بدانة النساء الخليجيات تفوق رجالهن ووزارات الصحة تتحرك لمنع «الكارثة»

[طارق]

بدانة النساء الخليجيات تفوق رجالهن ووزارات الصحة تتحرك لمنع «الكارثة»


إحصاءات وأرقام عدة قدمتها دراسات مختلفة عن مستويات انتشار البدانة أو السمنة بين سكان منطقة الخليج، قرعت فيها أجراس الإنذار بشأن أخطار تفشيها سواء الصحية والاقتصادية والاجتماعية. ومن لم يقتنع بذلك، فإن جولة سريعة على المراكز التجارية الفخمة ومطاعم الوجبات السريعة، تكفي للتعرف الى حال مخيفة من «النهم» و «الأكل».

تنبغي الإشارة إلى أن الحال ليست خليجية حصراً بسبب الطفرة النفطية، بل مشكلة عالمية، فكثير من المنظمات الحكومية والدولية والبحثية واللاربحية، تصنف السمنة وما يرافقها من أمراض خطيرة على قائمة الأمراض القاتلة الأولى.

في العاصمة القطرية الدوحة أمس (أ ف ب)، جاءت أرقام أكثر دقة عن السمنة في الخليج، في ندوة تحت شعار «معطيات أساسية عن السمنة»، إذ كشف الخبير عصام عبدربه: «أن السمنة في الخليج أكثر انتشاراً بين النساء وتراوح نسبتها بين 50 إلى 70 في المئة و30 إلى 50 في المئة بين الرجال. وحذر عبدربه من أن هذه الظاهرة تشمل خمسة إلى 10 في المئة من الأطفال قبل السن المدرسي، ثم ترتفع تدريجاً لدى أطفال المرحلة الابتداية. أما نسب السمنة بين طلب الثانوية فتتراوح بين 20 و40 في المئة. وبحسب الخبير، فإن الظاهرة في منطقة الخليج تفوق كثيراً مثيلاتها في الدول المتقدمة.

وتبعاً لذلك، تحركت الأجهزة الرسمية في دول الخليج بعد أن دقت أجراس خطر الظاهرة، ففي السعودية التي تعتبر أكبر الدول في عدد السكان، أطلقت وزارة الصحة حملة اختصاصية لـ «البدناء» ووضعت لهم هاتفاً مباشراً لهم يجيب عليه أطباء واستشاريون. وبحسب إحصاءات شبه رسمية، يكلف «البدناء» من السعوديين ميزانية الدولة أكثر من 500 مليون ريال سنوياً بسبب ترددهم على المستشفيات نتيجة إصابتهم بأمراض سببها الرئيس «السمنة».

وقبل أيام من بدء أعمال ندوة الدوحة، كان خبير سعودي هو الدكتور فؤاد نيازي أحد أبرز الاستشاريين في السمنة وتخفيف الوزن، يطلق «صرخة مدوية» كشف فيها: «أن معدلات السمنة في بلاده ارتفعت بنسبة 30 في المئة خلال السنوات العشر الأخيرة».

وقال نيازي في دراسة نشرتها «الحياة»: «إن 29 في المئة من الرجال يعانون من زيادة الوزن فيما 37 في المئة من النساء، في حن أن معدلات السمنة بين النساء وصلت إلى 24 في المئة والرجال 16 في المئة». وأكد أن «هذه النسب من أعلى المعدلات على مستوى العالم لا سيما بين النساء».
http://up4.al-qatarya.org//uploads/images/al-qatarya-b58199ae35.jpg (http://up4.al-qatarya.org//uploads/images/al-qatarya-b58199ae35.jpg)

وفيما تنحصر الجهود الرسمية في «النصح» و «الإرشاد» وتوزيع المنشورات والندوات والدراسات، انعكست الظاهرة إيجاباً لصالح المستثمرين الأذكياء، وتحولت أنظمة الغذاء وبرامج الحمية والأندية الصحية والتخسيس إلى واحدة من أكثر الأعمال التجارية ازدهاراً ونمواً، مع أنها أخيراً تصب في نهج سطره حديث نبوي قبل أكثر من 1426 عاماً وهو «ثلث لطعامك وثلث لشرابك وثلث لنفسك».

ملاحظاتي :
عندما لاتتوفر المنشئات الرياضيه للمرأه والرجل ولا يوجد تثقيف صحي في المدارس او تشجيع للرياضه من المنزل والمحيط عندها تحدث المشاكل


طارق - من خارج الوطن

[الصريحه]

الله يعينا نمتن اسرع بسبه الحمل والرضاعه تفتح الشهيه
علشان كذا لنا الجنه
الله كريم

[فلتة زمانها]

شفيك يا طارق كله شايل عالحريم خف علينا :(



بس صج البنات مصخوها كل وحده صايره درام و24 ساعه تزط
شالفايده الوحده تكشخ بالماركات وتصبغ ويها بالمكياج
واهي منتفخه ترى المتن مرض وسبب العنوسه عند البعض الوحده تهتم
برشاقتها لنفسها ولمظهرها ولصحتها مو عشان حد

[طارق العلي]

بعض الحريم كثيرة اللحم قليلة الفهم

[القيادة]

ولا بعد الحين طايحين في تحزيم المعدة

أتعضوا يالحريم

لاتلومن الرجال لاتزوجوا على حريمهم

[%حورية قطر%]

السمنة مرض العصر

الله يشفي كل مريض بالسمنة ...

