+++ حاطه ببالي التوأم لأني أتعب بالحمل +++

[jajassim]

حرصاً على نحافتهن ومواكبتهن عصر السرعة
سيدات يستعن بمنشطات للحمل بـ «توأم».. والأطباء يحذرون من المضاعفات الصحية
2010-11-25

الدوحة - سحر ناصر

«حاطه ببالي التوأم لأني أتعب بالحمل وصعبه علي احمل مرتين.. وتروح علي سنة من عمري تعب وقلق ونفسيه خربانه على طول.. وبعد ما خلص وأولد ارد ودّي أنحف.. فقلت اختصرها وآخذ منشطات واحمل اثنين في واحد».. «بنات أنا حامل في الشهر الأول وأسبوع، ورحت لدكتورة سويت أشعة وطمنت على الجنين، وطلع معي كيس واحد بس وابي توأم، لأن نفسي بتوأم».. «نفسي خلفتي تكون كلها توائم».. باتت رغبة الحمل بتوأم لدى شريحة لا يستهان بها من المواطنات، كالرغبة في ممارسة هواية جديدة لا يعرفون خفاياها ولا يدركون عواقبها، إذ كثيراً ما تلجأ السيدات إلى الأطباء أو الصيدليات طلباً لأدوية منشطة وعقاقير، تساعدهن على الحمل بتوأم من دون دواع طبية.

وفي ظاهرة لافتة، تتناقل السيدات عبر المنتديات وعبر الأحاديث الصباحية أسماء هذه المنشطات دون انقطاع، ويكفي أن تتمكن إحداهن من انتزاع الوصفة مرّة واحدة من الطبيبة المعالجة، حتى تبدأ بتبادلها مع صديقاتها اللاتي يسعين بشتى الطرق إلى شراء العقاقير نفسها لعلّهن يحملن بتوأم، بعد أن أخبرتهن صديقتهن أن نسبة هذا الحمل تصل إلى 70 %، بعد تناول هذه المنشطات، لكنها لم تشِ لهنّ بالمضاعفات التي يحذر منها الأطباء، والتشوهات الخلقية والصحية التي قد تقضي على حياة إنسان، ذنبه الوحيد أن والدته أو والده، رغب بإنجاب «التوأم»!



التكملة !!! (http://www.alarab.com.qa/details.php?docId=160741&issueNo=1075&secId=26)

[ممنوع اللمس]

الله يعطيك العافيه اخوي عالطرح وجزاك الله خير وان شاء الله يستفيدون ...

[بصمة قطرية]

واحد أو اثنين هالشي بيد رب العالمين ~
كتبة رب العالمين ~

بصراحة اعتبر هالشي تخلف ..!!

للأسف يفكرون في الشي بدون التفكير في المضاعفات ..
وبدون التفكير في سلبيات هالشي ..

الحمل بتوأم ~ مُتعب جداً ~ أكثر من الحمل بجنين واحد ~
مسألة تعرض الأم للضغط والسكر أكبر ~
ولادة مبكرة ..
الولادة بعملية قيصرية وهالشي بنسبة 95% ..
وسلبيات كثيرة ..

ليش الوحدة تفتح المجال لأمور لا تحمد عقباها ~

المصيبة تجيب التوأم وترميهم على المربية ..!!!

والأمر والأدهى الحين تحديد جنس الجنين ..!!!

الله يهديهم يضرون اعمارهم بأمور يعتقدون انها بسيطة وهي خطرة جداً ~

[بوراشد82]

أنا زوجة بو راشد (( للتوضيح فقط ))

أختي فكرت بتوأم وراحت للدكتور فواز وطبعا كان يتابع معاها الحمل وصج يابت تووم صبيان شحلاتهم ,,,

العلم تطور وما اشوف فيها شي ,,,الموضوع كله ابرة تفجير مبايض ,,وللعلم يتابع الحمل من البداية عشان يتأكد انه مافي التصاقات أو تشوهات قبل الشهر الرابع ,,

أفكر بهالتجربة وأتمنى الله يوفقني

[الجووري]

ياكثر اللي هالايام هااابين فيها يبون توام ...

[سويسرا]

بس ممكن يصير بدال التوم يصير 6 اجنه!

