قلدنا دبي في كل شي الا في هذاااااااااااااااااااااااا

[kooool]

بسم الله االرحمن الرحيم والصلاة والسلام على سيدنا رسول الله صلى الله عليه وسلم ..

اذا كان للنجاح مثال فدبي مثاله ..وللاسف قطر تقلد دبي في العمران وماتقلدها في الانساان من حيث التطور الاداري والتنظيمي وفتح مجالات الابدااع الوظيفي بما يخدم العمل الحكومي ..واللي اثمر عن مركز دبي للزهور ..تخيلوا ..دبي اصبحت تنافس هولندا في تجارة الزهور .. صااارت بالعربي ( سمسار زهووور ) بحكم افكار موظفيها وابداعهم ..اشسوت دبي ؟؟؟؟ عملت البنية التحتية اللازمة لاقامة المخازن المتخصصة للزهور وذلك لاستيراد واعادة تصدير الزهور للخليج واسيا ..يعني الياباني او الماليزي او الهندي او الايراني والاسترالي ماعاد يحتاج يشتري من اروبا كلها هذه الزهوور ..كلها موجودة في دبي وباسعار تنافسية ..وخلقت لها مردود وعااائد بالملايين الدولاراات وهي ماتملك لاغاز ولانفط (كنوز الارض)..والتجارة ومااادراااك مالتجارة ..تسعة اعشار الرزق فيها ..فهل نشاهد قطر توظف امكانياتها المادية الضخمة في انشاااااء مصدر للزهور بدلا من سوق للزهور ؟؟؟ بحيث تكتمل دائرة التعاون مع دبي وليس التنافس اللي يصب في مصلحة الغيييييير .. ولنا في مدينة بينزا المثل الاعلى حيث تنتج زهووور تنااافس الزهووور الهولندي ..كييييييييييف ؟؟؟؟؟؟؟ شوفوا هالمقطع على اليوتيوب ..
http://www.************/watch?v=PXLjG4BNm_w&feature=related

واتمنى ان هذا الموضوع يصل لوزارة الاعمال والتجارة ..على الاقل يمخمخوووون فيه شوي ..يمكن ..يمكن فيه فاااااايده

[غزلان]

ان شاء الله

مافي احلى من الورد

[مستجدة]

زهور عااااااااااااااااد ................؟!!!!!!!!!!!!!!!!!!!!!

من الرومانسيه اللي مقطعه بعضها عندنا نص اهل قطر عزااااااااب والنص الاخر عواااااااااانس :weeping:

نبي مزارع ابقار ودواجن عشان ناكل بس مانبي زهور كافي على بعض الرومنسيين اللي مدري متى بيتذكرون زوجاتهم او اخواتهم بهديه او مناسبه ورد مجفف ارخص ومتوفر

بذمتكم الان الدوله ناقص عندنا مزارع ابقار ومزارع دواجن كل شئ مستورد وكذا مره صارت عندنا ازمه استيراد في البيض والطماط والخراف واشياء ضروريه واساسيه
تبي يهدون كل ذي و يعملون لنا مزارع ازهار .....؟!!!

[غايه الطواش]

مع اني ماحب الورد وايد

بس جد افكارك اخوي كول ابداعيه ...

وجميل تنوع الاستثمار ومصادر الدخل ...

يمكن احنا مش محتاجين ورد ....كثر ما احنا محتاجين مشاتل على مستويات تقنيه عاليه ..
ويمكن احنا افكارنا الاستثماريه غير افكار دبي.....كل دوله لها سياستها ....
يمكن احنا نتطلع للمردود المادي الكبير من خلال المشاريع العقاريه والاستثماريه في الخارج
بعيد مشاريعنا بعيدة جدا عن الرومانسيه :)

[kooool]

وش دخل الرومااانسية ؟؟؟؟ هذه تجاااارة استيراد واعادة تصدير ...تنوع في الدخل القومي ...عاااد اللي حااااقر الزهوووور مشكلة صراااحة

[R 7 A L]

زهـــور :no2:

الحين خل محلات الى عندنا يمشي سوقها

[kooool]

زهـــور :no2:

الحين خل محلات الى عندنا يمشي سوقها

مالها علاقة بالمحلات اللي عندك هذه تجااارة دولية ..