شكرا عالموضوع

[طارق العلي]

ولا بعد الحين طايحين في تحزيم المعدة

أتعضوا يالحريم

لاتلومن الرجال لاتزوجوا على حريمهم


لا وبعد هالحريم ماعندهم الا يقعدون يطالعون قنوات الدعايات . . عزيزتي الزوجه هل تودين ان تغرين زوجك وهل تريدين ان نخلصك من الكرشه حتى تتسلقين الاشجار

قاصين عليهم وهالحريم تعالي ادفعي فلوس وخساير . . الله كريم ويثبت عقولهم

[غزلان]

السمنه بلاء ابتلت به بعض النساء لأسباب

الحاله النفسيه عند البعض تسبب شهيه غير طبيعيه للأكل للتعويض عما تعانيه

الحمل والولاده واهمال الجسم بعدها

النظام ونوع الغذاء الحالي المعتمد على الوجبات السريعه..والوجبات الدسمه والبعد عن الوجبات الصحيه والطبيعيه

طبيعة الحياه داخل المنزل قلة الحركه والأعتماد على الخدم في كل صغيره وكبيره..

[غزلان]

بعض الحريم كثيرة اللحم قليلة الفهم


:stop:

[KABOOM]

والله نساء ورجال

والاغلبيه من الاطفال

هذا مرض لازم نتصداء له

الله يسامح ماكدونالدز

[Mshari]

مو بس النساء للاسف حنا كمجتمع خليجي نعاني من السمنه

حتى اكلنا غلط كله دهون

والواحد فينا سواء رجل او امراه

اذا قعد على السفره وقام تحس ان قذيفه طايحه على السفره


على طاري السمنه

http://s.alriyadh.com/2010/11/22/img/328065505206.jpg

[غزلان]

مو بس النساء للاسف حنا كمجتمع خليجي نعاني من السمنه

حتى اكلنا غلط كله دهون

والواحد فينا سواء رجل او امراه

اذا قعد على السفره وقام تحس ان قذيفه طايحه على السفره


على طاري السمنه

http://s.alriyadh.com/2010/11/22/img/328065505206.jpg



ههههههههههه

ضعفت الشغاله وهي على حالها

[القيادة]

لا وبعد هالحريم ماعندهم الا يقعدون يطالعون قنوات الدعايات . . عزيزتي الزوجه هل تودين ان تغرين زوجك وهل تريدين ان نخلصك من الكرشه حتى تتسلقين الاشجار

قاصين عليهم وهالحريم تعالي ادفعي فلوس وخساير . . الله كريم ويثبت عقولهم


صدقت أخوي طارق العلي

حاسب ترى بتزعل العنصر النسائي اهنيه:nice:

[تحداني]

السمنه طرقت أبواب الجميع .. الرجال والنساء والأطفال
يمكن طبيعه الحياه السريعه .. والرفاهيه الزايده
وزياده ثقافتنا في المطاعم العالميه وتواجدها بكثره هي السبب
او يمكن بعد المرأه عن المطبخ


أيا كانت تلك الأسباب اعتبر السمنه مرض .. وابتلاء حقيقي
المرأه ان زاد وزنها فقدت الكثير من جالمها وانوثتها وصحتها
وفي المقابل الرجل يصبح مظهره بشع


والمشكله الكبيره ان اخطاء الابوين في الطعام يتوارثها الأطفال
إنتبهوا لأجسامكم


فكلما احترم الانسان جسده
كلما امده الله بالصحه والعمر المديد



جملكم الله برضى الرحمن

[المغروره]

مشكله البدانه وقله الرياضه والدكاتره شاديين حيلهم احسن شي الرياضه والدايت
تحياتي

[جود 88]

الحين قله قليلة نشوف السمنه وين زمان السمنه خلااااااااااااااااااااااص

الا الاطفال يادافع البلا خاطري اروح ملاهي او مطعم الا واشوف البزران عليهم سمنه مو طبيعية

[jeep-srt8]

لا وبعد هالحريم ماعندهم الا يقعدون يطالعون قنوات الدعايات . . عزيزتي الزوجه هل تودين ان تغرين زوجك وهل تريدين ان نخلصك من الكرشه حتى تتسلقين الاشجار

قاصين عليهم وهالحريم تعالي ادفعي فلوس وخساير . . الله كريم ويثبت عقولهم

هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههههههههههههه هههههههههههههه

اشهد انك زاااحف:p

[بوحارب]

الله يعينهم على المتن :( لازم يشوفون حل لأنفسهم

ترجع بالسلامة اخوي طارق :)

[عقد اللآلي]

الموضوع يتحدث عن السمنه لدى الرجال والنساء في المجتمعات الخليجية وليس لدى النساء فقط . لماذا

الهجوم على النساء ؟! والغريب أن النساء يشاركن في هذا الهجوم!!

واضح أن الغالبية اكنفت بعنوان الموضوع ولم تقرأ التقرير كاملا !!

[Mishari]

لاء ياخي طارق في ظاهره جديده والي هي فلانه تعشت في المطعم الفلاني والخ ....
ويعقدوون يتفاخرون ويفاشرون انهم راحو وتعشو في المطعم الفلاني وبعدين لاحظت شغله صارو يسووقون للمطاعم أكثر من شركات الدعايه والأعلان عن طريق البلاك بيرى من يووصل العشااا ما تشووف الا فلاشاات تصوير في هالصحوون صج لا قاالو الحريم ناقصين عقل ودين.

