من جرب برودباند فودافون ؟

[محمد]

السلام عليكم ..

حبيت اسال الشباب عن الي استخدموا برودباند فودافون .. اشرايكم فيه ؟
صراحة ابي اخذلي برودباند حق النت خاصه لو رحت برا الدوحة .. المناطق الشمالية و غيرها ... وحتى داخل الدوحة .. اشلون التغطية فيه و السرعة ؟ هل تنصحوني فيه ؟

صراحة برودباند كيوتل جيد لكن غالي .. و فيرجن موبايل نفس الشي و له ايام ولازم اتجدد اما فودافون سعرهم ممتاز صراحة .. 100 ريال لـ 2 جيجا .. طبعا هذا للفريدم يعني لو خلصت الـ 2 جيجا يسحبون 100 ريال من الفيزا و يعطونك 2 جيجا جديدة ..


في انتظار اراءكم ..

[La Bella]

جربته بمصر
يلووع الجبد الصراحة

[محمد]

يعطيج العافيه اختي .. وفي مصر كل شي يلوع الجبد اذا تبين الصج هههه ..

انا قصدي عن فودافون اهني ربعنا ..
واستخدامه فقطر بس

[airbus]

ترا ٢ قيقا بتخلص باقل من ساعتين !!! وخصوصه لما تتصفح المنتدى او اليوتيوب !!

[محمد]

يالغالي .. البرودباند للاستخدام الضروري مب 24 ساعه وانا ابيه حق الطلعات ولا في البيت عندي برق 4 ميجا مب محتاج البرودباند

بس ابي اعرف من استخدمه و اشرايه في التغطية و السرعة

[airbus]

يالغالي .. البرودباند للاستخدام الضروري مب 24 ساعه وانا ابيه حق الطلعات ولا في البيت عندي برق 4 ميجا مب محتاج البرودباند

بس ابي اعرف من استخدمه و اشرايه في التغطية و السرعة

ايه ادري حق طلعات وانا قتلك اقل من ساعتين بطير الميه !

المهم شوف اي شركه تعطي لمت مفتوح

وربي يوفقك

[محمد]

مشكور على ردك يالغالي لكن بالنسبة لي هالسعة تناسبني ..
وننتظر ردود الاخوان الي جربوها

[airbus]

مشكور على ردك يالغالي لكن بالنسبة لي هالسعة تناسبني ..
وننتظر ردود الاخوان الي جربوها

ترا ال٢ قيقا مب لداون لود بس هدا للاتنين لداون لود والتصفح يعني حتى لو تتصفح بياخون منك من ٢ جيجا


والسموحه على الازعاج

[محمد]

فاهمك اخوي .. و عارف هالنقطة ..

مثل ما قلت انا عارف استخدامي تصفح بسيط لبعض المنتديات ومب بشكل يومي بالتالي 2 جيجا بتكفيني .. بس ابي اعرف تجارب الشباب مع فودافون بهالخصوص ..

ايضا فيه نقطة جيده وهي ان الرصيد المتبقي من الشهر ينضاف للشهر الي بعده يعني لو كان باقي 500 ميجا هالشهر مااستخدمتها و نزلت لي 2 جيجا الشهر الي بعده بيصير الرصيد 2.5 جيجا ..

عموما ننتظر تجارب الشباب مع برودباند فودافون ..

تحياتي

[qatari1]

في رأيي أن الخدمة ليست جيدة بحكم ضعف شبكات فودافون.

جربت البرودباند من كيوتل، وكانت تجربة غير موفقة، وخاصةً في المناطق الشمالية. هذا مع العلم أن شبكات الاتصال الخاصة بكيوتل أقوى بكثير من نظيرتها فودافون.

[do7awi]

والله ما ادري عن فودافون .. كنت افكر اخذ بس خفت تطلع تغطيتهم في الدولة ضعيفه.

خذت لي من فيرجن موبايل .. الصراحه السرعه و التغطية ما عليهم كلام. بس السعر لك عليه .. 200 ريال في الاسبوع او 400 في الشهر .. بس بدون limit على التصفح و الداون لود. ممتاز اذا تبي اكثر من كبيوتر يتشاركون فيه.

[محمد]

تم الاشتراك مع فودافون ..
حاليا في الدوحة جربته التغطية جيدة و السرعة ايضا جيدة ..
وحتى مع نزول الارسال الى برجين في بعض الاماكن المغلقة داخل البيت (حتى كيوتل في هالمكان يكون ارسالها برجين) كانت السرعه في التصفح ممتازة حتى والارسال نازل ..