[قطري هامور]

زهور عااااااااااااااااد ................؟!!!!!!!!!!!!!!!!!!!!!

من الرومانسيه اللي مقطعه بعضها عندنا نص اهل قطر عزااااااااب والنص الاخر عواااااااااانس :weeping:

نبي مزارع ابقار ودواجن عشان ناكل بس مانبي زهور كافي على بعض الرومنسيين اللي مدري متى بيتذكرون زوجاتهم او اخواتهم بهديه او مناسبه ورد مجفف ارخص ومتوفر

بذمتكم الان الدوله ناقص عندنا مزارع ابقار ومزارع دواجن كل شئ مستورد وكذا مره صارت عندنا ازمه استيراد في البيض والطماط والخراف واشياء ضروريه واساسيه
تبي يهدون كل ذي و يعملون لنا مزارع ازهار .....؟!!!

كلامج صح اختي قطر مافيها مزارع نخيل ومزارع تنتج الخضار والمواد الأساسية حتى يصير عندنا مزارع زهور لا حول ولا قوة الا بالله

[مستجدة]

كلامج صح اختي قطر مافيها مزارع نخيل ومزارع تنتج الخضار والمواد الأساسية حتى يصير عندنا مزارع زهور لا حول ولا قوة الا بالله


عاد اتصدق اخوي قطري هامور انت الوحيد اللي فهمت قصدي من هالكلام اللي كتبته

:thumbup1:

[مستجدة]

وش دخل الرومااانسية ؟؟؟؟ هذه تجاااارة استيراد واعادة تصدير ...تنوع في الدخل القومي ...عاااد اللي حااااقر الزهوووور مشكلة صراااحة


اشووووف حاط ورد بتوقيعك :thumbup1:

والله مب حقران للورد والزهور لكن فيه اشياء الها اهميه اساسيه
نحن ناقص عندنا كل شئ مب فقط الزهور كل شئ مستورد ابسط الاشياء واعظم الاشياء
كم مرة صارت عندنا ازمات في البيض الارز الخراف والله يستر بعد شنو راح انصادف من ازمات اخرى بسبب الاستيراد
كل الغذاء مستورد وكل المواد الاساسية مستورده جات على الكمليات ...؟!!!

[ابو علاوي]

مو كل ورد اسمه ورد ... والريحة طيبه .
يصير ورد مو خوش ورد ... راسك يشيبه .

[الأتشي]

لا حول ما يسوا عليك هالموظع والله

[The Stig]

ماشاءالله عليك اخوي كووول ..

افكارك ابداعية ..

ياريت صوتك يوصل .. :)

[kooool]

اشووووف حاط ورد بتوقيعك :thumbup1:

والله مب حقران للورد والزهور لكن فيه اشياء الها اهميه اساسيه
نحن ناقص عندنا كل شئ مب فقط الزهور كل شئ مستورد ابسط الاشياء واعظم الاشياء
كم مرة صارت عندنا ازمات في البيض الارز الخراف والله يستر بعد شنو راح انصادف من ازمات اخرى بسبب الاستيراد
كل الغذاء مستورد وكل المواد الاساسية مستورده جات على الكمليات ...؟!!!

مشكلة المواشي حاليا اوجدوا لها الحل من خلال شركة حصاااد وشرائهم مزارع في السودان واستراليا ..ومزارع الارز من الهند ..والسكر من البرازيل ..بالنسبة لتجارة الزهور ..هذه تعتمد على موقع الدولة ..قطر عندها موقع استراتيجي يتوسط القارات الثلاث وبالتالي يختصر مسافة النقل والشحن ..ومن هنا تاتي فكرة الاستثمااار وتنوعه في مجالات عديدة ومنها الزهووور ..وياريت اللي يعلق يشوف الرااابط عشان تتضح له الصورة ويكون تعليقه مكتمل

[المخفي]

انا اقول يزرعون رويد احسن

[هداف]

فيه امور كثيره في دبي تستحق ان نقلدهم فيها واهم بكثير من زراعة الزهور والشهره العالميه
لزهور دبي اذا كان المقياس بهذا المنظور لديك

اذا انا انصح التجار في قطر الاستثمار في زراعة (( الفقع)) ونصبح رقم واااااااااااحد في العالم في تصدير الفقع القطري !!
ويعتبر تنويع للدخل القومي !!!!!!!!!!!!