الله يهديهم أن شاء الله

[بـــــــنت النوخـّــــذه]

وعليه ألي بالصوره :(

على فكره اكثر ناس عندهم ثقه بنفسهم البدينات بقطر تعالو وشوفو لبسهم بالاعراس ساعات استغرب اقول ماشاء الله كل هذي ثقه بالذات معقوله000:eek5:


المهم في الخليج والعالم العربي وحتى الدول الاجنبيه البنيه الجسميه مؤهله للتمدد:looking: ألي راح دول اوروبيه ولا زار امريكا مابيحصل غير شاحنات بشريه بالطريق والسبب (الحاله النفسيه-الاكلات السريعه-الاكلات الدسمه في الخليج-اضطرابات هرمونيه وعدم علاجها منذ الصغر)000

وبالنسبه عندنا بديرتنا يعني اشوف نسبه البدانه كثيره بين الشباب الي بسن -13-26 :p متكتكين يحليلهم ولكن الفئه الاكبر يبدأ الاهتمام بالمظهر خصوصا" بظهور شخصيات في وسائل الاعلام في مجتمعنا لهم قوام متناسق فالكل يبغي يقلد مهب لجل صحته بل من باب تقليد الشخصيه الفلانيه وهذي هي الطامه الكبرى اذا الشخص بيلجئ للياقه البدنيه من باب التقليد وليس من باب المحافظه على الصحه العقليه والجسديه وهذولي الفئه اغلبهم عقليتهم فارغه لان سعيهم للياقه مظهر فقط وليس من باب الصحه العقليه والجسديه<<<فضيحه انتي:p

انزين العنوان يضحك كارثه ويتحركون لعلاجها00الله يهداهم خلو اعظم كارثه الانحراف السلوكي وسمو السمنه كارثه
عموما": الوقايه خير من العلاج 000 هذ الي اقدر اقوله :thumbup1:

[طارق العلي]

صدقت أخوي طارق العلي

حاسب ترى بتزعل العنصر النسائي اهنيه:nice:

اخوي القيادة انا قلت البعض منهم يتسلقون الاشجار . . . يعني مب كلهم عندهم هالهواية او الحاله هذه

وبعدين اللي تشوفها زعلت من كلامي تاكد انها من متسلقين الاشجار والاغصان علشان تضعف

[ام السعف]

اييه اشفينا يعني لو بدينات ؟

المتن عز والضعف فقر ،،

والله لا يفقركم:p

[قناص الخليج]

سمعتوا يابنات تفووووق رجالهن

[باسكن روبنز]

العقـــل السليــم بالجســم السليـــم ،

[طارق العلي]

العقـــل السليــم بالجســم السليـــم ،

البعض منهم عقل سليم بدون جسم سليم . . والبعض الاخر جسم سليم بدون عقل سليم

يالله الواحد شيقول غير انه يصبر ويحتسب الأجر من عند الله

قال الله تعالى:

( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ ) صدق الله العظيم

[نفسي عزيزه]

اكثر الامتان بنات كل اكل وحش :con2:

نبي نعرس ومب لاقين لنا وحده عدله الله يفتحها ونحصل وحده مثلنا :p

هذي نغزه لكم :p

المهم السمنه منتشره بالدول الناميه اكثر ،، والله يشفي الجميع وعليكم بالرياضه فهي مفيده

تحيه

[الصريحه]

البعض منهم عقل سليم بدون جسم سليم . . والبعض الاخر جسم سليم بدون عقل سليم

يالله الواحد شيقول غير انه يصبر ويحتسب الأجر من عند الله

قال الله تعالى:

( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ ) صدق الله العظيم

استغفر الله
عليك تعليقات
ماعليه من عاب ابتلى....................... لاتنسى وتذكر كلامي زين

[طارق العلي]

استغفر الله
عليك تعليقات
ماعليه من عاب ابتلى....................... لاتنسى وتذكر كلامي زين

للأسف هذه هي الحقيقة المرة . . والا ايش اللي يخليكم تقعدون طول السنه وماتخلون شي ماتجربونه على صحتكم من ادوية وحبوب واعشاب وطحالب بحرية

واخرتها اللي تنقط في المستشفى يا مرض كلى او سرطان او مستشفى الامراض العقلية لأنها ماضعفت

لا والادهى من ذالك هذا اللي تحطونه على وجيهكم من مكياج وطحين وحليب وخميرة حق الخبز حشى ماصارت بشره . . هذه مخابز الغرافه

المهم انا ماغلطت عليكم انا قلت البعض واكرر مره ثانية . . والبعض منكم ماشالله مايستعملون هالاشياء الا في المناسبات او شكت ان زوجها بيتزوج عليها

[Doha Sun]

متن عافية ولا متن مرض ..