باقي التجربة خارج الدوحة وعسى يكون اوكي :)

[م. عبدالعزيز]

بالتوفيق الشيخ ، انا لو قريت الموضوع قبل كنت بقترح عليك التالي :
تشتري كرت فودافون وتخليه مسبق الدفع، وتدفع 100 يعطونك 500 ميجا أو تشترك في 50 ريال مقابل 75 ميجا ،، وتروح بنفسك وتجرب وتشوف .... اذا عجبك ممكن تحول على باقة 2 جيجا،، واذا ماعجبك تقدر بكل بساطه ترجع لكيوتل طالما انك مب خسران شي ،، لانه بالمناطق المفتوحه صعبه تحدد مستوى خدمه وهالشي يعتمد على المكان اللي انت فيه ، اذا البرج قريب عليك او اذا البرج يدعم ارسال ثري جي ،، او اذا البرج عليه زحمه ولا لا...

عموما انا عندي برودباند كيوتل والارسال ممتاز كل مكان والثري جي متوفر ،، جربت بالخور والغاريه ودخان وسيلين وبحر الوكره ... وطبعا بالدوحه

وبالتوفيق

[فيصل الشمري]

انحشششششش
البرج كان عندنا بنفس الحاره,, يعني بعده يمكن 75 متر
ومع ذلك احياناً تروح الأبراج ويفصل الخط
والأتصال في الأغلب بطيييييييييييئ
أحياناً تزيد السرعه شوي لاكنه يرفع الضغط

حط رجلك

[ناعس الاهداب]

انا استخدمه وماعليه كلام والله جربته في الدوحه بس برى لا

اير باس لا والله انا شهر كامل ماخلص 2 قيقا

[ممنوع اللمس]

اخوي انا اجربه فالدوام اوكي سريع وفالبيت سريع بس احيانا ها يبدا يلعب بذيله شوي

بس انا من شهرين ونص للحين على 100 ريال اللي اهي اول مره والامور طيبه والحمد لله استغربت والله
يعني رخيص رخيص رخيص رخيص رخيص
بس شويات يعلق

[bo-ibrahem]

ترا ٢ قيقا بتخلص باقل من ساعتين !!! وخصوصه لما تتصفح المنتدى او اليوتيوب !!

شددددددددخل

انت تعرف شنو يعني 2 جيجا ؟

المنتدى بالكثير لو قعدت فيه ساعه بتاخذ 1 ميجا بايت

لان الصورة الي تفتحها اول مره خلاص ماتحسب عليك عند فتحها مره ثانيه


المهم يالغالي ياراعي الموضوع ..

اذا تبي نصيحتي خذ لك من كيوتل

فودافون في قطر تخرع .. اما برع قطر بقول لك خذ فودافون وانت مغمض

[محمد]

مشكورين على ردودكم اخواني ..
اخوي و زميلي المهني المهندس عبدالعزيز :p ..

انا فكرت في فودافون لسبب بسيط .. اني استخدم من عندهم من حول 4 شهور خدمة انترنت الجوال واستخدمه في التصفح من خلال سامسونج جالكسي اس الرائع .. و التصفح ممتاز و سرعة التحميل خرافية .. لذلك ومن باب خبرتي المتواضعة بهالامور قلت اكيد البرودباند بيستخدم نفس شبكة الثري جي .. وفعلا هذا الي قاله له موظف الخدمة هناك قالي اذا انترنت الجوال كان عندك ممتاز فـ البرودباند بيكون ممتاز ,, لهالسبب انا معتبر فترة تجربتي لانترنت الجوال فترة تجريبية وقلت نتوكل على الله واشترك في باقة الـ 2 جيجا

عموما مابي استعجل والحين ويكند واذا الظروف و الوقت اسعفتني بجربه برا الدوحة ان شاءالله ..

بالنسبة للنقاش حول الـ 2 جيجا .. فهي كمية كافية جدا ..
في انترنت الجوال كانوا يعطوني 300 ميجا مقابل 50 ريال وكنت احكه حك تصفح ويوتيوب وداون لود برامج من ماركت الاندرويد ولا عمري صرفت اكثر من 200 ميجا بالشهر !! ..
مع اني مخلي التصفح على الكوالتي العالي للصور..

