يوميات معلمة في مدرسة مستقلة

[خيال شمر]

معلم في مدرسة مستقلة يعني ان تكون شخصــا غير عاديا ، يمتلك قدرات خاصة للتفكير في أمور متفرقة في وقت واحد ويستطيع أن يعمل لاثني عشر ساعة متواصلة على الأقل ولا مانع في أن يخطط للغد في أحلامه كنوع من توفير الوقت إن ساعدته مواهبه على ذلك .

تستيقظ صباحا على زقزقة العصافير وصوتها الجميل الذي لا يلبث أن يختفي رغم وجود العصافير لكن لأن هناك أصواتا أخرى تعلو ..أصواتا كأنها صيحات حرب لحث المقاتلين على الجهاد وأحيانا تعلو أكثر لتذكرنا بارتطام أبراج امريكا بالأرض بعد أن اخترقتها الطائرات مجهولة الهوية في أحداث 11 سبتمبر .. وسرعان ماندرك انها أصوات بل مواهب طالباتنا الصوتية والتي تنافس جرس المدرسة في حدته وازعاجه .

تخطط لليوم المدرسي أبلة زيتونة اممممممممم عندي حصة أولى وفاضية ثانية وعندي ثالثة رابعة وفاضية خامسة وسادسة ..امممممممم الثانية بحضر فيها للثالثة والرابعة .. والخامسة بصحح أوراق التطبيق وبروح لفلانة أبدل معاها حصة بكره عشان أطلع للورشة بكره الساعة 10 والسادسة بصلي وبدور على معلمات صفي اللي انا هوم روم عليه عشان اكتب التقرير واسلمه

طبعاااااا هذي افكار ومخططات المعلمة .. ولكن تأتي الإشارات المرورية بما لاتشتهي السيارات

ويكون الواقع بهذه الصورة

الأولى عطت حصتها ورجعت القسم لقت المنسقة بابتسامتها الصفراء تقول لها : ترى أم عتريس غايبة تعبانة وعندها اربع حصص .. وانتي بتدخلين صفها الحين حبيبتي بعد قلبي والله انتي .. ادري ضغط .. بس انضغطي اكثر عاااادي

مافي ردة فعل من قبل المعلمة لأنها تعيش صدمة خلتها تفهي بشكل مؤقت .. بعدين تلم شتات مشاعرها المبعثرة بعد ماشافت وقاست عرض كتاف المنسقة اللي عطتها ظهرها عشان تشوف الجدول وتشوف من فاضي في القسم ومن فاضي في المدرسة عشان ياخذ حصص ام عتريس ... ياربي حتى المديرة مب فاضية ... شهالحالة ..!!

تاخذ ابلة زيتونة التحضير عشان تحضر في الحصة ..عالأقل تنجز شي .. تدخل الصف وتلقى أم المعارك في الصف .. البنات يعيشون حالة من الغوغائية المتمركزة لديهن في المخيخ وهذا النوع من المرض لا يمكن علاجه إلا بفلعة من فلعات مدرساتنا قبل اللي في الحكومي .. لكن عاااد من يقدر يفلع ولا حتى يقط ريشة على الطالبة ... سوبر سوبريم ويذ اوت اونيون اند قرين بيبر .. قصدي سوبريم كانسل .. احم احم .

بصوت عادي جدا تقول : السلاااام عليكم ... اللي قاعدة جدام هي اللي ردت بس .. وبعد ياليتها كملت بس قالت : وعليكم

المدرسة فجأة تحولت بسرعة عجيبة إلى بوكيمون ذا لون ازرق وعينان حمراوتان وعروق خضراء وصوت أشبه بصوت محمود المليجي وهو قايم من النوم بعد ويبدأ الزئير : انتوا ماتشوفوني واقفة جداااااااامكم

والبنات في هاللحظة يحسون ان فيه كائن من عالم المدرسات موجود وأول سؤال هو : وين ابلتناااا <<< بمد الكلمة

يبدأ ريش المعلمة المنتفش في الهبوط وتقول : ابلتكم ام عتريس غايبة وانا بدالها .. لذلك مابي اسمع ولا صوت ..

تبدأ تحضر وهي أشد ماتكون في التوتر وأعصابها مشدودة بحيث أنه لو لمستها طالبة بالغلط ممكن تتكهرب

يدق الجرس اللي لو ينطق كان بيقول : يله افرااااااااااااااااج

وتروح على حصتها الثالثة وهي للحين متنشنة وتشوف مدرسة ثانية في الطريق وتوقف معاها عشر ثواني وتمر إدارية من عندهم فيقولون لها : احنا رايحين صفوفنا ترى <<< يعني لحد يكتب اسمنا .