[بطل الفريج]

أنا زوجة بو راشد (( للتوضيح فقط ))

أختي فكرت بتوأم وراحت للدكتور فواز وطبعا كان يتابع معاها الحمل وصج يابت تووم صبيان شحلاتهم ,,,

العلم تطور وما اشوف فيها شي ,,,الموضوع كله ابرة تفجير مبايض ,,وللعلم يتابع الحمل من البداية عشان يتأكد انه مافي التصاقات أو تشوهات قبل الشهر الرابع ,,

أفكر بهالتجربة وأتمنى الله يوفقني

يعني كل يو والثاني كشف و متابعة مع الدكتور والاخت ماتشكو من شئ
الواحد يقول الحمدالله على الصحة والعافية وليش ابرة وتفجير المبايض
وين الزوج هل يعجبة هذا الشئ ( يعني فلانة جابت توام لازم انا بعد )

[captin]

يبون الفكه من الحمال كل سنتين ولا ثلاث

تبي تسكت ريلها وتييب له عيال توأم وتسكر خلاص
مب كل شوي حان عليها يبي عيال.

وعلى قولتهم بعدين تبي تجابل نفسها وتعدل جسمها
لأن اكثر الحريم يكرهون الحمال
ويقولون انه يخرب اجسامهن.

كل شيء يخالف الطبيعة لا بد وله مضار لكن يبدو للأسف ان بعض العيادات
الخاصة لأجل الربح المادي يسوون كل شي للحريم

[الأصيلة]

بس ممكن يصير بدال التوم يصير 6 اجنه!

كل شي يصير...

[الأصيلة]

بس تربيتهم جدا جدا صعبة
ولازم تضحية بواحد عند الخدامة..حرام والله...
والخدامة الوحده ماتكفي للسهر والتعب ...
بعدين لما تاخذ منشطات وهي مبايضها شغاله عدل
ممكن يصير تضخم بالمبيض وينفجر وتصير مشاكل
هذا للي ياخذون منشطات بدون استشارة...
الله يهديهم بس الركادة زينه
والطفل الأفضل ياخذ حقه من العناية والرضاعة والحنان..
مب بس زيادة عدد وخلاص...

[تحداني]

هالحريم كل يوم طالعين لنه بموضه وهبه جديده
عليهم أفكار وخيال ماله حل ..كل شي ممكن يسونه عشان يرضون طموحهم ورغباتهم
أشفق أحيانا على الرجال :)


كمل يا اخوي عشان إنعرف باقي الحكايه



جملك الله برضى الرحمن

[بلوتنيوم]

عصر السرعة
وحرق المسافات
كل شيء حولنا يمشي بسرعة
محد راضي يقتنع انه الشيء الى يصير بين يوم وليلة
مايكون كامل :)

[khaldoon]

لا حول ولا قوة الا بالله

كل يوم شي جديد و خارج عن الطبيعه و المألوف.....تربية توأم اصعب بكثير من تربية طفل واحد وهذا هضم لحقه لو انه بشكل صناعي و ليس طبيعي على ما اعتقد والله اعلم

اخوي جاسم وينك مختفي ما تبين؟؟؟.....طمني عليك

[دانة الغواص]

واحد ولا توأم ... كلهم خير وبركة ان شاء الله...

مب مهم العدد... المهم التربية الصالحة...

صحيح ان التوائم حلوين ... لكن تربيتهم تتطلب ضعف تربية الطفل الواحد... الله يعين أم التوائم وكل أم تشقى بتربية عيالها...

يعطيك العافية ع الموضوع

[فيزيائية]

بالطبيعي وواحد وتسع شهور كلها تعب كلها تهون...جدااام سنين من التربية والتنشئة وغرس الاخلاق والمحاتاه....
فمابالكم اثنين او ثلاث في نفس الوقت ؟؟
لو كان طبيعي رضينا
بس اسعى له ...
سبحان الله بعض الناس يسعون لشي ومايدرون خير والا ...

[نتفـه]

ولله في خلقة شؤون !!!!

بانتظار التكمله ,,

[%حورية قطر%]

شالفايدة اذا جابت توأم وحطتهم عند الشغالة تربيهم وتشوف متطلباتهم من الالف الى الى الياء الا من رحم ربي!!! .....