لذلك 2 جيجا كافية جدا بما ان استخدام البرودباند للضرورة فقط وليس بشكل دائم ..

اسف على الاطالة
تحياتي

[محمد]

اخوي انا اجربه فالدوام اوكي سريع وفالبيت سريع بس احيانا ها يبدا يلعب بذيله شوي

بس انا من شهرين ونص للحين على 100 ريال اللي اهي اول مره والامور طيبه والحمد لله استغربت والله
يعني رخيص رخيص رخيص رخيص رخيص
بس شويات يعلق

حبيت اسالك اخوي ..
هل استخدمته في الشحانية ؟ بما ان مكان الاقامة مكتوب الشحانية :)

لان هذا بيكون اكبر اختبار له برا الدوحة هههههه

[مريش]

اخوي هل عطوك الجهاز تبع الواي فاي ولا غيره !!

عالعموم ممكن معلومات عن سعر البرودباند
واللمت والسرعه

وشاكر لك

وانتظر تجربتك برع الدوحه وياحبذا
لوحطيت لنا رايك بعد التجربه
لانك بتفيدني كثير

[محمد]

هلا الشيخ

بالنسبة للواي فاي ما احتاجه انا لان بستخدمه بجهازي فقط .. فـ اخذت المودم العادي (الفلاش) و سعره 300 + الكرت مع رصيد 2 جيجا 100 ريال .. يعني 400 ريال كـ اول مرة .. وبعدها كل شهر يسحبون 100 ريال من الفيزا و ينزلون لك 2 جيجا ..

الجهاز الي تقصده سعره 600 ريال اظن و موجود عندهم ضيف عليها 100 ريال حق الرصيد و الكرت اول مرة ..


بالنسبة للسرعة الجهاز يشتغل على الثري جي و الجي بي ار اس .. طبعا الثري جي لو الارسال ممتاز الداون لود ممكن يعدي 300 كيلوبايت بالثانية .. اما الجي بي ار اس في الاماكن الي مافيها تغطية ثري جي و سرعته ضعيفه ما اتوقع الداون لود يعدي الـ 20 كيلوبايت بالثانية بس يمشي الحال حق التصفح ..

ان شاءالله اليوم بحاول احط برنت سكرين حق احد مواقع قياس سرعة الاتصال عشان يكون كلامي دقيق اكثر بخصوص السرعة ..

تحياتي

[ممنوع اللمس]

فالشحانيه لو استخدمته فالطابق الثاني طياره
اما فالطابق اللي تحت مافي امل وبرود باند كيوتل نفس الشي
والسبب يرجع لبناية البيت

[محمد]

http://www.alraheeb.org/files/813wv74vp0ofn0d26enb.jpg


هذا تست سويته قبل شوي ..
الاشارة كانت ثلاث ابراج مب فل
السرعة : 2 ميجا بت بالثانية (مثل سرعة البرق بو 200 ريال)
معدل سرعة الداون لود : 275 كيلو بايت بالثانية
معدل سرعة الاب لود : 138 كيلو بايت بالثانية << اعلى من كيوتل حتى في البرق

طبعا هذا و الارسال ثلاث حبات اتوقع لو فل راح يكون افضل والله اعلم ..

[مريش]

هلا اخوي محمد

بس التست من اي منطقه بالضبط
ولا في بر والبرج بعيد عنك عشان نعرف قوه الارسال

ووو الابلود يهمني اكثر من الداون لود لكن ماظن اكثر من كيوتل
لان عندي سرعه 2 ميجا والابلود 238 كيلو بايت تقريبا

ممكن تجرب قياس السرعه على موقع
http://www.speedtest.net/

3 ابراج هل يفصل كثير ولا ثابت مايفصل وسرعته ثابته

ومشكور واسمحلي على الاساله والازعاج

[محمد]

مرحبا اخوي ..
والله حاليا انا في البيت لكن الارسال بشكل عام في البيت طايح لان ماشاءالله العوازل على كيفك حتى الوايرلس بين الغرف ما يضبط الا لين ركبوا اخواني بغرفهم وصلة الفا لتقوية الارسال ..