تخلص حصتها الثالثة والجرس يقول : يله افرااااااااااااااااااااج وتروح القسم تلقى الكل لاهي اللي غايصة في الورق واللي حواليها طالبات يسألونها .. واللي واقفة توها جاية من حصة ورافعة شعار لحد يكلمني انا انسان خطر .

تروح مكتبها .. تقط أوراقها واقلام السبورة .. تشيك عالجوال .. ابو العيال متصل .. امها ..رفيجاتها ... دريولهم ... كلهم أشخاص غير مهمين حاليا .

تقوم تسوي لها نسكافيه ولا شاي .. الا طالبة جايتها : مس انا ماحليت الواجب لأن لما وصلت بيتنا فتحت الشنطة ولقيت الورقة مب موجودة ؟

تقول لها الأبلة حليه وهاتيه نهاية الدوام .. اليوم اخر موعد

تبدأ البنت تحن .. مس مايصيييييير .. مافيه وقت بروح امتحن كويز الميتافزيقيا في البريك

يبدأ هرمون المثلينيموكيرن يرتفع عند الأبلة وهذا الهرمون هو الهرمون المسؤول عن تحويلها إلى بوكيمون .. وطبعا الأبلة تدري بنفسها أنها راح تتحول مثل الرجل الذئب لما يشوف القمر مكتمل .. لأن فيه عرق فوق حاجبها اليسار هو المسؤول عن إعلامها وتنبيهها بالتحول فلما بدت البنت تحن .. بدأ العرق في النبض والتنبيه .. قامت الأبلة قالت لها : بكره بكره بكره .. ابعدي عني .. خلاااص .

راحت البنت الله يستر عليها لأبلة ثانية عشان تأجل لها الواجب لنفس السبب ونفس الموضوع وطبعا نفس الأعراض مالت التحول راح تصيد الأبلة الثانية وهلم جرااا

وابلتنا المسكينة راحت تسوي النسكافيه .. لكن ترررررررررررررررررررن ..صاح الجرس

تتهاوى المعلمة على كرسيها وتتعوذ من ابليس .. امممممم ايش درس الحصة الرابعة

اهاااا العلاقة بين السادية والنرجسية لدى شعب كوكب بلوتو.

وهي في الحصة ..تدخل الادارية ممكن اخذ المخالفات .. اظافر زرقاء .. عدسات بيضا .. جوتي أصفر .. .. وكم سالفة مع كذا بنت .. تمر من عند الأبلة : يعطيج العافية يامس .. وهي طالعة ، دقيقتين الا داخلة طالبة : مس ممكن اكلم حيزبونة ؟

لااا مش ممكن عندنا حصة ..

مس تكفيييييييييييين أمر ضروري .... عندها جوازي وانا الحين بسافر !!!!

ودريولنا ينطرني عند باب الصف <<< زيوووووو صاروخ

تطلع البنت الجواز وتنتثر أوراق ملكية البيت وصور العائلة الشخصية وبطاقات البنك وجواز الخدامة بعد .

وتكمل الأبلة الشرح .. وهي عبارة عن كتلة من اللهب الذي لا يصدر حرارة ولكنه يحرق عند اللمس .. لذلك محد يحس فيها .

يرن الجرس ... تحاول ماتروح القسم لأن ام عتريس غايبة ويمكن المنسقة تنطرها عشان تعطيها الحصة .. فتقرر انها تروح قسم الاقتصاد المنزلي عشان تضيع عالأقل عشر دقايق

تفتح بابهم وتقول : السلااااااااااااااااام .. الا منسقتها في وجهها .. سبحاااان الله

تروح عند ابلة الاقتصاد يابلفيت عندها سالفة عن طالبة ولا هوم روم ولا هوم سنتر ولا حتى رامز .. المهم تفتك من المنسقة

تطلع وتروح القسم على أمل أنها ترتاح اخر هالدوام .

