حلمن حلمته .. والحلم حلم الأمة القطرية والخليجية ( كأس العالم 2022 ) ! ! ! [الأرشيف]

مشاهدة النسخة كاملة : حلمن حلمته .. والحلم حلم الأمة القطرية والخليجية ( كأس العالم 2022 ) ! ! !

الوسيط العقاري

30-11-2010, 08:26 PM

البارحه بتاريخ 29 - 11 - 2010م

حلمت حلم .. عجيب جدا ..

آه ليته يتحقق بس ..

حلم رياضي تنتظره الأمة القطرية والخليجية ..

حلمت أن قطر فازت بإستضافة كأس العالم 2022 ..

وشفت في الحلم الاجانب من جميع أنحاء العالم غزو قطر لحضور حفل الإفتتاح ..

وشفت الشعب السعودي والكويتي والعماني والاماراتي واليمني والبحريني غزو منفذ ابوسمره ..

وشفت المدينة الرياضية ( أسباير ) وبجانبها عدد كبير من الأبراج الخيالية اللي ماتنوصف ..

أما الملاعب .. فكانت تفوق الخيال ..

بس اللي زهقني في الحلم الزحمة اللي ع الاشارات خخخ الله يعينا لو استضفنا كأس العالم ..

للعلم اللي كتبته فهو حلم حقيقي صار لي البارحة ؟

ليته يتحقق بس .. ويفرح جميع العرب والامة القطرية بتنظيم كأس العالم ..

آبصراحة بعد الحلم .. تفائلت بفوز قطر بكأس العالم 2022 ..

تعليقكم على الحلم اللي حلمته ! ! !

:nice:

المليونير الفقير

30-11-2010, 08:33 PM

فال الله ولاحلمك

الأرجنتيني

30-11-2010, 08:36 PM

متأثرين بكلام جرايدنا وايد !

مهل

30-11-2010, 08:38 PM

عساك يوم رقدت ماكنت متوضي :)

بوحارب

30-11-2010, 08:39 PM

المفروض تقوم من النوم وتنفث على يسارك 3 مرات وتتعوذ من الشيطان :looking:

المليونير الفقير

30-11-2010, 08:40 PM

المفروض تقوم من النوم وتنفث على يسارك 3 مرات وتتعوذ من الشيطان :looking:

هههههههههههههههههههههههههههههههههههههههههههههههههه هههههههههه:pic:

غـريب الدار 911

30-11-2010, 08:41 PM

الله اعلم يالغالي اذا الحلم يتحقق ولا لا

لكن بيكون أسوء شيء يصير و وايد من هل قطر ما يبونه

الاسعار بتصير ناريه , السكن بيختفي , الميزانيه الوطنيه الي مخصصه لسنوات بتضيع في كم يوم

شوف وش صار في الاسياد تم صرف الملايين على ملاعب و عدد الجمهور الاجنبي قليل او لا يذكر

المرافق العامه كانت و مازالت فاشله - المستشفيات و الشوارع

و شوف وش صاير في اليونان - الازمه الماليه

كلها بسبب الاولمبياد تم دفع بعض الموال و الباقي على اساس الضرائب المستقبيله

بعدين الاجانب راح يكونون مصايب ع الامه - ضياع العادات و القاليد

الصراحه لو استضافوا 2022 راح يكون كابوس مب حلم

La Bella

30-11-2010, 08:55 PM

ياسلام أخيراَ واحد بشرنا
واذا تحقق حلمك لك مني هدية أن شاالله
الوعد تاريخ 2-12
:thumbup1:

حروف من نور

30-11-2010, 08:57 PM

عسى حلمك مايتحقق

العقل المدمر

30-11-2010, 09:06 PM

الله يكتب اللي فيه الخير ان شا الله :shy:

هلالي

30-11-2010, 09:15 PM

حلم رياضي تنتظره الأمة القطرية والخليجية

وشفت الشعب السعودي والكويتي والعماني والاماراتي واليمني والبحريني غزو منفذ ابوسمره ..

ليته يتحقق بس .. ويفرح جميع العرب والامة القطرية بتنظيم كأس العالم ..

تعليقكم على الحلم اللي حلمته ! ! !

:nice:

اخوي عندك فهم خاطىء لمصطلح (الأمة).

كـاسـر الـصـنـم

30-11-2010, 09:18 PM

اخوي هذا حلمك وياريت تتكلم عن نفسك لانك ماتمثل كافة الشعب

يارب اصرف عنا هالملف

كثير من الناس عايشين بقلق

simsim1963

30-11-2010, 09:38 PM

تصدق اني حلمت ان احنا خسرنا المونديال . ودايما احلامي تصدق ....

hamad1990

30-11-2010, 09:45 PM

مع احترامي لك يالغالي ولحماسك الشخصي لهذا الملف ..