بالنسبة للاتصال قطع مرة وحده ومن بعدها تم ثابت على 3 حبات و السرعه نفسها في التصفح و الداون لود من اكثر من موقع

والموقع هذا اعطاني نفس نتايج الموقع الي حاط صورته لانه طلع لي اول موقع في جوجل بس قلت اجرب اكثر من موقع لو تبي برنت سكرين بشبك مرة ثانية من الوصلة وبسويلك بس لاني الحين شابك من الراوتر العادي :)

[محمد]

بالنسبة للابلود استغربت من ملاحظتك ولهالسبب سويت تست من راوتر كيوتل ..
السرعة في الابلد لفودافون اكثر و الدليل هالصورة

http://www.alraheeb.org/files/39piytv5kpl9uindx1yp.jpg

مع العلم ان اشتراك كيوتل عندي 4 ميجا و الابلود مثل ماتشوف بالصورة !

[غلا الريان]

اخوي عن تجربه
انا خذت usb كيوتل QTEL E1820 HSPA+ USB Slider
اظن سعرها ١٥٠ + كرت هلا مسبق الدفع
١٠ ايام بــ ٢٥٠
٣ ايام بـ ٩٠ ريال

استخدمه في المزرعه في منطقه شماليه والصراحه السرعه فوق الممتازة ،، ماتوقعتها بهذي السرعه
كاني استخدم البرق في البيت .. بدون مبالغه

[م. عبدالعزيز]

مشكورين على ردودكم اخواني ..
اخوي و زميلي المهني المهندس عبدالعزيز :p ..

انا فكرت في فودافون لسبب بسيط .. اني استخدم من عندهم من حول 4 شهور خدمة انترنت الجوال واستخدمه في التصفح من خلال سامسونج جالكسي اس الرائع .. و التصفح ممتاز و سرعة التحميل خرافية .. لذلك ومن باب خبرتي المتواضعة بهالامور قلت اكيد البرودباند بيستخدم نفس شبكة الثري جي .. وفعلا هذا الي قاله له موظف الخدمة هناك قالي اذا انترنت الجوال كان عندك ممتاز فـ البرودباند بيكون ممتاز ,, لهالسبب انا معتبر فترة تجربتي لانترنت الجوال فترة تجريبية وقلت نتوكل على الله واشترك في باقة الـ 2 جيجا

عموما مابي استعجل والحين ويكند واذا الظروف و الوقت اسعفتني بجربه برا الدوحة ان شاءالله ..

بالنسبة للنقاش حول الـ 2 جيجا .. فهي كمية كافية جدا ..
في انترنت الجوال كانوا يعطوني 300 ميجا مقابل 50 ريال وكنت احكه حك تصفح ويوتيوب وداون لود برامج من ماركت الاندرويد ولا عمري صرفت اكثر من 200 ميجا بالشهر !! ..
مع اني مخلي التصفح على الكوالتي العالي للصور..

لذلك 2 جيجا كافية جدا بما ان استخدام البرودباند للضرورة فقط وليس بشكل دائم ..

اسف على الاطالة
تحياتي


ياهلا باشمهندس يعطيك العافيه ومنكم نستفيد ،، شوف جرب الفودافون وعطنا رايك برع الدوحه ... فيه ياطويل العمر بالنسبه لسرعه برودباند كيوتل انا لاحظتها صارت افضل من اسبوعين تقريبا ،، وصلت 4 ميجابت/ثانيه في حديقه اسباير زون.... فودافون زمان جربتها واذكر كان الابلود يوصل 1 ميجابت/ ثانيه وهو ممتاز نسبيا مقارنه مع كيوتل اللي مايتعدى ثلث ميجابت/ثانيه...

وبالتوفيق،، واهم شي تستفيد من الانترنت ونشارك تجاربنا هني

مع التحيه ....

[مريش]

مرحبا اخوي ..
والله حاليا انا في البيت لكن الارسال بشكل عام في البيت طايح لان ماشاءالله العوازل على كيفك حتى الوايرلس بين الغرف ما يضبط الا لين ركبوا اخواني بغرفهم وصلة الفا لتقوية الارسال ..

