استفســار عن الأسهم القطريه

[عنـابيه]

السلام عليكم ورحمة الله وبركااااته

انا عضوه جديده وماعرف اذا الموضوع في مكانه ولالا.. بس وودي استثمر 40 الف فالأسهم ومب عارفه في شنو:unsure: والصراحه انا مالي فالأسهم أبدا وما قد ساهمت فيها

شنهي الأسهم اللي تنصحوني استثمر فيها :pilot:؟ ولا السوق ماينفع هاليومين ؟؟ :thumbdown::con2:

يعطيكم العافيه

[busheikha]

نصيحة لوجه الله..................
40,000 = تقريبا 5000 سهم فودافون
اتركيم لسنتين واشاء الله بتستفيدي
والله اعلم

[عنـابيه]

مشكور بو شيخه.. بس فودافون من اول مانزلت على حالها اخاف اخاطر فيها ياخوك :s

انا كنت افكر في قطر للوقود.. شلون السهم فالسوق اذا حد عنده فكره؟؟

[مخطط قطري]

عليك بامزايا او الريان ترهم اقوياء على المدى الطويل

[عنـابيه]

تسلللللم اخوي عالرد

[busheikha]

أتفق مع مخطط قطري في سهم الريان وأختلف معه في سهم مزايا.
اسمحلي أخوي

[عنـابيه]

انا وايد ناس امدحوا لي الريان .. بس مشكلتي اني قاعده اجيّك على اغلى سهم لان احس ارباحهم تكون عاليه اخر السنه.. صح تفكيري ولا؟؟

[busheikha]

العملية نسبة وتناسب

[مخطط قطري]

مزايا الحلو فيها انها بتكون في قوه اسهم العقاريه بعد سنه من الان والريان على المدى البعيد بيصير في قوه المصرف

[عنـابيه]

انزين والمصرف والصناعات ؟

[bo7mood72]

أختي ما أنصحك حاليآ بالاسهم

ألانتظار أفضل بكثير حتى تتضح الصوره
هناك حرب قائمه وأزمه أيرلندا وأخبار من هنا وهناك

[busheikha]

أختي, ماشاالله عليكي,
عارفة وفاهمة الطبخة.

[GaaaZ]

عليج بالناقلات

[السهم999]

عليك في بروه اذا نزل سعرها اعتقد والله اعلم سهم استثماري ومدعوم بقوه وحلال والله الموفق

[qwert]

مشكور بو شيخه.. بس فودافون من اول مانزلت على حالها اخاف اخاطر فيها ياخوك :s

انا كنت افكر في قطر للوقود.. شلون السهم فالسوق اذا حد عنده فكره؟؟




ماشاء الله عليكي وتقولين ما اعرف !!

هذا احسن سهم في اسواق الخليج كلها

[عنـابيه]

تسلمون عالردووود ..شكله يبيلي ادرس البورصه عدل قبل لا اشتري واتوهق :unsure:
يعطييكم العاااافيه

[مريش]

اختي الاسهم مافيها شيء اسمها دراسه

ولا كان العالم سلمت من الازمه العالميه

توكلي على الله وعينج على الاسهم الطيبه والحلال
الريان وبروه والاسلاميه والمصرف

اذا كان استثمار لمدى طويل الريان وبروه وناقلات

واذا تبين الارباح فقط انتظري لين الجمعيات تجتمع
وتعرفين الارباح عدل وقرري اخذي اي سهم

تقدرين تاخذين السهم وتبيعينه بعد ماتضمنين الارباح

والجمعيات تبتدي من شهر 2 وطالع

والله يوفقج

[بو خليفه 123]

اولاً : اهلاص بك في منتدى الاسهم القطريه .. شرفتينا بحضورك
ثانياً : اسأل الله عز و جل ان يرزقك الحلال المكتسب من وراء ال 40 ألف و يجعلها 40 مليون ان شاء الله :strong2:

ثالثاً : هل فكرتي استثمار هذا المبلغ في قطاع الخدمات ؟ ولا قطاع البنوك ولا الصناعات ؟

بعضهم يفضل الشركه الي يشتري سهم فيها تكون اسلاميه .. بعضهم مايبون بنك ربوي .. الخ الخ . هذي اشتراطات شخصيه مالها خص بالسوق


ساعتها نقدر نحصر الشركات الي نقدر ننصحك فيها


و ادعوك الى التفضل و زيارتنا في جلسة التداول اليوميه و هي تقام للنقاش عن البورصه القطريه بين اعضاء او فريق مختص مهتم بالبورصه القطريه ..

والله ولي التوفيق

[عنـابيه]

مريش وبوخليفه تسلمون عالإفاده الطيبه..و صح انا ابي اسهم حلال وتقدرون تقولون استثمتار لين سنتين قدام

وين القى جلسة التداول اليوميه omen؟

ويعطيكم الف عافيه

[كروة]

أنا أفضل شراء سهم السلام بسعر 10 ريال ، اولاً أن القيمة الاسمية للسهم هي 10 ريال ، أي كأنك تشتريه اكتتاب
انتظري شهري إلى ثلاثة أشهر من الان والسهم سيصل بإذن الله إلى 14 ريال . واذا ما وصل انت مو خسرانة بظل السهم 10 ريال وبأخذي مكتب ريال عن كل سهم .
هذا السهم قليل المخاطر وأنصح به بشده لثبات سعره طوال العام حيث أن لم يقل عن 9 ريال وأرباحه ثابتة تقريباً ريال عن كل سهم .

[مريش]

مريش وبوخليفه تسلمون عالإفاده الطيبه..و صح انا ابي اسهم حلال وتقدرون تقولون استثمتار لين سنتين قدام

وين القى جلسة التداول اليوميه omen؟

ويعطيكم الف عافيه

الله يسلمج اختي

والاسهم الي ذكرتها لج ان شاء الله كلهم حلال

بروه والمصرف والاسلاميه للتامين

ادخل منتدى الفتاوي الاقتصاديه بتلقين جدول
بالاسهم الحلال والخاليه من الربا ان شاء الله

وجلسه التداول تلقينها في منتدى جلسه التداول
تحت سوق الاسهم القطريه بتشوفينها

لكن مامنها فايده سوالف عادي وغير هداف
لاتقدم ولاتاخر ولاحد يستفيد بالسوق

اهني شباب وكفو ومايقصرون مع حد

[مريش]

تفضلي اختي هنا الجدول
وتستفيدين منه الشركات الجائزه والمشبوهه

http://img706.imageshack.us/img706/8673/11042010083354.png

http://img706.imageshack.us/img706/7044/11042010083412.png

[عنـابيه]

تسلمووووووون ياجماعه .. يعطيكم العافيه
مريش جزاك الله خير تسلم

[مهندسة طموحة]

بالتوفيق

[قلب الحريه]

الريان له مستقبل كبير