تفتح الجوال الا مسج من الادارة : بريك الغدا فيه اجتماع هوم روم

تقول لنفسها عندي الخامسة راح اصلي وبعدها بمسك أوراق بناتي .. فجاة تتذكر أنها لازم تكلم أم طالبة عندها في الصف لأنها تسولف في الحصة وكذا مرة تنبهها ومافي فايدة

تروح للأخصائية وتكلم الأم .. وتقعد معاها ربع ساعة

ترجع القسم تلقى طالبة تنتظرها .. شتبين يا ماما

مس انتي قلتي لي إذا سمحت لج الأبلة تطلعين من الحصة بعطيج الكويز

تقعدها على طاولة معلمة وتخليها تحل .. وتبدأ هي في تصحيح أول ورقة .. تدخل طالبة ثانية ومعاها ورقة استئذان وتقول : مس ابلة هايدي تقول لج اكتبي لها ورقة ان الطالبة عندج

تكتب الورقة وتعطيها الطالبة وترجع للتصحيح .. تدخل ادارية وتقول : كم كمبيوتر عندكم .. كم سماعة .. كم واير .. كم سلك .. كم تلفون ... كم كرسي .. كم طاولة .. كم زهيوي ؟؟

زيييييييييين شوي شوي .. تدخل المنسقة في هذي اللحظة ، وتقول لها الأبلة : يسألون عن العهدة

وتقول المنسقة مليون ألف مرة سألتوا .. ويبدأون يجردون .. والأبلة تصحح والبنت تكتب الكويز

فجاة ابلة زيتونة مفروشة عالأرض واوراقها منثورة حواليها ..!!!

أوووووووووووووه ماشفناج ... قلبنا الكرسي عشان نشوف الباركود ماندري انج قاعدة عليه

وطبعا البنت لقت لها سالفة دسمة تقول لها لبنات صفها ... نيأ نيأ نيأ

العرق اللي فوق الحاجب اليسار بدأ ينبض ويعلن الخطر لذلك اختارت انها تطلع من القسم وتخليهم يجردون براحتهم .. وراحت للكافيتيريا تشتري عصير .. طاخ طاخ طاخ

محد يفتح ... افتحوا الباب

تطل الفليبينية : منوووووووو

انا تيتشر .. تفتح الباب وهي تبتسم .. سووووري هدا بنات كلووو مشكل لازم قفل باب

تاخذ عصير وتطلع تشرب العصير بشفطة وحده .. وتقطه في اقرب زبالة

ترجع القسم .. وتلقى البنت مخلصة الكويز وحاطته عالمكتب وراسمة هابي فيس

والمنسقة بح .. والقسم فاضي .. فرصة اكمل تصحيح قبل لايطق الجرس .. تدخل أبلة مزيونة وتقول : احنا معهد الحياة .. انتي تدرسين صف زيرو / ون .. تقول لها أيه

تقول لها : تعااالي دققي معانا الاختبار لأن احنا نطلع الساعة 12 ونص !!!

الأبلة في هاللحظة تعطي نفسها كف لأنها رجعت القسم وتروح ورى ابلة مزيونة .

طبعاا البلوك الخامس خلص وبدأ البريك ... وهي مارجعت القسم

وهي طالعة من معهد الحياة تصادفها طالبة تبيها تشرح لها المقالة المطولة .. تتكلم معاها لين توصل القسم وتلقى رفيجتها في القسم تقول لها : امبييييييييييييييه يلللله تاخرتي على الاجتماع المديرة سألت عنج

تقول للبنت : اذلفي .. قصدي روحي الحين حبيبتي وبكره بإذن الله إذا الله ما خذا امانته اللي هي انتي .. تعالي لي .

وتروح الاجتماع ... ويبدأ الحديث عن مهام الهوم روم .. وانه لازم تقريرين في كل فصل عالأقل لأن أكيد مستوى الطالبات راح يختلف ويتغير ..وووو وتسرح الأبلة في ملكوت اخر وتتذكر لما كانت طفلة صغيرة تلعب جدام بيتهم وتمر سيارة الخبز العصر تضرب هرن عند الباب وينزل الهندي بوقذيلة يقول لها نادي ميري عشان يشيل خبز.. وتنادي ميري بكل براءة ... ويقعد راجو يسولف مع ميري وهي تلعب جدام البيت .. وتنطق الأبلة بصوت عالي في الاجتماع : اهااا الحين فهمت السالفة ... تلتفت المديرة : اي سالفة ؟

تقول الأبلة: الحين عرفت ليش راجو يقول لي نادي ميري ... المديرة فجأة تنقز فوق راسها علامات تعجب .. والمدرسات يقولون لها ابلة زيتونة شفييييييج .. احنا نتكلم عن الطالبة شرشبيلة وتأخرها عن الحصص وانتي عن راجو وميري

تسكت الأبلة وماتلقى كلمة ترد عليهم فيها .. طبعا لا تعليق .. ويخلص الاجتماع

ويرن جرس الحصة السادسة .. وطبعااا لازم تروح حصة ابلة ام عتريس لأن كل ابلات القسم عندهم حصص والمنسقة عندها ورشة معايير في المجلس الأعلى .