اخي عذرا اتوقع انك كنت تمزح بسالفة ما قلدنا دبي بتجاره مثل الزهور !!

[&بوشهد&]

لو يسوون انتاج من الغنم افضل
يكون عندنا انتاج محلي

[الحبتور]

من اللي عنده زرع ويفكر في امور جليه مثل هذي ..

حاطين الزروع حق الهشك بشك ..

[Emarati]

مب بس الزهور ، دبي نوعت مصادرها بشكل عجيب

الذهب، السياحة، الطيران، التصدير، الالمنيوم والمعادن، اقامة الاجتماعات والمعارض، الاعلام والتكنولوجيا

وغيرها الكثير .. وكل واحد منهم يوفر لدبي مدخول سنوي ممتاز يغنيها عن النفط

وحاليا صار الاهتمام أكبر بتوظيف الكوادر الشابة المواطنة .


تحياتي لك

[الأصيلة]

ومن قال انا نقلد دبي في كل شي..
يعني لو ما أنشأت دبي أبراج
قطر مارح تبني...
بعدين قطر اتجاهها في الإستثمار مختلف..
مب لازم تكون مثل دبي..
يكفي في الخليج دولة وحده تاخذ استثمار الزهور...
المفروضه الدولة المجاورة تبحث عن استثمار آخر غير الزهور
حتى يصبح تكامل اقتصادي...

[همر]

..وللاسف قطر تقلد دبي في العمران وماتقلدها في الانساان من حيث التطور الاداري والتنظيمي وفتح مجالات الابدااع الوظيفي بما يخدم العمل الحكومي ..واللي اثمر عن مركز دبي للزهور ..تخيلوا ..دبي اصبحت تنافس هولندا في تجارة الزهور .. صااارت بالعربي ( سمسار زهووور ) بحكم افكار موظفيها وابداعهم ..اشسوت دبي ؟؟؟؟ عملت البنية التحتية اللازمة لاقامة المخازن المتخصصة للزهور وذلك لاستيراد واعادة تصدير الزهور للخليج واسيا ..



الظاهر اخ كوووول خذتك الحماسه شوي في المقارنات وانا متأكد ان هذا نابع من حزنك العميق على اتجاهنا اللاإرادي والغير منطقي نحو مستقبل مجهول المعالم وتخطيط مبهم بالرغم من ان موضوعك جميل لكن فيه شوية مغالطات اذا سمحت لي..

ابدأ بكلامك اللي يقول ان قطر تقلد دبي في العمران..

http://img138.imageshack.us/img138/6734/sam17070.jpg

انا ما اشوف لا تقليد عمراني..

http://img190.imageshack.us/img190/4148/sam1708.jpg

ولا بنيوي..

http://img694.imageshack.us/img694/7386/sam1671.jpg

ولا حتى ترفيهي او "كرتوني"..


واتفق معاك في "الانساان من حيث التطور الاداري والتنظيمي وفتح مجالات الابدااع الوظيفي بما يخدم العمل الحكومي".


وارجع واختلف معاك في منافسة دبي "السمسار" مع هولندا "اكبر منتج للزهور في العالم" .. وشتان ما بينهما... واستحالة منافسة التاجر للمصنّع لان الاول يعتمد على الثاني والعكس غير صحيح..


وتقبل تحياتي..

[انتر ميلان]

الله يسلمك يا كول عندنا كل شي يبونه جاهز
عندك مثال شراء هارودز ..
وشراء مزارع من فترة مادري في أي دولة ..
وشراء فندق في القاهرة ..

