من تواضع لله رفعه

[العساس]

في البداية احب ان ارحب بجميع الاعضاء

لقد كتبت هذا الموضوع بعد ماريت من تكبر لدى بعض الاشخاص
حيث انني امتلك سيارتين
الاولى / سياره قديمه جدا لكنها عزيزه على قلبي لما لها من ذكريات
الثانية / سيارة جديده وذات سمعه لدى الشباب

المهم في الامر

عندما ذهبت الى احدى المدن في قطر اخذت السيارة القديمه ولاتتصورن كم هي السعادة التي غمرتني عندما كنت اقودها واتذكر ايام الشباب،واحساسي ان السيارة تبادلني نفس الشعور
ولكن على طريق الشمال كانت المفاجئه:no2:

حيث بدء الناس باعطائي المصابيح القوية (الفل)ولا اخفيكم انني احسست بالحر رغم ان الجو بارد.
وهذا يطلق الهرن وهذا المصباح وهذا يقطعله وذاك يواكلة.

ولقد تحملت على نفسي الكثير ....... ولكن

نفذ صبري عندما جاءت سيارة من الخلف وبدء باعطائي المصباح العالي وكانت لكزس2010.
ولم اعبره
حتى تجاوزني وبدءت اعطيه المصباح العالي للتوقف واحرك يدي له بالتوقف
ماذا تتصورن الذي حدث.escape

فعلا شق علية.

طيب لماذا كل هذي التصرفات ولماذا التعالي
رغم اني عندما اخرج بالسيارة الثانية ورغم بعض التجاوزات الخارجة عن الاراده الا انني
لا اجد اي انفعال من الاخرين.

ارجو من سائقين التواضع عند القيادة وان لايتعالو على اي شخص من اي جنسية
لن القياده فن وذوق واخلاق(تواضع)

[ألحـــــان]

لن القياده فن وذوق واخلاق(تواضع)

في البر وليس في المدينة

[هدهد سليمان]

اخوي العساس موضوعك طيب وفيه من الصحه .. لكن اتوقع انك تمشي على الخط السريع ببطء .. خلك اقصى اليمين .. سواء كان عندك بنتلي ولا 180 بي .. ويا طويل العمر .. كلنا لآدم وآدم من تراب .. والرجوله ماهي بالملابس والكشخات والسيارات ولا هي من سلوم اوعلوم الرجاجيل :)

صبحك الله بالخير الشيخ ..

[الوحداني]

شوف ياخوي اصلا الحركه هذي مايسويها الا واحد جبان ومب كفو يوقف اذا وقفته تلاقيه وحده من الثنتين يا انه يحط رجله ويشرد يا انه اذا وقف يقولك اسمحلي يالغالي :shy:
وبخصوص موترك القديم الي يذكرك بالماضي ويعز عليك اذا بتبيعه طرشلي عالخاص نوعه وسعرك وفك روحك من التديم واللهرانه انا اعرف اتصرف مع هالاشكال بس انت بيعه:thumbup1:

[omega]

فعلا القياده فن وذوق واخلاق

[الوان]

حتى عند الحريم

بعض الحريم ما تترس عينهم الا اللي ماسكه شنطه ماركه سواء اصلية او غير اصليه

و العباية بعد موديلات معينه تترس عيونهم اما العباية العادية تخليهم يعاملون الوحده كأنها طراره

بس اللي بيهتم بما يرضي الناس بيتعب

اما اللي بيمشي على ما يرضي الله و يتبع مبادئة بعيدا عن معايير الاخرين

هو اللي بيرتاح و يسعد

و الله المستعان

[ضوى]

اخوي العساس ذكرتني بمقولة اسمعها دايما من حماتي تقول الكروزر ملك الشارع ويحق له يسوي اللي يسويه :)
اعتقد كلامها فيه شئ من الصحة بعد موضوعك هذا

قيمة الشخص تتحدد بنوع سيارته وقيمتها المادية شئ غريب والله

[Rider]

بغض النظر عن السيارة الي بيمسك اليسر وبيبيض في الشارع يعني ماسك الخط من أوله لين أخره شتوقع من الي وراه لازم يعطيه ليت علشان يوخر عن الشارع

[MAZEN37]

اخوي العساس موضوعك طيب وفيه من الصحه .. لكن اتوقع انك تمشي على الخط السريع ببطء .. خلك اقصى اليمين .. سواء كان عندك بنتلي ولا 180 بي .. ويا طويل العمر .. كلنا لآدم وآدم من تراب .. والرجوله ماهي بالملابس والكشخات والسيارات ولا هي من سلوم اوعلوم الرجاجيل :)

صبحك الله بالخير الشيخ ..

