من يعرف بايبفيتر وكهربائي زين

[المنسى]

السلام عليكم أخواني مطلوب شركه أو كهربائي ممتاز وبيب فيتر لعمل تسليكات فله جديده ويكون مجرب ولاتقصرون يالربع

[N.QTR]

السلام عليكم أخواني مطلوب شركه أو كهربائي ممتاز وبيب فيتر لعمل تسليكات فله جديده ويكون مجرب ولاتقصرون يالربع

وعليكم السلام ورحمة الله وبركاته

في شخص انا تعاملت معاه وشغله نظيف ومرتب،،

اسمه هيثـم ، رقمه/ (( يمنع وضع رقم الهاتف ))

وبالتوفيق اخوي :telephone:

[المنسى]

وعليكم السلام ورحمة الله وبركاته

في شخص انا تعاملت معاه وشغله نظيف ومرتب،،

اسمه هيثـم ، رقمه/ 55696090

وبالتوفيق اخوي :telephone:

جزاك الله خير اخوى وننتظر المزيد

[naklan]

مرحبا اخوي المنسي

وان شاء الله ما ننساك ابداً :)

اخوي الطلب على شغل الكهربا والسباكه دائم دوام الحياه

لحاجه وطلب الناس على البناء

وجهة نظري المتواضعه


الى اين تتجه ولمن


وكيفيه اختيار الافضل بالنسبه للناس العاديه

والي مالهم في المقاولات ودوشتها

واهل الشرك لا تحاتيهم عندهم عمالهم وفنييهم


اولا


1- فصل الشغلتين عن بعض

يعني متعهد الكهرباء غير عن متعهد السباكه

2-كيف تبدا وكيف تنهي المهمتين للكهربا وللسباكه

خذ خرايط البيت للكهربا وللسباكه كامله

وصورهم اكثر من نسخه واعزلهم عن بعض

واذهب الى الشركات اغلب شركات المقاولات

يوجد لديهم مقاولات كهرباء وسباكه وبيعطونك عروض اسعار

3-غيرهم اذهب عند دوار البنك العربي

ولف يمين بجانب وخلف وكاله الهوندا القديمه الاف المحلات

الكهربا واغلبهم ياخذ مقاولات كهربا وهي شغلته

وخذ عروض اسعار


وبالنسبه للسباكه


1-بعض محلات بيع ادوات السباكه ياخذ مقاولات سباكه

2-احسن الاختيار وشوف شغل اي متعهد قبل البدء في العمل

ثانياً

1- يجب وضع المواصفات للكهربا وكذالك للسباكه

وتكون بدقه متناهيه ولكل شي حتى لا تتعرض قدر الامكان

الى الغش بتركيب مواصفات اقل لا سمح الله

2- اغلب الناس ما يفتي بالكهربائي الي معه لانه الكهربائي مرتبط بشغل معه

وان اعطاه افلان وفلان للشغل تاخر شغله بكثره الارتباطات

فيعمل بمبدا ( داري على شمعتك تقيد )


ساحاول وضع مواصفات اذا اسعفني الوقت

تحياتي للجمــــــــــــــــــــــــــــــــــــيع


وليلتكم سعيده

اخوكم naklan

[abu-nawaf]

كلام اخوي Naklan عدل بس احسن شي تروح كهرما و تسال الشباب عن مقاول كهرباءي زين وعنده رخصة من كهرما يكون هندي بنغالي تقدر تفاهم معاه اما بو عراب!!!!!!!!!!!!!!!!! 20 شهر ومحكمة وانا الغلطان!!!
القاضي يقول انا دورت الرخص بس والله اني دفعت كثير بس انتقام الله كان كبير
وان شاء الله اخذ حقي من القاضي و خبير المحكمة يوم القيامة

[مهاجر]

اخوي عندي شركة كهربا وبرسل لك رقم الفني يقوم بشغل الكهربا كامل مع معاملة كهرماء والموافقات كامله
والله يوفقك

[سياتل]

السلام عليكم

أخواني إنتهيت من بناء الفلة عظم عقب معاناة مع المقاول

الحين جه دور تمديد البايبات والصرف الصحي ومايتبعه

من يعرف لي شركة متخصصة أو شخص شغلة زين ومجرب بسعر مناسب

[sepasteyn]

مرحبا - تواصل معي اخوي عندي الاثنين sepasteyn@hotmail.com

[طموحة]

اخوي حتى انا محتاجة رقم كهربائي زين ياليت ترسل لي رقمة

[sweety]

آسفة قصدي سريلانكي امين و(شغله ممتاز) وأشكركم على توضيح الخطأ الاملائي

[sweety]

جزى الله خير كل من ساعدني ونصحني

[ماضي]

سياتل اخوي عندي واحد ابن حلال صارله 30 سنة واكثر بايبفيتر وهو اللي اشتغل في بيتي وبيوت ناس اعرفهم اذا بغيت الرقم كلمني ع الخاص.

[مهاجر]

انا عندي كهربائي وشغله ممتاز ويخلص اجراءات كهرما بعد

برسل رقمه للي طلبه

[فويرط]

شيك الخاص

[كروشيه]

اخواني جزاكم الله خير بغيت رقم البايفيتر والكهربائي للضروره ، وجزاكم الله خير

[sweety]

بالتوفيق ان شاء الله

[محمد الكعبي]

من الاخر عليك بممدوح شغل نظيف 100% وكفيله واحد من الربع وسعره زين

اذا تبيه دزلي رساله

[khaldoon]

السلام عليكم

أخواني إنتهيت من بناء الفلة عظم عقب معاناة مع المقاول

الحين جه دور تمديد البايبات والصرف الصحي ومايتبعه

من يعرف لي شركة متخصصة أو شخص شغلة زين ومجرب بسعر مناسب


و عليكم السلام و رحمة الله و بركاته

استغرب اخوي انك تبي مقاول بعد الانتهاء من الفلة عظم...المفروض انك جبت المقاول هذا من يوم بديت في الاساسات علشان تتجنب التكسير و التخريم في الخرسانات و الطابوق بحيث ما تصب اي شي الا تتأكد انك نسقت و ركبت خدمات الكهرباء والماء في الخرسانات

الحين كيف صبيت الاسقف و الجسور من غير تمديدات كهرباء و ماء و فتحات للمجاري و دكتات للتكييف و ....

يعني افهم من كلامك انك الحين صبيت الارضيات مثلا و راح تكسر فيها و تحفر الرمل اللي تحتها علشان تقوم بعمل التمديدات الصحيه

و لو انك خلصت الطابوق و القصاره فراح تكسر فيهم علشان تسوي تمديدات الكهرباء و التكييف و....

الله يكون في عونك على التكسير و اعادة التصليح

اي مقاول سواء زين والا مب زين بدون متابعة معاه و اشراف عليه ما راح يعطيك شغل عدل لانه يهدف للتوفير و انجاز العمل على حساب الجوده و كل ما ابديت اهتمام و دخلت في التفاصيل راح تجبره انه هو يهتم

المقاول و الاستشاري بشكل عام ما راح يعطيك شغل بمستوى الف لو انه شافك تكتفي بمستوى دال او ما يفرق معاك شي ولا تعرف شي

[rashid_qatar]

عندي مقاول متخصص للتمديدات الكهرباء والبيب فيتر

[sweety]

عندي مقاول متخصص للتمديدات الكهرباء والبيب فيتر

أرسل لي الرقم على الخاص لوتكرمت