مافي شي بالدنيا يعووض الياهل عن حضن امه وهو في المهد او مرحلة الرضاعه والطفولة ..

[QatarSupport]

موضه جديده

والله يستر من عواقبها

واحد يكفي عشان ياخذ وقته و حقه بالرعايه بدون اهمال للاخر

[وطن]

لاحول ولا قوة الا بالله
في كل شي يبون يلعبون
ما يقنعون برزق ربهم لهم

[وطن]

أنا زوجة بو راشد (( للتوضيح فقط ))

أختي فكرت بتوأم وراحت للدكتور فواز وطبعا كان يتابع معاها الحمل وصج يابت تووم صبيان شحلاتهم ,,,

العلم تطور وما اشوف فيها شي ,,,الموضوع كله ابرة تفجير مبايض ,,وللعلم يتابع الحمل من البداية عشان يتأكد انه مافي التصاقات أو تشوهات قبل الشهر الرابع ,,

أفكر بهالتجربة وأتمنى الله يوفقني

شلون تفجير مبايض
يمكن قصدج بويضات؟؟؟

لان المبايض بس 2
لو فجروهم من وين بتحمل بعدين ؟!!

[mirage]

يعني وحده بهالعقليه والتفكير الاعوج اكيد بتقطهم عالخدامه ولاتفكر بتربيه ولااهتمام ورعايه وحنان


يقلدون انجلينا جولي
جنيفر لوبيز
جوليا روبرتس

[ماريسا]

فكرة الانجاب أصلاً وجع دماااغ !!

[KABOOM]

اصلا هذه الادويه كلها
المروض تكون عليها رقابه
وماتصرف الا بروشته من الطبيب
ولازم يكون على الدكاتره رقابه
ان مايصرفونها للنساء السليمات

ويقتصر استخدامها على المرضا
اول المتاخرين عن الحمل فقط

[لمعة الالماس]

الحمد لله على كل حال

[الصريحه]

يااخي كل واحد وظروفه
فيه ناس اعرفهم لحملت ترقدت في المستشفى 7 اة 8 شهور
زين عيالها الباقيين من لهم ومن بيشوفهم
زوجها لين متى بيتحمل كل سنه او سنتين نفس الموال
هي نفسيتها ومحاتاتها على عيالها
الشيء الحلو فيه يكبرون بسرعه مع خوانهم وتتلاحق تشوف عيالها وزوجها
لكن انا معاه للضروره واذا مافيه خطر عليها واللي يقرر الدكتوره
واولا الاستخاره

[العقل المدمر]

يااخي كل واحد وظروفه
فيه ناس اعرفهم لحملت ترقدت في المستشفى 7 اة 8 شهور
زين عيالها الباقيين من لهم ومن بيشوفهم
زوجها لين متى بيتحمل كل سنه او سنتين نفس الموال
هي نفسيتها ومحاتاتها على عيالها
الشيء الحلو فيه يكبرون بسرعه مع خوانهم وتتلاحق تشوف عيالها وزوجها
لكن انا معاه للضروره واذا مافيه خطر عليها واللي يقرر الدكتوره
واولا الاستخاره



:thumbup1:

اذا مايضرها مافيه مانع
شي راجع لها هي اللي تقرر هي اللي بتحمل وهي اللي بتربي
ولو الله مب كاتب لها لو تنطبق السما عالارض ماحملت ;)

[بـــــــنت النوخـّــــذه]

ياعيال الحلال خلهم يجيبون بالعكس حلوين التوائم 000والله الاهم عندي هذي النقاط:

1- ماتسبب اضرار في الصحه على المرأه

2- ماتسبب تشوهات للجنين او خطر على حياتهم مستقبلا"

3_ الاهم من هذا كله انها قادره على تربيتهم تربيه صالحه مهب اتحمل واتقول لها الدكتوره مبروك حامل بتوأمين على طول تركض لمكتب الخدم تطلب لها مربيتين لجل يربونهم عنها :D

4- اتحافظ على رشاقتها وصحتها الجسميه والنفسيه

بالعكس العلم تقدم ولاتلومون العلم ولا طريقه الحمل بل لومو العقليه الجاهله في البعض 00

تحياتي والله يرزق الجميع توأم وألي تتوافر فيها الاربع نقاط الي قلتها تتوكل على الله العيال عزوه ^_^ بس خلج من مكتب الخدم :thumbup1:

[القناعة كنز]

بس ممكن يصير بدال التوم يصير 6 اجنه!

