احذرو النصابين والمتسولات ؟؟؟؟؟؟واي شخص ماتعرفه عدل

[احمد1]

السلام عليكم باختصار الايام الاخيره تبين ان هناك نصب من نوع جديد وهو كالتالي

- تلقى واحد في البنك كاشخ لدرجة انك تقول هذا ملياردير وفجأه وانت طالع من البنك وهو طبعا شايف انك ساحب مثلا مبلغ 50 ولا 100 الف يوقفك بكل احترام ويبدأ معاك محادثه وانه جديد او زاير للبلد ويدور صرافه ويجهل مثلا شكل العلمله القطريه فانت بحسن نيه تراويه الفلوس تلقاه مادري ينومك مغناطيسيا ولا يسحرك بكلمات وماتواعي الا وانه اقنعك تروايه الفلوس وبدون ماتحس تركب سيارتك وترد بيتك الا الفلوس ناقصه النصف وصارت والحمدلله مسكوه ماقصرو رجال الامن فاحذر الغرباء ......

بالنسبه لخواتنا تحملو تلقون وحده مثلا في المستشفى اماكن الانتظار تسولف معاج وتشتكي الحال وبدون لا تحسين الا وانتي فاصخه ذهبج ومبطله شنطتج ومعطتها كل الي فيها ترىالسحر والشعوذه موجودين فحاذرو من اي وحده في مجمع غريبه ولا تحسين ان عليها حركات غير طبيعيه والله من وراء القصد ....شكرا

[طارق العلي]

الساحر لما ياخذ منك 50 الف وانت تحت تأثير المغناطيس او الكهرباء حلاله وعليه بالعافية يستاهلون اخوننا السحرة . .

بس المشكله اللي سرقو منك 200 الف او 300 الف وانت تشوفهم يسرقونك وانت ماتقدر

تسوي شي بحجة الفائدة وكلام فارغ ولا تقدر تاخذ منهم لا حق ولا باطل ! ! !

[ابو عبد الله]

الساحر لما ياخذ منك 50 الف وانت تحت تأثير المغناطيس او الكهرباء حلاله وعليه بالعافية يستاهلون اخوننا السحرة . . بس المشكله اللي سرقو منك 200 الف او 300 الف وانت تشوفهم يسرقونك وانت ماتقدر

تسوي شي بحجة الفائدة وكلام فارغ ولا تقدر تاخذ منهم لا حق ولا باطل ! ! !


?????:anger2::anger2::anger2:

[كــرت احمــر]

جزاك الله خير اخوي احمد على التنبيه .

[khalid-qtr]

الله يكفينا شرهم

[احمد1]

وجزاك الله خير يا خوي كرت احمر والله ودنا ننبه اخوانا وخواتنا من الظواهر الي تجد كل يوم والثاني والله من وراء القصد

[القيادة]

يعطيك العافية أخوي على التنبية


أنواع النصب والاحتيال كثيره ولازم نكون حذرين بس

المستغرب منه أن فيه ناس تقع ضحيه مادري ليش اسميها ثقه زايدة في الناس

او اسميها هباله مادري شسميها.

على ماقالوا أخوانا الفراعنه// اللى يسأل مايتوهش :nice:

[meme~qatar]

اما في المستشفيات يطلعون الطرارات حق النسوان وعندهم كثير من القصص اللي تعور القلب وطبعا ليست حقيقية

[الصريحه]

الله يحفظ الجميع

[فيزيائية]

غير اللي يدخلون البيت في العيد وينغصون علينا عيدنا بقصصهم الا مات الا انتحر الا تسرطن...وهم عيونهم في عيادي عيالنا وشناطنا!!!!

[نااااني]

ونااااااااااااااااسه هذيلا وينهم ابي اسويها اخر الشهر مع زوجي
هههههههههههههههههههههههههههههههههههههههههههههههههه هههههههههههههههههه

[بوحارب]

اشكرك على الطرح

[احمد1]

اشكرك على الطرح

العفو اخوي بوحارب اتمنى اني افيد او اكون سبب في وقاية الناس من النصب والسرقات

[Doha Sun]

يكفانا شرهم

[qatari 111]

مشكور عالتنبيه

[احمد1]

للرفعععععععععععع

[شيخ القبيلة]

هذول على الاقل يسرقون 50 و 100 ريال الدور والباقي على الحرااااااااااااااااااامية اللي عيني عينك يسرقون الملاييييين والمليارات ومحد قادر يوقفهم ويحاسبهم ويزيلهم من المجتمع نهاااااااااااائيا.

[*نجمة الليل*]

جزاك الله خير ..

[قطرية فذة]

طرد على طول

[intesar]

بالعيد في بيت اهلي جاو أطفال باكستنيين ياخذون عيدية ولا من غير حد يحس ابهم خذوا جهازين آي باد في طريقهم .. لكن الحمدلله فيه برنامج تشترك فيه خاص لاجهزة الآيفون يعطيك الجهاز وين ضايع وراحوا اخواني وعيال اختي ودقوا الباب الا الابو ينصدم مسكين ويقول لا أنا حسبت انه حد عطاهم اياه

احنا نقول مساكين يكسرون الخاطر ونعطيهم بالأخص الأطفال ولكن بعد يكسرون خاطري
الحاجة والجهل تسوي اكثر من جذيه

[الرويـس]

اذا طلبني فلوس بقول له ( ارحل )
:(
والله يرزقك

[عبدالله بن محمد]

الساحر لما ياخذ منك 50 الف وانت تحت تأثير المغناطيس او الكهرباء حلاله وعليه بالعافية يستاهلون اخوننا السحرة . .

بس المشكله اللي سرقو منك 200 الف او 300 الف وانت تشوفهم يسرقونك وانت ماتقدر

تسوي شي بحجة الفائدة وكلام فارغ ولا تقدر تاخذ منهم لا حق ولا باطل ! ! !

