أبحث عــن أي عمــل . . . !

[][ iMedia ][]

السلام عليكم .

ابحث عن اي عمل ..
يفضل مسائي
بسبب الدراسه في جامعة قطر ..

بأي راتب ..
المهم ملئ الفراغ الى ان يتيسر لي الايلتس
واتخصص ..

بأي شركه .. وبأي راتب
منها اكتساب خبره .. وملئ فراغ

التفاصيل على الخاص
شكرا

تحياتي

اعلم ان مكان الموضوع ليس هنا ..
لكن اعتقد ان هذا القسم هو الاكثر تصفحا
اتمنى ابقاء الموضوع ولو ل 24 ساعه فقط
ومن ثم .. انقلوه الى الارشيف ان شئتم
omen

[Bu Rashid]

أخي الكريم .. قدم على بنك قطر الوطني
عندهم نظام الشفتات حق الردود على المكالمات خدمة 24 ساعه
والي اعرفه متعاونيين جدا مع الفئه التي تدرس صباحاٌ

اتمنى لك التوفيق في حياتك العملية والعلمية

[][ iMedia ][]

بنقدم ليش لا . .
لكن تقدر تقول على الانسان " طرق جميع الابواب "
:)

تسلملي يالغالي
ولا هنت على المرور الطيب

[فيزيائية]

الله يوفقك ...
حلو تفكيرك...
واذا مالقيت شغل تطوع بعد زين ..

[][ iMedia ][]

على راسي اختي الفاضلة . .
ناوي اتطوع لكن في الاجازة ان شاء الله :)

اشكرك على المرور الكريم

[][ iMedia ][]

للــرفع : )

[Ussop]

أنا مثلك، أدرس ولضروف الحاجة كنت أبغي أشتغل، وما لقيت مكان أحسن من الداخلية، لكن بشرط إنك تلقى قسم مسؤوله بيراعيك وبيثبتك شفت ليل.
عاد عقب ما تتخرج يا إنك تسحب عليهم، أو تقدم لهم شهادتك وتعلق.
ولا تنسى إن فيه دورة عسكرية مدتها 6 شهور، يبيلك تنسق بينها وبين الدراسة.

وإذا ما كان لك خاطر في العسكرية، شوف البنوك الإسلامية، أو كيوتل، فعندهم نظام شفتات. لكن دوامهم بيتعبك ورواتبهم مقارنة بالعسكرية قليلة.

والله يوفقك الشيخ ;)

[هبوب الشمال]

في الهلال الاحمر القطري وعيد الخيريه وقطر الخيريه دوام مسائي من الساعه 4 وحتى 8 تقريبا يمكنك تقديم الطلب لديهم والرواتب او المكافآت جيده نوعا ما خصوصا للقطريين

بالتوفيق

[][ iMedia ][]

Ussop
تسلملي يالغالي ..
خلني على البنوك افضل ..
وما يهمني الراتب ..

تهمني الخبره اكثر شي
والاعتياد على بيئة العمل !
خصوصا ان تخصصي ان شاء الله راح يكون بالعلاقات العامة :)

يوفقنا واياك ..
وبوركت اخوي ;)

[][ iMedia ][]

في الهلال الاحمر القطري وعيد الخيريه وقطر الخيريه دوام مسائي من الساعه 4 وحتى 8 تقريبا يمكنك تقديم الطلب لديهم والرواتب او المكافآت جيده نوعا ما خصوصا للقطريين

بالتوفيق

سأقوم بالتقديم لديهم ان شاء الله ..
اشكرك يالغالي :)

[هبوب الشمال]

انصحك انك تبتعد عن بنك قطر الوطني

والسبب انه معروف انه بنك ربوي

وادا كان ولابد قدم على البنوك الاسلاميه افضل

[][ iMedia ][]

انصحك انك تبتعد عن بنك قطر الوطني

والسبب انه معروف انه بنك ربوي

وادا كان ولابد قدم على البنوك الاسلاميه افضل

سأقدم على البنوك الاسلامية ان شاء الله
كل شي الا الحرام
اشكرك على التنبيه :)

[بوراشد82]

الله يوفقك أخوي ...وفكرتك حلوة وياليت كل الشباب يفكرون مثلك بدال ماهم يلوثون فالمجمعات ....

[][ iMedia ][]

حياك الله يا بو راشد .. :)

[][ iMedia ][]

( في انتظار رساله خاصه فيها عرض عمل ) :pilot:

:p

[تحداني]

..الله يوفقك وينور طريقك ..
قبل تقريبا اسبوع شفت اعلان بالجريده وبالتحديد " جريده الشرق "
داء الانماء الاجتماعي بصدد استقبال طلبات كل من يرغب في البحث عن عمل بشرط ان يكون..

قطري
انهى الثانويه العامه
لا يعمل
لديه الرغبه بالعمل اما في المجال الفني او ..... شئ لا اذكره
وترسل الطلبات لهم في مبنى الانماء الاجتماعي وكان في تاريخ محدد


لو واحد من الاخوانو والاخوات الشطار في البحث
يساعدونه في البحث عن الاعلان .. او تتصل فيهم شخصيا راح تجد ان شاء الله مطلبك




..............................

وزاره العمل ايضا .. عندها خطه وتم تفعيلها .. بتوظيف الشباب
آليه التوظيف ما اعرفها .. لاني اعتقد ان على الطالب ان يكون متفرغ من الدراسه
ما يمنع انك تتواصل معاهم

مع من بالتحديد .. على ما اعتقد مع الاخت ملاك .. او هم بعد ما اذكر بس هي مسؤوله عن التوظيف وارشاد كل من يرغب في البحث عن عمل





جملك الله برضى الرحمن

[كازانوفا]

بالتوفيق ان شالله

[][ iMedia ][]

اختي تحداني
اشكرك على مرورك الطيب ..
بوركت

كازانوفا
تحياتي :)

[لاجل QT]

الله يوفقك ويوفقنا معك

شوف لدولي الاسلامي سمعت يبون ..بالتوفيق

[goldenserver]

بالتوفيق أخوي أن شاء الله

[مها 2020]

الله يوفقك ان شاء الله
صراحه انا داشه اسألك عن رقم مدرس الايلتس اللي درست عنده
وساعدك بعد الله اتجيب النسبه المطلوبه
لاني محتاجته .. وجزاك الله خير

[الخزرجي قطر]

ارسل لي اسمك ورقمك على الخاص
ان شاالله اقدراساعدك

[مها 2020]

مشكور اخوي على الرقم ما قصرت ..وجزاك الله خير