مرض الـبـــهـــق

[KABOOM]

السلام عليكم ورحمة الله وبركاته


حبيت اسئل حد يعرف دكتور زين لعلاج البهق؟
وهل حد فيكم يعرف حد تعالج منه وراح !!
وشــكرا

ملاحضه : مرض البهق يختلف عن البرص اختلاف كلي

[طارق العلي]

الله يشفي مرضاكم ان شالله . . وان شالله يسخر لكم عضو عنده المام كامل بموضوعك ويفيدك ويفيد غيره

[نمـر]

الدكتوره عايده

[jwar7]

اخوي انا ولدي عمره الحين 8 سنوات ومن كان عمره 3 سنوات طلعت له نقطه بيضاء ف الركبه وعرفت على طول انها بهاق وديته لدكتور مشهور ف الدوحه (الله لايوفقه )واعطاه عده مراهم وانتشر البهاق بسرعه ف الركبتين والكوعين والكتف والاقدام واسفل البطن مع انه استخدام العلاج لمده اسبوعين بس وعقب ماشفته انتشر وقفت العلاج والحين الحمد لله ماسك حده ومازاد ولما كان يستخدم المراهم اي خدش يتحول بهاق والحين من 4 سنوات وزياده ما اخذ اي ادويه

[ولد العديد]

اخوي والله ماله علاج لا تفكر بدكتور انا جربتهم كلهم هني وجربت حتى العلاجات من الخارج والله اخرها علاج هندي حتى شريت 2 هو اوكي وكان في تحسن بس مالي مزاج كل يوم اقعد وحطه معنه مافيه تعرض لشمس وانا مافيني وايد يعني محد يعرف حتى زوجتي خخخخ وانا ولا قتلها اصلا

شوف هذا موقع العلاج لو تحب تاخذ مني ارسل رقمك وبلاش مابي ولا شي منك
http://arabic.antivitiligo.com/

ترا العلاج نفسي اهم شي اللي فيه بهاق ما يزعل ولا احد يزعله ترا لين اسافر ارتاح نفسياً احس انه يخف
برسلك موقع يمكن يفيدك ع الخاص

[الصريحه]

بالشفاء
هذا المرض بالذات يحتاج صبر وطوله بال ويزيد بسرعه على حسب النفسيه للمريض
حاول بالاعشاب او بالطرق اعرف وحده ماخلت طريقه ماجربتها بالادويه ومافادت وياها واكثرها كروتوزون
بس كل واحد وتقبل جسمه غير
الله يعينكم

[بـــــــنت النوخـّــــذه]

اختي بقولج 000ام وحده اعرفها كان فيها بهاق واشويه اكزيما اعجزو وهم يداوونها من دكتور لي دكتوره ومن هذا العلاج لي ذاك العلاج 000اتصدقين ماراح إلا بطريقه وحده طبعا بإذن الله 000 اردنيه امدحت لهم البحر الميت بالاردن اتصدقين اتحلف اتقول راحت وحطت على مكان البهق والاكزيما كذا مره اتقول راح طبعا مهب من اول مره يبغيله كذا مره 000

فمادري يعني اذا هالعلاج يناسبكم 000وعموما مثل ما اذكرت احدى الاخوات ان معظمه نتج عن حاله نفسيه 0000والله يشفي مرضاكم

[qatar911]

الله يشفي مرضاكم ان شالله

[KABOOM]

الله يشفي مرضاكم ان شالله . . وان شالله يسخر لكم عضو عنده المام كامل بموضوعك ويفيدك ويفيد غيره

امين يارب جزاك الله خير اخوي
وجميع مرضى المسلمين


الدكتوره عايده

هلا والله اخوي .. تسلم على الرد


اخوي انا ولدي عمره الحين 8 سنوات ومن كان عمره 3 سنوات طلعت له نقطه بيضاء ف الركبه وعرفت على طول انها بهاق وديته لدكتور مشهور ف الدوحه (الله لايوفقه )واعطاه عده مراهم وانتشر البهاق بسرعه ف الركبتين والكوعين والكتف والاقدام واسفل البطن مع انه استخدام العلاج لمده اسبوعين بس وعقب ماشفته انتشر وقفت العلاج والحين الحمد لله ماسك حده ومازاد ولما كان يستخدم المراهم اي خدش يتحول بهاق والحين من 4 سنوات وزياده ما اخذ اي ادويه

هلا والله اختي الله يشفي ولدج ان شاءالله ويجعلها في ميزان حسناتج وحسناته وحسنات ابوه يارب
واختي المفروض تذكرين اسم الدكتور عشان نحاسب منه
انا اتوقع انه اسمه فهد الباكر شي جذيه ..
اللي عيادته في المعموره لانه زحمه عنده
وكل شي بسرعه بسرعه اهم شي يجوفك 5 دقايق
وياخذ حسابه وانت الله وياك




اخوي والله ماله علاج لا تفكر بدكتور انا جربتهم كلهم هني وجربت حتى العلاجات من الخارج والله اخرها علاج هندي حتى شريت 2 هو اوكي وكان في تحسن بس مالي مزاج كل يوم اقعد وحطه معنه مافيه تعرض لشمس وانا مافيني وايد يعني محد يعرف حتى زوجتي خخخخ وانا ولا قتلها اصلا

شوف هذا موقع العلاج لو تحب تاخذ مني ارسل رقمك وبلاش مابي ولا شي منك
http://arabic.antivitiligo.com/

ترا العلاج نفسي اهم شي اللي فيه بهاق ما يزعل ولا احد يزعله ترا لين اسافر ارتاح نفسياً احس انه يخف
برسلك موقع يمكن يفيدك ع الخاص

هلا والله اخوي مشكور وجزاك الله خير
والله يشافيك ويشافي جميع مرضا المسلمين
الله لايهينك يالغالي ومشكور على المساعده
والله يكتب اللي فيه الخير ..