لكن كلنا كمواطنين نقوووول وبصوووت عاااااااااالي .. ( عسى الله لايجيبك يا كاس العالم 2022 لقطر )

مع انه شي حلو لكن انطر للسلبيات اللي بتغطي بتغطي بتغغغغغغغغغطي عالايجابيااات ...

الله لايجيبه ياااااااااااارب

(حوريه)

30-11-2010, 09:54 PM

احلام

هروب من الواقع
رغم ان الواقع اصبح خيال والخيال تحول الى واقع

الـقـاسـي

30-11-2010, 10:03 PM

وعلى اي اساس قلت ان الشعب القطري ينتظره ويتمنااه ممكن توضح لنا

بـــــــنت النوخـّــــذه

30-11-2010, 10:17 PM

الماريّة

30-11-2010, 10:41 PM

حاولت اطلع تفسير الناس ماحصلت له معنى

عسى حلمك يكون خير بس اتوقع انه الحيا بينزل على قطر

ان شاء الله

وهم قطر

30-11-2010, 11:07 PM

ياليت ساعه المنبه دقت قبل الحلم

اخوي الظاهر انك ماتكد على بيت وعيال كان عرفت المصيبه

الي بيفرح بالاستضافه هم الاجانب الي بيتعب من جمع الفلوس واحنا الضحيه

عادنا نسدد للبنوك مب قادرين نبدا في أي مشروع

الوسيط العقاري

01-12-2010, 05:06 AM

ليش هذا التشائم ؟ ياجماعة الخير

الوسيط العقاري

01-12-2010, 05:07 AM

ياسلام أخيراَ واحد بشرنا
واذا تحقق حلمك لك مني هدية أن شاالله
الوعد تاريخ 2-12
:thumbup1:

جهزي الهدية من الحين ؟

.:: القيصر ::.

01-12-2010, 07:33 AM

السلام عليكم ورحمة الله تعالى وبركاته

اول شي الله يكتب اللي فيه الخير

ثانيا :

انا لاحظة نقاط كثيرة من العالم متشابهه وهي

البنية التحتية - الشوارع - الديون - العادات والتقاليد ( الدين الاسلامي )
-----------------------------------------

البنية التحتية :
- لو استضافة قطر كأس العالم سيتم تعديل البنية التحتية
- لو لم تستضف قطر البطولة لن يتم تعديل البنية التحتية الا بعد مادري كم سنة لاتحاول تعدد لان بتتعب
يعني هذي اول نقطة ايجابية.

الشوارع :
- لو استضافة قطر كاس العالم سيتم تعديل الشوارع و زيادة الجسور والانفاق ولاحظنا بعد الافتتاح للجسور و الانفاق العالم قاموا يمدحون و الكلام كان الحين خفت الزحمه احسن من اول والحين ما تاخذ الا 7 دقايق او 10 دقايق من الخريطيات لغاية الهلال.
- لو لم تستضف قطر كأس العالم سيتم ايضا تعديل الشوارع لكن متى ؟؟؟ قبل 2022 اكيد لا
يمكن ينتهي عمل التعديلات على عام 2222 م.

الديون :
- النقطة اللي اسمعها دائما (( احنا الشعب القطري مديونين )) (( انا مديون بعد ترى انا من الشعب القطري )).

1- هل انت مديون لـــ (( بناء بيت العمر )). اذا لك حق انك تقول ان شاء الله يتم اسقاط الديون
2- هل انت مديون لـــ (( الزواج )). لك حق 50% تقول ان شاء الله يتم اسقاط السلف اللي خذتها للزواج مع ان المعروف الامور تتيسر في الزواج كثيرا والفلوس اتجيك من حيث لا تعلم (( هذا دليل بالتوفيق من الله عز وجل ))

3- هل انت مديون لـــ (( لشراء سيارة فاخرة و كشخه وطالعني انا عندي هالموتر - للسفر - للوناسه والفشخره !! )) اذا خلك ساكت يا حبيب قلبي ولا تسندرنا بديونك انت جايبها لعمرك مب دولة قطر جابت هالدين لك.

العادات والتقاليد :
- انت راح يجيك فوج من العالم واذا مب انت ان شاء الله بيكونون مكانك عيالك في هالنقطه عرف العالم على عاداتك و تقاليدك وانت اثر على الناس اللي راح اتجيك وانت اعكس صورة حلوة ومشرفه لدولة قطر وفي الدرجة الاولى (( الدين الاسلامي )) تقدر تحبب الاجانب في دينك و بلدك و عاداتك و تقاليد وتفرض احترامك على من زارك

- مب تكون ضعيف و مسكين و الكل يأثر عليك من الخارج . (( يا جماعه دائما فكروا في الشيء الايجابي انتوا كثروا من الايجابيات ولا تخلون السلبي من الحين يغزو مخكم )).

