$مساعدة بسيطة من الاعضاء الخبرة في هذا المجال $

[ضوى]

من كم يوم قررت اهدي زوجي تلفون ( صار له سنين على اخر تلفون اهديته اياه يمكن 3 او اكثر ) omen ، رحت معاه لوكالة الخليج ( النوكيا ) ، ولدي اخذ له تلفون ينقال له x6 اعتقد جذي والله مدري ، وجينا ندور لزوجي تلفون ماعرفت اختار ولا هو عرف يختار لانه انا وهو مالنا بهالشئ ، وبالاخير طلعنا من غير لا اشتري له التلفون ، هو طالب تلفون يركب على بلوتوث السيارة ويقدر يفتح صفحة البورصة وهو برع البيت :pilot: طبعا انا هذا كله ماعرفه ولا افهم فيه ، قلت له الصراحة انا ماعرف طلبك عدل ، بعدين هو عنده بلوتوث النوكيا بالسيارة ومدري شصار عليه مايشبك مع تلفونه الحالي يطلب رقم ويوم نحطه مايصير اي شئ ولا يشتغل ، الظاهر يبي له اعادة برمجة
المطلوب ابي تلفون ( تعطوني اسمه ومواصفاته بالكامل ) يقدر يفتح من خلاله صفحة البورصة ويتابع التداول وفي نفس الوقت يقدر يشبكه من بلوتوث السيارة باي طريقة كانت ، ممكن احد يقدر يفيدني من اصحاب الخبرة ؟؟

شاكرة لكم مساعدتكم مقدما

[@north_star@]

الصراحه نوكيا n8 حلو وفيه كل شي وطبعا على حسب ميزانيتج
وفي بعد c7 ارخص من n8 ,
والحلو بهالتلفونات شاشتهم كبيرة والمينيو سهل وبالتوفيق ان شاء الله

[cayenne s]

بهالحاله ما لكم الا n 8. نوكيا واكيد بيركب علي البلوتوث ومنه نت

[الأغر]

وعندك مواصفات n8 على هالرابط (http://devjustly.blogspot.com/2010/09/nokia-n8-n8.html) مع الاخوه هو الافضل

[جابر حسين]

السلام عليكم

تيلفون النوكيا n8 هو المناسب بعون الله

وبالتوفيق

احترامي

[حليتان*]

اذا انه يبي تلفون حق النت وهو برع البيت ماله غير الايفون ...بس بخصوص بلوتوثه مادري

لاني ماستخدمته بس يمدحوونه وايد حق النت

[ضوى]

مشكورين والله ماقصرتوا بيض الله ويهكم ، بس التلفون اللي قلتوا عنه اشلون يشبك بالنت ؟؟ يعني بالواير ليس والا الوايفاي ( مدري صح والا غلط ) والا اشون بالضبط ؟

[Index Signal]

مشكورين والله ماقصرتوا بيض الله ويهكم ، بس التلفون اللي قلتوا عنه اشلون يشبك بالنت ؟؟ يعني بالواير ليس والا الوايفاي ( مدري صح والا غلط ) والا اشون بالضبط ؟



الوايرلس هو نفسه الواي فاي :)

عموما ممكن يشبك بالطريقه إللي تبينها سواء بالواي فاي أو ٣جي ..

من ناحيتي ما أنصح بالنوكيا نهائياً لكن في ناس ما تحب التغيير .

[ضوى]

الوايرلس هو نفسه الواي فاي :)

عموما ممكن يشبك بالطريقه إللي تبينها سواء بالواي فاي أو ٣جي ..

من ناحيتي ما أنصح بالنوكيا نهائياً لكن في ناس ما تحب التغيير .


crazycrazycrazy

الجهل مصيبة

ليش ماتنصح بالنوكيا ؟؟؟؟ جربت السوني عادي مب ذاك التغير الكبير او الاختلاف عن النوكيا

[حوت الأسهم]

سامسونج جلاكسي للبورصة ويقدر يسوي طلب بيع وشراء بكل سهولة
والجهاز يدعم اللغة العربية
هذا من رائي
اما الايفون ما يدعم اللغة العربية عند الطلب ازا شراء او البيع بيكون العربي مقطع
بالتوفيق ان شاء الله

[Index Signal]

crazycrazycrazy

الجهل مصيبة

ليش ماتنصح بالنوكيا ؟؟؟؟ جربت السوني عادي مب ذاك التغير الكبير او الاختلاف عن النوكيا




محشومه عن الجهل .. مافي إنسان خبير بكل شي ..

و متأكد إنك خبيره بمجال ثاني أنا أجهله :)

النوكيا حالياً يعتبر جهاز متخلف تكنلوجياً في ظل البدائل المتوفره ..

يعني على أيامه كان Top لكن حالياً ما يسوى ريال ..

أنصحك بالآيفون أو سامسونج جالكسي .

[نفسي عزيزه]

محشومه عن الجهل .. مافي إنسان خبير بكل شي ..

و متأكد إنك خبيره بمجال ثاني أنا أجهله :)

النوكيا حالياً يعتبر جهاز متخلف تكنلوجياً في ظل البدائل المتوفره ..

يعني على أيامه كان top لكن حالياً ما يسوى ريال ..

أنصحك بالآيفون أو سامسونج جالكسي .



صحيح كلامك انا معاك بالي قلته

[ضوى]

يعني الجالكسي احسن من النوكيا ؟؟؟ اشلون صوته ؟؟ واشلون اشغله على بلوتوث السيارة ؟؟ اللي هو اساسا نوكيا ؟؟؟

[Roooo7 Qtr]

يعني الجالكسي احسن من النوكيا ؟؟؟ اشلون صوته ؟؟ واشلون اشغله على بلوتوث السيارة ؟؟ اللي هو اساسا نوكيا ؟؟؟
الجالكسي سامسونج

[Index Signal]

يعني الجالكسي احسن من النوكيا ؟؟؟ اشلون صوته ؟؟ واشلون اشغله على بلوتوث السيارة ؟؟ اللي هو اساسا نوكيا ؟؟؟


من ناحية أحسن مافي مجال للمقارنه ..

بخصوص تشغيله على بلوتوث النوكيا أعتقد يصير لكن مو متأكد ..

إن شاء الله يفيدك حد مجرب .

[ضوى]

ماقصرتوا جزاك الله خير

مترددة بين الجالكسي وبين نوكيا 8

ان شاء الله خلال هاليومين اقرر

تسلمون