يصير ونص

http://www.alaahd.com/pics/1342351260135277.jpg

ياا حلوووووووهم سته مع بعض

[MaRuKoO]

الحمل بتوام اصعب واخطر وتخيلوا كل الي يصير مع الياهل بالتوام يكون دبل :looking:
بس حلو والله صج احس ;)
لو ما بياثر على صحتها ونفسيتها احسن
ترى والله انتوا ما تفكرون ارنب هي ما تتعب بالحمل المتكرر يا ما حريم يصيدهم هبوط بالرحم بسبب الحمل اللمتكرر كل اسمع عن وحده
هذا غير انكم تبونهم يردون رشيقات وهاذي بعد سالفه متعبه ترى على ما ترد لوزنها ورشاقتها الحمل بواحد له اثار عالجسم وهي نفسها يسببها الحمل بتوام تحمل بتوام ابرك .والنفسيه المراه بالحمل معروف تكون تعبانه بسبب اختلاف الهرمونات تحمل بتوام وتتع بمراه وحده وتقعد بعدها مده اكبر مريحه نفسيا وجسديا


سوال
صج كل الي يحملون بتوأم يولدون قيصري ؟؟

[بوطويشم]

أنا زوجة بو راشد (( للتوضيح فقط ))

أختي فكرت بتوأم وراحت للدكتور فواز وطبعا كان يتابع معاها الحمل وصج يابت تووم صبيان شحلاتهم ,,,

العلم تطور وما اشوف فيها شي ,,,الموضوع كله ابرة تفجير مبايض ,,وللعلم يتابع الحمل من البداية عشان يتأكد انه مافي التصاقات أو تشوهات قبل الشهر الرابع ,,
أفكر بهالتجربة وأتمنى الله يوفقني

السلام عليكم

وشنو راح يكون مصيرهم ؟؟؟؟

هل التخلص منهم ام الرضا بقدر الله

[KABOOM]

سوال
صج كل الي يحملون بتوأم يولدون قيصري ؟؟

لا ابد مايخص

اعرف ثنتين مربيين في نفس الوقت

وحده جابت طفل واحد قيصري
والثانيه جابت توام طبيعي..!!

امر الولاده هذا عند الله
والقيصريه الان نعمه من نعم الله
لان الاطباء يقررونها لو كان في خطر
على صحة الام او الطفل ..
تحسب لتعسرات اللي تصير وغيرها
قبل التطور والعلم كانت هذا الصعوبات
اللي تواجهم اثناء الولاده ممكن ان تودي
بحياة الام او الطفل او كليهما !!

[Just a Gurl]

ياااااي ونستني الخبريه....
اول طفلين تووووووم بإذنه تعالى ياااارررب

بس ماقلتوا لنا... يصير احدد الجنس؟؟؟؟

يارب يارب يارب ارزقني توووووم

[بنت ابوها 19]

بيبون توم ويسمونهم ويغلونهم عند الخدم


بس شل الوناسه بالموضوع

[KABOOM]

ياااااي ونستني الخبريه....
اول طفلين تووووووم بإذنه تعالى ياااارررب

بس ماقلتوا لنا... يصير احدد الجنس؟؟؟؟

يارب يارب يارب ارزقني توووووم

اختي توام والا واحد والا ثنين هذا كله بيد الله
والادويه هذي تم اختراعها لمساعدة من عندهم عقم
او تاخر حمل لسباب عده والحمدالله الكثار استطاعوا الانجاب مع
التطور والعلم وهذا كله بفظل الله تعالى و بـ امره ..
فـ كثار اخذوا الادويه وتعالجوا بالانابيب وتم استرجاع جنينين او اكثر
ولم يتم الحمل ,, لماذا ؟ لان الله لم يرد له ان يكن
فهذا شي بيد الله سواء توام او غيره ..!!