ملاحظة : تحولت في هذي الحصة إلى بوكيمون لأكثر من مرة في الحصة .

تلبس عبايتها بالمقلوب وتلبس الشيلة وتنسى توقع الانصراف تركب السيارة وتلقى زوجها اللي يقول لها : ليش عبايتج مقلوبة

تقول له : من كثر شوقي لك ولهفتي لبستها مقلوبة .. مايدري انها مب شايفة اصلا من كثر ماطق هالعرق اللي فوق الحاجب

وانتهت يوميات مدرسة في مدرسة مستقلة .... :thumbup1:

[طارق العلي]

لكم الجنة ان شالله . . والله مايكسر خاطري الا هالمعلمات . . واذا شفتكم تشتكون ابكي بكاء طفل عجوز

[ريم الشمال]

اضحك الله سنك
هم يضحك وهم يبكي
تقريباً وصفتي الشئ الكثير مما يحدث

ومسلسل المستقلات لا ينتهي أبداً
ريم الشمال

[الوان]

هل فيه هيئة لتقييم المجلس الاعلى للتعليم

[شمس المغيب]

كان الله في عونكم
أخواتي وأخواني
في المستعلة (المستقلة )

ويلومنا لين شردنا منهم

[نورهان88]

صراحة عورني أراسي 000 لا لا لا لا التدريس

[بـــــــنت النوخـّــــذه]

متأكده ان اسمها أبله زيتونه مهب ابله مقروده :looking:

صدقوني انتو مجاهدين بس يبغيلكم سلاح 00000 نووي <<اشدخل

عموما" الله يكون في عونكم يلا يقولون جايكم الخير اصبرو <<<< اتحاول ترفع معنوياتها ^_^p

[أم قطرية]

:stop:

[mrs.spoon]

كان الله في عون ابله زيتونه وابله تفاحه وابله حكمت وابله السيده ملعقه
اه اه اه اه اه اه اه اه اه اه اه اه اه اه اه .........

[الجووري]

عسى الله يكون في عونهم رغم اني جاني وظيفه في مدرسه مستقله

رفضتها والله يكتب اللي فيه خير

[خيال شمر]

انا رجل ولست انثى :) والله يعين المدرسات وخصينا المعلمات لانه لهم النصيب الاكثر من التعب الدوام البيت وغيره الله يعينهم :)

[طارق العلي]

انا رجل ولست انثى :) والله يعين المدرسات وخصينا المعلمات لانه لهم النصيب الاكثر من التعب الدوام البيت وغيره الله يعينهم :)

هههههههههه يعجبني الشخص يكون غامض ويعجبني اسلوبك بالتمويه . . اصبر شوي شوف الهجوم عليك خاصة

بعد ماكشفت هويتك لهم

[خيال شمر]

هههههههههه يعجبني الشخص يكون غامض ويعجبني اسلوبك بالتمويه . . اصبر شوي شوف الهجوم عليك خاصة

بعد ماكشفت هويتك لهم

:no2::no2::no2::no2:

[طارق العلي]

:no2::no2::no2::no2:

:secret: :secret: :secret:

[الحريّه]

:thumbup1: ضحكت كما لم اضحك من قبل يا خيال شمر ..اسلوب تصويري , شيّق ورائع فعلا .
تحياتي:victory:

[خيال شمر]

:thumbup1: ضحكت كما لم اضحك من قبل يا خيال شمر ..اسلوب تصورير, شيّق ورائع فعلا .
تحياتي:victory:

يو ولكم :pic:

[الشاااهين]

رائعة جدا هالخاطرة
التي تنم عن عبقرية وإبداع المعلمة المجاهدة التي كتبتها
مثلت الواقع بحذافيره بأسلوب يضج بالسخرية والمتعة


على فكرة
وصلت هذه الخاطرة العبقرية على ايميل ام العيال أمس
لأنها ببساطة أقرب وأحب وأغلى صديقاتها
وضحكنا كثيييييييييييييييييييييييرا عند قراءته


باركها الله وأعانها على تحمل هذه المسؤوليااااااااااااااااااااات الجللة



والشكر موصول لك اخوي خيال شمر على نقل الموضوع ليقرأه الجميع

[خيال شمر]

رائعة جدا هالخاطرة
التي تنم عن عبقرية وإبداع المعلمة المجاهدة التي كتبتها
مثلت الواقع بحذافيره بأسلوب يضج بالسخرية والمتعة