[PRINCESS]

لا وبعد هالحريم ماعندهم الا يقعدون يطالعون قنوات الدعايات . . عزيزتي الزوجه هل تودين ان تغرين زوجك وهل تريدين ان نخلصك من الكرشه حتى تتسلقين الاشجار

قاصين عليهم وهالحريم تعالي ادفعي فلوس وخساير . . الله كريم ويثبت عقولهم


ههههههه
ضحكني ردك
شنوو قروده؟؟

[G0LD]

الي اشوفه الصراحه الكثير منهن محافظين على الرشاقه والرياضه

لكن حاطين هذه المعلومه قديمه ويتم تجديدها من قبل القراء وهم لايعلمون ماذا يدور

الكثير من الفتيات والحريم الي متزوجات اوقات تشوفهم وهي عندها عيال لكن مايبيين عليها

ولاشك يوجد من هو لايبالي سواء ذكور او اناث وتغزوا عليهم السمنه

والسمنه في كل دول العالم - لكن الدول الخليجيه انا اشوف اقل وارتب ومحافظين

شكرا

[khalid-qtr]

انا اشوف سبب المتن هو قلة الحركة

1- تروح الدوام وتجلس طول الوقت على المكتب ولما ترجع البيت تنام لين المغرب ويمكن اكثر وتقوم تجلس عند التلفزيون وتاكل ما تتحرك كانها حمسة تبيض
2- الي ما تشتغل تحصلها سهر عن لاب توب مطيحة ورقاد لين الظهر ولا رياضة ولا شي
3- اهم سبب الاعتماد على الخادمة بكل شي حتى انة بعضهم تنادي الخدامة تجيب لها ماي
او تلبسها :)
4- تخلي الدريول يوقف بها عند الباب مال المجمع وتعطل السير بسبب انها تتعب لو خلتة يصف مكان صح يعني يركنها بمكان ما يعرقل السير وتنزل هي تمشي وهو يروح يوقف السيارة
5- رم من المطاعم وخاصة الاكلات السريعة

ولا يزعلون مني المتان والله احبهم ;)

[do7awi]

قلة حركة لان عيب يسوون شي غير القعدة في البيت!!

[meme~qatar]

مادري اذا المعلومة صحيحة ولا لا

بس اللي اشوفه ان بعض المتان السبب وراثي في عايلتهم
والبعض الاخر هرمونات
والبعض من كثرة الاكل والكسل
وفي كل الاحوال اعتبره مرض اللهم ابعده عنا

بس ملاحظة ان العالم تطوروا وماعاد في متان مثل قبل وبدوا يهتمون بانفسهم

واللهم لا تبلانا ولا عيالنا ولا سائر المسلمين

[maruuma]

ياعوينها المرة .. حمل وولادة ورضاعة

وماتبونها تمتن .. هذا غير القعدة في البيت حق العيال

وين تقدر تسوي رياضة .. او تطلع من البيت

على الاقل عذرها معاها

لكن وش عذر اغلب الرجال الدببة في المتن اللي هم عليه

مع انه رجال دائما برا البيت .. وفي مجال انه يلعب رياضة

هذا طبعا غير الشخص اللي من يتزوج ينتفخ .. تعتقدون شو السبب؟


ملحوظة في هالزمن : نادر نلقى متان

البنات اغلبهم طول واحد وضعف واحد .. جنهم من قالب واحد



والله المستعان

[MAZEN37]

الله يعينا نمتن اسرع بسبه الحمل والرضاعه تفتح الشهيه
علشان كذا لنا الجنه
الله كريم
الجنه !
كل يغني على ليلاه

[بصمة قطرية]

لا تتحججون بالحمل والولادة والرضاعة ~
الحمد لله جبنا عيال وما زاد الوزن الا شي بسيط ~

ليش..!!
بكل سهولة مارسنا الرياضة على الاقل مشي ~
ابتعدنا عن الأكل الغير صحي ~ الكافي بالذات والغازات ~
ودعنا مطاعم الوجبات السريعة ~ ماكدونالدز وطخته ~
ما ناكل شي دسم بعد الساعة ثمان ~
الاعتماد على السلطات والشوربات ~
والشاي الأخضر وصفة الرشاقة ~

وقبل كل هاي ~
عندنا ارادة ورغبة انه نضعف ~
كل انسان قابل للمتان ~
لازم ما يستسلم ويهد عمره ~

[maruuma]

لا تتحججون بالحمل والولادة والرضاعة ~
الحمد لله جبنا عيال وما زاد الوزن الا شي بسيط ~

ليش..!!
بكل سهولة مارسنا الرياضة على الاقل مشي ~
ابتعدنا عن الأكل الغير صحي ~ الكافي بالذات والغازات ~
ودعنا مطاعم الوجبات السريعة ~ ماكدونالدز وطخته ~
ما ناكل شي دسم بعد الساعة ثمان ~
الاعتماد على السلطات والشوربات ~
والشاي الأخضر وصفة الرشاقة ~

وقبل كل هاي ~
عندنا ارادة ورغبة انه نضعف ~
كل انسان قابل للمتان ~
لازم ما يستسلم ويهد عمره ~


فديتج جيبي 6 عيال ورا بعض

وتعالي قول لي من وين يجي المتن

بنستسلم حق التعب .. والا حق العيال .. والا حق الرجال اللي ما يشجع



والله المستعان

[Realistic]

اصلن حلاتها المرا مربربه ومليانه

المليانات معروف عنهم انهم حنونات :shy:

الله يرزقنا وحده مربربه ومليانه يارب :shy:

[Realistic]

فديتج جيبي 6 عيال ورا بعض

وتعالي قول لي من وين يجي المتن

بنستسلم حق التعب .. والا حق العيال .. والا حق الرجال اللي ما يشجع


والله المستعان


جان تذم في بو عيالها :eek5: :eek5: :eek5: :eek5:

