استفسار عن الصبغ الداخلي (برايمر ومعجون) فقط + أفضل انواع الافران

[فويرط]

مرحبا

أولاً

اليوم مريت كذا محل علشان ابي اصبغ البيت من داخل ( برايمر + معجون طبقتين ) فقط
مريت خمس محلات
اربعة في نجمه
وواحد صوب العالم الجديد
اللي صوب العالم الجديد قالي سعر المتر (17) ريال - الصبغ (جوتن)
اللي في نجمه
واحد قالي المتر (10) ريال ، الصبغ (برجر) ، وصبغ (جوتن) المتر (11)
وواحد قالي المتر (8) ريال ، الصبغ (جوتن)
اثنين قالولي المتر (7) ريال ، الصبغ (جوتن)

طبعاً اللي أعرفه أن جوتن من الانواع الممتازة
وبصراحة بغيت محل يكون شغله ممتاز ويصبغ بذمه وضمير وبدون غش ، ومتوهق أي واحد اختار

وهل هذه الاسعار مناسبة لمثل هذه الطريقة في الصبغ (برايمر + معجون طبقتين) ؟؟؟ ووين تنصحوني اذا عندكم محلات ممتازة ؟؟

ثانياً

بخصوص الفرن
فيه فرن ايطالي يبيعه ناشيونال ، ماركة (البا) elba
وفيه فرن اعتقد ايطاليا يبيعه الريس ، ماركة (قليم غاز ) gleemgas


ايش أفضل أنواع الافران من خلال تجاربكم ؟؟


وجزاكم الله خير

[sepasteyn]

مرحبا - انا في الحقيقة اقدر اخدمك في واحد لكن قبلها ضروري تعرف ان مو اي واحد يقدر يرضيك بالصبغ وطريقة عمل الصبغ كمان المعجون والسنفره ، على العموم تواصل معي وبعطيك رقم شخص مصري السعر عنده 18 ريال للمتر (الداخلي ) لكن تعتمد ان الصبغ رح يعجبك . sepasteyn@hotmail.com

[احساس شايب]

اي والله ياليت يا اخوان تفيدونا عن افضل انواع الصبغ

[Roooo7 Qtr]

ليش متخلي يسون لك طوفه وحده من نوعيين من الصبغ وانت تشوف شغلهم
اما بخصوص الفرن نصحك ناشيونال احسن عن تجربه انا ماخذه من فرع المرخيه

[صلاتي]

ليش متخلي يسون لك طوفه وحده من نوعيين من الصبغ وانت تشوف شغلهم
اما بخصوص الفرن نصحك ناشيونال احسن عن تجربه انا ماخذه من فرع المرخيه


وعندهم تنزيلات لا يفوتك

[فويرط]

جزاكم الله خير

وننتظر آراء باقي الاعضاء

[bo_hamad]

الاغراض عليك وشغل اليد مهب اكثر من 4 ريالات للمتر

[فويرط]

الاغراض عليك وشغل اليد مهب اكثر من 4 ريالات للمتر

جزاك الله خير

واللي عنده صباغ زين ومجرب يقولي

[فويرط]

في الانتظار

[ابـو مــحــــمـــــد]

جزاك الله خير

واللي عنده صباغ زين ومجرب يقولي



شيك الخاص

[فويرط]

مرحبا
شوفو تجربتي مع الصباغين
جبت ثلاث شركات تحسب لي البيت من داخل فقط للصبغ (البرايمر والمعجون فقط ) والصبغ جوتن ، وتعطيني السعر


الشركة الاولى قالت سعر المتر 17 ريال ، وطلعت حساب البيت 1400 متر ، التكلفة (23800) ريال

الشركة الثانية قالت سعر المتر 7 ريال ، وطلعت حساب البيت 1424 متر ، التكلفة ( 9968) ريال

الشركة الثالثة قالت سعر المتر 7 ريال ، وطلعت حساب البيت 1930 متر ، التكلفة (13500) ريال



طبعاً الصبغ داخل البيت وبرايمر ومعجون طبقتين فقط ونوع الصبغ جوتن ، كلهم بنفس المواصفات

انا اللي باط جبدي ان يحسبون الابواب والدرايش .... ليشششش ؟

وكل واحد يحسب البيت من داخل على كيفه .... يعني بالعربي بعض الهنود لاعبين لعبتهم واحنا المحتاجين ساكتين ، انقول اوكي وخلاص ، فلذلك لازم تقارن بكم شركة


والى أهل الخبرة شرايكم في الموضوع ؟

[فويرط]

اليوم سمعت معلومة جديدة بالنسبة لي

اليوم الشباب يقولون لي لا تصبغ برايمر ومعجون وانت مب مركب باب ودرايش

لان الصبغ يخترب من الضباب والرطوبة ، واحنا الحين في وقت ضباب



إلى أهل الخبرة ، أنتوا شرايكم في الموضوع ؟؟

[المزن الرياني]

اليوم سمعت معلومة جديدة بالنسبة لي

اليوم الشباب يقولون لي لا تصبغ برايمر ومعجون وانت مب مركب باب ودرايش

لان الصبغ يخترب من الضباب والرطوبة ، واحنا الحين في وقت ضباب



إلى أهل الخبرة ، أنتوا شرايكم في الموضوع ؟؟



مساءالخير اخوي فويرط
صحيح اللي سمعته ... اذا وصلت الرطوبه او الماي بشكل عام للمعجون خلاص ينتهي
يبتدي ينتفخ ويتفسخ عن الطوفه
لا تبتدي بخطوات الصبغ سواء للطوف او السقف الا بعد ماتركب الدرايش والبيبان الخارجيه للفيلا
الماي والغبار يدمرون لك الصبغ

بالتوفيق اخوي وتسلم على ردك للخاص

[فويرط]

مساءالخير اخوي فويرط
صحيح اللي سمعته ... اذا وصلت الرطوبه او الماي بشكل عام للمعجون خلاص ينتهي
يبتدي ينتفخ ويتفسخ عن الطوفه
لا تبتدي بخطوات الصبغ سواء للطوف او السقف الا بعد ماتركب الدرايش والبيبان الخارجيه للفيلا
الماي والغبار يدمرون لك الصبغ

بالتوفيق اخوي وتسلم على ردك للخاص


مساك الله بالنور

خلاص ننتظر لين نركب البيبان والدرايش

الله يوفقك الجميع
وحاظرين لك يالمزن الرياني

[المعنى88]

أنا راح أتفق مع صباغ لآخر سعر وصلت له داخل وبرع البيت
داخل المتر 10 على اساس صنفرة ومعجون بسيط وصبغ مرتين مع تعديل بالبلاستر
على اساس مصبوغ من الداخل مرة وحدة ........... مع ان العروض
جاتني من كذا شركة وشخص ففضلت على اني اتعامل مع شخص تعاملت معاه .

من ناحية الفرن جليم جاز الريس من 15 سنة ... ايطالي