(((((( نداء عاجل لأدارة المرور ))))))

[مشاكل]

أرجوكم أرجوكم أرجوكم
نتمنى الأسراع في عملية تركيب رادارات ثابته على الاقل كل 3 كيلو على خط الشمال
الوضع خطير جدا
يوميا اشوف ناس تسرع سرعة جنونية تصل ل200 احيانا على هالشارع وخصوصا بعد مااستوى 4 خطوط
غير التجاوزات من اليمين مع اقصى سرعة غير المسابق واللي يبي يلحق على الدوام والزحمه على هالخط خاصه الصباح وووووووو
اليوم الصباح الساعه 6 ونص تقريبا حادث على خط الشمال واحد شكله ميت والثاني الدم مغطي وجهه
الوضع لايحتمل التأخير لأن في ناس ماتردعهم الا الغرامه المالية او السجن ان لزم الامر في حال السرعه الكبيره او تكرار السرعه في اكثر من مخالفه
الله يستر علينا ويحفظنا اجمعين

[عنزي قطر]

مشاكل جزاك الله خير والله كل حرف كتبته حقيقة اقسم بالله كل يوم الناس مسرعه على خط الشمال مثل ماذكرت خط الشمال خطير اصبح مهبط طائرات والعالم طايره اليوم الصباح يالغالي كنت بموت واحد مسرع وراي مادري كم يمشى ولا عطاني فرصة افتح له الخط المشكله في ناس تخاف وتفتح الخط من الخوف ويدعم سيارة ثانيه

الشباب الله يهديهم يارب

بس تاكد كل واحد يسرع هو المسؤل الاول والاخير عن نفسه واذا مات محد راح يتحاسب عنه واقرب الناس له يبكون عليه شهر بعدين ينسونه


نصيحه للشباب نصيحه السرعه انتحار الحياه حلوه

[Roooo7 Qtr]

مشاكل جزاك الله خير والله كل حرف كتبته حقيقة اقسم بالله كل يوم الناس مسرعه على خط الشمال مثل ماذكرت خط الشمال خطير اصبح مهبط طائرات والعالم طايره اليوم الصباح يالغالي كنت بموت واحد مسرع وراي مادري كم يمشى ولا عطاني فرصة افتح له الخط المشكله في ناس تخاف وتفتح الخط من الخوف ويدعم سيارة ثانيه

يالغالي الشباب الله يهديهم بس تاكد كل واحد يسرع هو المسؤل الاول والاخير عن نفسه واذا مات محد راح يتحاسب عنه واقرب الناس له يبكون عليه شهر بعدين ينسونه


نصيحه للشباب نصيحة السرعه انتحار الحياه حلوه

هاي دورك ياخوي توصل صوت مواطن حق مسؤوليين

[كبير المتداولين]

يعني الحين الي يطير 200 بيردعه رادار هاي يبي له توعيه الردع مب بالغرامات بالتوعيه المروريه جزاك الله خير

[مشاكل]

يعني الحين الي يطير 200 بيردعه رادار هاي يبي له توعيه الردع مب بالغرامات بالتوعيه المروريه جزاك الله خير

ياخوي اللي بيسرع 200 ماله الا السجن لانه يعتبر شروع بالقتل
شذنبه اللي ماشي في حاله ويجيه واحد مسرع منقلب داخل عليه من الشارع الثاني ....اياً كان
ويتسبب في قتله
هذا شروع بالقتل يجب انا يطبق على المسرع فوق 160 عقوبة الشروع بالقتل
هذا هو الحل
وكلما كانت العقوبه اشد كان الالتزام اشد

[وطن]

الله يهديهم ويصلحهم

[مشاكل]

بس تاكد كل واحد يسرع هو المسؤل الاول والاخير عن نفسه واذا مات محد راح يتحاسب عنه واقرب الناس له يبكون عليه شهر بعدين ينسونه

والضحايا المتسبب في قتلهم شذنبهم

[كبير المتداولين]

ياخوي اللي بيسرع 200 ماله الا السجن لانه يعتبر شروع بالقتل
شذنبه اللي ماشي في حاله ويجيه واحد مسرع منقلب داخل عليه من الشارع الثاني ....اياً كان
ويتسبب في قتله
هذا شروع بالقتل يجب انا يطبق على المسرع فوق 160 عقوبة الشروع بالقتل
هذا هو الحل
وكلما كانت العقوبه اشد كان الالتزام اشد

ذنبه انه الله قدر له هالشي والله هو الي مقدر هالشي وعالم بعباده , تسوي عقوبات معقوله لان القانون ينطبق على الكل مب على شخص واحد ولازم تكون في توعيه مروريه لمثل هذه الاشياء .

