الفرق بين مكيف سبلت واستاند ...

[الطبيشي]

عندي غرفه نوم مساحتها كبيره والتسليك للمكيف فيها اسبلت واحد بس ... وانصدمت يوم المقاول قال لي واحد بس والخطأ كان من المكتب الاستشاري وانا ماعندي خبر الا بعد ما تم الانتهاء من البناء ... الحين يا أركب 3 طن سبلت أو اركب ستاند 4 طن ......... الحين استشاره اخويه من اهل الخبره ... ماذا أفعل ؟؟؟؟؟؟؟؟؟؟؟؟؟

[شموخ دائم]

,

,


مرحبا


ممكن نعرف المرحله الي واصل لها البيت ؟ عظم عملت تبليط او صبغت البيت ؟؟
عملت عازل السقف او لا؟؟

ولي رجعه

,

,


اخوك

شموخ دائم

[بويوسف]

اخوي اذا كان فيه سقف من الجبس يفترض ان المقاول يقدر يمدد لمكيفين .. ممكن نعرف مساحة الغرفة ؟

[الطبيشي]

المرحله اللي وصل لها البيت خلصت العظم وتوني في بداية التشطيب ومابلشت للحين ... مساحة الغرفه 8/6 مع غرفة ملابس مفتوحه مع الغرفه مساحتها 4/3 ومافيها مكان تسليك مكيف .. يعني المكيف للغرفتين ... المقاول يقول انا انصحك بمكيف سبلت 3 طن وراح يبرد لأنه في غرفة نوم وغرفة النوم شبه مغلقه ولكن انا حاب استشارتكم ورأيكم ....

[Chambray]

انصحك بحل ممتاز
لاني انا صار لي نفس الشئ وتوهقت شوي
لكن حليها وارتحت

مالك إلا مكيف دكت سبليت

ودكتات تمشي للغرفه وإلى غرفه الملابس
والدكت من 3 طن لين 18 طن إذا تحب

[<اضرب واشرد>]

احنا من سكنا البيت من أكثر من 10 سنين واحنا متوهقين مع مكيفات السبلت

كل شهر إلى ثلاث شهور تخترب ولا يطلع فيها بلوه ونجيب هندي يصلحها أو ينظفها

خاطري يعدي كم اسبوع بدون مانجيبه !

وخسرنا عليها أكثر من قيمتها

وعندنا مكيفين وندو في المطبخين وماشاء الله يشتغلون بالسنيـــــــــن ولا يصير فيهم شي ولا يقربونهم الهنود خير شر.

[شموخ دائم]

,


,



مرحبا اخوي

انت بمرحله العظم ماعندك مشكله

انا اشوف تركب مكيف ثاني انا احب مكيفين بالمكان

اختار مكان للمكيف الثاني واعمل تمديد الكهرباء له

واعمل تمديد البيبات

قول للمقاول اعمل فتحه للمكيف الثاني واستخدم ( الهلثي ) ان شاء الله خلال ساعه يكون العامل عمل فتحه التكييف

قول للمقاول ( بلاش كسل ) ولا تدور الحلول السهله عليك

وركب مكيفين سبليت

اذا جاء الصيف شغل الاثنين وامورك طيبه

واذا الجو معتدل تشغل واحد

واذا تعطل مكيف عندك الثاني شغال

وبالتوفيق لك

,

,


اخوك


شموخ دائم

[الطبيشي]

ايش المشكله لو ركبت ستاند 4 طن ؟؟؟ أو سبلت 3 طن ؟؟؟ ...... اما بخصوص الدكت سبلت قالوا لي أهل المتسوبيشي ان سعره مكلف .... لذلك شليته من بالي ...

[Chambray]

ايش المشكله لو ركبت ستاند 4 طن ؟؟؟ أو سبلت 3 طن ؟؟؟ ...... اما بخصوص الدكت سبلت قالوا لي أهل المتسوبيشي ان سعره مكلف .... لذلك شليته من بالي ...

انا موقع عقدي من ( دايكن ) ... سعرهم معقول .

[شموخ دائم]

,


,


مرحبا

ستاند 4 طن ( صوته مزعج ) اخوي

نفس الصوت الي يطلع بالمسجد اذا صليت جنب الاستاند صوته قوي

خيار الاسبليت احسن لك

والقرار لك

دمت بطيب

,

,


اخوك


شموخ دائم

[وطن]

الستاند منظره مب حلو بالغرفة
السبلت بيكون احسن

و 3 طن اظنها كافيه لمساحة الغرفة لانها مو كبيرة وايد
بس يعتمد على موقعه من الغرفة وين

واذا كنت من النوع اللي يحب المكان مثلج
ماراح يكفيك

[ZURICH]

انصحك لاتركب ستاند لان شكلة مثل الثلاجة

ممكن سبيلت 3 طن جنرال اصلي من العمادي

واذا تقدر ركب كاسيت من ميتسبيشي الكتريك ( عندهم ياباني اصلي )

[الطبيشي]

مشكووووووووووووووووووووووورين وماقصرتوا ... الله لايهينكم على الردود الكافيه والوافيه .

[ليث المعاني]

شوف اخوي ركب اسبلت يونت 3 طن وفي اسوء الاحوال استاند 4 او 5 طن لكن باقولك شي لاتحاتي البرودة
انا حاليا قاعد اشطب بيتي في البيسمنت عندي 2 اسبيلت يونت مع ان المساحة تقريبا 350 متر مربع ولو مع الغرف بنقول 400 متر مربع صدقني حطيت فتحات لمكيف الاستاند لعدد 2 بالاضافة الى فتحات الاسبيلت يونت لعدد 2 والاختيار النهائي بيكون لي واهم شي اختيار نوعية ممتازة من المكيفات مثل جنرال او ميتسوبيشي او هيتاشي ...الخ وصدقني بتدعي لي

[فواز1976]

نصيحتي لك مثل ما شار عليك احد الاخوه ....... ركب دكت سبليت (كونسيلد) افضل واجمل وتوزيع الهواء متساوي .... وهادي
وعلى حسب معرفتي انه العمر الافتراضي لمكاين الدكت سبيلت اطول من السبيلت العادي

اما من ناحيه التكلفه فهي تعتمد على حسب تصميم وطول الدكتات الي راح تعملها ....