ليش البلدية ما تجبر الحلاقين استعمال هذي الأمواس

[أسد الجزيرة]

السلام عليكم

لفت نظري في السعودية انه الحلاقين يستعملون هذي الامواس الي تنرمي بعد الاستعمال
و انا اشوفها انها احسن عشان ما تنقل الامراض و زينة و عملية و صناعة سعودية

الصورة مأخوذة من موضوع الأخ Ghost

http://im1.gulfup.com/2010-11-26/12907928477.jpg

[The Stig]

اي والله ياريت يوصل صوتك اخوي ..

ياارييت ..

انا صرت اخاف احدد موس في الحلاق والسبب الامراض الي ممكن ينقلها ..

اتمنى صوتك يوصل .. والله شي ضروري ومهم صرااحة

[zeroo10]

اخوي بعد تجربه هذا النوع غير حاد

[قطري هامور]

الحلاقين اخوي مايهتمون بنظافة الأدوات اللي يستعملونها + يحبون التوفير بس البلدية اذا أجبرت الحلاقين انهم يستعملون هذه الأمواس بيرفعون سعر الحلاقة والسبب ان الامواس غالية والحلاقين حالهم حال غيرهم يبون اي سبب علشان يرفعون السعر وشغلة نقل الامراض من واحد لواحد مب مهم

[أسد الجزيرة]

اي والله ياريت يوصل صوتك اخوي ..

ياارييت ..

انا صرت اخاف احدد موس في الحلاق والسبب الامراض الي ممكن ينقلها ..

اتمنى صوتك يوصل .. والله شي ضروري ومهم صرااحة

جزاك الله خير ان شاء الله يوصل


اخوي بعد تجربه هذا النوع غير حاد

و انا مجربه في السعودية محلق فيه راسي ايام الحج بس هو يعتمد على شطارة الحلاق بعد فترة بيتعودون عليه

[بوخالد911]

يا ريت والله


يسلموو

[أسد الجزيرة]

الحلاقين اخوي مايهتمون بنظافة الأدوات اللي يستعملونها + يحبون التوفير بس البلدية اذا أجبرت الحلاقين انهم يستعملون هذه الأمواس بيرفعون سعر الحلاقة والسبب ان الامواس غالية والحلاقين حالهم حال غيرهم يبون اي سبب علشان يرفعون السعر وشغلة نقل الامراض من واحد لواحد مب مهم

ادري انه الحلاقين يدورون الرخص و ترى هو صناعة سعودية ما اعتقد بيكون غالي

[أسد الجزيرة]

يا ريت والله


يسلموو

الله يسلمك و حياك الله

[عزيزوف]

اقتراح حلو

[قطري هامور]

اخوي : الامواس صناعة سورية

[أسد الجزيرة]

اقتراح حلو

حياك الله اخوي


اخوي : الامواس صناعة سورية

اتوقع بعد في صناعة سعودية اذا سوري احسن و احسن بيكون ارخص اكثر

[الصريحه]

اخاف بعد انهم مايرمونها يستخدمونها اكثر من مره لابد يكون فيه ورقه توعيات بالادوات ونظافتها وعدم استخدام ادوات غير نظيفه
لولاني منكم اجيب عدتي معي
كل الامراض اللي تنتقل بالدم خطيره وتكون صعبه في علاجها وتاخذ وقت طويل ومال كثير
وانت قرارك

[KABOOM]

حــلــــقـــواا في البيت

نصيحه اللي مايعرف يحلق نفسه اول اجازه تجي
يحاول يتدرب شوي شوي بموس بو 3 شفرات
والله الموضوع سهل مايطووول كلش بالعكس
وانظف وارخص

[captin]

دور الجهات الصحية انها توضع
ضوابط ومعايير للنظافة في
صالونات الحلاقة الرجالية
ومنها أنواع شفرات الحلاقة التي تستخدم
في الحلاقة فعلا لان ك
ثير من الامراض المعدية
والخطيرة تنتقل بواسطة أدوات الحلاقة وخصوصا
الشفرات التي يعاد استخدامها
اعتقد الشفرة اللي تتكلم عنها اخوي اسمها شارك
وصناعتها كويتية وهي رخيصة الثمن أذكر اني شريتها
مرة من صيدلية الريم
انا شخصيا صار لي سنين طويلة احلق اللحية في البيت
بأدواتي الخاصة من شفرات ومعجون وفرشاة وكلونيا
سواًًء كنت في قطر ولا مسافر

[أسد الجزيرة]

اخاف بعد انهم مايرمونها يستخدمونها اكثر من مره لابد يكون فيه ورقه توعيات بالادوات ونظافتها وعدم استخدام ادوات غير نظيفه
لولاني منكم اجيب عدتي معي
كل الامراض اللي تنتقل بالدم خطيره وتكون صعبه في علاجها وتاخذ وقت طويل ومال كثير
وانت قرارك

الامواس تيجي مقرطسة و عليها بلاستيك لازم ينشال قبل الاستعمال

حياج الله اختي


حــلــــقـــواا في البيت

نصيحه اللي مايعرف يحلق نفسه اول اجازه تجي
يحاول يتدرب شوي شوي بموس بو 3 شفرات
والله الموضوع سهل مايطووول كلش بالعكس
وانظف وارخص

