فيران في أكاديمية المها !!!!!!!!!!

[إنجاز]

من بداية السنة سكتنا على فوضى الدوام والتخبط في المواعيد وقلنا ما عليه، وسكتنا على المرافق غير المكتملة مثل المسبح والصالة وغيرها مع إننا دافعين الرسوم كاملة وقلنا ما عليه، وسكتنا على الكافتيريا اللي منعوا دخول الأولاد غير المشتركين فيها من دخولها وقلنا ما عليه، وسكتنا على المواقف غير الجاهزة والتراب اللي نتعفر فيه كل يوم بسبب عدم جاهزية المباني والطرق اللي حولها وقلنا ما عليه، وسكتنا على غيرها وغيرها وغيرها، لكن إنه توصل المواصيل إن الأولاد اليوم يداومون في المدرسة يلاقون الفيران في الفصول تسرح وتمرح هذي ما ينسكت عليها!!
المدرسة للأسف رفعت الرسوم وطالبوا بفلوسهم مقدم وللأسف لم تقدم أي خدمات موازية غير المباني غير المكتملة وبعد كل هذا فيران !!! المدرسة موجودة في صحرا والبنية التحتية فيها سيئة وغير مكتملة وما يندري إيش يمكن يطلع عليهم بعد .. الله يستر!!
أنا أطالب إدارة المدرسة بحل المشكلة فورا وأحملهم المسئولية كاملة عن سلامة عيالنا.

[طارق العلي]

نطالب اكاديمية المها بتحقيق في هذا الموضوع او الاتصال في الثروة الحيوانية لجلب 200 قطو ونشرها في فناء الاكاديمية

[ALRAYYAN]

لانهم خذوها تجاره .. المكسب المادي صار عندهم اهم من اي شي للاسف

كان الله في عون الدارسين فيها .. وعسى الله يصبرهم ويوفقهم

[mirage]

مايشوفون كل هالنواقص اهم شي الرساله اللي مطرشينها مع الطلاب يوم الخميس يطالبون بالقسط الثاني وياويله اللي يتأخر عن التسديد قبل 12\21

الماده اهم من الطلاب والتعليم والمستوى العلمي

[لاجئ عاطفي]

جيبوا لكم كم قطو وهدوهم في المدرسه هذا احسن حل :)

[M007]

نطالب اكاديمية المها بتحقيق في هذا الموضوع او الاتصال في الثروة الحيوانية لجلب 200 قطو ونشرها في فناء الاكاديمية

ماتعرف تكون جاد في ردودك ولو مرة وحدة !

[الصريحه]

وععععععععععععععععع
الله يستر لاتجيب للطلبه الامراض

[خزامئ]

الفلوس في جيوبهم والي غيرة مايهمهم

[السهم الشمالي]

مداخلة صغيرة
وبكل صراحة العيب فينا مهب فيهم
وحنا ليش نسجل عيالنا في أماكن وبفلوس وندفع كامل التكاليف لخدمات ناقصة أو غير موجودة ليش مانسوي مثل الأجانب إذا بقى الشي يسأل عن الحوه وعروقها وأدق التفاصيل حتى الصغيرة منها ويتأكد أنها موجودة .
لو الواحد منا في مثل هذي الحالات يأخذ خطوة جريئة وغيره كذلك هم بيتعلمون ، لكن للأسف ماشغلتنا إلا التذمر بس .
الله يصلح الحال .

[شيط ويط]

الله المستعان

[ألحـــــان]

أي فئه من الفيران فيران المدرسة الحقيقين ولا الحيوانات؟

اكاديمية المها ، توها فاتحه وراس مالها اللي حطته تبي ترده وتكسب غيره ومن ثم تجدد وتعدل مع الوقت، على حساب نظافة المكان

فالموضوع موضوع مادي بحت وياليت على المبالغ اللي تندفع فيها تعليم زين

[ولد شرق]

انا الصراحه ماشوف انه خطأ الاداره ولا مالك المدرسة

الخطأ منكم انتوا
على كلامك اخوي ان المدرسة مب جاهزة وعلى كلامك انا اشوف انها جاهزه فقط 50%
على المرافق غير مكتملة
المسبح والصالة
الكافتيريا
المواقف غير الجاهزة والتراب اللي نتعفر فيه
واليوم الفيران دارسين مع اليهال

انزين ليش امدخل اعيالك عيل؟
اسمحلي اخوي اللي يقبل بكل هالاشياء وبالنقص هذا...هو حكم على نفسه انه يضحّك الناس عليه...

