شركات الدايــت .....!!!

[راسيه]

السلام عليكم ورحمة الله وبركاته ...


بغيت اعرف جم شركة دايت عندنا ؟

وشنو تنصحوني فيه ؟

واسعارهم و اذا احد عنده تجربه من قبل ياليت يفيدني !

:looking:

[خزامئ]

سلم دايت

[amal qatar]

سلم لايت الاشتراك ب ٢٥٠٠ كل شهر وجباتهم عاديه نفس أكل البيت كل شهر المفروض تنزلين ٤ كيلو مع الرياضه يوميا نص ساعه وتشربين نص لتر ماي كنت مشتركه معاهم ثلاث شهور ونزلت معاهم وايد

[راسيه]

انزين تحسين نفسج رديتي زدتي عن قبل ولا شلون ؟

ممم مافي الا هالشركه ؟

[هند88]

انصحك بمركز نيوترشن
:thumbup1:
شوف عيني ناس ظعفوا وااايد معاهم

اعرف الاسعار بس عيزانه اكتب :p
اتصل فيهم احسن

[عسولة]

اخوي نزل 20 كيلو من نيوتريشين

[بنت ذياب]

سلم لايت الاشتراك ب ٢٥٠٠ كل شهر وجباتهم عاديه نفس أكل البيت كل شهر المفروض تنزلين ٤ كيلو مع الرياضه يوميا نص ساعه وتشربين نص لتر ماي كنت مشتركه معاهم ثلاث شهور ونزلت معاهم وايد

مادري عندي احساس ان هالاربع كيلو ننزلهم من مشي نص ساعه وشرب الماي

شفايده اكلهم عيل ؟؟


:con2:

[بنت ذياب]

في وحده نزلت هالرجيم .. في احد المواضيع

وهي مشاركة ف مركز نيوترشن .. واستفادت

تفضلوا






أولا التعليمات

أباكم تقرونها بقوووو
عشان تركزون

1 في حاله الجوع الشديد ما بين الوجبات يمكن تناول كمية أضافية لكن من البيض أو الجبن أو المارتديلا البقري أو التونا
لكن معقولة

2 لا يسمح في هذا الاسبوع بشرب أي نوع من عصير الفواكه

3 لا يسمح بتناول أي نوع من الفاكهة

4 لا يسمح بتناول الخضار ما عدا المكتوبة في الجدول

5 لا يسمح بشرب الحليب الخالي الدسم ولا أي منتجات قليلة السعرا ت الحرارية
ولا يضمن الدكتور أي لدى البقالات والسوبر ماركت

6 يمكن استبدال اللحم بالدجاج أو السمك أو العكس

7 يمكن تناول الشاي والقهوة بأي كمية لكن من دون سكر
او استخدام سكر الريجيمـ

8 يمكن استبدال الجبن بالمارتديلا أو التونا او البيض او العكس

9 اجباري شرب 8 أكواب ماء في اليوم الواحد (يوميا)

10 يمنع منع باتا تناول تناول أي منتجات الدايت قليلة الدهون أو السعرات اللتي تباع في الاسواق
وذلك لأنها تكون تجارية وتؤثر على البرنامج

_____________________________


نبدا

بسم الله الرحمن الرحيم

_______________________


اليوم الاول :-

* فطور *
قطعتين جبن قليل الدسم + شريحة مارتديلا بقري (35 غ )

*غداء *
ربع كيلو مشاوي تكا + صحن سلطة صغير

* عشاء *
بيضة مسلوقه أو صحن شاورما عربي بدون خبز (سبق أون طرحت الطريقة الصحية لعمل الريجيم في البيت)

___________

اليوم الثاني :-

* فطور *
بيضة مسلوقة + قطعة جبن خالية الدسم أو قليلة الدسم

* الغداء *
صدر دجاج مشوي + نصف كوب لبن أب

* العشاء *
لبنه ملعقتين خاليه الدسم أو قليلة الدسم + شريحة مارتاديلا بقري

______________

اليوم الثالث :-

* الفطور *
شريحة مارتاديلا بقري + جبنه خاليه الدسم

* الغداء *
صدر دجاج منزوع الجلد مشويأو مسلوق 200 غرام أو تكا دجاج أو خضار مسلوقة (ملفوف + قرنبيط + كوسه) مع المرق

* العشاء *
شريحة مارتاديلا + بيضة مسلوقة
___________________

اليوم الرابع :-

* فطور *
قطعة جبن خاليه الدسم أو لبنه (لايت) مقدار معقتين

* غداء *
سمك مشوي أو مسلوق

* عشاء *
كبد مشوي مقدار 200 غ + نصف كوب لبن أب

____________________

اليوم الخامس :-

* فطور *
بيضة مسلوقة + قطعة جبن خفيفة الدسم

*الغداء * صحن سلطة صغير + صدر دجاج مشوي أو مسلوق

* العشاء *
علبة سمك تونا بالماء

_____________________

اليوم السادس :-

* فطور *
2 قطعة جبن قليلة الدسم

* الغداء *
مشاوي تكا + صحن سلطة صغير

* العشاء *
شريحة مارتاديلا بقري + ملعقتين لبنه لايت

________________________

اليوم السابع والاخير في هذا الاسبوع :-

* الفطور *
2 بيض مسلوق + قطعة جبن قليل الدسم

* الغداء *
باذنجان أو كوسه أو سبانخ (مسلوق ومطبوخ مع المرقة والتوابل)

* العشاء *
جبنه خاليه الدسم + شريحتين مرتديلا بقري

_______________________



هذا الدايت يكرر أسبوعين متتاليين
واليوم الخامس عشر يكون فري داي

***************************

هذا الريجيم نزلني أول اسبوع 8 كيلو

وانتوا عاد واخلاصكم في الريجيمـ

مركز دكتور نيوترشن موجود فالدوحة ولو بتشتركين بيعطيج نفس هالريجيم وبيدفعج 750 ر.ق

متابعة لمدة شهرين .. يعني ماله داعي !!

[amal qatar]

رجيم سليم لايت صحي وحلو ,, ماتنحرمين من اي شي ,, لكن الكميات قليله ,, والحلو فيه ان مايقيدج بوجبات معينه ,, يعني لج خيارين في كل وجبه انتي تختارين اللي تحبينه ,,
بالنسبه للوزن عقب ماتظعفين ,, ماتمتنين بسهوله إلا اذا وايد خربطي في الأكل ,, الصراحه انا وايد ارتاح على نظامهم ,, لان ماحسيت بتعب فيه ,, فيه كل شي يحتاجه جسمج من نشويات وبروتينات وسكريات ,, مايحرمونج من الفواكه او من اكل معين مثل نيوترشن اللي معظم اكله بروتينات