[مشاكل]

ذنبه انه الله قدر له هالشي والله هو الي مقدر هالشي وعالم بعباده , تسوي عقوبات معقوله لان القانون ينطبق على الكل مب على شخص واحد ولازم تكون في توعيه مروريه لمثل هذه الاشياء .

ونعم بالله اخوي
كلنا مؤمنين بالقضاء والقدر خيره وشره
لكن ياخوي ارواح الناس مب رخيصة....وللموت اسباب....والسبب هنا السرعة والتهور
ولو على كلامك خل العالم تسرع وتذبح في هالعالم وحنا نتفرج ونقول قضاء وقدر
لايخوي لازم تعيد النظر في قناعتك ان لم تكن من المسرعين وان شالله انك مب منهم
ترى مايحس فيها الا اللي فقد له عزيز في حادث ونا اخوك الله يستر علينا وعليك وعلى امة المسلمين

[نورالهدى]

السرعه موت محقق
حتى 100 سرعه
ياجماعه تأخروا 10 دقايق ولا تموتوا
يعني السيارة لو كانت سرعتها 80 انت تسوقها
ولو أكثر من 80 هي تسوقك خلاص بعد 100 تصير بدون كنترول
حتى لو الشارع 120 ترى أحس الناس مب فاهمه ليش الشارع 120
السرعه تكون مقرره 120 للحالات الاضطراريه والافضل تحت هذا الرقم
بس الشباب الله يهديهم والبنات بعد يتخطوا هاي السرعه وعند رادار يهدوا يقصون على نفسهم
السواقه فن وذوق وأخلاق
والسرعه جنون وموت ودمار
فشتان بين الامران
الله يهدي الجميع

[Breakaway]

عقول البهائم تعي بالأخطار التي من حولها

و تتصرف دائما من أجل سلامتها ( ما عدى البعير! )،

و هؤلاء ما ذا نقول عنهم؟!

هناك تقصير كبير جدا جدا من إدارة المرور،
لا توجد لديها توعية على مستوى علمي عال و تخصصي،
و ليس لديها خطط على المدى البعيد
في هذا الشأن من أجل أجيال قادمة و واعية!

[القيادة]

ياخوي اللي بيسرع 200 ماله الا السجن لانه يعتبر شروع بالقتل
شذنبه اللي ماشي في حاله ويجيه واحد مسرع منقلب داخل عليه من الشارع الثاني ....اياً كان
ويتسبب في قتله
هذا شروع بالقتل يجب انا يطبق على المسرع فوق 160 عقوبة الشروع بالقتل
هذا هو الحل
وكلما كانت العقوبه اشد كان الالتزام اشد



صحيح شذنب اللي ماشي في حالة

ياخي اذا هذا الشخص بايع نفسة الناس الثانية مب بايعة نفسها

يروح ينتحر بعيد عنهم.

[متسلف وفي الاخير]

المرور ماحط ردارات على خط الشمال والسبب لانه الهوامير الكبار يحبون يوصلون الزرع بسرعه فاهم يافهيييييم

[القيادة]

المرور ماحط ردارات على خط الشمال والسبب لانه الهوامير الكبار يحبون يوصلون الزرع بسرعه فاهم يافهيييييم



مع احترامي لرايك انا اختلف معاك

ولا قصدي ادافع عن المرور اصلا شارع الشمال القديم كانوا بيحطون رادارات ثابتة

بس لوجود تخطيط لتغيره بالكامل تم التاخير وليما الحين ماخلص شارع الشمال.

وشبابنا الله يهديهم لو يحطون لهم ردارات بعد مابة فايدة.

هذا الشباب المستهتر بحياتة ليش يعرض حياة الاخرين للخطر.