بالنسبة للاتصال قطع مرة وحده ومن بعدها تم ثابت على 3 حبات و السرعه نفسها في التصفح و الداون لود من اكثر من موقع

والموقع هذا اعطاني نفس نتايج الموقع الي حاط صورته لانه طلع لي اول موقع في جوجل بس قلت اجرب اكثر من موقع لو تبي برنت سكرين بشبك مرة ثانية من الوصلة وبسويلك بس لاني الحين شابك من الراوتر العادي :)

والله كلامك يحمس للاقتناء لكن تبقى مشكله الفيزا crazy

والدوان لود + الابلود رشيء رهيب بصراحه
ومشكله البيت لاكان كله عازل :thumbup1:

الموقع الي عطيتك اياه كنت ابيك تجرب تبع الفودافون
لكن بصراحه فرق فرق بين فودافون وكيوتل

هذا في البيت ويوصل الداون لود 2 ميجا والابلود 1 ميجا
رهيبه يافودافون بصراحه

بس اخوي ماقتلي كم سرعه الفودافون الي انت ماخذها
ابي بالميجا واعتقد هم عندهم 8 ميجا والله اعلم !!

وبالنسبه للصوره الي حطيتها تجربه سرعه كيوتل

اخوي الابلود عندك 540 كيلو بايت وليست كما تظن 54 كيلو بايت
نظام الموقع جذي مايحط لك الرقم كامل نظامهم جذي
وانا اعرف ان هاي السرعه الصحيحه
انا 2 ميجا وانت 4 ميجا يعني انا عندي النص 200 وشيء وانت دبلها
يعني عندك 500 وشيء :thumbup1:

وللتاكد جرب الموقع الي انت حطيته اول واحد
الي جربت عليه سرعه الفودافون

والله يوفقك

[محمد]

والله كلامك يحمس للاقتناء لكن تبقى مشكله الفيزا crazy

والدوان لود + الابلود رشيء رهيب بصراحه
ومشكله البيت لاكان كله عازل :thumbup1:

الموقع الي عطيتك اياه كنت ابيك تجرب تبع الفودافون
لكن بصراحه فرق فرق بين فودافون وكيوتل

هذا في البيت ويوصل الداون لود 2 ميجا والابلود 1 ميجا
رهيبه يافودافون بصراحه

بس اخوي ماقتلي كم سرعه الفودافون الي انت ماخذها
ابي بالميجا واعتقد هم عندهم 8 ميجا والله اعلم !!

وبالنسبه للصوره الي حطيتها تجربه سرعه كيوتل

اخوي الابلود عندك 540 كيلو بايت وليست كما تظن 54 كيلو بايت
نظام الموقع جذي مايحط لك الرقم كامل نظامهم جذي
وانا اعرف ان هاي السرعه الصحيحه
انا 2 ميجا وانت 4 ميجا يعني انا عندي النص 200 وشيء وانت دبلها
يعني عندك 500 وشيء :thumbup1:

وللتاكد جرب الموقع الي انت حطيته اول واحد
الي جربت عليه سرعه الفودافون

والله يوفقك

مرحبا اخوي ..
فاهمك يالغالي و فاهم طريقة حساب الموقع بس لان انت قلت الابلود في كيوتل يوصل 2 ميجا بت .. ولو كان جذي بيكون الابلود فوق 170 كيلوبايت بالثانية وهالشي مستحيل في كيوتل لان الابلود ثابت بكل الخطط حتى الـ 8 ميجا و الليمت له ما يتعدى 70 كيلو بايت بالثانية للاسف .. وهالشي سبب لي مشكلة كبيرة خاصة ان عندي موقع كبير و قناة يوتيوب فيها اكثر من 400 فيديو احملهم بشكل دوري بالتالي سرعة الابلود مهمة لي ..

فـ اتمنى وضحت الصورة لان الابلود في فودافون يوصل الى 140 كيلوبايت بالثانية تقريبا يعني ضعف سرعة كيوتل ..

بخصوص السرعات المتاحة فودافون تتيح سرعة وحده والله اعلم لان ما حصلت اي شي بخصوص سرعات النت في موقعهم ولا حتى يوم زرتهم .. بالتالي السرعة مثل ما حطيت لك بالصورة حاليا 2 ميجا بت الداون لود .. و 1 ميجا بت الابلود .. والله اعلم لو كانت اعلى السرعة في اماكن اخرى و اذا كان الارسال فل لان هالسرعة قستها و الارسال 3 حبات ..

بالنسبة للفيزا .. صج هي مشكلة للبعض لكن صدقني انا اشوف مع كيوتل تضمن حقك وتعرف فلوسك وين تروح .. اما مع كيوتل تجيك فاتوره و ما عليك الا انك تدفع .. ولا تدري من وين تجمعت فاتورتك يدخلونك في دهاليز مالها اول من اخر الا متبقي من الشهر الي طاف الا مقدم الشهر الجاي الا مادري وشو .. نظام الفواتير في كيوتل اسوء نظام فواتير في العالم !