على فكرة
وصلت هذه الخاطرة العبقرية على ايميل ام العيال أمس
لأنها ببساطة أقرب وأحب وأغلى صديقاتها
وضحكنا كثيييييييييييييييييييييييرا عند قراءته


باركها الله وأعانها على تحمل هذه المسؤوليااااااااااااااااااااات الجللة



والشكر موصول لك اخوي خيال شمر على نقل الموضوع ليقرأه الجميع

هههههههههههه

وينك انا انطرك تطلع لنا علشان يدرون انه انا رجال وصراحه الي كاتب هالشي الرضيعه ... هي مدرسة ... :) ... وحبينا المدرسات الي اهنيه يقرون والناس تدري بمعاناتهم ... تحيه لك

[اعالي الجنان]

اخيه من المستقله وسنينها
الله لايردني لهم يارب
يازين قعدة البيت راحه مابعدها راحه
الله يعينكم ياللي بالمستقله

[شمس]

ادري ضغط .. بس انضغطي اكثر عاااادي



هههههههههههههههههه

[مدرسة]

http://i135.photobucket.com/albums/q137/comicsonthebrain/liveart/superman-1.jpg
هذا حالنا في المستقلة :ok:

الله يعطينا وياج الصحة و العافية يا كاتبة الخاطرة و الشكر موصول للأخ خيال شمر اللي نقلها لنا ، لو فكرنا فيها ........ لج يالمعلمة كذا ميزة .... أجر عن رب العالمين اذا احتسبتي المجهود ( و هو أهم شي )
و تشاركين في صناعة المواطن القطري ما تخلين هالمهنة للعوية و المنكسرة من الدخلاء على مهنة التعليم و ممن اتخذوها تجارة
و يكون لج دور ان شاء الله في حركة التغيير مع الأيام بالوصول الى مناصب مؤثرة
بصراحة....هذا هو أملي و الغاية من استمراري في سلك التعليم بعد اغلاق المدارس الحكومية بنهاية العام المنصرم..
يمكن تقولون عني خيالية ، انا اثق في قدرة الإنسان على التغيير و اذا قدرت اغير و احسن من مستوى التعليم لو حتى في قسمي او مدرستي او حتى لو على مستوى صفوفي بكون اكثر من سعيدة.

في النهاية .... حبتيييييييييييييييييييييييييييييييييييييييين لكل معلمة ...... على راسي:thumbup1:

[mrs.spoon]

ماشاالله عليك يالمدرسه، وان شاالله انتي كدها واكثر .

[خيال شمر]

http://i135.photobucket.com/albums/q137/comicsonthebrain/liveart/superman-1.jpg
هذا حالنا في المستقلة :ok:

الله يعطينا وياج الصحة و العافية يا كاتبة الخاطرة و الشكر موصول للأخ خيال شمر اللي نقلها لنا ، لو فكرنا فيها ........ لج يالمعلمة كذا ميزة .... أجر عن رب العالمين اذا احتسبتي المجهود ( و هو أهم شي )
و تشاركين في صناعة المواطن القطري ما تخلين هالمهنة للعوية و المنكسرة من الدخلاء على مهنة التعليم و ممن اتخذوها تجارة
و يكون لج دور ان شاء الله في حركة التغيير مع الأيام بالوصول الى مناصب مؤثرة
بصراحة....هذا هو أملي و الغاية من استمراري في سلك التعليم بعد اغلاق المدارس الحكومية بنهاية العام المنصرم..
يمكن تقولون عني خيالية ، انا اثق في قدرة الإنسان على التغيير و اذا قدرت اغير و احسن من مستوى التعليم لو حتى في قسمي او مدرستي او حتى لو على مستوى صفوفي بكون اكثر من سعيدة.

في النهاية .... حبتيييييييييييييييييييييييييييييييييييييييين لكل معلمة ...... على راسي:thumbup1:



العفو أختي والله يعطيكم العافيه

[نورهان88]

صراحة عورني راسي 000 لا لا لا لا التدريس



:yawn::no2:

[غابت الشمس~]

ماقريتها كلها لأني اعيش هالقصه كل يوم وعارفه النهاية هههههههه

بس شعور حلو لما تتحول المدرسه إلى بيكمون

ومرات سوبر ويمن *_^

[خيال شمر]

ماقريتها كلها لأني اعيش هالقصه كل يوم وعارفه النهاية هههههههه

بس شعور حلو لما تتحول المدرسه إلى بيكمون

ومرات سوبر ويمن *_^

يعطيكم العافيه والله يفرجها عليكم .. :)