يا باغي الخير اقبل ( مستشفى العجزه)

[abdalla]

اباء وامهات في مستشفى العجزه بسبب المرض او بسبب قسوة الابناء في زمان قلت فيه الرحمه واصبح اكثر الابناء عباد للدرهم والدينار الا من رحم ربي فغرتهم الحياة الدنيا وغرهم بالله الغرور. في هذا المستشفى اناس لا يزورهم ابنائهم ولا بناتهم من سنين ولا يسمعون كلمة حلوه والكل يعلم ان الانسان عندما يكبر يكون بحاجه لكلمة حنان. اقتراحي ان نقوم نحن بزيارتهم ونكون لهم بمثابة الابناء محتسبين الاجر عند الله في ذلك وما ندري يمكن يدعون لنا دعوه تكون ابواب السماء مفتوحه لها. ( دعوة مولي ولا دعوة مصلي) وشكرا

[بنت النوخذة]

هذا الفكرة جاتني من قبل, بس شلون؟

[بصمة قطرية]

فعلاً الانسان حين يكبر بالسن تزيد حاجته لوجود ابنائه بقربه ~
كم هو قاسٍ ان يكونوا بعيدون عن ابنائهم وهم في اشد الحاجة لوجودهم بقربه ~
هناك من لا يسأل عنهم ~
الشهور والسنين تمر عليهم بدون أي زيارة ~

تم طرح موضوع هنا في الحوار العام من قبل احدى العضوات ~
وكانت تتسائل :
حيث انها ذهبت في زيارة وتم منعها من الدخول ..!

[حرقطر]

ابشررررررر ياعبدالله

انا اخر مره رحت مع النادي من زمان ولقيت شيبه وقعت اسولف معاه عسى الله يحن قلوب عياله يارب

[زقرتي ومزاجي]

واقسم بالله ودي ازورهم واشوف احوالهم ودي احد يشجعني ويروح معاي

[abdalla]

حر قطر انا مستعد اروح معاك

[اخر العنقود]

انا بروح بس حد يفيدني شلون ؟ يمكن مايرضون نفس ماقالت الاخت بصمه قطريه

الله يعطيك العافيه اخوي عبدالله وان شالله فميزان حسناتك وانا من زمان افكر بهالفكره وانت ذكرتني فيها

من يروح معاي ؟:con2:

[abdo222]

حد يعطينا العنوان في خريطه عشان يحمسنا الله يجزيكم الجنه ،، اهو نفسه الي في الرميله ؟عند مستشفى الامل ؟

وانا ان اشاءالله بروح واستفسر عن اوقات الزياره ،،

[اخر العنقود]

حد يعطينا العنوان في خريطه عشان يحمسنا الله يجزيكم الجنه ،، اهو نفسه الي في الرميله ؟عند مستشفى الامل ؟

وانا ان اشاءالله بروح واستفسر عن اوقات الزياره ،،

اي اخوي انا سمعت فالرميله وياليت تعطينا خبر عقب ماتستفسر

[بصمة قطرية]

مكانهم نفسه ما تغير ~
بس ياريت قبل لا تروحون تتصلون فيهم وتتأكدون ~
لأن حسب الحديث اللي دار في الموضوع انهم منعوا زيارة غير الأهل ..!!

[abdo222]

مب مشكله بروح ان شاءالله وبرد خبر،، لو اتصلت بترد علي فلبينيه ولا بناخذ منها حق ولا باطل ،،

[بصمة قطرية]

هذا هو الموضــــــوع ~
http://www.qatarshares.com/vb/showthread.php?t=416004

[بصمة قطرية]

مب مشكله بروح ان شاءالله وبرد خبر،، لو اتصلت بترد علي فلبينيه ولا بناخذ منها حق ولا باطل ،،

ياريت والله أخوي تتأكد من هالأمور ~
ممكن اي شخص يزورهم حتى لو ما عنده حد هناك ~
وهل نقــدر ناخذ معانا أطفال طبعاً واعيين عشان نعلمهم هالأمور من صغرهم ~
ومواعيد الزيارة متى بالضبط الأيام والأوقات ~

يعطيك الف عافية ~

[الأصيلة]

الله يذكرك بالشهادة
المفروض مانغفل عن هذا الجانب..
وانا أعرف ناس يروحون يزورونهم في كل وقت
ويقدمون لهم المساعدات المعنوية
وفيه وحده تروح للعجايز تقعد معاهم وتنظفهم وتعطرهم
الله يجزيها كل خير...
المفروض نعوضهم عن فقد أبنائهم
وهذا بيرد لنا جميعا عندما نحتاجه..

[شموع قطريه]

يلا يابنات المنتدى خل نتواعد في يوم واحد ونشجع بعض ونروح كلنا وعقبها اكيد بنتشجع وبنعود نفسنا على زيارتهم بصفه مستمره .. الله يقدرنا على فعل الخير وادخال السرور على قلوب عيايزنا وشيابنا وشكرا على الدعوه والتذكير اخوي ..