[مريش]

مرحبا اخوي ..
فاهمك يالغالي و فاهم طريقة حساب الموقع بس لان انت قلت الابلود في كيوتل يوصل 2 ميجا بت .. ولو كان جذي بيكون الابلود فوق 170 كيلوبايت بالثانية وهالشي مستحيل في كيوتل لان الابلود ثابت بكل الخطط حتى الـ 8 ميجا و الليمت له ما يتعدى 70 كيلو بايت بالثانية للاسف .. وهالشي سبب لي مشكلة كبيرة خاصة ان عندي موقع كبير و قناة يوتيوب فيها اكثر من 400 فيديو احملهم بشكل دوري بالتالي سرعة الابلود مهمة لي ..

فـ اتمنى وضحت الصورة لان الابلود في فودافون يوصل الى 140 كيلوبايت بالثانية تقريبا يعني ضعف سرعة كيوتل ..

بخصوص السرعات المتاحة فودافون تتيح سرعة وحده والله اعلم لان ما حصلت اي شي بخصوص سرعات النت في موقعهم ولا حتى يوم زرتهم .. بالتالي السرعة مثل ما حطيت لك بالصورة حاليا 2 ميجا بت الداون لود .. و 1 ميجا بت الابلود .. والله اعلم لو كانت اعلى السرعة في اماكن اخرى و اذا كان الارسال فل لان هالسرعة قستها و الارسال 3 حبات ..

بالنسبة للفيزا .. صج هي مشكلة للبعض لكن صدقني انا اشوف مع كيوتل تضمن حقك وتعرف فلوسك وين تروح .. اما مع كيوتل تجيك فاتوره و ما عليك الا انك تدفع .. ولا تدري من وين تجمعت فاتورتك يدخلونك في دهاليز مالها اول من اخر الا متبقي من الشهر الي طاف الا مقدم الشهر الجاي الا مادري وشو .. نظام الفواتير في كيوتل اسوء نظام فواتير في العالم !

اخوي انا ماقلت الابلود في كيوتل يوصل 2 ميجا !!
قلت انا الابلود عندي 200 وشيء كيلو بايت مش ميجا
وانت عندك الابلود دبل عني لان سرعتك 4 ميجا ووبس :thumbdown:

وفي فودافون مثل ماشفنا بالموقع يوصل 1 ميجا :thumbup1:

واتفق معاك الفيزا اريح وتعرف شلك وشعليك
لكن بالنسبه لي مجبور اخاك لابطل crazy

والله يستر من كيوتل لان عقودهم سنه وحده مادري عقب السنه
اشتراك جديد ولا شيصير :pic:

لو الفودافون بدون فيزا راح اخذه وانا مغمض :pilot:

والله كريم ولاهنت

[محمد]

لقيت صورة مفيدة بالموقع الرسمي لفودافون قطر ..

التغطية الخاصة بشبكتهم في قطر

بنلاحظ ان الثري جي تقريبا واصل كل المناطق الهامه خارج الدوحة سواء شمالا او جنوبا ..
طبعا المناطق الي بس تو جي ايضا يشتغل فيها البرودباند لكن بيكون GPRS سرعته ضعيفه لكن تمشي الحال للتصفح لبعض المواقع .. لكن الداون لود ضعيف


http://www.vodafone.com.qa/images/ThumbnailImage/101104_023315865_coverage-map-ar-006-548px.jpg

[الـقـاسـي]

والله اخوي سعرهم ممتاز جدا .. يعني ماحصلت مشاكل وياه انا اتكلم عن التصفح هل الفرق كبير جدا بينه وبين البرق او مقبول الفرق لاني ابي اخذه بيكون حق تصفح المنتدى واليوتيوب ..

هل تنصحني فيه ولا لا وبخصوص البرودباند هل في انواع اقصد usp مال البرودباند

وبخصوص المبالغ اللي ياخذونها هل هي شهريا ولا لما تخلص الاشتراك اللي عندك

[محمد]

والله اخوي سعرهم ممتاز جدا .. يعني ماحصلت مشاكل وياه انا اتكلم عن التصفح هل الفرق كبير جدا بينه وبين البرق او مقبول الفرق لاني ابي اخذه بيكون حق تصفح المنتدى واليوتيوب ..

