك
لاتنسى تعزمنا عاد :pic:

[اسعاف]

لازم يفحصون في مركز واحد

مب شرط يكونون مع بعض في الفحص ممكن واحد قبل وواحد عقب
عند التسجيل يطلب منك معلومات عن الطرف الثاني
رقم بطاقته الشخصية
جواله
ثم يوم الموعد يأخذون دم من الطرفين
وبعد اسبوع او اكثر تعطى موعد للنتيجة
ويتعهد الطرفان بعدم افشاء اسرار الطرف الأخر الصحية ويوقع على هذا التعهد
وبعد النتيجة (على كيف الزوجين) يبغون يتزوجون ام لا) المهم عمل الفحص ،اما نتائج الفحص فعلى كيف الزوجين
والمأذون لا يملج للزوجين إلا بعد ان يستلم النتيجة ولا يسأل عن نتائجها (هذا سر )بين الزوجين
فهمت الأن ولا لا؟

[اسعاف]

زين ياليت حد يشرح لنا الفحص عباره عن شنو
شيتم في الفحص وايش هو بالضبط
وليش يسوونه


اخوي الله يتم عليك ويوفقك
لاتنسى تعزمنا عاد :pic:

فحص وظايف الكبد

وامراض الدم والوراثة

والضغط
وتاريخ المرض الصحي

[بوخالد911]

الله يهني سعيد بسعيدة

:)

[ام ريان]

Kabooom الفحص عباره عن تحليل دم بيسحبون منك انبوبين دم تشيك اب على كل شي بجسمك

عشان يشوفون الشخص اذا فيه مرض او لا لااقل ولااكثر


شكله الريان فتح نفسكم للزواج

[ALRAYYAN]

جزاكم الله خير .. انا اشهد ان هالمنتدى الطيب فيه ناس اجاويد شرواكم من شباب وخواتنا البنات

مبرووووووك لكل من تزوج قريب وافادنا بكلمه وعلى راسهم ام ريان لانها متزوجه قريب مثل ماذكرت

تسلمون ولا خلى ولا عدم منكم

[KABOOM]

اسعاف وام ريان
مشكورين على الرد
والتوضيح

[كورديليا]

اخوي انا بشهر 5 سويته والحمد لله

رحت انا وخطيبي مركز المطار الصحي وقبل كنا ماخذين موعد فيه من اياك ومسجلين اسمنا ورقمنا الصحي ع التلفون

وبس رحنا تميناا 3 ساعات ننطر لان كان في تقريبا 10 بنات وخطابهم
ويوم دخلت انا سالوني عن الامراض الوراثيه في العيله وامراضي والهاخرابيط وخذو الوزن والطول
بعدين بياخدون منك عينه من الدم ويقيسون ضغطك

وبس مافي شي ثاني
النتاج تطلع بعد اسبوعين 14 يوم

[STAR]

اخبرك متزوج ‏‏(‏‏=‏

[وطن]

فحص وظايف الكبد

وامراض الدم والوراثة

والضغط
وتاريخ المرض الصحي

بس ؟؟؟

والأمراض اللي تنتقل بالزواج
ما يسوون لها فحوصات !!!

[حليتان*]

مثل ماقالو لك اخذ موعد من مركز الخور بيخلصونك بسرعه

انا كان عندي عمل تطوعي عندهم ...كانت عيادة فحص الزواج تصفرررر

[شويهينــه]

وطن الامراض الانتقااليه بعد تنفحص لاتحاتين

وبخصوص اللي يقول ان روحوا مركز الخور لانه فاضي الحين الكل ماخذ هالفكره ان المركز فاضي وصاروا الناس كلهم يروحون يحجزون موعد عندهم

[R 7 A L]

اهم شي عينة الدم هي الى تين كل شي

بالتوفيق للجميع

[latty]

واللي تابع لمركز قطر للبترول او راس غاز كيف يسوي ؟