وزادت الفلوس توهقوا فيها وقالوا بنسوي ملاعب حق كأس العالم :)

ولا في مليون طريقة حق الاستثمارات مثل ماتفضلت زهور ومزارع ومواشي و و و

[الأصيلة]

الله يسلمك يا كول عندنا كل شي يبونه جاهز
عندك مثال شراء هارودز ..
وشراء مزارع من فترة مادري في أي دولة ..
وشراء فندق في القاهرة ..

وزادت الفلوس توهقوا فيها وقالوا بنسوي ملاعب حق كأس العالم :)

ولا في مليون طريقة حق الاستثمارات مثل ماتفضلت زهور ومزارع ومواشي و و و

كل دوله حرة باستثماراتها
وتسوي اللي يناسبها ويريحها...
ودبي من فيها الله يعافيك غير الهنود والأجانب....
من ها المواطن المستفيد من استثماراتها...
فقط السواح حاسين بالتطور ومستفيدين منه...
وكل إبداع وتفكير في استثمار جديد ترى صادر من أجنبي عندهم...
وبقروض من البنوك ...
وكل المواطنين انزحوا إلى خارج دبي وانتشروا في الإمارات الثانية...
من مضايقات الأجانب وحياة الصخب...
عيب بس والله نقعد نقارن بلادنا مع غيرها ونعيب على استثماراتها ونستهزيء في من استثمر وفكر ...!!

[الصريحه]

اقتراح حلو وصح في اولويات لكن مايمنع نكون من المنتجين للزهور

[Emarati]

ودبي من فيها الله يعافيك غير الهنود والأجانب....
من ها المواطن المستفيد من استثماراتها...



اختي حد قالج ان المواطنين ينتظرون مردود من استثمارات دبي ؟

في شي اسمه حكومة وملزومة بالمواطنين ، الهنود والأجانب ترى لو مب وجودهم

فالخليج كان للحين مانعرف شي اسمه استثمار وكلمة الحق ما ينزعل منها ;)

[MAZEN37]

يا لزيز يا رايق
بالتوفيق

[بازار]

يارررب

[الأصيلة]

اختي حد قالج ان المواطنين ينتظرون مردود من استثمارات دبي ؟

في شي اسمه حكومة وملزومة بالمواطنين ، الهنود والأجانب ترى لو مب وجودهم

فالخليج كان للحين مانعرف شي اسمه استثمار وكلمة الحق ما ينزعل منها ;)

بس أغلب المواطنين في كل مكان يستخسر الإستثمارات
ويتمناها لنفسه ويتمنى مردودها ..
أو حتى يتمنى لو إنها ماصارت أصلا....
وفلوسها كانت للمواطنين لا للإستثمار...
هذا اللي قاعد انا اشوفه في الوقت الحالي...
وفعلا المفروض المواطن ماينتظر مردود الإستثمار لأنها لأمد بعيد جدا...وليست لليوم هذا...
ومثل ماقلت الحكومة ملزومة بالمواطنين...
لكن المواطنين أيضا ناشبين في الحكومة ويحققون في كل فلس تصرفه على الإستثمارات تراهم مب غافلين...!!!!

[khalid-qtr]

شدني في موضوعك كلمة تقول قلدنا دبي :con2:

ما اعتقد قطري يقول على بلادة قلدنا

[kooool]

ومن قال انا نقلد دبي في كل شي..
يعني لو ما أنشأت دبي أبراج
قطر مارح تبني...
بعدين قطر اتجاهها في الإستثمار مختلف..
مب لازم تكون مثل دبي..
يكفي في الخليج دولة وحده تاخذ استثمار الزهور...
المفروضه الدولة المجاورة تبحث عن استثمار آخر غير الزهور
حتى يصبح تكامل اقتصادي...

لو تلاحظين انا قلت انكون مصدر للزهور باستخدام تقنيات حديثة مثل مدينة بينزا الروسية ..ونتكامل مع دبي هي في التوزيع ونحن في الانتاج ..ترى في العجلة الندامة

وارجع واختلف معاك في منافسة دبي "السمسار" مع هولندا "اكبر منتج للزهور في العالم" .. وشتان ما بينهما... واستحالة منافسة التاجر للمصنّع لان الاول يعتمد على الثاني والعكس غير صحيح..