صباحك خير هدهد - كلام انه كلنا لادم وادم من تراب
ماخذينه بالصف الاول الابنتدائي وكنا مصدقينه واحترام الكبير ولا تؤجل عمل اليوم للغد ...الخ
الحين فلوسي او فلوسك
حط خط تحت (او)

[simsim1963]

يالطيب أنت ما سمعت أن الدراهم مراهم ؟ على فكرة ما شئ أحلى منها ثراها تجمل القبيح وتكبر الوضيع

[غريب بلا وطن]

للأسف مكانه الشخص بنوع السيارة و في ارتفاعها عن سطح الأرض و ارتفاع ثمنها و كلما كانت السيارة أعلى أصبح الشارع ملك لذو السيارة المرتفعة بغض النضر الأحقية له أم لك
مسموح له التجاوز من اليمين
مسموح له الدخول قبلك في الدوار حتى لو كنت انت الذي تسير داخل الدوار
مسموح له أن يقف في وسط الشارع ليطلق بوقه لراعي السوبر ماركت لشراء احتياجات المنزل و أنت ((( انشب ولا نفس سيارتك مب دفع رباعي )))
حتى لو كنت قطري و السائق في الفور ويل هندي

.و واقع مرير في قطر الخير

[العساس]

شوف ياخوي اصلا الحركه هذي مايسويها الا واحد جبان ومب كفو يوقف اذا وقفته تلاقيه وحده من الثنتين يا انه يحط رجله ويشرد يا انه اذا وقف يقولك اسمحلي يالغالي :shy:
وبخصوص موترك القديم الي يذكرك بالماضي ويعز عليك اذا بتبيعه طرشلي عالخاص نوعه وسعرك وفك روحك من التديم واللهرانه انا اعرف اتصرف مع هالاشكال بس انت بيعه:thumbup1:

لاياخوي كل شي ولا الموتر
يكفي ريحة الاغبارة الي تطلع من المكيف

ولاتحاتي اخوك شنب

[العساس]

حتى عند الحريم

بعض الحريم ما تترس عينهم الا اللي ماسكه شنطه ماركه سواء اصلية او غير اصليه

و العباية بعد موديلات معينه تترس عيونهم اما العباية العادية تخليهم يعاملون الوحده كأنها طراره

بس اللي بيهتم بما يرضي الناس بيتعب

اما اللي بيمشي على ما يرضي الله و يتبع مبادئة بعيدا عن معايير الاخرين

هو اللي بيرتاح و يسعد






و الله المستعان



الله يخلي الصين
ترى لاتنخدعين كلة شغل شرق اسيا:thumbdown:

[العساس]

اخوي العساس ذكرتني بمقولة اسمعها دايما من حماتي تقول الكروزر ملك الشارع ويحق له يسوي اللي يسويه :)
اعتقد كلامها فيه شئ من الصحة بعد موضوعك هذا

قيمة الشخص تتحدد بنوع سيارته وقيمتها المادية شئ غريب والله

هذا الكلام:thumbup1:

[العساس]

بغض النظر عن السيارة الي بيمسك اليسر وبيبيض في الشارع يعني ماسك الخط من أوله لين أخره شتوقع من الي وراه لازم يعطيه ليت علشان يوخر عن الشارع



ياخوي ليت عن ليت يفرق
وانت عارف

اذا السيارة والرقم مميزين مافي ليت

اذا السيارة والرقم غير مميز همسه فول

اذا لاالسيارة ولا الرقم مميز جهز نظارتك بس

[العساس]

اخوي العساس موضوعك طيب وفيه من الصحه .. لكن اتوقع انك تمشي على الخط السريع ببطء .. خلك اقصى اليمين .. سواء كان عندك بنتلي ولا 180 بي .. ويا طويل العمر .. كلنا لآدم وآدم من تراب .. والرجوله ماهي بالملابس والكشخات والسيارات ولا هي من سلوم اوعلوم الرجاجيل :)

صبحك الله بالخير الشيخ ..


والله انه يكبس وفرق بيني وبينه كيلو
وفي زحمه على يميني
لكن الحبيب اشتغل مضبوط على الفل


والقهر يوم حاولت اوقفه (((((((((شق علية من قلب ))))))))

[القيادة]

صباح الخير

ماتلام والله صارت معاي تركب سيارة عادية ولا قديمة يشوفك أنك فقير ولا تقدر تسوى شي له


ولازم تحترم سواقتة الغلط في الشارع.هذي نظريتهم.

خبرك

لاند كروزر وكشخة وفشخة ومشخة وطشخة ( والمخباء مقرقش ) ومتعنطز.


