جوازات مطار الدوحة .. علامة استفهام عملاقه

[Rayyani213]

السلام عليكم ورحمة الله وبركاته..
الموضوع متأخر بعض الشيء
الموقف حصلي من شهر ونص وانا جاي برطانيا اكمل دراستي بعد اجازة الصيف..

كنت مسافر مع واحد من الربع ... خلصنا من الchek-in وصارت لخبطة مانتبهنا عليها... جوازي مع البوردنق ماله صار عنده ... وجوازه مع البوردنق الي باسمي صار عندي.... :pic:


رحنا للجوازات وسبحان الله مشينا بدون ماينتبهن الخوات :thumbdown: ... مادرينا بهالشي الا وقت دخول الطياره.... :stop:


هل الامن سهل التجاوز في قطر؟؟ :con2:

خطأ "غبي" وممكن يأدي لمصيبه؟؟ :stop:

اذا قلنا ان نشبه بعض ( وهالشي صعب) .. ماعتقد ان صعب انها تكتشف ان الاسم الي فالبوردنق مختلف عن الاسم فالجواز؟؟؟ omen

[KABOOM]

ونلومهم في الاجانب
لاحول ولاقوة الا بالله
crazy

يبه هذيلا موظفات صادر و وارد
بس تبي تسولف وتاكل حب
وتشرب جاي وتعقر في خلق الله
والساعه 12 تقولك رضاعه
بروح البيت :secret:

[حليتان*]

هههههههههههههههههههه نوو كومنت :(

[Rayyani213]

ونلومهم في الاجانب
لاحول ولاقوة الا بالله
crazy

يبه هذيلا موظفات صادر و وارد
بس تبي تسولف وتاكل حب
وتشرب جاي وتعقر في خلق الله
والساعه 12 تقولك رضاعه
بروح البيت :secret:

اعتقد جوابك كافي وافي :thumbup1:

[ضوى]

الخطا وارد والموظفين والموظفات مهب ملائكة منزلين مايخطأون ، بجوزات بو سمرة الموظفة تكلمني وبيدها جواز اختي وتكلم اختي وبايدها جوازي وعادي نبهناها وقالت ماشاء الله مافي فرق بينكم :)
وازيدك من الشعر بيت ، يوم طلعت لما فيزا الشينغن انا وبنتي حطوا فيزا بنتي في جوازي وفيزتي في جواز بنتي وعدت عليهم ، ولو ماخفت يسوون لنا سالفة في المطار كان مارجعتها السفارة وبدلتها
اخطاء واردة وتصير واحنا بشر

[روضة]

نفس الشي صار معاي كنا انا وزوجي وابني وبنتي راجعين من تايلاند وكان جوازي مع ولدي وجواز ولدي عندي بدون ماانتبه :looking:والموظف عادي مشانا وكان موظف شاب يعني حتى ما لاحظ الفرق بين الام والولد:stop:

[ALRAYYAN]

وماخفي كان اعظم ياخوي من هالموظفات .. خلها على ربك

[nadeemy]

الاجراء في مطار الدوحه كالتالي
الجهه المسؤله عن اصدار بطاقة الصعود او البوردينغ هي مكتب الخطوط القطريه بعد ان يتم التحقق من شخصية المسافر وحصوله على التاشيره اذا كانت ضروريه وصلاحية الجواز , بعدها وقبل الدخول الى صاله المسافرين يقوم ضابط الامن من التحقق من وجود الجواز وحصول المسافر على بطاقة صعود للطائره , بعدها يتجه المسافرون فرادا الى كاونتر الجوازات ويوجد خط في الارض لايجوز تجاوزه الا بعد ان ينتهي موظف او موظفه الجوازات من المسافر الذي امامه ويتم وضع ختم الخروج , واخيرا يقوم موظفوا القطريه بالتدقيق النهائي على الجواز وبطاقة الصعود ويسمح للمسافر بالاتجاه الى الطائره وعليه لا يمكن لاي خطا ان يحدث الا في حاله واحده
وهي ان يتقدم اكثر من شخص الى كاونتر الخروج ( وهذه مخالفه ) وبعد ان ينتهي الموظف من الاجراء ويقوم بتسليم الجوازات ياخذ احد المسافرين الجوازات ويخطئ في التسليم وعلى كل حال ليس هناك اي خطر امني بعد هذه المرحله
انت قول لنا وين حصل الخطا بالضبط؟

[Rayyani213]

الاجراء في مطار الدوحه كالتالي
الجهه المسؤله عن اصدار بطاقة الصعود او البوردينغ هي مكتب الخطوط القطريه بعد ان يتم التحقق من شخصية المسافر وحصوله على التاشيره اذا كانت ضروريه وصلاحية الجواز , بعدها وقبل الدخول الى صاله المسافرين يقوم ضابط الامن من التحقق من وجود الجواز وحصول المسافر على بطاقة صعود للطائره , بعدها يتجه المسافرون فرادا الى كاونتر الجوازات ويوجد خط في الارض لايجوز تجاوزه الا بعد ان ينتهي موظف او موظفه الجوازات من المسافر الذي امامه ويتم وضع ختم الخروج , واخيرا يقوم موظفوا القطريه بالتدقيق النهائي على الجواز وبطاقة الصعود ويسمح للمسافر بالاتجاه الى الطائره وعليه لا يمكن لاي خطا ان يحدث الا في حاله واحده
وهي ان يتقدم اكثر من شخص الى كاونتر الخروج ( وهذه مخالفه ) وبعد ان ينتهي الموظف من الاجراء ويقوم بتسليم الجوازات ياخذ احد المسافرين الجوازات ويخطئ في التسليم وعلى كل حال ليس هناك اي خطر امني بعد هذه المرحله
انت قول لنا وين حصل الخطا بالضبط؟

