وزارة البيئة

[غلا2022]

اذا حد موظف في البيئة يقولي كم رواتب الجامعيين عندهم وماهي المميزات اللي ياخذونها؟
وجزيتم خيرا

[جهام]

ليش يبون وظايف

[القيادة]

اذا حد موظف في البيئة يقولي كم رواتب الجامعيين عندهم وماهي المميزات اللي ياخذونها؟
وجزيتم خيرا


قبل السؤال عن الراتب أهم شي الواسطة موجودة

[بوعبدالله779]

الرواتب نفس رواتب الدولة ===== 6000 اساسي +1500 بدل تنقل +2500 اجتماعية اعزب +2500 بدل سكن اعزب + 25 % بدل طبيعة عمل

[R 7 A L]

رواتبهم ضعيفة جداً

[غلا2022]

على فكرة مافيه ولا وزارة عندهم شاغر بس اذا جات الواسطة غصب عنهم يكون عندهم شاغر وانا يوم اسأل لاني مقدمة عندهم وطبعا الرد المعتاد مافيه ارقام وظيفية قلت لهم انا بألف لكم رقمomen ولحد الحين وانا انطر وانشاالله من اللي قدمت عليهم يتصلون فيني والله كريم....

[مخطط قطري]

شوف وزاره البيئه في كل دول العالم سواء المتقدم ولا المتخلف هي من اهم الوزرات وفي بعض دول اوربا تكون جهاز منفصل تماما عن الحكومات لكن تعال للوضع عندنا في قطر مجموعه مقيمين(خبراء واستشاريين) من مصر وسوريا والسودان والعراق وغيرها يخططون للاهداف والخطط الاستراتيجيه ووضع الهياكل التنظميه للوزاره والمفارقه العجيبه انه بعض هؤلاء المقيمين الي يسمونهم خبراء في دولهم لاتوجد وزاره بيئه
ولايجيدون استخدام التكنولوجيا الحديثه
لمن انشئت وزاره البيئه في قطر كانت مجلس اعلى للبيئه ومقرهم هو هو برج العديد مجرد تغيرت اللفتات واللوغو والاوراق الرسميه للوزاره مع انه اللوغو القديم كان افضل واحلى وارتب لانه من البيئه القطريه
عكس الحالي التقليدي الي هو شعار الدوله ومكتوب تحت وزاره البيئه على غرار معظم الوزارت في الدوله
يعني خلال سنتين ماذا قدمت لنا الوزاره ؟ وين الاهداف وين رؤيا قطر 2030 الي البيئه من الاساسيات المهمة الاخوه ااصحاب المزارع دايم الشكاوي ومعاملتهم متعطله ماكنا نسمع صوتهم ايام ماكنت الزراعه في البلديه الموظفين متذمرين ماتسكنو لين الحين
اداره الموارد البشريه في سنه ونص تغير المدير 3 مرات وعارف شنو تعني موارد بشريه قلب اي وزاره
واذا القلب 3 مرات جاته جلطه ماتدري ميت ولا حي يعني في خلل حاصل ناهيك عن باقي الادارت الي صار تغير جذري
ولااخفيك سر اذا قلت لك من كم شهر تم اقاله مدير اداره مهمه في القطاع البيئي وبعد شهر من اقالته
تجي اوامر عليا بارجاع نفس الشخص على نفس المكان
فاذا انت عرفت هالوزاره كيف تدار وشقدمت لموظفينها بشكل خاص ولقطر بشكل عام ذيك الساعه قرر تدخل ولالا
وبنسبه للراتب هي اقل راتب في جميع الوزارات لانه عقليت الي يدرون الوزاره هي عقليه اذا وفرنا بيحبونا الي فوق بغض النظر عن المصلحه العامه للشغل وانها محتاجه بعض الميزانيات المحترمه الي تقدر تقوم بها الوزاره والخير وايد ولله الحمد
يعني بدل هاتف جوال وعمل اضافي وبدل استئجار سياره وغيرها من العلاوت مش بوزك ولو انه شغلك يستدعي كل هالامور
الحين انا وضحت لك انت الحين سيد قرارك والرواتب بعد قانون الموارد البشريه كلها وحده
ولكن في بعض المسؤلين وطنين يحبون هل قطر وهل البلاد وقلبهم عليها ومايقصرون في تطوير الموظفين وصقلهم بالخبرات اللازمه وهالتطوير محتاج ماده مب توفير!!!
انا في شغلي الحالي صار موقف مشابهه لااحد الاخطاء الفادحه الي تكرر في وزاره البيئه تعرف شلون تعاملو مع الموقف ارسلو المدير في دوره تدريبيه طويلة وسلمو احد الاشخاص المؤهلين انه يمسك مكانه في فتره غيابه يعني بكل ادب ولطف وتقدير واحترام في تعامل مع العنصر البشري
اسمحلي طولت عليك بس وزاره البيئه محتاجه اعاده تاهيل بالكامل وسلامتكم :)

[غلا2022]

:كل هذي في وزارة البيئة بس تدري يامخطط قطري اني اصدق فيهم اي شي لاني يوم جيت اراجعهم بخصوص الوظيفة لقيت اوراقي ضايعة ولاحد يدري وينها ومستحيل يردون على التليفونات يعني لو بغيت استفسار بسيط:telephone: مش بوزك اتصل على وطني الحبيب صباح الخير اهم اللي بردون واذا سألتهم اراجع عند من قالوا ماندري قاعدين انسوي اعادة هيكلة مادري لمتى بتثبت هالهيكلة لاورواتب ضعيفة؟:thumbdown:

[قناص الخليج]

ابعدوا عن البيئه نصيحه لوجه الله

[غلا2022]

قناص الخليج فيدني باللي عندك تكفى لاتبخل علينا بمعلوماتك وش فيهم بعد؟

[غلا2022]

للررفع
:stop:

[mrs.spoon]

تعبنا الصراحه وحنا ندور ع وظايف، والأجانب في دقيقة يتوظفون!!!!

[لطآم]

ابعدوا عن البيئه نصيحه لوجه الله

ليش شفيها ؟:cry2:

[شموخ-qtr]

ابي اعرف رواتب الثانويه كــم ..؟ :)
نادووني وعقب طقعو لي خخ خخ خخ