[المخفي]

في رادارات قاعدة تركب على خط الشمال بس لين الحين ما اشتغلت

[المهاجر]

مشاكل جزاك الله خير والله كل حرف كتبته حقيقة اقسم بالله كل يوم الناس مسرعه على خط الشمال مثل ماذكرت خط الشمال خطير اصبح مهبط طائرات والعالم طايره اليوم الصباح يالغالي كنت بموت واحد مسرع وراي مادري كم يمشى ولا عطاني فرصة افتح له الخط المشكله في ناس تخاف وتفتح الخط من الخوف ويدعم سيارة ثانيه

الشباب الله يهديهم يارب

بس تاكد كل واحد يسرع هو المسؤل الاول والاخير عن نفسه واذا مات محد راح يتحاسب عنه واقرب الناس له يبكون عليه شهر بعدين ينسونه


نصيحه للشباب نصيحه السرعه انتحار الحياه حلوه

الله يهدي الشباب ويصلحهم

طيب اخوي عنزي قطرماهو الاجراء اللي قمت فيه مع هذا الشخص

هنا يأتي دورنا احنا كمستخدمين الطريق اذا شفنا تجاوزات ومخالفات من المتهورين
وهو ابلاغ الجهات المختصه عنهم حتى تتم معاقبتهم
ومع الايام راح نشوف السرعه والمخالفات قلت والكل التزم لانه بيكون عارف ان كل مستخدمي الطريق هم رجال مرور

شكرا لصاحب الموضوع على حرصه وان شاء الله صوتك يوصل

[ALRAYYAN]

لا لا كل نص كيلو احسن .. شدعوه كل 3 كيلو

[بوحارب]

لاتحاتي اخوي الخط ملغم رادارت متحركة ورى كل صبية :)

بس سالفة كل 3 كيلو مالها اي داعي

ومثل ما قال عنزي قطر كل واحد مسؤول عن نفسة


وخط الشمال صاير خط سريييييع ويغري للسرعة :(

[لاجل QT]

الحادث اللى ذكرتة انا شفتة وانا رايحة الدوام امس...حادث فظيع جدا ..رحت دوامى وانا حالتى النفسية واعصابي تعبانة جدا من منظر الشخص الميت والدم...الشارع جدا خطر لن اول امس صار حادث تصادم في نفس المكان بالضبط..مايخلى من الحوادث هذا الشارع ابدا

المفروض تركب رادارات تحدد السرعة 80 كيلو..ويمنع التجاوز

قمت اتشهد على عمري وانا طالعة من الخيسة:weeping:

[qatari 111]

الله يستر علينا ويهدي الجميع

[khalid-qtr]

أنا اشوف المخالف خاصة بالسرعة او قطع اشارة يعتبر مثل القتل او من يتعمد القتل والمفروض يسجن على الاقل سنة حتى يكون عبرة لغيرة

[العساس]

ياجماعه مفروض انتشار دوريات وتحريات على خط الشمال نفس المملكة العربية السعودية
ويكون هناك ثبوت لمخالفة المستهترين (حجز سيارة ويرد البيت مشي )

لان الرادار اصبح موضة قديمة ماينصاد فيها الا المسكين والمفهي.

مشاكل اذا 160 يقتل
الله يستر علينا من ردة (............)

[كبير المتداولين]

ونعم بالله اخوي
كلنا مؤمنين بالقضاء والقدر خيره وشره
لكن ياخوي ارواح الناس مب رخيصة....وللموت اسباب....والسبب هنا السرعة والتهور
ولو على كلامك خل العالم تسرع وتذبح في هالعالم وحنا نتفرج ونقول قضاء وقدر
لايخوي لازم تعيد النظر في قناعتك ان لم تكن من المسرعين وان شالله انك مب منهم
ترى مايحس فيها الا اللي فقد له عزيز في حادث ونا اخوك الله يستر علينا وعليك وعلى امة المسلمين

صادق اخوي ارواح الناس مب رخيصة وانا الحمد لله مب من النوع المتهور ولا احب السرعه بتاتا ولاكن انا اقول ان ردع المسرعين والمتهورين ليس بالغرامات ولاكن بالتوعيه المدخن مايترك الزقاره الا اذا وعيته لمخاطرها مب تفرض عليه رسوم يدخن بالخش .