اصحاب الخبر في اسعار الاراضي الخيسه

[العمر كله]

السلام وعليكم ورحمة الله وبركاته
صبحكم الله بالخير جميعاا

عندي استفسار بخصوص الاراضي في الخيسه انا حصلت ارض في الخيسه على شارعين مساحة 1200م اليوم بروح اشوف الارض بس بغيت اعرف عن سعر الفوت قبل لا اروح ياريت احد يفيدني بخصوص سعر الفوت وكم عمولة المكتب بتكون والاجراءات الثانيه مابي انخدع واطيح في المقصه
وجزاكم الله الف خير ...

[N7eEeS]

وعليكم السلام ورحمة الله وبركاته
السعر يعتمد على موقع الارض وين في الخيسه ومكان الارض نفسه مرتفع او نازل حزم او غيره والواجهه كم.
انا قبل شهرين ماخذ وحده نفس المساحه شرق محطة البترول ب 170 ريال للفوت.
بعدها انعرضت علي كم قطعه ب 175 ريال للفوت بس ماشريت حسيت في مبالغه في السعر ومن اليوم لين الخميس الجاي راح اتحدد الاسعار بشكل اوضح لان بعضهم الحين مايبيعون يماطلون لين اعلان نتائج تنظيم كاس العالم.
العمولة 1%.
والاجراءات بسيطه لاتدفع الفلوس الا في وزارة العدل وتأكد ان الارض هي نفسها بس.
وبدل ماتدفع كاش خذ شيك مضمون الدفع من البنك.
والله يوفقك

[العمر كله]

يرحم الله والديك وماقصرت

وبخصوص الارض مستويه سيده لا فيها حزووم ولا غيره والواجهة الارض 30

[العمر كله]

بغيت اعرف السعر التقريبي

[N7eEeS]

بغيت اعرف السعر التقريبي

والديك الجنه انا ماخذها ب 170 ريال للفوت يعني قول 175 ريال للفوت بالكثير

[شموخ دائم]

,

,


مرحبا
احب اشكر اخوي واضيف على كلامه

1200 متر نحولها الى فوت راح تطلع المساحه بالفوت
12,916

اذا الفوت 170 ريال راح يطلع السعر
2,195.856 اثنين مليون ومئه وخمسه وتسعون الف وخرده
:)

اذا سعر الفوت 180 ريال راح تطلع
2,324,880 اثنين مليون وثلاث مئه واربعه وعشرين الف وخرده

طبعا وقت البيع الكسورد هذي والخرده تنشال من الحسبه ونخلي الارقام الصحيحه

وطبعا التسجيل والدفع في مكتب ( السجل العقاري ) وزاره العدل مكانهم خلف
ستي سنتر وبعد ما تتاكدون من الموظف ان الارض مو مرهونه او عليها نزاع او وراثه
هذا الموظف يتاكد منها ويقولون لك ان كل شي تمام
ساعتها يتم الدفع والتوقيع على البيع امام الموظف
ويوجد موظفات وقسم خاص للنساء ايضا

الحمدالله الامور طيبه بقطر ومنظمه زين
( اهم شي لاتدفعون اي مبالغ لا لصاحب الارض ولا للمكتب العقاري ) الا في السجل العقاري
وزاره العدل كل الفلوس هناك تندفع حتى تتجنبون اي مشاكل لاقدر الله
اذا تمت البيعه تدفعون للمكتب وتاخذون ايصال دفع

وهناك عموله تدفع للدوله على البيعه رسوم يمكن تطلع بحدود من 1500 الى 2000 ريال
مو متاكد والله ياريت تتاكدون من الموظف

وبعد ( اسبوعين بالكثير ) يطلع لكم الملكيهالجديده باسمكم


واي حسبه تبونها حاضرين لكم
:)

,

,



اخوكم

شموخ دائم

[العمر كله]

الله يرحم والديك ويكثثر من امثالك انشالله ومشكور على الشرح الطيب

بخصوص الفوت 200 ريال يعني وااايد صحيح لمنطقة الخيسه ؟

[deema117]

الفوت 150 ريال

[العمر كله]

والله لوفي الفوت ب 150 انا شراي وفلوسي كااااش

[شموخ دائم]

,

,


الله يرحم الجميع برحمته

الخيسه سعر الفوت من 180 الى 200 هذا السعر تقريبا هناك الان
قبل سنه كان الفوت 160 ريال تقريبا
اما الان من 180 الى 200
ما تلاقون ارخص هذي الايام في الخيسه للاسف
ممكن تلاقون في ام صلال على 120 او 130 ريال
الخيسه والخريطيات على ال 180 الى 200
مستحيل تلاقون على 150
والي عنده هذا السعر ياريت يفيد صاحب الموضوع
ويكسب اجر
اخوانا المصريين يقولون
( الميه تكدب الغطاس )
:)
الي عنده ب 150 يحط لنا هنا وفلوسنا جاهزه صاحب الموضوع اول شي وانا بعده جاهز



,

,


اخوك


شموخ دائم

[العمر كله]

اي والله صدقت ياخوي شموخ دائم 150 الفوت شوي على هالمنطقه
وتراني جااااد ب 150 الفوت مساحه 1200 م
انا شراي وفلوسي كاااااااااااااااش انا مهب رجال اذا انا رجعت بكلمتي والله شاهد علي اني جاااد اللي عنده الحين يقول لي الحين بروح اشوف الارض ويستلم الاربون ويوم الاحد من ساعه 6 الصبح انا رايح اغير الملكيه اذا صج واحد يبغي يبيع الفوت 150 او اكثر شي بسيط

[deema117]

اليوم اتصل لي وسيط كنت موصيته على طلب لي بس مب بنفس المنطقة

وعنده أرضين 1200 بسعر الفوت 150 ريال في الخيسة وعلى فكرة قابل السعر لأن يكون أقل


بما أن صاحب الموضوع أول من سأل فأنا حابة أفيدك وبرسل لك عنوان الشخص وأنت تفاهم معاه

وادعيلي إذا ناسبتك الأرض :strong2:

[مخطط قطري]

صدقت ديمه في اراضي في الخيسه ب150 و160 ومتوفره هالكلام من فتره بسيطه عاد هالايام توصل 200 ولا 300 ليش لا لانه الكل ماسك ارضه وعارفين السبب بس اذا قطر ماستضافت كاس العالم
في ظنكم كم بيوصل الفوت؟؟؟؟

[العمر كله]

اعتقد بتنزل الاسعااار 10%

[حمد911]

أنتظر لين الاسبوع الجاي افضل الاعلان تاريخ 2-12

[العمر كله]

واللله يااخوفي الاراضي ترتفع سعرهاااا اكثر واكثر

[حمد911]

عيل اشتر ايش تنتظر دامك خايف انها ترتفع

[abdalla]

يعتمد سعر الفوت في الخيسه على حسب الارض ومقعها شمالي الخيسه ولا جنوبيها والاسعار فعلا هذه الايام بين 150-220 ريال للفوت والله يوفقك وتحصل بسعر زين