اما بخصوص تحديد الجنس نعم توصل العلماء
لطريقه لتحديد الجنس والطريقه تتم مثل طفل الانابيب بضبط
ولكن قبل استرجاع الاجنه الى رحم الام ياخذون منها عينه
ويتم فحصها في المختبر وبالهرمونات او الدي ان اي
يتم التعرف على جنس الجنين ويتم ارجاعه حسب الرغبه
اذا كنت تريد بنت او ولد ..
وهذه العمليه لها ميزه بسيطه فهناك حالات نادره جدا
في بعض العوائل وهي وراثيه .. ان الذكور فقط
في هذا الاسره يولدون بمرض معين او العكس
وممكن ان يكون هذا المرض قاتل او غيره
وتكون لهذه العائله تجارب بـان جميع الذكور
يتوفون او العكس..
فيقومون بعمل هذه العمليه لتجنب هذا المرض
وهذه الحاله نادره جدا ..


فلماذا نلجاء لحمل التوام او تحديد الجنس
والله انعم علينا بالصحه والعافيه ((ونعمة الانجاب))
وغيرنا مضظر ومجبر ومكره على هذه العمليات
ولعله لايريدها لكن الظروف جبرته وغريزة الامومه او الابوه
جعلته يتحمل العذاب والادويه والهرمونات والبنج
واسهلاك الوقت والمال والتعب والصبر
والارهاق والتوتر ,, ونحن نلقاها بارده مبرده
في ليله هانئه جميله .. بعدها بسبوعين
وبكل بساطه تتاخر الدوره على المراه
وتفحص بالجهاز المنزلي ,, لتجد الخطين
وتخبر الاهل والاصقاء والكل يبارك !!
سبحان الله انها نعمه لايدركها الا القليل

و تذكري اختي .. ان الله يمهل ولا يهمل
والله تعالى قال: ﴿يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ﴾
فلو اراد العبد ان يتحدى اراده الله ممكن ان يعاقبه الله
بـطفل مشوه في الجهاز التناسلي او يكون خنثى او يكبر ليصبح شاذ جنسيا
او لا يامر الملك لينفخ في الجنين الروح "كن فيكن"
ويحرمك من هذه النعمه طوال حياتك , لا سمح الله

فعلينا بالاستغفار وان لانتدخل في خلق الله تعالى
وان نسأل الله الذريه الصالحه المعافاه وان يكون الطفل
بخير وبصحه وان يكون بار بوالديه

[قطري عصامي]

السلام عليكم

وشنو راح يكون مصيرهم ؟؟؟؟

هل التخلص منهم ام الرضا بقدر الله

سؤال وجيه جداً:thumbup1:

[انا حره]

الواحد ايقول الحمدلله على النعمه

والله يعطي الي يبي يارب ويعطي كل محروووم

[حنان k]

المال والبنون زينة الحياة الدنيا

بالعكس حمل التوأم متعب والبعض تتنوم طول فترة حملها بالمشفى وأن سمحوا لها بالخروج تلزم السرير وأي حركه البيبي معرضين للخطر .. والبعض بتكون ولادتهم طبيعية والبعض قيصرية .. بس معروف اللي تحمل بالتوأم تولد بالشهر السابع إلا ما رحم الله البعض ربي يكتب لهم حمل كامل 9 شهور

أنا بجماعتي الحمد الله كثير حملوا بـ توأم ( حمل طبيعي من الله لا أبر ولا يحزنون )

بعدين اللي بتستخدم الأبر تستخير الله , وتحرص أنها تكون بأشراف دكتور مختص بالأمور هذه , رضا زوجها

وحلو أن الشي يجي من الله من دون تدخل البشر وتطور العلم لأن كل شي له مضاره .. لأن لو صار أنفجار وصار الحمل بـ 6 وما شابه ترى البيبي طوله ما يجي 15 سم , صعب تحمله الأم بتكون كلا بحالة توتر أنه ممكن يطيح منها أو يزلق من يدها وهي ما أنتبهت , بترضع هذا وإلا هذا . والعيال اللي يكونوا توأم بينهم الغيرة جدآ ملحوظه وفيهم ميزة لا مرض الأول الثاني يلحقه بنفس المرض بكم يوم .............. يعني مسئولية لا أحد يتهاون بـ الأمر كثير

[بصمة قطرية]