[فلتة زمانها]

اصلن حلاتها المرا مربربه ومليانه

المليانات معروف عنهم انهم حنونات :shy:

الله يرزقنا وحده مربربه ومليانه يارب :shy:

امين ياااارب

http://files.mothhelah.com/img/GHD36362.jpg (http://files.mothhelah.com/)

[جلمود]

امين ياااارب

http://files.mothhelah.com/img/GHD36362.jpg (http://files.mothhelah.com/)

هههههههههههه, بتقطع أنسمه هذي :p

[فلتة زمانها]

هههههههههههه, بتقطع أنسمه هذي :p

بالعكس لايقين على بعض ههههههههههههه

[جلمود]

بالعكس لايقين على بعض ههههههههههههه

ههههههه أتهقين :p

[بصمة قطرية]

فديتج جيبي 6 عيال ورا بعض

وتعالي قول لي من وين يجي المتن

بنستسلم حق التعب .. والا حق العيال .. والا حق الرجال اللي ما يشجع



والله المستعان

اللهم لك الحمد والشكر ~
جبت 6 ورا بعض ~ الله يحفظهم ~

ولا استسلمت لأي شي ~
لأن أرادتي قوية الحمد لله ~

بو عيالي مشجعني على الرياضة والمشي ~
وانا من الأساس ما أحب المتن ~

صدقيني اذا على التعب ما اعتقد حد يتعب كثري ~
أو حد تعب كثري ~
لافي حمل ولا في ولادة ولا في تربية ومسؤولية ~
وقت الحمل آخذ كورتيزون وأزيد بالعشرين كيلو بس بإرادتي انزلهم بعد الولادة ~

مش معناته أهمل عمري ~
لاء ياختي ~
عيب بنات الدوحة من يجيبون واحد ولا اثنين اهملوا عمرهم وتحججوا بالحمل والولادة ~
اشوف اللي حولي والله قلبي يعورني تلقينها جايبة واحد كأنها ام عيال جايبة خمسة وسته
ولا كأنها حملة وحده بس ~
كل ما قالوا لي شنو سر رشاقتج اقول لهم ~ سدوا حلوجكم عن الأكل ~
وتحركوا ~
في الدوام كله على المكتب ~
وفي البيت ما يتحركون ~
شلون راح يضعفون ..!!!

[خليفـة]

امين ياااارب

http://files.mothhelah.com/img/ghd36362.jpg (http://files.mothhelah.com/)

هههههههههههه
لو هو مسلم .. له الجنه ان شاء الله بدون حساب ولا عقاب
هههههههههههه

[بنت النوخذة]

أخواني الشباب جنكم أستلمتونا!
والله أنا من خبرتي مع وحده تعاني من السمنة الله يضعفها وهي بصحة وعافية قولوا أمين فسبب سمنة النساء هو أنتوا الرجال..يعني أتقول أشد حيلي وأضعف وأحط جهدتي وزوجي مايقولي ضعفانة..مايقولي متغيرة..ماينتبه..مايحس ..وعلى هذا الحال إلا أن يأست وقالت طز باكل لين ماشبع!
بصراحة أنا أجوفها غلطانه لأنه حطته الأول في حياتها وكانت تضعف عشانه والمفروض إيكون الهدف أنها تضعف عشانها هي وتحط نفسها قبل كل حد....
أنا من رأيي لو انطبق سنة حبيبي رسول الله صلى الله عليه وسلم في طريقة أكله حيث كان يأكل بثلاث أصابع وكان قليل الأكل وقال : ((ما ملأ آدمي وعاء شرا من بطنه, بحسب ابن آدم لقيمات يقمن صلبه فإن كان لا محالة فثلث لطعامه وثلث لشرابه وثلث لنفسه))
وقال تعالى:{كلوا وشربوا ولاتسرفو}
فمن طبق الكتاب والسنة نجا بإذن الله من السمنة, فمن ذا الذي يواجه نفسه فالنفس دائما تريد المزيد

[meme~qatar]

فديتج جيبي 6 عيال ورا بعض

وتعالي قول لي من وين يجي المتن

بنستسلم حق التعب .. والا حق العيال .. والا حق الرجال اللي ما يشجع



والله المستعان

فديت خشمج انا
انا ولله الحمد جبت 5 الله يحفظهم
والسادس في الطريج .. والله ولا تغير شي
السالفة يبيلها اشوي اهتمام + اشوي ارادة

وبعدين ليش تقولين الزوج مايشجع
يكفي اصلا نظرته اذا شاف شي غلط فيج.. هالشي يخلي الوحدة تنسد نفسها عن الاكل لين تستوي عود<<< موب لهالدرجة عود

وبعدين وعن تجربة الرضاعة الطبيعية تخلي الامور تمام:yes2:

[STAR]

اللهم لك الحمد والشكر ~
جبت 6 ورا بعض ~ الله يحفظهم ~

ولا استسلمت لأي شي ~
لأن أرادتي قوية الحمد لله ~

بو عيالي مشجعني على الرياضة والمشي ~
وانا من الأساس ما أحب المتن ~

صدقيني اذا على التعب ما اعتقد حد يتعب كثري ~
أو حد تعب كثري ~
لافي حمل ولا في ولادة ولا في تربية ومسؤولية ~
وقت الحمل آخذ كورتيزون وأزيد بالعشرين كيلو بس بإرادتي انزلهم بعد الولادة ~

مش معناته أهمل عمري ~
لاء ياختي ~
عيب بنات الدوحة من يجيبون واحد ولا اثنين اهملوا عمرهم وتحججوا بالحمل والولادة ~
اشوف اللي حولي والله قلبي يعورني تلقينها جايبة واحد كأنها ام عيال جايبة خمسة وسته
ولا كأنها حملة وحده بس ~
كل ما قالوا لي شنو سر رشاقتج اقول لهم ~ سدوا حلوجكم عن الأكل ~
وتحركوا ~
في الدوام كله على المكتب ~
وفي البيت ما يتحركون ~
شلون راح يضعفون ..!!!

