حسبي الله ونعم الوكيل!....أقولها لمن؟؟؟؟؟؟؟؟؟؟؟؟؟؟؟؟

[أميرااالذوق]

السلام عليكم ورحمة الله وبركاته,,






فعلا حسبي الله ونعم الوكيل..
أمس وانا طالع مع زوجتي والعيال نتمشى قلنا بنمر على حديقة المعموره انغير جو لليهال
المهم وصلنا للحديقه واول مره اروح لها واخر مره.
الموقف بالضبط تونا بندخل الحديقه والا بنت صغيره طالعه من الحديقه تركض ووراها الخدامه فلبينيه مسيحيه تصرخ تعالي.واركضت الفلبينيه وراها وامسكتها واضربتها كف(يعل يدها الشلل)المهم البنت تصرخ بااعلى صوتها وهي ماسكتهامن اذراعها تسحبها
انا شفت الموقف قلت لزوجتي لاتتكلمين بس شوفي وانتي ساكته المهم اطلعت عقبها اندونيسيه وقالت لها زوجتي ليش تضربون البنت حرام ردت وبكل وقاحه عادي هم يقولون لنا جذيه
مشت الاندونيسيه خطوتين وعقب التفتت على زوجتي اتقول وانتي اشدخلج مالج خص انا اهنيه ارتفع ضغطي فصخت النعال الله يعزكم باضربها لانها كانت بعيده شوي واشردت وقامت اتسب من ابعيد وانا اتعوذ من ابليس وادري بالقانون مع الاجانب وادري ان بالاول والاخير بااطلع انا الغلطان المهم طلع لي موظف حمايه قالي اشفيك اخوي قلت له عن الموضوع قالي هذي
نفس هالموقف وجات الشرطه وعقب جا الكفيل وهاوشها وركبها السياره ومنعناهم من دخول المكان وعقب قالنا موظف البلديه مالكم حق تمنعون حد!
حسبي الله ونعم الوكيل على أولياء امورهم امهملين اليهال تحت يد الخدم وعقب قولوا سوو وافعلوا ..يعني وش بيكلف عليكم يا الام والا الاب لوطلعتوا مع اعيالكم ساعه او ساعه ونص
كلشي عالخدم ..لاحول ولاقوة الا بالله
نصيحه لكم ياأخوان:
حاسبوا من الخدم ترى اعيالنا في ذمتنا واللي موب قد المسؤليه لا يترس البيت يهال علشان يربونهم الخدم
انتبهوا يااخواني وخواتي ترى الموضوع صاير لي وقدام عيني ولاحد سولف لي فيه
واسمحوا لي على الاطاله بالموضوع
ولكن رسالة قهر!!!!!
والله يستر على اعيالنا وبناتنا ويكفينا شرالخدم
وتقبلوا تحياتي والسلام.

[مريش]

والله ياخوي فعلاً موقف يقهر

وحاولت احط روحي مكانك !! حسيت حره بالقلب
ودك تمسك هالخدامه وتلعن خامسها

الله يهدي الاهل والله ياجماعه حرام جذي
في ناس مب قادره تجيب يهال وانتو عندكم يهال وهاملينهم

تلقى الاهل ضايعين ولا حد درى عن هالطفله المسكينه

الله ينتقم منهم ان شاء الله

وحسبي الله ونعم الوكيل على كل ظالم

وموقف البلديه غريب !! ماله تفسير

[طارق العلي]

مدام السالفه فيها اندونسية المفروض تكون ذكي . . . المفروض تجيب معاك اندومي وتربطه بحبل وهي وراك وانت تمشي وهي وراك وانت تمشي وهي وراك

لين تطلعون بره الحديقة وعند مواقف السيارات تشوف شغلك طراقات من الزين على شوية تبكس على شوية تشمخ في وجها من ام العيال

ماقول الا حسبي الله ونعم الوكيل على ابوها وامها

[ممنوع اللمس]

حسبي الله ونعم الوكيل على اهلها مو على حد ثاني|
والله انك كفو الله يوفقك ويستر عليك وعلى مرتك وعيالك

السموحه عالازعاج
والله جد انقهرت

[MAZEN37]

انتوا ليش زعلانين ؟
هذه من القصص البسيطه في عالم تربية الخدم

[نورالهدى]

لاحول ولاقوة الا بالله العلي العظيم

[مشموم]

حسبي الله على اهلها الي مولينها للخدامة ... وبعد ماعطينها الحق في ضرب الطفلة .
يارب ماشوف هالمنظر جدامي .

