مكالمه من لندن

[UM.Rashid]

من شوي اتصل علينا واحد من لندن

وما فهمت له زوجه اخوي بس فهمت انه من لندن ويطلب الوالد

رحت اكلمه اشوف شنو السالفه قال انا ابي فلان بن فلان

قلت مو موجود قال ممكن جواله قلت ما راح يفهمك ما يتكلم انجلش قال عادي انا اتكلم عربي شويه شويه
قلت عمره ما سافر لندن
انت شتبي فيه
قال فلان متصل فينا بالنسبه لاستثمار في قطاع الوقود

عن طريق الايميل قلت له فلان الي هو الوالد شيبه عمره 60 او 70 والانترنت ما يدل طريقه يطرش لك ايميل

ارتبك وقال سوري سوري باي باي

وبالعربي قال مع السلامه اسف

شرايكم بالنصب

[captin]

ام راشد والجميع

الحذر ثم الحذر من مثل هؤلاء النصابين والحرامية
انا يوميا تجيني رسايل بالجوال وايميلات من اشخاص
وشركات وهمية في لندن والمجر ونيجيريا وهونج كونج

آخرها شركة من هونج كونج جابوا رقمي من دليل الشركات
لأني مسجلة في معرض تجاري وعرضوا على ارسال مبلغ
لصفقة في محفظة استثمارية في بورصة هونج كونج

هاذول يتصلون أحيان بشكل عشوائي ويعرضون مشاريع فيها ارباح
سريعة ويطلبون تحويل فلوس في ارقام حسابات معينة واحيان
يطلبون تحويلها عن طريق الويسترن يونيون ويدعون انها رسوم
لتحرير عقود شراكة رسمية ومصدقة من الخارجية البريطانية او غيرها

المهم الحذر الأزمة الاقتصادية خلت المحتالين والنصابين يتوجهون
لشعوب الخليج بطرح مشاريع وصفقات وكلها وهمية.

[فيزيائية]

متصيدين لنا في كل مكان ومن كل مكان

ذاك اليوم متصلين لي من تركيا ويبون بحث عن القطريين؟؟؟

واسكر في ويههم ....

[شموخ دائم]

,


,


مرحبا

الموبايل والانترنت وخاصه الايميل

اصبح وسيله سهله للوصول الى الناس ومحاوله كسب المال منهم

وعلينا الحذر من هذه النوعيات وعدم مجاراتهم في حديثهم واغلاق الخط

واتمنى ايضا توعيه الصغار ان هناك مكالمات غريبه مشبوهه

لان الاتصالات هذه عشوائيه وممكن يتصلون والصغار يعطي معلومات مايدرك خطورتها

لذلك التنبيه ضروري للكبار والصغار

شكرا على التنبيه


,


,


اخوك


شموخ دائم

[ضوى]

يا قلبي عليهم هل قطر ، الكل متربص فيهم ، مصدقين انهم نايمين على بير نفط

[UM.Rashid]

الحمد الله انا منتبه منهم والاهل كلهم عارفين لكن

ما اعرف شلون اخبر الناس قلت ما فيه الا المنتدي

والي منكم يا خواتي واخواني يعرف يوصلها للجرايد ةغيره

ما يقصر خل ينتبهون

كل فتره طريقه نصب جديده الله المستعان

[الصريحه]

حسبي الله ونعم الوكيل فيهم
مانخلص كل يوم شكل جديد
بس شلون جابوا الرقم؟؟؟؟؟؟؟؟؟؟؟

[ALRAYYAN]

والله عورتني عيوني من الخط اختي بارك الله فيج :pilot:

[كازانوفا]

حسبي الله عليهم وين ما كانو

[ارين]

وتعددت أشكال النصب والاحتيال وخاصة على البسطاء من الناس .. وفي كل مرة المحتالين لهم طريقة واختراع جديد في الاحتيال على الناس ..

الله يحفظ الجميع من هؤلاء النصابين .. وشكرا لك على الخبر

[فلتة زمانها]

انا لبناني مسندرني كل شوي يتصل
ويقولي اني طالبة استثمر اموالي في
شركه فوكس يارد مال الفوركس:omg:
مستغربه من وين يعرف اسمي :con2:واي اموال يا حسره
ابي استثمرها عطيت اخوي رقمه يتصرف معاه
بس للحين يطرشلي رسايل عن تجارة العملات بدون رقم:thumbdown:

[UM.Rashid]

اخوي قال جايبين الرقم من دليل ارقام كيوتل

بكل بساطه

[العـوا]

اصبح النصب فن من الفنون في مخيلة البعض

[اعالي الجنان]

من يومين جاني مسج من لندن يقول لي فزت بمليون مادري ريال وله دولار ..
اما لو دولار بتصل :looking:
عقب تعوذت من ابليس قلت شلون افوز بهالمبلغ !! وعلى اي اساس !!
قلت اكيد خدعه من خدعهم علشان يستفيدون من وراي
الله يبعد عيال االحرام عنا يارب

[بنت النوخذة]

ام راشد والجميع

الحذر ثم الحذر من مثل هؤلاء النصابين والحرامية
انا يوميا تجيني رسايل بالجوال وايميلات من اشخاص
وشركات وهمية في لندن والمجر ونيجيريا وهونج كونج

آخرها شركة من هونج كونج جابوا رقمي من دليل الشركات
لأني مسجلة في معرض تجاري وعرضوا على ارسال مبلغ
لصفقة في محفظة استثمارية في بورصة هونج كونج

هاذول يتصلون أحيان بشكل عشوائي ويعرضون مشاريع فيها ارباح
سريعة ويطلبون تحويل فلوس في ارقام حسابات معينة واحيان
يطلبون تحويلها عن طريق الويسترن يونيون ويدعون انها رسوم
لتحرير عقود شراكة رسمية ومصدقة من الخارجية البريطانية او غيرها

المهم الحذر الأزمة الاقتصادية خلت المحتالين والنصابين يتوجهون
لشعوب الخليج بطرح مشاريع وصفقات وكلها وهمية.

صاج أخوي كابتن..أنا أمسندريني بالإيميلات إلا فلان (أسم واحد عمره ما مر علي) متوفي فطيارة وأنا المحامي وأبي أتقاسم معاج تركته..نصب وحتيال

[حليتان*]

لا حول ولاقوة الا بالله

لازم هالسالفه تتكرر كل كم يوم :( ملعوزينا الا من بريطانا و مصر و الصومال ومادري وين !!


بس الخط صغير :(

[ابو علاوي]

اكثر النصابين من نيجيريا يستخدمون الايميل
وفي من باقي افريقيا يقولك انه شيخ وفيك جان وانا بطلع الجان منك
والعجيب انهم مايتصلون الا اخر الليل
بس ام راشد كبري الخط لوسمحتي

[Rayyani213]

عطني رقمه خلني استثمر بما اني فبريطانيا :p

[Bu Rashid]

ام راشد .. شلون تاخذيين تليفووون من وراي :strong2:
مشكوووره على التنبيه