انزين سؤال..اشلون اجيب اعياااال ورا بعض وما امتن؟!‏

مايمديني اسوي رياضة الا وانا حامل بالثاني اشلون اضعف؟!!‏

[طارق العلي]

انزين سؤال..اشلون اجيب اعياااال ورا بعض وما امتن؟!‏

مايمديني اسوي رياضة الا وانا حامل بالثاني اشلون اضعف؟!!‏


قامو يطلعون صواريخ بعض ههههه الله يسامحك يااخوي خليفه وتقول ان الشباب حاطين على البنات

[ZURICH]

قامو يطلعون صواريخ بعض ههههه الله يسامحك يااخوي خليفه وتقول ان الشباب حاطين على البنات



:app2::app2::app2:

[STAR]

‏^‏‏^‏‏^‏‏^ هاه‏!‏‏! أنا اطلع صواريخ‏!‏‏!‏

[meme~qatar]

الغالية ستار
ماحب التفلسف بس بقول اللي عندي
حبيبتي ليش حاطة في بالج ان الحمل يمتن والولادة تمتن

الحمل لا يساوي الاكل الكثير

يعني اهم شي نوع الاكل مش كميته

والحمل لايعني متمغطة على طول ومرتاحة على طول

والولادة تقدرين تتخلصين من الوزن خلال الاربعين او شهرين لان الوزن بيزيد جم كيلو مب وايد
اهم شي ترضعين وما تكثرين من اللي يطرشونه لج العيايز ترى يمتن

وشكرا اخ طارق العلي على التعليق والاتهام
على الاقل كسبنا حسنات جزاك الله خير

[فلتة زمانها]

يالحلوات ماله داعي تناقشون مواضيع الحمل وسوالف الحريم
في منتدى عام مو شي الصراحه

[STAR]

‏^‏‏^‏‏^‏‏^بس انا عمري ماسمعت عن وحده ربت ومامتنت..‏!!‏
وعلى قولتج خلال شهرين او ثلاث اقدر ارجع لوزني شالفايدة اذا
انا راح اكون حامل بعد هالثلاث شهور..‏!!‏
اقصد اذا جبت ورا بعض...

[STAR]

يالحلوات ماله داعي تناقشون مواضيع الحمل وسوالف الحريم
في منتدى عام مو شي الصراحه

اوكي انا معاج..بس انا قصدي شريف صدقيني ههههه

اللي اقصده اغلب الحريم سبب متنهم هو الحمل...

[meme~qatar]

يالحلوات ماله داعي تناقشون مواضيع الحمل وسوالف الحريم
في منتدى عام مو شي الصراحه

شكرا
بس مادخلنا في المحظور

[meme~qatar]

‏^‏‏^‏‏^‏‏^بس انا عمري ماسمعت عن وحده ربت ومامتنت..‏!!‏
وعلى قولتج خلال شهرين او ثلاث اقدر ارجع لوزني شالفايدة اذا
انا راح اكون حامل بعد هالثلاث شهور..‏!!‏
اقصد اذا جبت ورا بعض...

عاد ثلاث شهور حرام عليج
خليها سنة

والله يكون في عون الجميع

[طارق العلي]

‏^‏‏^‏‏^‏‏^بس انا عمري ماسمعت عن وحده ربت ومامتنت..‏!!‏
وعلى قولتج خلال شهرين او ثلاث اقدر ارجع لوزني شالفايدة اذاانا راح اكون حامل بعد هالثلاث شهور..‏!!‏اقصد اذا جبت ورا بعض...

السنة فيها 12 شهر يعني كل ثلاث شهور ولد يعني في السنة 4 عيال مشروع جيد عندي احساس انك ولد روحو الله يوفقكم ههههههههه

[R 7 A L]

دام في البيت شغالة
اكيد راح يصيرون متينات

[نورالهدى]

الله المعين

[STAR]

السنة فيها 12 شهر يعني كل ثلاث شهور ولد يعني في السنة 4 عيال مشروع جيد عندي احساس انك ولد روحو الله يوفقكم ههههههههه

ههههههه,,,شاقول ‏...‏ اظاهر حدك امفهي...:yawn:

مولازم تفهم الحسبة..اهم شي البنات فاهميني ‏‏(‏‏=‏

[بصمة قطرية]

انزين سؤال..اشلون اجيب اعياااال ورا بعض وما امتن؟!‏

مايمديني اسوي رياضة الا وانا حامل بالثاني اشلون اضعف؟!!‏

ورا بعض يعني على الاقل سنه بين كل طفل والثاني ~
وهالفترة كافية انج تنزلين اللي زدتيه ~
وشغله مهمة اللي تحمل على متن بصعوبة تضعف ~

وبعدين الطفل من حقه فترة سنتين ~ رضاعة طبيعية ~
يعني بتظلمين نفسج والطفل اذا كانت الفترة شهور بسيطة ..!!

