سؤال بخصوص الدفان داخل البيت

[فتى الدوحة]

السلام عليكم
عندي سؤال بخصوص الدفان داخل البيت بعد مرحلة تمديد الكهرباء وغيره
هل بعد ما يتم الدفان لازم يندك هذا الدفان وخصوصاً في الدور الأول من الفيلا ؟

[بوفصول]

يرش بالماي . ويندك بالدكاكة

وعقب ينحط عليه بلاستيك .. وشبك الحديد .. وينصب عليه خرسانة ردي مكس .

طبعا لازم اتكون جميع التوصيلات خالصة

بالتوفيق اخوي

[شموخ دائم]

,

,



مرحبا


لا اخوي مو لازم اذا تقصد الدفان الي قبل التبليط لما نحط البيبات البلاستيك البيضاء

هذا الدفان عادي تحظير للتبليط والهدف منه اخفاء البيبات وعمل مستوى للتبليط

وتحت هذا الدفان المفروض يكون خرسانه كونكريت

موفق ان شاء الله

,

,

اخوك


شموخ دائم

[jassimqtr]

الافضل انك تعمل الارضيه خرسانه 20 نيوتن بعد مرحلة تمديد البيبات بدل الدفان وعقبها تركب السيراميك بمادة لاسقه فقط وبيكون المظره حلو ومرتب . وتقدر تحط دفان او بودر وينرش بالماي لمدة 3 او 4 ايام وعقبها تعمل البلاستر وتركب البلاط . عندك اكثر من حل

[المهندس عبدالعزيز]

قبل صب الخرسانة للدور الأرضي من الضروري جداً دك الأرض بنسبة محددة بحسب المواصفات المكتوبة من قبل الاستشاري المصمم

إذا لم يتم دك الارض سينتج عن ذلك تعوجات مستقبلية في البلاط

وبالمناسبة الدفان يجب أن يكون ممزوج بعدة أنواع من الرمل (الحبات الكبيرة إلى الحبات الصغيرة) حتى لا يكون في الدفان فراغات تنتج عنه هبوط للتربة ويسمى هذا النوع من الدفان well aggregated soil .

[قطري عصامي]

يعني يا شباب بالترتيب من تحت إلى فوق
1- التمديدات
2- رمل
3- شبك حديد وصبيه
4- بلاستيك
5- سيراميك


ممكن التوضيح يا شباب