اقصد المنافسة في التوزيع وليس الانتاج ..يو قيت ماي بوينت برذر ؟؟؟؟

انا ما اشوف لا تقليد عمراني..

مب تقليد في الجودة ..تقليد في الفكرة ..ومب معنى ان الواحد اذا مانجح في التقليد انه ماقلد

[kooool]

شدني في موضوعك كلمة تقول قلدنا دبي :con2:

ما اعتقد قطري يقول على بلادة قلدنا

الاستفادة من تجارب الاخرين ماتقلل من شأنك ياخوك

[الأصيلة]

شدني في موضوعك كلمة تقول قلدنا دبي :con2:

ما اعتقد قطري يقول على بلادة قلدنا

:thumbup1:
حتى الوطنية صارت تقليد يا اخوك...

[Emarati]

بس أغلب المواطنين في كل مكان يستخسر الإستثمارات
ويتمناها لنفسه ويتمنى مردودها ..
أو حتى يتمنى لو إنها ماصارت أصلا....
وفلوسها كانت للمواطنين لا للإستثمار...
هذا اللي قاعد انا اشوفه في الوقت الحالي...
وفعلا المفروض المواطن ماينتظر مردود الإستثمار لأنها لأمد بعيد جدا...وليست لليوم هذا...
ومثل ماقلت الحكومة ملزومة بالمواطنين...
لكن المواطنين أيضا ناشبين في الحكومة ويحققون في كل فلس تصرفه على الإستثمارات تراهم مب غافلين...!!!!

هذا اذا كانت الحكومة مقصرة بحقهم ، اللي نتكلم عنه هو استثمار اشخاص مب حكومة

واظن شايفه استثمارات دبي الحكومية من مترو وطرق ومواصلات وبنية تحتية وغيره وغيره

هذا اظن في صالح المواطنين ;)

[khalid-qtr]

الاستفادة من تجارب الاخرين ماتقلل من شأنك ياخوك

يمكن قصدك نطور من خبرة بس ما نقلد :nice:

يعطيك العافية

[الأصيلة]

الاستفادة من تجارب الاخرين ماتقلل من شأنك ياخوك

لا ماتقلل أبدا ...
لكن يا اخوي ... موضوعك خل الردود تجي بطريقة التهكم والإستهزاء..
فانت قلت...( وللاسف قطر تقلد دبي في العمران وماتقلدها في الانساان من حيث التطور الاداري )
فهذا الكلام كفيل بإثارت مايمكن إثارته في نفوس البعض...
ياليت تم عرض الموضوع بدون ذكر التقليد ..
وحطيت الأفكار مع ضرب مثال لـ دبي...
أصلا المقارنة تقتل الطموح على كل المستويات...
وانت نفسك لو أحد الحين قارن مشاركتك بمشاركات أعضاء آخرين..
رح تزعل وتتضايق وتتأثر...!!!
وصلت الفكرة ...؟؟؟

[kooool]

اااااااااااب

[qatari 111]

ويش راييك يا اخ كووول نقلدهم بعد نعطي استثماااراتنا للأسيوييين علشاااان يتحكموون في استثمااارات الدوله وعقب اذا الاقتصاااد انهار حطوا ارجيييلهم واخذوا فلووسهم وشردوا بلاادهم مثل ما صار عنهم في دبي .

[مدير]

كووول .. من قال لك انه ما فيه مشروع للزهور في قطر ؟!

المشروع موجود و صار له اكثر من سنه .. و انتاج زهور مب استيراد

و على فكرة .. المشروع حكومي اعتقد كان بين و وزارة البيئة و بنك التنمية

[kooool]

كووول .. من قال لك انه ما فيه مشروع للزهور في قطر ؟!

المشروع موجود و صار له اكثر من سنه .. و انتاج زهور مب استيراد

و على فكرة .. المشروع حكومي اعتقد كان بين و وزارة البيئة و بنك التنمية



مشرووع على ورق والا شنو ؟؟؟؟؟؟ وياليت تفاصيل عنه