يفضل صحياً الحمل بعد فترة لا تقل عن ال6 شهور بعد الولادة ~

[بو خليفه 123]

ورا بعض يعني على الاقل سنه بين كل طفل والثاني ~
وهالفترة كافية انج تنزلين اللي زدتيه ~
وشغله مهمة اللي تحمل على متن بصعوبة تضعف ~

وبعدين الطفل من حقه فترة سنتين ~ رضاعة طبيعية ~
يعني بتظلمين نفسج والطفل اذا كانت الفترة شهور بسيطة ..!!

يفضل صحياً الحمل بعد فترة لا تقل عن ال6 شهور بعد الولادة ~

كلام عين العقل حبيت اشكرك عليه
و ايضاً من جوانب التربيه
والجانب النفسي للزوجه والمادي للزوج

حتى الأب والأم يعطون كل طفل حقه

[maruuma]

عاد ثلاث شهور حرام عليج
خليها سنة

والله يكون في عون الجميع

ليش على كيفها الحرمة

الود ودنا الحمل يكون في شنطة مب في بطونا علشان نعجب الرجال على طول

مشكلة المثالية الزايدة


والله المستعان

[بـــــــنت النوخـّــــذه]

ههههههه,,,شاقول ‏...‏ اظاهر حدك امفهي...:yawn:

مولازم تفهم الحسبة..اهم شي البنات فاهميني ‏‏(‏‏=‏

اهههههه:p عجيبه ردودج

[طارق العلي]

ليش على كيفها الحرمة

الود ودنا الحمل يكون في شنطة مب في بطونا علشان نعجب الرجال على طول

مشكلة المثالية الزايدة


والله المستعان


http://image.shutterstock.com/display_pic_with_logo/239089/239089,1258909284,1/stock-photo-baby-girl-in-the-blue-suitcase-on-white-background-ready-to-travel-41409979.jpg



استغفر الله العضيم وصلت فيكم المواصيل انكم تحملون داخل الاشناط لو داخل علبة المكياج كان قلنا معليه

على الاقل الجنين يتسلى في الوان الطبيعة قبل مايطلع

[لاجل QT]

في حريم سمنتها مهب بيدها من الله سمينة لاحول ولاقوة..
وفي حريم سمنتهم من صنع افواههم كلة بلع

لاحد يقط اللوم على الحمل والرضاعة في حريم عندهم 8 اعيال واللى يشوفها كانها ماجبت عيال ...مع انهم من النوع اللى يمتن بس محافظين على شان صحتهم وجمالهم ومظهرهم مهب على شان الريل سمعتو مهب على شان الريل:p

بس بعد في ازواج خليجيين تعجبة المراءة السمينة جدا جدا من 100كيلو وطالع...كيف يعجبهم مدري :looking:
فعلا الناس اذواق:p

[بنت ابوها 19]

اللهم لك الحمد والشكر على نعمة الضعف

[بصمة قطرية]

عمومــاً السمنه نوعين ~
نوع مرضي ونوع وراثي ~

وهالنوعين مش بإيد الشخص ~
اللي ورثوا المتن ~ الله يعينهم ~ لأن بنية الجسم خلاص هاذي هي ~
وبصعوبة تتغير ~
هذا اللي خلا كثيرين أًحاب السمنة الوراثية يلجؤون للعمليات منها :
تحوير وحزم وربط وشفط ووووو إلخ ~

وإصحاب السمنة المرضية ~
الله يشفيهم ~
متنهم بسبب أدوية يتناولونها أو بسبب مرض يعانون منه ~
هالأنــواع المـفروض ما نلوهما على المتن ~
بس لازم في نفس الوقت انهم يحاسبون يتجنبون الإكلات اللي تمتن ~
يعني ما يجيني واحد كل يوم ياكل في هالدهون والوجبات السريعــة ويقــول سمنتي وراثية ..!!!
لازم الواحــد يحاســب ويلاحظ عمره ايش الأشياء اللي تمتنه ~

والمــرأة بصفــة عامــة بعد الولادة تتغير الهرمونات وتصير عندها قابلية أكثر للسمنة وإكتســاب الدهون وتخزينها في الجسم فلازم تحاسب ~
ما تاكل نفس ما كانت تاكل وهي بنت وتقــول طول عمري آكل هالأكل وما أمتن ~
لاء لازم تغير نظامها الغذائي وتشوف الشغــلات اللي تمتنها وتبتعد عنها ~

نصيحـــة لكم يا بنــات كثروا من شرب المـاء بالذات قبل الأكل لأنه يملي المعــدة ويخليج تشعرين بالشبع بسرعه ~
وكثروا من السلطات لأنها تشبـــع ~
ولا تنســون الشــاي الأخضـــر مافي أفضــل منه ~
والمشـي ~ في الحركة بركة ~
أتمنى لكم رشاقة دائمة *_^

[STAR]

اهههههه:p عجيبه ردودج

انتي اللي عجيبة ,,,شفتي طلعوني ولدcrazy

...بنت النوخذة..هاي خروج عن النص..‏ انا بديت اتخربط
بين نكج ونك وحده ثانية..حطي صورة البطولة في توقيعج
او في الصورة الرمزية واااايد احسن..نيشان عشان اعرفج ‏:p

[الشقيان]

بعض الحريم كثيرة اللحم قليلة الفهم

تعجبني والله :yes2:

خاصه هالايااام :thumbup1:

[بصمة قطرية]

تعجبني والله :yes2:

خاصه هالايااام :thumbup1:

هذا خــروج عن الموضوع الأساسي ~:thumbdown:

لازم تحتجون على كل شي ..!!:p

طـــااااارق ~
بنطالب بمحاكمتك ~:p
لا تخرج عن الموضوع الأساسي ~crazycrazy

[STAR]

تعجبني والله :yes2:

خاصه هالايااام :thumbup1:

وفي بعض الريايييل كثيرين الكرشة:no2:

قليلين الرياضة...:strong2:


الله يخلي لهم المطاعم السريعة والكوفي شوبات والذباااايح...