طبعا كلن على تربيتة

[العساس]

ايه والله كلن على تربيته

[الصريحه]

الله يهدي الجميع

[الرادار]

‎انا مثلك لي طلعت في سيارتي القديمه مايتم حد ما يلف علي ويديم ويدق هرانه بدون تحديد شباب هنود مقيمين اجانب كل الي يمر على قولت اخوانه المصريين الي يحب النبي يضرب ،،
‎ وهذا كله يهون في مقابل احساسك بالكلاسيك ،، دايما اقول حق سيارتي عشان ما تزعل الي ما يعرفك ما يثمنك :)

‎ملاحظه اخوك سواق محترف ( عشان محد يقول ماعرف اسوق ) وسيارتي القديمه (v12) عشان محد يقول ما فيها سرعه .

[حمد بن خالد]

ذكرتني بواحد من الربع ...

كان عاطل عن العمل وماعنده لا شغل ولا مشغله

وياه واحد من ربعنا وقال له ياخي انته فاضي شرايك تودي موتري الوكالة باجر الصبح , وقال له ابشر من عيوني الثنتين
والموتر لكزس فورويل موديل السنة وودى الموتر والامور في السليم
وبعدها بفترة بسيطة ياه واحد من الربع وقال له شرايك تودي موتري القراج في الصناعية , وقال له ابشر من عيوني الثنتين
وكان الموتر ديهاتسو صالون قديمه هههه

ويوم يانا الميلس تم يتحلطم يقول وانا في اللكزس حتى لو ماشي غلط محد يقول شي وفي الدوار الناس تفتح لي الدرب

ويوم رحت في هالخرابة والطريج لي محد يعطيني ويه حتى البتان يلفون علي بمازداتهم هههههه

خلك شقردي واللي يديم لك امسك احلى بريك صعيدي في ويهه والأمور طيبة

بس ان تناشب معاك انا مالي خص هههههه

[بوخالد911]

مررة سقت بيكب

والعالم تطلع بويهي
وخصوصا من اللفات


ولما أسووق الكروزر ؛ الوضع مختلف تماما

[R 7 A L]

مش قاعدة وكلاً على تربيتة واخلاقة

[خوي الشوق]

للاسف عندنا في قطر سار شنو سيارتك عشان احترمك واااااااااااايد ناس سارت لهم مقالب وبعض الاحيان ضرب واكثرهم الشرده مع اصحاب السيارات القديمه اقصد الي لايحترم بس عشان نوع السياره دام هالعقلية موجوده ماراح نتطور خطوه

[meme~qatar]

جان كتبت على جامة الخلفية للسيارة القديمة

عندي سيارة جديدة كشخة

بس هذي الغالية وقديمك نديمك ولو الجديد اغناك

[حمد بن خالد]

جان كتبت على جامة الخلفية للسيارة القديمة

عندي سيارة جديدة كشخة

بس هذي الغالية وقديمك نديمك ولو الجديد اغناك

:looking:

ههههههههههههههههه

[MAZEN37]

للاسف عندنا في قطر سار شنو سيارتك عشان احترمك واااااااااااايد ناس سارت لهم مقالب وبعض الاحيان ضرب واكثرهم الشرده مع اصحاب السيارات القديمه اقصد الي لايحترم بس عشان نوع السياره دام هالعقلية موجوده ماراح نتطور خطوه
تصديقا لكلامك
انا شخصيا ما كنت افكر بنوعية السياره وكنت صاحب شعارات رنانه
بس انجبرت اشتري كروزر من أذية العالم حتى الشرطه ما تخالفك وفعلا هالكلام
:con2:

[العساس]

جان كتبت على جامة الخلفية للسيارة القديمة

عندي سيارة جديدة كشخة

بس هذي الغالية وقديمك نديمك ولو الجديد اغناك

كاتب ورى

لاتضيع ذكرياتك بالجديد:thumbup1:

[a7med0_0]

اول شي يعتمد هالشي على التربيه واحترام الاخرين بدون تفرقه او عنصريه للجنسيه
بس بعد انا من وجه نظري لحد يمسك يسار ويمشي شوي شوي ويسكر على العالم المستعجلين
وتقبلوا مروري

[العساس]

اول شي يعتمد هالشي على التربيه واحترام الاخرين بدون تفرقه او عنصريه للجنسيه
بس بعد انا من وجه نظري لحد يمسك يسار ويمشي شوي شوي ويسكر على العالم المستعجلين
وتقبلوا مروري

اذا الطريق السرعه فية 120شالحل
وبعدين اقولك كيلو بيني وبينهcrazy
وهو كابس فل

وفوق هذا سيارات يميني ......اطيرcrazy

[البيرق]