[تحداني]

الخدامه ليست ملزومه بعيال الناس
ومافي شي في الدنيا يجبرها على شطانتهم .. وعلى حنتهم
العتب الأول والأخير على من سلموها هالأطفال



جملك الله برضى الرحمن

[فيزيائية]

هيييييييييييييييه....
بصراحة في هالموضوع بالذات الناس كلها عارفة وكلن عقله في راسه وكلن مسؤل وبيتحاسب عن عياله اللي ضيعهم ...والويل لهم يوم القيامة...
تعبنا من الكلام والنصايح وبالنعهاية نطلع احنا غلطانين وتدخلنا في شي مايخصنا...



اهم شي ...انتوا...خلوا بالكم من عيالكم..

[ALRAYYAN]

وماخفي من حالات مماثله كان اعظم .. في يهال صارت اعمارهم على 8 و 10 سنين وكلامهم مكسر
وهذا يدل ان الاب والام غاسلين يدهم من تربيتهم لعيالهم والاتكال على الخدم

حسبي الله ونعم الوكيل

[QatarSupport]

حسبي الله و نعم الوكيل

للاب و الام اللي هاملين عيالهم عند الخدم .. !!!

[كازانوفا]

بالفعل موقف يقهر القلب واذا صار هالموقف قدامي وتكلمت مع الخدامه راح ترد علي برد بيجلطني من الاخر
وللاسف هي لها الاولويه بالتصرف لانه من اللى شافته من اهمال الوالدين للاطفال خلاها تتصرف بهالتصرف الحقير

[القيادة]

لاحول ولا قوه الا بالله

فيه ناس تتمنى اليهال مالله رزقهم الى قاعدين 10 سنوات

وفيه ناس عندها يهال ومب عارفين قيمتهم.

ياخوي حاسب مره ثانيه لاتتهور ترا الاجنبي في بلادنا مصدق والقطري مكذب.

[HiTec]

لاحول ولاقوة الا بالله

[chloe]

حسبي الله ونعم الوكيل

[ام الشباب]

حسبي الله على الام و الاب بسسسسسسسسسسس الصراحه بدووون تعليق

[الصريحه]

جزيت خير
ليتك ضربتها وضربت الفلبينيه
وكلمت اهل البنتين
قهروني
الله يهدي اهلهم ويفك عنهم الغفله

[بوخالد911]

قوووووولها للأب والأم

[umabdulla77]

حسبي الله ونعم الوكيل على هالناس اللي مهملين عيالهم

[khalid-qtr]

العيب مش من الخدامة اول شي يمكن مش مسلمة واكيد عادتهم تختلف

العيب كلة مافيها واحد او ثنين الام

للاسف كثير امهات مهملين عيالهم عند الخدم ولا يدرون عنهم متى ياكلون او ينامون

حتى واجباتهم المدرسية الخدمة تحلها لهم وتاكلهم وتستقبلهم لما يجون من المدرسة وتنومهم

اكثر الحريم هم دمار بيوتهم بسبب عدهم اهتمامها في بيتها وعيالها

[ولد النواخذه]

المشكلة الامهات ماعندهم وقت ولا بارض حق العيال

[MAZEN37]

الله يستر

[latty]

عاااادي دام الام معطيه الليت الاخضر

حسبي الله عليهن من امهات يهملن بالولد والبنت وهن لاهيات لو انا مكانك والله ما افكها لين تجي امها تاخذها بس اخاف تقول انت اش دخلك

نفس الموقف شفته برويال بلازا قهر والله

[التيما]

الأم اذا هي الأم مب حولهم وتعبانه وماتتحملهم .. تبون الخدامة تتحملهم ؟؟

أانا شفت هالمنظر في برجر كينج من كم سنة .. ولعنت خامسها الخدامة ومب عاجبها بعد وأكلم البنت وتسحبها الخدامة من يدها تقولي ماما يقول مايكلم ناس ما يعرفونهم .. وأقوم لها واقولها لو فيج خير قربي واسحبي البنت وشوفي شبييج .. واخلي البنت تعطيني رقم امها واقولها السالفة كلها .. وتتحسب الأم و و و و وتقولي عطيني الخدامة عاد انا مادري شصار عقب .. بس شكلها الخدامة خابزة هالأم اللاهية ..