هل تنصحني فيه ولا لا وبخصوص البرودباند هل في انواع اقصد usp مال البرودباند

وبخصوص المبالغ اللي ياخذونها هل هي شهريا ولا لما تخلص الاشتراك اللي عندك

مرحبا اخوي ..
بالنسبة للتصفح اذا كانت في تغطية ثري جي نعم مثل البرق و احسن بعد .. سريع جدا و ممتاز ومثل ما حطيت في الصفحة السابقة سرعة الداون لود اكثر من 200 كيلوبايت بالثانية .. وهالسرعة ممتازة

انواع اليو اس بي فيه نوع الفلاش الي تستخدمه حق جهاز واحد وفيه الي تستخدمه لـ خمس اجهزة انا ما جربت النوع الثاني صراحة لكن هو يسويلك مثل شبكة وايرلس تقدر تشبك على البرودباند 5 اجهزة بوقت واحد لكن مانصحك فيه لان لو كان يستخدمونه اجهزة كثيرة بتطير المساحة بسرعة ..

بالنسبة للمبالغ هم كل شهر يسحبون 100 ريال و يعطونك 2 جيجا حتى لو انك ما استهلكت مالت الشهر الي فات
و ايضا لو خلصت الـ 2 جيجا على طول تماتيك يسحبون 100 و ينزلون لك 2 جيجا

تحياتي

[a777a]

اخوي انا جربته و مازال عندي و الصراحه ممتاز و سريع في الداون لود و افضل من بروندباند كيوتل بوايييييييييييييييييييييييييييييييييد

[محمد]

اخوي انا جربته و مازال عندي و الصراحه ممتاز و سريع في الداون لود و افضل من بروندباند كيوتل بوايييييييييييييييييييييييييييييييييد

يعطيك العافية وانا اشاركك الراي ممتاز جدا لكن ماقدر اقول احسن من كيوتل لاني ماجربت برودباند كيوتل لكن فعلا سريع ولا ينقطع .. وسعره ممتاز

[م. عبدالعزيز]

شاكرين لك اخوي على معلوماتك القيمه وعلى مشاركتك لتجربتك هني .. كل التوفيق ...

[حزينه]

والي ماعنده فيزا شيسوي

[محمد]

والي ماعنده فيزا شيسوي

فيه اشتراك مسبق الدفع بدون ميزا لكن الترافيك بيكون 500 ميجا بس يعني نص جيجا .. مقابل 100 ريال التعبئة

يعني لو بتعبين لـ 2 جيجا بيكون بـ 400 ريال

اما بالفيزا بـ 100 ريال فقط

[qatari1]

شكراً أخي محمد على المعلومات القيمة.

بس في ذهني سؤال: هل برودباند فودافون بنفس سرعة شريحة فودافون التي تركب على الآيباد 3 جي أو الجالاكسي تاب؟ أم هناك فرق؟!

[airbus]

شكراً أخي محمد على المعلومات القيمة.

بس في ذهني سؤال: هل برودباند فودافون بنفس سرعة شريحة فودافون التي تركب على الآيباد 3 جي أو الجالاكسي تاب؟ أم هناك فرق؟!

بعد آذن راعي الموضوع


تقريبا نفس السرعة مايختلف

[محمد]

شكراً أخي محمد على المعلومات القيمة.

بس في ذهني سؤال: هل برودباند فودافون بنفس سرعة شريحة فودافون التي تركب على الآيباد 3 جي أو الجالاكسي تاب؟ أم هناك فرق؟!

نعم نفس السرعة تماما لان الاثنين على نفس شبكة الثري جي الخاصه في فودافون .. ونفس الكلام ينطبق على كيوتل

بس اذا تبي تحس بالسرعة اكيد يعتمد على الجهاز ..
مهما كانت الشبكة سريعة استخدام النت على الجوال او الاجهزة الثانية مثل الايباد و الجالكسي تابليت لا يقارن بالاب توب ..

[حزينه]

فيه اشتراك مسبق الدفع بدون ميزا لكن الترافيك بيكون 500 ميجا بس يعني نص جيجا .. مقابل 100 ريال التعبئة

يعني لو بتعبين لـ 2 جيجا بيكون بـ 400 ريال

اما بالفيزا بـ 100 ريال فقط

اخوي شلون يعني اعبي يعني اعبي رصيد 400 بالشريحة واذا خلصت تتوقف ؟ وضح لي