بلاك بيري!!!

[Rider]

السلام عليكم ورحمه الله وبركاته اخواني وأخواتي الأعضاء
طبعا انا ماعرف أرتب الكلام لكن بتكلم بالعامية
موضوعي عن البلاك بيري طلع علينا هذا الجهاز من فترة غير بعيده ولكل قام يسعى لشرائه
لكن هناك سلبيات لهذا الجهاز انا مب متكلم عن الأشاعات التي تتناقل عن طريق هذا الجهاز لكن بتكلم عن علاقتك بأخيك او صديقك والبلاك بيري ياخوان انا ملاحظ الشخص الي يمتلك البلاك بيري ينسى نفسه وينشغل بهذا الجهاز ولا يتحترم الشخص الذي معاه سؤ اخ او صديق الخ حتى الصديق الذي يمتلك هذا الجهاز يتغير عليك فلا تجده نفس الشخص الذي كان لا يمتلك هذا الجهاز اخواني انا اتكلم من واقع مجرب وليس مجرد كلام فاضي تخيلوا اخواني الاعزاء تجلس مع اخيك او صديق في مجلس تتجاذب معاه اطراف الحديث شوي تراه مسك هذا الجهاز وقام يستقبل ويرسل وانت كأنك غير موجود واذا كلمك يتكلم معاك من غير لا ينظر لك
اخواني ابغي رايكم في هذا الجهاز من واقع تجربة سؤ من سلبيات او ايجابيات اوتغير صديق عليك او اخ بسبب هذا الجهاز
واسف على الأطالة

[بوخالد911]

هلا ومسهلا

لا بد من احترام من يرافقك

سواء بالعمل او المجلس



وربعي الحمد لله
ما لاحظت هالسلبية فيهم

ولما نتكلم الكل يشاررك

لا هنت للموضوع الجميل



تحياتي قبل ارسال برود كاستااتي


مسيوو / بوخالد911

[HiTec]

سلاح ذو حدين

[Rider]

تسلمون على المرور المميز ونبغي تفاعل اكثر

[ألحـــــان]

ياليت توقف على المجالس والربع والصداقه

فما بالك


الـــــــــدوااااااااااااام، الشارع، المطعم،

تنتظر الموظف يخلص منه علشان يبدأ بتخليص معاملتك
تنتظر الموظف يخلص منه علشان يرد عليك
تنتظر الموظف يخلص منه علشان يكمل اداء عمله
تنتظر الموظفة تخلص من تغيير لون الكفر على لون الشنطه علشان تبدأ بتخليص معاملتك
تنتظر سائق السياره يخلص منه علشان يمشي بعد ما فتحت الإشاره واستوت خضره
تنتظر اللي دوره في المطعم يخلص منه علشان يطلب طلبه

و،، و،، و،، و،، و،،


السلبيات اكثر من الإيجابيات بالنسبه للرجل والمرأه


يا زين الحمام اول

[مخطط قطري]

شي طبيعي اخوي لكان بخبرك الناس بدوا يملون من البلاك بيري صحيح يطالع بس مع الوقت تلقاه يخفف خل الشي يموت من نفسه

[العقل المدمر]

فعلا لاحظت هالشي منتشر بشكل كبير
وانا مع رفيجاتي بعد ماعدنا مثل قبل والسبه هالبلاك بيري
واعترف اني كنت جذي فالبدايه
بس الحمد لله صرت اسيطر عالوضع
اصكه واخليه فالشنطه دام اني قاعده مع حد
وبعد ماخليهم يمسكونه افرض احترامي غصب :thumbdown:

[تحداني]

:)


مع الأيام راح تتأقلم معاهم .. وراح يخف الحب والعشق بينهم وبين الجهاز
يمكن من يحيطون بك مازالوا في طور التعامل مع هذا الإختراع .. وقاعدين يكتشفون ماهو كان غريب ومجهول بالنسبه لهم


عطهم وقت .. وأعطي نفسك الكثير من الصبر


البلاك بيري الجديد وايد حلو وصغير
عليهم بالعافيه العملاء



جملك الله برضى الرحمن

[الـقـاسـي]

انا مع ان عندي بلاك بيري لاكن مش مقتنع فيه وكنت معارضه قبل لكن احتديت اخذه والسبب الغربه اسهل واسرع طريقة للتواصل مع الربع والاخوان وتعرف علومهم واخبارهم وتشوف صورهم ..