لاحول ولا قوة الا بالله .. قهرتني وعورت قلبي من هالموضوع ..

[أميرااالذوق]

السلام عليكم ورحمة الله وبركاته

والله ماودي اقهرقكم بهالموضوع بس صدقوني

لو ماتعوذت من ابليس كان دستها بالسياره

بس الحمدلله الله ستر ..مافيني شده ادخل السجن بسبة خدامه

واذا ماخاب ظني ان المعزبه معطتها عالكيف

واكيد هذي بعض من الحالات وماخفي اعظم!

ودمتم بود..

[بـــــــنت النوخـّــــذه]

حسبي الله ونعم الوكيل

7
7

انقهرت من تصرف بعض الجهله من الاهالي المهملين

بس نصيحه لوجه الله ياجماعه لاتتعرضون (لبعض) الاجانب حتى لو المنظر سلبي وكنت على حق لان ثقو تماما" انكم بتدخلون السجن وهم بيتمون بره بمطلق الحريه

[بوحارب]

الله يهديهم حرام يخلون البنت مع الخدامة بروحها

لو ولد بتهون شوي لكن بنت والله مصيبة

الله المستعان :(

[toomi9]

اخبر مره رحت روضه كان عندي خدمة مجتمع
فدخلت صف اليهال كلهم يتكلمون عدل مب مكسر
الا واحد قطري
بما ان الروضه انقليزيه وشافني دخلت حسبني كله بتكلم انقلش
جاني وقال لاست ويييك اي وينت تو دوبي وعطاني فقره شطول ماشاء الله عليه بالانقلش والاقرامر ولا احسن منه قلت لاااا هاذي امه اجنبيه
بعدين لما شافني اتكلم عربي وجيه ومع باقي اليهال جى بيتكلم معاي كلامه كله مكسر
ومن بين كل جمله كلمه ولا كلمتين عربي
واذا اقوله شسمك يقول ناااسر = ناصر
وفي يوم كان يوم ترفيهي الي لازم اولياء الامور يحضرونه مع عيالهم انصدمت ان ناصر جاي مع الخدامه والخدامه تكلمه بنفس الاسلوب نص الكلام عربي وانقلش والمشكله العربي مكسر نطق الحروف غلط
ولما سالت عنه عند مدرسته قالت نااااااادرا مانشوف امه اتجي دايما مع الخدامه
والله الصبي ذكي بس تربية خدامه كسررر خاااطري :(

[USA shopping]

الي يبي الدح مايقولش اححححححححح
هل نقدر نستغني عن الخدم مستحيييييييييييييييييل

[Doha Sun]

حسبي الله ونعم الوكيل على الامهات المهملات

[الوووووعد]

الي يبي الدح مايقولش اححححححححح
هل نقدر نستغني عن الخدم مستحيييييييييييييييييل

السلام عليكم اختي........ صج مثل ما قلتي مانقدر نستغني عن الخدم ومااحد قال نقدر نستغني عنهم بس من الضروري المراقبه عليهم انا عن نفسي عندي في بيتي خدمتين واعيالي عندهم بس انا مااعطيهم الفرصه يتحكمون في اعيالي ولا عمري طرشتهم معهم حق العاب او الحديقه اذا ماقدرت مايروحون عادي والا عندي حتى درويول ولا عمري راح اجيب ان شاء الله دريول لانه انا اشوفهم شسون مع اليهال بس ياناس نبي مراقبه عليهم من المعقول حتى المستشفى والمجمعات الخدمات يودونهم يعني وين دور الأم والأب حرام والله ونفس الوقت قهر ماقول الا حسبي الله ونعم الوكيل يريت ربي هذي الاشكال يحرمهم من الأعيال في ناس يتمونون ريحة اليهال لانه بيجي يوم الله بيحاسبنا على تربيتهم ( وااااالله المستعان والله يحفظ اعيالنا من هذيه النوعيه من الخدم)