والرياضة الله بالخير...‏ حتى الدكان يروح بالسيارة عيزان يمشي..‏!!!‏:thumbdown:

[بصمة قطرية]

وفي بعض الريايييل كثيرين الكرشة

قليلين الرياضة...


الله يخلي لهم المطاعم السريعة والكوفي شوبات والذباااايح...

والرياضة الله بالخير...‏ حتى الدكان يروح بالسيارة عيزان يمشي..‏!!!‏

:thumbup1::thumbup1::thumbup1::thumbup1:

[طارق]

وفي بعض الريايييل كثيرين الكرشة:no2:

قليلين الرياضة...:strong2:


الله يخلي لهم المطاعم السريعة والكوفي شوبات والذباااايح...

والرياضة الله بالخير...‏ حتى الدكان يروح بالسيارة عيزان يمشي..‏!!!‏:thumbdown:


الله وأكبر
الحين صارت روحه الدكان قمه الرياضه عشان كثيرون الكرشه
انتو تعجزون اتشيلون اعيالكم - حتى شنطه الجامعه الخدامه اتشيلها

هل في العالم معصقلات من دون لياقه - فقط في قطر
هل في العالم مكرشات ولابسين ستريتش ومخصر - فقط في قطر
في قطيع مكرشات يحوم في المطاعم والأعراس بشراهه وتوجد منهم شليليات وشبكه معلومات كرشيه من جميع الاعمار والطبقات الاجتماعيه ويعتبرون ابل بيز وفرايديز قمه الأكل الراقي -----------
في الخليج كامل وليس فقط في قطر

[&بوشهد&]

المسألة بسيطة جدا
مشي ساعة فاليوم
وعدم الاكل بين الوجبات

[STAR]

الله وأكبر
الحين صارت روحه الدكان قمه الرياضه عشان كثيرون الكرشه
انتو تعجزون اتشيلون اعيالكم - حتى شنطه الجامعه الخدامه اتشيلها

هل في العالم معصقلات من دون لياقه - فقط في قطر
هل في العالم مكرشات ولابسين ستريتش ومخصر - فقط في قطر
في قطيع مكرشات يحوم في المطاعم والأعراس بشراهه وتوجد منهم شليليات وشبكه معلومات كرشيه من جميع الاعمار والطبقات الاجتماعيه ويعتبرون ابل بيز وفرايديز قمه الأكل الراقي -----------
في الخليج كامل وليس فقط في قطر

وليش زعلان ع سالفة تكرش الرياييييل؟
والا سالفة بس عالحريم يعني؟!!!!‏



اظاااااهر انت من النوع اللي مكرش هههههه,,,ليش زعلان..عادي خذها بروح رياضية..

ع العموم لن استهزا ابدا بالبدينات..فهن بشر ولديهن احساس..
عيب عليك تقول عنهم قطيع ومادري شنو...ياليت ‏
نرتقي ‏
فالاسلوب

انتهى ‏...

[لاجل QT]

الله وأكبر
الحين صارت روحه الدكان قمه الرياضه عشان كثيرون الكرشه
انتو تعجزون اتشيلون اعيالكم - حتى شنطه الجامعه الخدامه اتشيلها

هل في العالم معصقلات من دون لياقه - فقط في قطر
هل في العالم مكرشات ولابسين ستريتش ومخصر - فقط في قطر
في قطيع مكرشات يحوم في المطاعم والأعراس بشراهه وتوجد منهم شليليات وشبكه معلومات كرشيه من جميع الاعمار والطبقات الاجتماعيه ويعتبرون ابل بيز وفرايديز قمه الأكل الراقي -----------
في الخليج كامل وليس فقط في قطر


حتى لو بنتغشمر في موضوع ارجو الابتعاد عن التجريح والاساءة في الكلام .. كلمة القطيع ماتطلق ابدا على البشر هداك الله اخى الكريم

[طارق]

وليش زعلان ع سالفة تكرش الرياييييل؟
والا سالفة بس عالحريم يعني؟!!!!‏



اظاااااهر انت من النوع اللي مكرش هههههه,,,ليش زعلان..عادي خذها بروح رياضية..

ع العموم لن استهزا ابدا بالبدينات..فهن بشر ولديهن احساس..
عيب عليك تقول عنهم قطيع ومادري شنو...ياليت ‏
نرتقي ‏
فالاسلوب

انتهى ‏...


يالله الحين البدينين ماعندهم مشاعر
طايحين فيهم في كم موضوع


العدل حلو يا بنات
:p:p:p:p:p

[شيط ويط]

الله يعين كل من يعاني من هذه العله