اوقات احلق في البيت اذا مالي خلق اروح الحلاق و كلامك صحيح

حياك الله اخوي


دور الجهات الصحية انها توضع
ضوابط ومعايير للنظافة في
صالونات الحلاقة الرجالية
ومنها أنواع شفرات الحلاقة التي تستخدم
في الحلاقة فعلا لان ك
ثير من الامراض المعدية
والخطيرة تنتقل بواسطة أدوات الحلاقة وخصوصا
الشفرات التي يعاد استخدامها
اعتقد الشفرة اللي تتكلم عنها اخوي اسمها شارك
وصناعتها كويتية وهي رخيصة الثمن أذكر اني شريتها
مرة من صيدلية الريم
انا شخصيا صار لي سنين طويلة احلق اللحية في البيت
بأدواتي الخاصة من شفرات ومعجون وفرشاة وكلونيا
سواًًء كنت في قطر ولا مسافر



حياك الله اخوي و شكراً على الافادة اعتقد انه في كذا شركة تصنع هذي الامواس و سعرها رخيص جداً مقارنة بفائدتها

[Mishari]

يا شباب حلقوو بالبيت واذا كلش ماتعرف ياخي 150 ريال اشتر لك عده وخلها بالموتر

[الموضوعي]

في السعودية البلدية تحط قائمة لأسعار الحلاقة

[BURBERRY]

احسن و افضل حل كل واحد يشتري له عدة حلاقه مع شنطه و يخليها في الموتر

[القيادة]

يعطيك العافية أخوي

[ولـ بلادي ـد]

ياخوان انا اروح الصيدلية واشتري مجموعة امواس نفس الي صورتها في الموضوع تكون في كيس وارخااص ويوم احلق اعطي الحلاق واحد واخليه يحلقلي اعتقد ان 6 ينباعون ب 12 ريال ومتوافرة بأي صيدلية

[saddawi4ever]

ياليت احسن وانظف

[Ussop]

يالربع شسالفة، أنا أخبر أي حلاق أروح له، أشوفه قدام عيني يفتح لي شفرة الموس بقراطيسها... مدري عنكم ... الظاهر حلاقكم يحلق بموس مصدي.

[ولد النواخذه]

^^^^^

الكلام مب بس عن الشفرة بس عن الموس بكبره وهالموس الي يستخدم فالسعودية هو الموس بكامله وشفرته منه وفيه ويستخدم مرة واحده ويرمى وياليت يطبق عندنا اسلم من الأمراض...

[Ussop]

^^^^^

الكلام مب بس عن الشفرة بس عن الموس بكبره وهالموس الي يستخدم فالسعودية هو الموس بكامله وشفرته منه وفيه ويستخدم مرة واحده ويرمى وياليت يطبق عندنا اسلم من الأمراض...

وييين، موسوسين الربع ...
هل فيه حالات مرضية تم إثباتها بسبة عدم تغيير الموس كاملاً؟
الناس من زمان أول وهي تحلق هالشكل، محد صاده شيء ... ماله داعي هالتخوف.
إلا لو فيه فعلاً حالات إنضرت لهالسبب،
الشفرة هي أهم شيء، ولا الحلاق ما بيقعد يحكحك وجهك بمقبض الموس.

[vtc_4.8]

حلاليقنا غيرون الشفره كل مرة وبين كل تحلقه ينقعونه في ديتول

يعني بأذن الله مافييها خطوره

[captin]

في السعودية البلدية تحط قائمة لأسعار الحلاقة


اهنيه عندنا لاحسيب ولارقيب كل واحد على كيفه ومزاجه ويدرى محد بيقول له شي
واحد يحلق بـ 10 ريال واللي جنبه بـ 15 والثالث بـ 20
فوضى عارمة تسود السوق

[عبدالمحسن]

لو طبقوا هالقانون ماراح ارجع للحلاق ، الا عند الضروره


مع العلم ان عندي شنطه فيه جميع اغراض الحلاقه


ولكن !! بعد موقف في الحلاق وهو ان الحلاق رأى صرصور ميت !! فمسكه بأيده مباشره ورماه خارج المحل !!


والشباب يعرفون ان الحلاق تلامس يده الخد او الرقبه اثناء الحلاقه ( لتحديد )


بالطبع استنكرت هذا الموقف ، ووبخته ببعض الكلمات ومن يومها وانا احلق لنفسي وبعد التعود اصبحت اتقن الحلاقه




في الأخير اقول بأن مثل هذه التصرفات لا تنطبق على جميع الحلاقين



إحترامي لكم

[MAZEN37]

اسد شكلك بتاخذ التوكيل

[latty]

كل واحد ياخذ عدته معه

نصيحه اخو صديقتي انتقل له فيروس كبد سي ولين الحين يعالج والسبب حلاقه غير معقمه وصابه جرح عند الحلاق

[هند88]

وليش مو كل واحد فيكم لما يروح الحلاق يودي موسه الخاص