[الصريحه]

ان شاء الله اروح اذا الله كتب

[كازانوفا]

ليش المستشفى تمانع ؟؟؟
المفروض اقارب ليش هم كل الاقارب يتزاورون بالمستشفى ما اظن
على العموم اذا رحت وحد سالني بقولهم حفيدتهم :)

[saleh-85]

اباء وامهات في مستشفى العجزه بسبب المرض او بسبب قسوة الابناء في زمان قلت فيه الرحمه واصبح اكثر الابناء عباد للدرهم والدينار الا من رحم ربي فغرتهم الحياة الدنيا وغرهم بالله الغرور. في هذا المستشفى اناس لا يزورهم ابنائهم ولا بناتهم من سنين ولا يسمعون كلمة حلوه والكل يعلم ان الانسان عندما يكبر يكون بحاجه لكلمة حنان. اقتراحي ان نقوم نحن بزيارتهم ونكون لهم بمثابة الابناء محتسبين الاجر عند الله في ذلك وما ندري يمكن يدعون لنا دعوه تكون ابواب السماء مفتوحه لها. ( دعوة مولي ولا دعوة مصلي) وشكرا

صباح الخير اخوي

اذا انت تبغي الاجر الاكثر ف اشوف الاغلبيه ودهم يزورونهم زياره جماعيه , يعني لو تنسق انت مع الاخوان ف المستشفى ويكون يوم مش ف الويك آند , وتبلغ الشباب وطريقة تبليغك للشباب بتكون سهله انا برسلك رقمي على الخاص والاخوان نفس الشي ويوم ماتحدد الموعد بس تطرش لنا مسجات بتاريخ الموعد وبنتصلك عشان نروح لهم ف وقت واحد

وعسى ربي يثيبــك وييسر امورك ويجزاك خير

مجرد اقتراح ,,,, ونشوف الشباب

[saud580]

ياجماعه الي زارهم .......... ياليت يخبرنا ....... شصار معاه .......

والجراءات ......
الموقع ........ المطلوب منا ...... بمعنى ( موافقة الاداره مسبقا .....او ممكن التوجه للغرف مباشرة وزيارتهم بشكل عادي بدون تدخل الاداره )

وافضل الاوقات .......مع جزيل الشكر

[بو خليفه 123]

شكراً على اقتراحك أخي الكريم

و لكن هناك نقطه يجب ان تذكر ايضاً ..


أنا شخصياً حاولت من فتره انسق زياره جماعيه (أنا والاصدقاء) الى المكان المذكور و وصلت الى ادارة العلاقات العامه لتنسيق هذه الزياره..

و قال لي بالحرف الواحد : ليس بأمكانكم اقامة زيارات الا اذا كنتوا جهة رسميه و لكن عموماً سوف ارد عليك بأسرع وقت بهذا الشأن ..


و عينك ماتشوف الا النور .. الى هذي اللحظه محد اتصل فيني

[الراقيه سبشل]

شكراً على اقتراحك أخي الكريم

و لكن هناك نقطه يجب ان تذكر ايضاً ..


أنا شخصياً حاولت من فتره انسق زياره جماعيه (أنا والاصدقاء) الى المكان المذكور و وصلت الى ادارة العلاقات العامه لتنسيق هذه الزياره..

و قال لي بالحرف الواحد : ليس بأمكانكم اقامة زيارات الا اذا كنتوا جهة رسميه و لكن عموماً سوف ارد عليك بأسرع وقت بهذا الشأن ..


و عينك ماتشوف الا النور .. الى هذي اللحظه محد اتصل فيني


موقف آخر :(

مثل ما انا رحت لهم بالعيد ماخلوني ازورهم .. الزيارة لغير الاهل ممنوعة :thumbdown:
والمشكلة مافي اهل << حسسوني انهم مقطعين المستشفى من الزيارة omen

[@فارس@]

الفكرة جميلة وانا اقترحت على احدى جهات العلاقات العامة هذا الموضوع منذ حوالي 3 سنوات ولكن للاسف ... بلا فائدة


وكانت فكرتي حول اقامة نادي رياضي صحي خاص في كبار السن ويشرف عليه اخصائيون وتربويون ومن خلاله يتم التواصل معهم والاهتمام بهم بشكل افضل بعيدا عن جو دار العجزة الكئيب

وذلك عرفانا بفضلهم ودورهم في المجتمع فهم الاباء والامهات ولهم علينا فضل كبير

وتخصص لهم في النادي انشطة تتناسب معهم ومع اعمارهم مثل القراءة ومشاهدة البرامج والمشي وبعض الرياضات الخفيفة وتكون بمثابة ملتقى لهم وتجديد حياتهم خاصة ان فكرة الزيارات لا تتعدى دقايق فقط لكن النادي يستمر لساعات وبانتظام وفوائده كبيرة جدا على نفسايتهم وصحتهم


والله الموفق للجميع

[مخطط قطري]

بروح وياكم يالله حددو يوم بنروح مجموعه

[القحطاني505]

جزاكم الله خير ، والله لا يقطع الخير في هالبلد

لكن ممكن تدلونا مكان مستشفى العجزة بالضبط ( يعني وين في الرميلة ؟ )

نبغى نزورهم ونخفف عنهم ونواسيهم فديننا قام على التكافل الاجتماعي

[كــرت احمــر]

يعطيك العافية اخوي عبدالله وجزاك الله كل خير والله يرحم والديك وانشاء الله يبرونك عيالك على هالفكرة الطيبة والدال على الخير كفاعله ،

فعلا محتاجين لوقفه حانيه واجرها عظيم عند الله .

[فتى الجود]

ان شاء الله ياخوى وجزاك الله خير

بس ممكن تشرح لى هالعبارة

( دعوة مولي ولا دعوة مصلي)

[رذاذ]

معاااكم انااا انشالله ..
متى بتروحون ياليت نكون كلنا سوا..

[مطراش]

وانا ابي اروح اذا اتسون تنسيق مع الاداره خذواني ويكم

[حرقطر]

حر قطر انا مستعد اروح معاك

توكل على الله ياخوي حدد اليوم والساعه وراح تحصلني عندك طال عمرك