الاخ العساس اكيد تمشي على الخط السريع وعلى الجانب اليسار وتمشي شوي فما اعتقد ان لكزس بيكبس لك وانت على اليمين ولا اعتقد انه مسرع ومب صايده الرادار
واعتقد ان عندك حساسية من اصحاب الخير والسيارات الفارهة صدقني اهل قطر رجال من افضل رجال الخليج ولاتطلع التصرفات الصبيانية الا من حديث نعمة واصل سيء الذكر

[راعي ال VXR]

سيين سؤال لماذا هذه النظره من اجيالنا الحاليه على شخصية السائق بمجرد ان تراه بسيارته القديمه ؟

[العساس]

الاخ العساس اكيد تمشي على الخط السريع وعلى الجانب اليسار وتمشي شوي فما اعتقد ان لكزس بيكبس لك وانت على اليمين ولا اعتقد انه مسرع ومب صايده الرادار
واعتقد ان عندك حساسية من اصحاب الخير والسيارات الفارهة صدقني اهل قطر رجال من افضل رجال الخليج ولاتطلع التصرفات الصبيانية الا من حديث نعمة واصل سيء الذكر


بوالشباب

اقرا الموضوع عدل وبعدين علقcrazy
اولا : الله يرزقني وياك بالجنه
ثانيا: الفلوس وصخ دنيا
ثالثا:انا ماذكرت اقطري او غيره ماتدري ممكن بنغالي الي في الكزس او اي جنسيه
رابعا :والاهم:thumbup1: انا والعياذ بالله من كلمة انا (من الطبقة الامعية ) بس متواضع يالبيرق.

[Bin Hood]

ياخوي ليت عن ليت يفرق
وانت عارف

اذا السيارة والرقم مميزين مافي ليت

اذا السيارة والرقم غير مميز همسه فول

اذا لاالسيارة ولا الرقم مميز جهز نظارتك بس

هههههههههه عجبني المقياس


انزين اذا ثلاثي ورنقات شنابر

[شمس]

فيه عقليات الله يهديهم نفسي نفسي
خاصه في السير والازدحام
ونتمنى ما نتعرض للضيق حتى ما تطلع بلاوي الاخلاق

[هاب الريح]

يعتمد على نوع سيارتك القديمة اذا كانت تووووحفة ونادرة اكيد الناس بتحترمك وبتقدرك
واذا كانت سيارتك قديمة موديل قديم وحترا وموجودة بكثرة في الشارع عند الاخوان العرب
والايسيويين فلا تلومنا لا زعلنا .

[عضو مشاكس]

ياخي ايش دخل التكبر بالموضوع بعض السائقين يرفعون الضغط ويجيبون السكري والانفلونزة ماسك الخط السريع ماشي 80 ومب راضي يفتح الطريق من حقة يعطيك ليت وهرن تفتح الطريق الموضوع مالة خص بالتكبر بس انت حساس زيادة ياخي ممكن الرجل مستعجل حالة طارئة وانت ماشي 80 على الخط السريع ومعرقل السير

[OTOsan]

بالنسبة لي ..سيارتي جيب وسط الجبال وسط الحجر .. سيارتي فيها مكيف للشموس الحاميه !!

ولكن بطبعي ما احب خط اليسار واتحاشاه ..عشان بعضهم مب شايف خير ..يركب زينون تجاري ويتم مستانس عليه ويديم كلما شاف حد قدامه !!!

[البيرق]

بوالشباب

اقرا الموضوع عدل وبعدين علقcrazy
اولا : الله يرزقني وياك بالجنه
ثانيا: الفلوس وصخ دنيا
ثالثا:انا ماذكرت اقطري او غيره ماتدري ممكن بنغالي الي في الكزس او اي جنسيه
رابعا :والاهم:thumbup1: انا والعياذ بالله من كلمة انا (من الطبقة الامعية ) بس متواضع يالبيرق.

اخوي لاتحسس من كلامي قريت موضوعك من قبل وحللت شخصيتك واوجزت لك في اربع فقرات في حنايا ردي
وضعك ( بدون الدخول في نفسيتك ومن الممكن ان تدافع عنه ومحد قادر يشوف نفسة) ووضع راعي اللكزس وماني مدافع عنه بل بصورة عامة اعرف من يركبونها واخلاقهم
والطريق وحال قطر عقب مادخلوا الاجانب (واذيتهم لنا في مسكهم للخطين ) وعدم معرفتهم للقوانين
والاخير تفاعلك مع الموضوع مع معرفتنا بالي يحصل في شوارع قطر من هالماسكين على الخط اليسار ومعتقدين باحقيتهم به ولا يفرق معاي سيارته قديمة اوجديدة فارهة ام غير ذلك مع انتقادي لبعض من ينفخ نفسه عقب ركوبه للفارهة واحتقاره بسبب ذلك واحترامي لمن يعرف قدره بنفسه لا بملبسه

شاكرا اخي العزيز تقبلك ردي