لكن انا ماستخدمه طول الوقت يعني احياننا اشيك عليه مره او مرتين فاليوم

[ثرية]

انا بعد اعاني من هالمشكله كل من يكلمني ما انتبه له اكون مشغوله مع الي موجودين وياي باللسته

[FAUCHON]

الناس تغيرت من عقب البلاك بيري


فررررق الناس بدال لا يقربهم


يازين زمن قبل النت والمسن

الله المستعان

[مخطط قطري]

انا عندي في لستته 130 اطرش لهم برود كاست اوقات معينه وسلام عليكم حنى ماسالف كلش

[حليتان*]

خلهم شووي وبتمللون منه

انا عن نفسي اذا معاي حد او بدش الميلس او شي احطه على الهاتف فقط ولا اسمع صوت البي بي ام

وترا البي بي مع الوقت بتمل منه << انا بديت امل :yawn:



انا عندي في لستته 130 اطرش لهم برود كاست اوقات معينه وسلام عليكم حنى ماسالف كلش

ماشاء الله 130 :looking: معارفك واايد

تلفونك عيل مايسكت :p

[مخطط قطري]

طبيعي والحمدالله كل لي ظايفيهم يطرشون مب اصنام تعرف انا قبل كنت استخدمه حتى في الوام طلعوا في ادارتي تعميم اني ماجيب بلاك بيري وقمت اخليه في البيت واطالعه مشالله 130 مسج الحمدالله احلى مافيه الخلفيات الشعريه شي

[Rider]

تسلمون اخواني وأخواتي على التفاعل الرائع واتمنى البلاك بيري مايقطع الروابط الاسرية مثل ماقطعتها رسائل الجوال يعني اول الواحد في العيد والمناسبات يتصل يبارك لك الحين مسج حق كل الموجودين عنده في القائمة حتى للاسف العزاء البعض قام يعزيك عن طريق رسالة الله المستعان

[حسن]

للاسف خلا بعض المستخدمين مسخره ولا فيهم حيا الكلام للجنسين

[ALRAYYAN]

انا عندي بلاك بيري .. لكني دايم حريص اني مالمسه وحد معاي ويكلمني
لو كنا مجموعه كبيره في مكان ونسولف ممكن اشوفه كل شوي لان عندي
ناس من اهلي متغربين في اكثر من بلد وغير اخواني في الدوحه وربعنا اللي دايم يكلموني
لكن بوجود هلي في البيت او معاي في السياره لا والله ولا افتكر فيه لانه بكل بساطه مب اهم منهم ومن كلامهم

الاعتدال في استخدام الجهاز ايا كان نوعه هو الاستخدام الامثل له

لو اهملته فبيكون عدم وجوده افضل .. ولو اهتميت فيه زيادة عن اللزوم
على حساب نومك وشغلك وهلك وربعك بتخسرهم كلهم تدريجيا
وبيكون مكسبك مجموعة من البرودكستات اللي لاتودي ولا تجيب هذا اذا اعتبرنا ان البرودكاستات مكسب !!

في النهاية كلن عقله في راسه ويوزن اموره به

يعطيك العافيه

[Rider]

انا عندي بلاك بيري .. لكني دايم حريص اني مالمسه وحد معاي ويكلمني
لو كنا مجموعه كبيره في مكان ونسولف ممكن اشوفه كل شوي لان عندي
ناس من اهلي متغربين في اكثر من بلد وغير اخواني في الدوحه وربعنا اللي دايم يكلموني
لكن بوجود هلي في البيت او معاي في السياره لا والله ولا افتكر فيه لانه بكل بساطه مب اهم منهم ومن كلامهم

الاعتدال في استخدام الجهاز ايا كان نوعه هو الاستخدام الامثل له

لو اهملته فبيكون عدم وجوده افضل .. ولو اهتميت فيه زيادة عن اللزوم
على حساب نومك وشغلك وهلك وربعك بتخسرهم كلهم تدريجيا
وبيكون مكسبك مجموعة من البرودكستات اللي لاتودي ولا تجيب هذا اذا اعتبرنا ان البرودكاستات مكسب !!

في النهاية كلن عقله في راسه ويوزن اموره به

يعطيك العافيه

تسلم اخوي ريان على الرد المميز

[يحفظك ربي]

موضوع تكلمنا فيه وايد ! واتوقعه مكرررر :) !

[Rider]

موضوع تكلمنا فيه وايد ! واتوقعه مكرررر :) !

تسلم اخوي على المرور