[الفقير]

ياريت على هذا بس انا احاول اتواصل مع مدرسات اولادي في الثاني والثالث وبناءعلى تعليمات المدرسة لازم نترك رقمنا عند الاستقبال وهم بيرتبون موعد للاهل وصار لي شهر ونصف انتظر وكل ما اروح للمدرسة ادور المدرسات طبعا يكونون في حصص اواجتماع اوتدريب ، عندي مشكله عندهم وصار لها شهر ونصف وللاسف مستواهم التعليمي مو انخفض بل انحدر كثير وبالامس اكتشفت بان ابني في الصف الثالث ماعندهم مدرسة انجليزي للصف من اسبوعبن .
والبارحة كنت في اكاديمية المها وشميت رائحة كريهة عفنة كانة شي ميت وذلك في الطابق الثاني بالقرب من صفوف 3 واخبرت الموظف وقعد يضحك وانا نازلة بالغت عند الاستقبال وكان حتى ذلك بحضور مدرب الرياضة وما ادري شو الاجراء الذي تم .
ورحت البارحة قابلت مسؤلة اللغة العربية عن الصفوف الابتدائية وكلمتها ان مستوى اولادي اندمر في اللغة العربية ولما اسالة ليش يقو مافي وقت اول ما اقرى يضرب الجرس ولما سالت المدرسة اجابتني بانه هناك امور اخرى غير القراءة والكتابة يجب مراعاتها ومطلوبة منهم اضافة لذلك وانها اذا عطت كل طالب دقيقتين انتهت الحصة طيب انا ادفع مبلغ في حدود الاربعين واكثر على ولدين + مدرسين في البيت محاولة لسد فجوة النقص ولكن دون جدوى ، احنا ندفع بدون مقابل انا ابحث عن المستوى التعليمي .
ادرس ابني اللغة العربية في الصف الثاني الجمل التعبيرية والجمالية وغير وهو مسكن مو قادر يستوعب مو هو بس عندنا في هذي المرحلة اكثر من خمس اطفال ، الله يرحم المدارس الحكومية ،ومحد راضي يعترف بان التعليم المستقل فاشلة مثل ما فشلة في الكويت لكن الشكوى لغير الله مذلة ، وين المسؤلين عن التعليم ، انا ام وابي حل مو قادرة احل المشكلة الي فيها اولادي ولا قادرة اسكت ياريت يتم الرد علي ،الحل الوحيد الي عندي هــــــــــــــــووووووووووــــــــ
انه احول اولادي للمنازل واخر السنة يروحون يمتحنون فقط وانا باشرفة على تعليمهم ، ياجماة وصلنا لمرحلة صعبة وانت تطالبون الاطفال اكبر من سنهم
تعلمهوهم القواعد قبل ما تتأكدوا انهم اتقنوا القراءة والكتابة تطلبون منهم بحوث من الانترنت في هذا العمر عن الشمس وغيرها طيب علموهم يتعاملون مع الكمبيوتر وطرق البحث اول ، الله خلق الكون في سبعة ايام وانتوا تستعجلون الاطفال وتثقلون كاهلهم .

اريد حل من التعليم سريع وضروري وهو رغبتي في تحويل اولادي للمنازلcrazy

[moh80]

[quote=طارق العلي;6634297]
نطالب اكاديمية المها بتحقيق في هذا الموضوع او الاتصال في الثروة الحيوانية لجلب 200 قطو ونشرها في فناء الاكاديمية [/quote



اشوف ان فكرة القطاوة ممتازه و تحل المشكلة

[أوركيدهـْ ~]

المبنى كبير ولحد الان ماكمل تماما وبمنطقة تربيه شبه مهجوره ..

فمن البديهي الفيران تمرح فيه :)

فعلاً .. أكاديمية المها في تندني والدراسه ماصارت مثل الاول

وللأسف كل كم يوم مغيرين مدرّسة الصف وجايبين وحده جديده

والعيال مو مستوعبين المواد مع هالتغيير .. !

حتى السباحه .. العالم اشترو ملابس سباحة لعيالهم وبالنهاية ولا درس سباحه للان !!

ياريت يكون فيه حل وتدخل صارم من الجهات التربويه العليا

[حسام العراق]

المبنى كبير وغير جاهز وهذه حقيقة لا تعترف بها ادارة المدرسة
وكذلك مواقف انتظار الطلاب يعني معقوله لحد الآن تراب .. يا اخوان بلطوهه بشويه اسفلت , غبار السيارات عمى عيون العمال والطلاب والاهالي ...
ياريت ترجع مدرسة المها للبنين الي بالمعموره ..... انا اشوفها افضل من الاكاديمية

[نوفا91]

انا اقول من بعد الحكومه ووزاره التربيه والتعليم ..التعليم ضاااع واللي ماله خص بالتعليم صار مدرس ومدير..

الله المستعان ..