حد يعرف ....شي عن ورقة الاقراااااار الضريبي ؟!

[ام ناصر1]

بسم الله الرحمن الرحيم
السلام عليكم
بغيت انقل سجل تجاري لشركه لاسمي
وتأخرت الاجراءات بسبة ورقة الاقرار الضريبي للشركة
فالسؤال
حد يعرف ....ليش الحين فيه ورقة اقرار ضريبي ؟!
وعند من ايسونها ....
وآخر مرة راجعت قالوا الورقة ناقصها توقيع المسؤول العتيق
حد عنده خلفيه عن ورقة الاقرار الضريبي وليش تتأخر

ملييت صار لي شهرين واكثر وانا انطر توقيع المسئول ...والحل

[ماجستك]

ممكن اتوضحين

اقرار ضريبي اعتقد من وزاره الماليه بس (العتيق) نائب مدير الجوازات ؟؟؟؟!؟!؟!؟!!؟

عن اي موضوع بالضبط تتكلمين؟؟

[ام ناصر1]

ممكن اتوضحين

اقرار ضريبي اعتقد من وزاره الماليه بس (العتيق) نائب مدير الجوازات ؟؟؟؟!؟!؟!؟!!؟

عن اي موضوع بالضبط تتكلمين؟؟

شوف اخوي انا اطرش مندوب الشركه ليسأل عن معاملتي اذا خلصت بوزارة المالية
والا ... يقولي باقي توقيع ..فلان ..(عتيق ) اذا ما خانتني الذاكره ...وما التبست علي الاسامي

[كرستال]

وعليكم السلام ورحمة الله


اختي ام ناصر ما فيه مسؤل في الاقتصاد والمالية اسمه (عتيق)

وموضوع الاقرار الضريبي هذا لازم عشان الحقوق المالية للدولة (الضريبة) ان وجدت

ارجو توضيح المطلوب بالضبط هنا في الموضوع

او مراسلتي على الخاص لمساعدتكم في ذلك

[MAZEN37]

روحي مدقق حسابات

[ماجستك]

شوف اخوي انا اطرش مندوب الشركه ليسأل عن معاملتي اذا خلصت بوزارة المالية
والا ... يقولي باقي توقيع ..فلان ..(عتيق ) اذا ما خانتني الذاكره ...وما التبست علي الاسامي

ايش هي المعامله بالضبط

ملاحظه: هناك ضريبه فقط اذا كان معاك شريك اجنبي في السجل

[بنت قطريه]

اختي الاقرار الضريبي .... يصدر من وزارة الاقتصاد والماليه - إدارة الايرادات العامه والضرائب

[مخطط قطري]

اجري لجرايد امسى الاقتصاديه وبتلقين حاجه تتعلق باقرار الضريبي وبعدين اذا راس مالك اكثر من 500000 الف ريال راح تتاخر استخراج الاوراق فتاكدي من معاملاتك في وزارة الماليه بنفسك احسن

[مخطط قطري]

اقري جرايد امس الرايه الاقتصادي, او الشرق الاقتصادي وبعدين اذا كان راس مالك اكثر 500000 الف ريال بيتاخرون عليك فيفضل انك تروحين بنفسك لوزارة الماليه.

[مضارب مستثمر]

اذا كان في الشركه اللي ناويه تنقلينها شريك اجنبي

مطلوب الاقرار منه علشان هو يبري ذمته تجاه ادارة
الضرائب ,,,,لان الغير قطري عليه ضرايب من الشراكه
وبعدين النقل,,,,,,

هذا اللي ممكن يكون الوضع ,,,,,والله اعلم

[ام ناصر1]

وعليكم السلام ورحمة الله


اختي ام ناصر ما فيه مسؤل في الاقتصاد والمالية اسمه (عتيق)

وموضوع الاقرار الضريبي هذا لازم عشان الحقوق المالية للدولة (الضريبة) ان وجدت

ارجو توضيح المطلوب بالضبط هنا في الموضوع

او مراسلتي على الخاص لمساعدتكم في ذلك

هلا أخوي كريستال ...فعلا فيه لبس بالموضوع ...اسم الورقة التي ننتظر توقيع المسئوول
عليها
بطاقة ضريبية


وليست بطاقة اقرار ضريبي جدااااآسفه ..على اللبس الحاصل

واذا كان بامكانك مساعدتي في تخليصها اكون شاكره لك وبامكاني ارسال اسم المسؤول لك

[ام ناصر1]

روحي مدقق حسابات
راحوا الاخوان عند مكتب محاسبة وقاموا معانا بالواجب ..شكرا جزيلا على المرور

[ام ناصر1]

ايش هي المعامله بالضبط

ملاحظه: هناك ضريبه فقط اذا كان معاك شريك اجنبي في السجل

مرحبى بالاخ ماجستك ...المعاملة اسمها بطاقة ضريبية .....:shy:

وفعلا كلامك صحيح الاقرار الضريبي للي لديهم شريك أجنبي

[ام ناصر1]

اختي الاقرار الضريبي .... يصدر من وزارة الاقتصاد والماليه - إدارة الايرادات العامه والضرائب
مشكوره أختي على المعلومه وجزاج الله خير

[ام ناصر1]

اقري جرايد امس الرايه الاقتصادي, او الشرق الاقتصادي وبعدين اذا كان راس مالك اكثر 500000 الف ريال بيتاخرون عليك فيفضل انك تروحين بنفسك لوزارة الماليه.

شكراااا ، مخطط على المرور والتنبيه الكريم ، وجاري قراءة الملحق

[ام ناصر1]

اذا كان في الشركه اللي ناويه تنقلينها شريك اجنبي

مطلوب الاقرار منه علشان هو يبري ذمته تجاه ادارة
الضرائب ,,,,لان الغير قطري عليه ضرايب من الشراكه
وبعدين النقل,,,,,,

هذا اللي ممكن يكون الوضع ,,,,,والله اعلم

مشكوررر مضارب مستثمر ، فعلا الشركة اللي فيها اجنبي يطلب منها فقط ...اقرار ضريبي
الشركة لقطري ..واللي ناقص البطاقة الضريبية ...لأني اذا فتحت سجل ونقلت كفالة
العمال بخسر فوق ال30 ألف ...بس اذا معاملاتهم واوراقهم كامله ..بس بيصير
تغير لاسم صاحب السجل ...وبمبلغ معقول ...

وشكراا جزيلا مرة ثانية لمرور الجميع وتنبيهم لي ، واضافتهم
جزاكم الله كل خير ، وبارك الله فيكم

[بنت قطريه]

البطاقة الضريبيه تصدر من وزارة الاقتصاد والماليه ادارة الايرادات العامه والضرائب - قسم الحصر والربط الضريبي واتمنى اكون افدتج أختي ، لان عندي واحد من الاهل بالوزارة واسمعه يتكلم عن شغلهم