الخطأ حصل لما انا كنت فكاونتر ورفيجي فكاونتر ثاني وكل واحد ماخذ جواز الثاني وبطاقة الصعود باسمه ... يعني ناهيك عن الصورة الي من السهل اكتشاف الفرق بينها (الي فالجواز) وبين المسافر .. الاسم فالجواز غير عن الاسم فبطاقة الصعود

[غايه الطواش]

عادي اخوي الخطأ وارد
في مطار فرنسا الموظفه خذت جوازي وتمت تطالعني انا واختي وقالت الجواز حق من فيكم

مع إنه لا انا ولا اختي نتشابه بالمره

[الصريحه]

بشر لابد من الاخطاء
الله يوفقهم ويسعدهم
لاتلومهم كلن يخطي

[عزتي سمو ذاتي]

الأخطاء وارده بكل مكان وبني أدام ماهو معصوم من الخطأ

بس في أماكن حساسه المفروض الواحد ينتبه لها أكثر من ضمنها الجوازات

يعني هذا الخطأ يعتبر كبير المفروض الموظف أو الموظفة اللي بتنحط في هالمكان المفروض تكون قد المسؤولية

[muraikhi77]

س: ليش الجوازات ماخذين بصمة عيوننا وبصمة اصابعنا ؟؟

س: ليش في الدول الثانية عن المغادرة أو القدوم نجد هناك كاميرات في الكاونتر لتصوير الوجه وتخزينها في السستم من أجل الاجراءات الامنية ؟

س: جوازاتنا بدلانها وقالوا لنا فيها القراءة الآلية ، وعقب كم سنة اضافوا عليها شريحة للقراءة الآلية ، وجماعتنا لين الحين يدخلون رقم الجواز والرقم الشخصي باليد ، بالرغم من وجود الكود في اسفل الجواز .

س : ليش في الدول الثانية بعد ختم الجوازات نجد شخص آخر يتاكد من وجود الختم ويجعلك تمر ؟

[متسلف وفي الاخير]

ياخي هالموظفات البنات ماينفعون الا في شغله وحده البلاك بيري بس والعقار وفلانه سوت وفلانه حطت

عقولهم خفيفه حمدلله والشكر

[الراقيه سبشل]

غريب وضعهم..

مع ان مطارنا شكلا من بين افضل المطارات .. لكن الموظفين الي فيه يخربون عليه

[جبر]

طيب ادا كان مسافر عن طريق البوابة الالكترونية بعد لازم واحد يشيك على البوردينك كارت عقب مايطلع من البوابة الكترونية يشوف بسم من
مطار الدوحة صغير وهذا عيبة والموظفين القطريين يحاولون بقدر الامكان مساعدة الناس عكس المطارات الثانية
فا كواهم الله

[Chambray]

ابشرك ان هالحركة صارت حق الربع في فرنسا
ولا في مطارين
وخذوا بصماتهم بعد
مثلاً ( عيسى ) ماخذ جواز ( رشيد ) والعكس
خذوا بصمه ( عيسى باسم رشيد ) هههههههههه

[Rayyani213]

طلعوا ففرنسا اخس....

يبيلهم كورس فبريطانيا... صدقني يطلعون عين الداش والطالع :P



Thanks Everybody ^_^

[Abdullah_89]

والله العظيم اني مرة مسافر بالغلط بجواز اخوي الصغير رايح البحرين

لا اهني انتبهوا ولا اهناك انتبهوا ههههههههههه

لا ويوم وصلت الدوحة ابي اطلع الجواز من شنطة اللابتوب والا اشوف جواز اخوي قلت يمكن جايبه بالغلط وادور واحوس والا انصدمت يوم شفت نفسي مسافر وراجع بجواز اخوي خخخخخخ

الله كريم

[BonBons]

نوو كومنت

[باسكن روبنز]

الخطا وارد والموظفين والموظفات مهب ملائكة منزلين مايخطأون ، بجوزات بو سمرة الموظفة تكلمني وبيدها جواز اختي وتكلم اختي وبايدها جوازي وعادي نبهناها وقالت ماشاء الله مافي فرق بينكم :)
وازيدك من الشعر بيت ، يوم طلعت لما فيزا الشينغن انا وبنتي حطوا فيزا بنتي في جوازي وفيزتي في جواز بنتي وعدت عليهم ، ولو ماخفت يسوون لنا سالفة في المطار كان مارجعتها السفارة وبدلتها
اخطاء واردة وتصير واحنا بشر

:thumbup1:

[احمد1]

نفس الشي صار معاي كنا انا وزوجي وابني وبنتي راجعين من تايلاند وكان جوازي مع ولدي وجواز ولدي عندي بدون ماانتبه :looking:والموظف عادي مشانا وكان موظف شاب يعني حتى ما لاحظ الفرق بين الام والولد:stop:

السلام عليكم بصراحه عندي تعليق انه يوم اسافر مع الاهل كلنا نوقف مع بعض واعطي الموظف او الموظفه الجوازات مره وحده واعتقد الي صار معاج ان الموظف الموجود يدري انكم عيله مع بعض عشان جذي مشاكم والله اعلم...