[مرحوم قطر]

انا مره صاف عند الدكان ناطر طلبت من الهندي الدكان في فريجنا

الى السياره الي يمي فيها دريول و خدامه و ياهل

الدريول ظرب الياهل و الخدامه تظحك

ظربه ظرب يعني مب ظرب خفيف

والله يالربع ما سكت ولا قدرت اسكت

قلت حق الدريول شعندك تظرب البزر

والله ابكل وقاحه يقولي انت مالك شغل

قلت له بعد ترادد و انزل الى يبي يصك الجامه بس ما مداه

و اتله تل الى يفاتن علي و الياهل كان يصيح و يتالم يعني قهر قهر قهر

و يوم شافني البزر قعد يطالعني يعني كنه يقولي لا تخليني و كان يبي يجي صوبي و الخدامه ماسكته


سطرت الهندي تسطر علمته اول شي شلون يتكلم و شلون يحترم نفسه

بعدين سطرته عشان ظرب البزر و سالته من كفيلك لان الياهل ما يعرف يتكلم توه يمكن عمره سنه او سنتين

تم يصيح و يترجى و نزل عند رجلي حركات الهنود رفسته و قلت له من كفيلك ما رد علي

دزيته و ركبت السياره طلعت الاستماره قريت اسم الرجال الا طلعت اعرفه من عيال فريجنا

والله خذت البزر معاي في السياره و رحت بيتهم طقيت الباب و قلت له الموضوع



يعني حرام والله حرام هذي امانه شلون تخلونها كذا عند الخدم ترى جد جد جد حرام



يعني اشياء تقهر

وخلو سالفة الخدم في سوالف ثانيه

مره من المرات صارة مشكله مع اخوي الصغير اتصلي قالي ان في واحد متصل و قعد يهدده

قلت له شسالفه قالي والله كنت على المنتدى الفلاني و في بنت اطلبة رقمي

عاد خبركم شباب و صغار اخوي ماعطل عطاها

اشوي الى متصله رجال و يهدده

انا مفتشل يعني ماعرف شاقول حق الرجال اتصلت منه و نيتي اتاسف ولا اطيب خاطره

حتى قلت حق الرجال مستعد اجيب اخوي و اظربه قدامك عشان يطيب خاطرك

على اساس اني حاط في بالي ان اخوي متحرش في البنت و الغلط محد يرضى فيه

الى يوم الرجال قالي السالفه انصعقت جد انصعقت

تخيلو يالربع قالي انا عندي بنتين وحده عمرها 8 و الثانيه 9 سنين ومخليهم على راحتهم يقعدون على النت


يهاااااااااااااااااااااااااااااااااااااااااااااااا ااااااااااااااااااااال مخليهم على الشات على كيفهم لا حسيب ولا رقيب

و الي قهرني زود انهم مرسلين سايل حق اخوي يبون يتعرفون عليه

مع انهم يهاااااااااااااااااااااااااال صغار شنو 9 و 8 سنين و قايلين حق اخوي اعمارهم مع ال16 سنه

شوفو لين وين واصلين و هذا ما يدل الى انهم مع انهم يهال خربانين لان مافي تربيه ولا مراقبه

قلت حق الرجال انت الحين من جدك تكلمني


قالي اي قلت له اقولك شي صك التلفون ابرك انا مالي الشرف اني اكلمك

قالي شنو تسب و بعدين تقولي سكر قلت له يعني ما بتبند قالي لا شلون تسب

و اطليح في بطنهيمكن نص ساعه بس قاعد اكلمه هو ساكت و انا نازل قصف فيه من حرت قلبي

قلت له اذا مب قادر تربي بناتك يبهم انا بربيهم

و قلت له والله لو في يدي سلطه كان قصبتك انت مب كفو تكون ابو

هذا انا الي للحين ما تزوجت و بعد ماجوني عيال مت قهر عسل شلون الي عندهم عيال

والله ماخليتها في خاطر و سكرت التلفون و تمت في قلبي غصه شوي و اتصلت له ماقام يرد علي

اطرش له مسجات انه يرد ما يبي يرد

يعني جد جد جد الهدرجه اوصلو بعض الناس يعني في اكثر من هلسفاله

لا حول ولا قوة الى بالله