القانون لايحمل مغفلين

[بوخالد911]

بوررك فيييكم

والله يكفينا شررهم

[نوفا91]

اذا طلبني فلوس بقول له ( ارحل )
:(
والله يرزقك

ههههههههههههههههههههه
اهم شي ارحل :nice:

[الراقيه سبشل]

غير اللي يدخلون البيت في العيد وينغصون علينا عيدنا بقصصهم الا مات الا انتحر الا تسرطن...وهم عيونهم في عيادي عيالنا وشناطنا!!!!

ايييي مادري هو عيد ولا (ذكرى للمآسي):rolleyes2:

[boamir]

ياكثرهم والله
انا اول ماأشوفهم يقولون قصه على طول اعطيه شي عشان يحرك ولا يقعد يعور رااسي

[alwahesh]

جزاك الله خير اخوي احمد على التنبيه .

[موضي قطر]

اما في المستشفيات يطلعون الطرارات حق النسوان وعندهم كثير من القصص اللي تعور القلب وطبعا ليست حقيقية


صادقة بنت خالتي دخلت عليها وحده البيت من حول سنه وطبعاً هلت السوالف اللي تعور القلب وقالت زوجها مريض بمرض معين ولازم يسافر باسرع وقت وكانت شايله بنيه على يدها وعطتها المقسوم المهم من حول شهر شافتها في حمد تقول نفس السالفة وان زوجها لازم يسافر بأسرع وقت :rolleyes2:

[الخط الساخن]

خل في الشارع وتعلمنا منهم
لكن قولي لما يجي اجنبي لاول مرة يجي الدوحه ويداوم معاك وسمن على عسل ويبيك تطلع كل اسبوع مره معاه...... بعد ستة شهور يقولك حد من اهله مريض ويقولك عطني 20 الف انا مداوم معاك ولاتخاف واذا في شئ تقدر تاخذه مني لما ارد من راتبي ......ويسويها مع 15 موظف وياخذ من كل واحد 20 الف ويحط رجله ولا يرجع الدوحه ويطلع ب 250 الف ويشرد
هاي شتسوي فيه

[qatari911]

الطراروه كثييييييييير
واطرارة 2011
كنت اعبي سيارتي في محطة وقود
ونزلت علشان اسحب افلوس طلعت المكينه ماتسحب
لما جيت ابي اروح الصراف الي في الخارج
الا واحد كاشخ ثوب وغتره لو تشفونه ماتقولن هذا عنده رنج سبورت <<<المهم
سلم علي وصار يقول
شلونك وشخبارك بالله حي الرجال <<<<< انا على بالي يبي الصراف
فرديت عليه بعد السلام الصراف مايشتغل روح للثاني
المهمه لما رحت وسحبت من الصراف الا هو وراي
وقعد
يقول الله يرحم والديك انا ورفيقي جاين من سيلين وماعندي قيمت البترول وسبيته وهاوشته <<<<بس عطيته المقسوم لانه كسر خاطري
وسيارته طلعت عراوي موديل 1900 وحطبه
وعلى فكره سوى نفس الحركه مع غيري
الله يعلم كم جمع ذاك اليوم
شكلي ملغت عليكم ^ــ^
في حفض الرحمن

[كاتم الاسرار]

الساحر لما ياخذ منك 50 الف وانت تحت تأثير المغناطيس او الكهرباء حلاله وعليه بالعافية يستاهلون اخوننا السحرة . .

بس المشكله اللي سرقو منك 200 الف او 300 الف وانت تشوفهم يسرقونك وانت ماتقدر

تسوي شي بحجة الفائدة وكلام فارغ ولا تقدر تاخذ منهم لا حق ولا باطل ! ! !

يعطيك العافيه الصراحه جبته في الصميييييييييييم والله

الله المستعان

[لافوشيا]

سحر وشعوذه؟؟؟؟؟؟؟؟؟؟:eek5: شدعوه؟؟؟ انزين مب مشكله بعطيها كل فلوسي ولا تأذيني بالسحر
سكنهم مساكنهم :rolleyes2:

[مشتاقة لقطر]

بعد اذكر سالفة

وحدةشامية جايبة ورقة مرض سرطان بلفيت لزوجها اخر شي سالتها .. يسوع شو معناته ؟ مسلمة انتي قالت ايه بس اهل زوجي كنتيتهم جيه ؟؟ عطيتها نظرة .. تهربت ..

ثاني مرة جات تقول انا صديقة امج ؟

ثالث مرة قالت ابي اكمل الاجار باقي علينا 500 ريال .. قلت لها باكلم بوالعيال ؟

جات بعد يومين قلت لها مضغوطين؟؟ قامت تقول بالله ليش توعديني ؟؟ تهاوش ؟ عصبت عليها ؟

ومن يومين زوجي طالع من البيت جاه تونسي كاشخ قاله ابي 100 درهم لين اخر الشهر بارججعها لك عطاه المقسوم وقال له ما ابيك تردلي اياه وجاني مستانس ضحكت عرفت انه يسوي الحركة مع اكثر من شخص

موقف ثالث بالاسواق تجيك وحدة هيئتها سعودية ..
تقول انا حربية بين عرب اجواد ولو ماحدتني الظروف ما كان كلمتش .. نبي رجعنا لبلدنا وحق البترول ماعندنا ..

وبالصدفة رجعت لنا يوم ثاني ؟ قلت بعدج ما سافرتي..
وما اتذكر اشسوت .. اعتقد تهربت

وياما وياما شحاتة على مستوى ( يقوللك المثل المصري :
(شحات لابس كرفته )

[vtc-4800]

مشكور يالطيب على التنبيه