الحمل بتوام اصعب واخطر وتخيلوا كل الي يصير مع الياهل بالتوام يكون دبل :looking:
بس حلو والله صج احس ;)
لو ما بياثر على صحتها ونفسيتها احسن
ترى والله انتوا ما تفكرون ارنب هي ما تتعب بالحمل المتكرر يا ما حريم يصيدهم هبوط بالرحم بسبب الحمل اللمتكرر كل اسمع عن وحده
هذا غير انكم تبونهم يردون رشيقات وهاذي بعد سالفه متعبه ترى على ما ترد لوزنها ورشاقتها الحمل بواحد له اثار عالجسم وهي نفسها يسببها الحمل بتوام تحمل بتوام ابرك .والنفسيه المراه بالحمل معروف تكون تعبانه بسبب اختلاف الهرمونات تحمل بتوام وتتع بمراه وحده وتقعد بعدها مده اكبر مريحه نفسيا وجسديا


سوال
صج كل الي يحملون بتوأم يولدون قيصري ؟؟

كل تعب وله اجره عند رب العالمين ~

اما اني اجيب التعب لنفسي واقول آخ ياراسي ,,!!!

واذا على تعب الحمل ~
الحمد لله برغم صعوبة الحمل ومشقته الكبيرة علي ~
وحالتي المرضية النادرة ~
حيث انها واحدة من بين ~ عشرة آلاف حالة ~
وعلى كلام الاطباء الحالة الوحيدة في قطر ~
ووالولادة تكون في الشهر السابع ~
وطول فترة الحمل كورتيزون ابر وحبوب ~
وابر منومه احياناً يومياً ~
لكن ولله الحمد ~ انجبت هالأطفال ~ وتوكلت على رب العالمين ~
كل شي بأجره ~

ولا فكرت اني انجب توم لمجرد اني افتك من تعب الحمل ~

[بصمة قطرية]

سبحــــان الله ~

نـــاس تتمنى ريحة ياهل ..!!

ونــاس تبي تاخذ منشطات عشان تجيب توم ..!!
وتبي تحدد جنس الجنين ..!!!


~ اللهم لا تحاسبنا بما فعل السفهاء منا ~
خلكم على كتبة ربكم ~

[الصريحه]

:thumbup1:

اذا مايضرها مافيه مانع
شي راجع لها هي اللي تقرر هي اللي بتحمل وهي اللي بتربي
ولو الله مب كاتب لها لو تنطبق السما عالارض ماحملت ;)

اكيد قدر الله فوق كل شيء
ولو الله كاتبه بيصير

[هند88]

انا اشوف مافيها شي دام مو حرام

لان صج وايد حريم يتعبون من الحمل وفي رجال يبون الذريه يعني مثلا اكثر من 4..
وما سمي هالشي موضه طالعين فيها الحريم لان تعب الحمل والولاده مب هين :no2:
فما اعتقد وحده تفكر هالتفكير..
مافيها شي اذا جابت عيالها في سن صغير عشان تربيهم عدل..

الحمل بتوام شي مب هين دام هي بتتحمل التعب الجسدي والنفسي طول فترة الحمل ليش لا..

بس بالنسبه لي ( رحم الله امرأ عرف قدر نفسه ):looking:


وع فكرة زادت ظاهرة التوام هاليومين لان اغلب الناس يتعالجون :(

عساك ع القوة اخوي

[قطريه ماركه]

فكره حلوووووه *__*



بس متعبه :(

[صوت الضمير]

والله زين تجيب 6 مره وحده 3 بنات و3 عيال

وتقفل .. هههههههههههه

ونبدأ مرحلة السمكرة ... وأتحداه الرجال إذا شرد

أبداع

[بوحارب]

ليش تزوجة من البداية :)

لو اقعدت في بيت ابوها ابرك لها

[Al- noor]