بالشفاء
هذا المرض بالذات يحتاج صبر وطوله بال ويزيد بسرعه على حسب النفسيه للمريض
حاول بالاعشاب او بالطرق اعرف وحده ماخلت طريقه ماجربتها بالادويه ومافادت وياها واكثرها كروتوزون
بس كل واحد وتقبل جسمه غير
الله يعينكم

هلا والله اختي مشكوره على الرد والله يشافي اللي تعرفينا وجميع المرضا يارب
ومشكوره على الرد والنصيحه في ميزان حسناتج باذن الله




اختي بقولج 000ام وحده اعرفها كان فيها بهاق واشويه اكزيما اعجزو وهم يداوونها من دكتور لي دكتوره ومن هذا العلاج لي ذاك العلاج 000اتصدقين ماراح إلا بطريقه وحده طبعا بإذن الله 000 اردنيه امدحت لهم البحر الميت بالاردن اتصدقين اتحلف اتقول راحت وحطت على مكان البهق والاكزيما كذا مره اتقول راح طبعا مهب من اول مره يبغيله كذا مره 000

فمادري يعني اذا هالعلاج يناسبكم 000وعموما مثل ما اذكرت احدى الاخوات ان معظمه نتج عن حاله نفسيه 0000والله يشفي مرضاكم

هلا والله اختي نا اخوج
وجزاج الله خير انا بعد قريت عن هالعلاج بس اتوقع انه افضل لصدفيه
لكن الله يكتب اللي فيه الخير ان شاءالله ويشافي جميع المرضا يارب
ومشكوره على الرد ومحاولة المساعده الله يجعلها في ميزان حسناتج


الله يشفي مرضاكم ان شالله

امين اخوي ومرضاكم وجميع مرضى المسلمين
جزاك الله خير

[meme~qatar]

الله يشفي مريضكم

لكن جرب الدكتور حبيب البسطي في مجمع النخبة

[كروشيه]

اخوي الله يشفي مرضنا ومرضى المسلمين أجمعين ، بس سمعت مره من شخص ثقه له صديق يعاني من هالمرض وبشكل ملحوظ وراح لطبيب بالسعوديه وعن طريق اخذ عينه من الفخذ علا ما اظن وزراعه في مكان معين بالجسم ، والله مب ذاكره طريقة العلاج ولكن اكدي الشخص انه تعالج بنسبه كبيره جدا والعلاج على مراحل وراح يرجع عند نفس الدكتور لاستكمال العلاج ، بحاول اجيب اسم الدكتور اخوي ، ونصيحه سوي بحث بالنت وأقرأ اكثر عن نوعيه علاج هذا الطبيب او اي علاج قبل التجربه

[tkst]

جربي اختي السنكر تشوكلت

هذا كلام سمعته من شخص عالج ابنه بهذه الطريقه لا اعتقاده بان البهق سببه نقص فيتامين وليس شي نفسي وعلى قوله ان البهق زال تماما اسال الله ان يشفي مريضكم ويشفي جميع مرضى المسلمين

[بوفصول]

السلام عليكم

وده عند مطوع يقرا عليه

الله يشفيه ويبعد عنكم شر المرض

[khalid-qtr]

الله يشفيك اخوي بسئالك واحد اعرفة كان ويهة وجسمة تقريبا بس راح الامارات والحين الحمدلله رجع جلدة طبيعي

[Chanel]

الله يشفيك اخوي بسئالك واحد اعرفة كان ويهة وجسمة تقريبا بس راح الامارات والحين الحمدلله رجع جلدة طبيعي

الرقم الله يوفقك ويبعد عنك الشر

[KABOOM]

meme~qatar

مشكوره اختي وامين الله يسمع منج وجميع مرضا المسلمين
وبخصوص الدكتور مشكوره وان شاءالله راح اسئل عنه واجوف


كروشيه
هلا والله اختي مشكوره على الرد والتوضيح
واعرف هالطريقه في العلاج بس هاي حق لما يكون
المرض خامد مش نشط لما يكون نشط ماينفع

tkst
مافهمت اختي
تقصدين الجوكلت السنكرز !!!!
وشيخصه في الفيتامين ؟؟
ومشكوره على الدعاء الله يسمع منج
ان شاءالله


بوفصول
هلا والله اخوي
تعرف مطوع زين يقراء واذا عندك رقمه
واهم شي يكون مطوع صج مب من الجنسيات اللي هي
وتقراء عشان الفلوس بدون ايمان ولا خشوع
وجزاك الله خير اخوي


khalid-qtr
هلا والله اخي مشكور على الرد وجزاك الله خير
ياليت لو تسالي وتعطيني خبر انتظر منك رد
وياليت تساله شنهي طريقة العلاج