اللي تحمل طبيعي تقول الحمدلله ،، الحمل نعمة والله انتوا ماتعرفون نعمة انه الوحدة تكون غافلة وفجاة يجي الخبر السعيد انها حامل وتمر شهور الحمل على خير وتجيب ولد او بنت في اتم صحه ..... ترى العلاج قبله ماساة واثناءه ماساه واذا صار الحمل بعد ماساة عذاااااااااااااااااااااااااااااااااااااااااااب ،، ترى مب بكثر العيال هو بالبركة
لكن النساء عقولهم صغيره وتحركها الغيرة .. هذي جابت توم انا بعد ابي اجيب ..
واقسم بالله انها صارت حقيقه وحده اعرفها طلعت عينها وبعد علاج طووووويل حملت ب 3 توام وجابتهم في اول اسبوع من السادس وبدت رحلة المعاناه استمرت سنتين ليما كبروا الصغار شوي .. طبعا الحريم مايشوفون نفسهم (حريم العايله ) اشتغلت الغيرة وحاسدينها مسكينه على التوم وكلن يروح يعالج عل وعسى يجيبون اتوام .. مع العلم انه عندهم عيال وفي اتم صحة لكن مايشوفون النعم الي عندهم الغيرة مشكلة

[التيما]

للاسف احنا حريمنا عليهم اهتمامات بالموضة تدل على السفاهه ولازم وقفة .. وحده ولا ثنتين ولا ثلاث بنقول معليه .. لكن تصير موضة ؟؟؟؟؟ شنو هالعقلية السخيفة ؟ وحدة تقول خاطري في توم .. ليش فلانة جاها توم ؟ ماتشوفينهم كلهم توااأم أنا بعد أبي توأم ؟؟
بس بقول شي .. اللي تفكيرها تافه بهالصورة وحدة تقط عيالها للخدم وما تهتم شخصيا بعيالها .. لانها لو تهتم بنفسها بتشوف حجم المشؤولية عالواحد فما بالك بأثنين !!
شفت عقول بس نفس عقول بعض بنات قطر واللي من عمر .... إلى عمر .... صراحة ماشفت ..

صج أهل العقول في نعمة ..

[خزامئ]

العلم تطور ودامها مش حرام وين المشكلة والرجال الي يتكلمون ان النساء مايتحملون وكل شي عندهم موظة-الرجال الواحد مهم اول مايزكم او اتجية حرارة على طول عيادة خاصة وماخذ ابرة وماخذ اجازة مرظية ومسوي طواري في البيت
وعادة متكاثر علينا لو دورنا الي يساعدنا في الوحدة اتجيبهم في اقل عدد من الحمل
والمشكلة ان الوحدة اذا حملت مهب مرتاحة لازم تهتم في بيتها وزرجها وعيالها

[OTOsan]

سبحان الله ،،

اول مره اعرف انه اذا تبي توأم .. عب هالطلب :)



هالحريم عليهم طلعات ... غريبه !!

[قطريه ماتهاب]

كلتوا الحريم اكل

انتوا عبالكم الحمل والولاده مثل شربه الماي

هي حياة او مووت


وفيه حريم وايد يتعالجوون ويستخدمون منشطات للحمل

وبعضهم من هالمنشطات يحملون بتوام يعني بدون مايتعمدون هالشي

المشكله لاجا حد يحكم على شي وهو مب عارف كوعه من بوعه

خليتوها موضه ودلع و اليهال مقطوطين عند الخدامه

[بصمة قطرية]

كلتوا الحريم اكل

انتوا عبالكم الحمل والولاده مثل شربه الماي

هي حياة او مووت


وفيه حريم وايد يتعالجوون ويستخدمون منشطات للحمل

وبعضهم من هالمنشطات يحملون بتوام يعني بدون مايتعمدون هالشي

المشكله لاجا حد يحكم على شي وهو مب عارف كوعه من بوعه

خليتوها موضه ودلع و اليهال مقطوطين عند الخدامه



اختي الموضوع يتكلم عن اللي تسوي هالشي بناءاً على رغبتها ~
مش اللي تتعالج ..!!!

احنا حريم جربنا الحمل وبلاويه ونعرف شلون التعب ~

ليش الوحدة تعرض نفسها لهالأمور ~
دامها تحمل طبيعي شلي حادها تروح وتاخذ منشطات بس عشان تجيب توم ..!!

~ خلكم على كتبة رب العالمين لا منشطات ولا غيره ~
هالكلام للحالات الطبيعية مش اللي تتعالج ~

الله يرزق كل من يتمنى ولا يحرم حد من نعمة الأمومة ~

[latty]

لاحول