-----------------------------------------

في الاخير سواء قطر استضافة الكأس او لم تستضف

انا اتمنى كل خير لدولة قطر ودول الخليج والعالم العربي

حدث احنا نتشرف فيه ونقدمه كهدية للدول العربية و الاسلامية

كاول دولة اسلامية عربية خليجية (( تستضيف كأس العالم )) بإذن الله

مع التحية :

القيصر

الوسيط العقاري

01-12-2010, 08:00 AM

لازلت متفائل بحلمي رغم ردود أغلبية المتشائمين

:(

شيط ويط

01-12-2010, 08:06 AM

تفسير حلمك يا السهم الطايح يودي الملف الى (إستراليا) :(

بنـ ابوها ـت

01-12-2010, 08:08 AM

عسى الله لايجيبه لنا

بو خليفه 123

01-12-2010, 08:16 AM

بعد 2 ديسمبر غير نكك من سهم طايح الى سهم مرتفع :)

هدهد سليمان

01-12-2010, 08:44 AM

كابوس ما تشوف شر ..

قطر love

01-12-2010, 08:53 AM

لالالالا هاي مب حلم اكيد من كثر التفكير اليوم تعوذ من الشيطان وحط راسك وان شاء الله ماعليك شر

وهم قطر

01-12-2010, 09:14 AM

بسم الله عليك الرحمن الرحيم شر ونزاح ماتشوف شر اشرب ماء

الاحلام هذه تأتي لمن لم يصلي الصبح ودائما وقتها بعد الصلاه

الحياة كلمه

01-12-2010, 09:40 AM

وايد متاثر

الوسيط العقاري

01-12-2010, 10:18 AM

^^

ههههههههههههههههههههه

الوسيط العقاري

01-12-2010, 11:02 AM

بعد 2 ديسمبر غير نكك من سهم طايح الى سهم مرتفع :)

ان شاء الله

جوهرة قطر

01-12-2010, 12:07 PM

الحلم كان فليل ولا العصر :shy:

بو الجوري

01-12-2010, 12:18 PM

خاطري أعرف الدوله وش مستفيده إقتصادياً من هالإستضافه :.. !!!!!!

يعني الدخل اللي بيجيهم من وراها ما بيوصل نص اللي بيصرفونه على الملاعب و الشوارع و رواتب اللي بيشتغلون فالمونديال :..

أنا اشوف لا الشعب مستفيد ولا الدوله مستفيده إقتصادياً :..

إحنا يمكن نستفيد بس من الشوارع :.. والطرق :..

الفنادق بتستفيد من السكن :.. المطاعم بتستفيد بعد :..

غير إن كل شي بيزيد :.. والمواطن والمقيم بيعانون :..

واللي بيبني بيلاقي كل شي غالي من إسمنت وحديد و غيره :..

حد بس يقولي وش مستفيدين كدوله و شعب !!!!!!!
غير السمعه :..
ماعتقد السمعه الطيبه بالكوره والخمور :.. و الفسق اللي متوقع يصير :..

و أخوي Nikon :..
بخصوص إنك تقول المونديال هو اللي بيخلي الدوله تشتغل فالبنيه التحتيه والشوارع :..
طيب ما إنكسر خاطرك يوم تعرف إن الدوله مب مفتكره فيك !!!!
يعني بس عشان المونديال والعالم بيشتغلون فالبنيه التحتيه والشوارع بسرعه :..
يعني مب لسواد عيون الشعب :..

الله يجيب اللي فيه الخير يارب :..

الوسيط العقاري

01-12-2010, 12:48 PM

الحلم كان فليل ولا العصر :shy:

في الليل

:strong2:

.:: القيصر ::.

01-12-2010, 05:31 PM

و أخوي Nikon :..
بخصوص إنك تقول المونديال هو اللي بيخلي الدوله تشتغل فالبنيه التحتيه والشوارع :..
طيب ما إنكسر خاطرك يوم تعرف إن الدوله مب مفتكره فيك !!!!
يعني بس عشان المونديال والعالم بيشتغلون فالبنيه التحتيه والشوارع بسرعه :..
يعني مب لسواد عيون الشعب :..

الله يجيب اللي فيه الخير يارب :.. [/COLOR][/SIZE]

السلام عليكم ورحمة الله تعالى وبركاته

هذي عوده لي للموضوع لخاطري بو الجوري

والله يا اخوي انا شخصيا ما اعرف

ولكن يشرفني طبعا اني اعرفك :thumbup1:

سؤال

من اول ما انولدت انت

دفعت فاتورة ( كهرباء )
دفعت فاتورة ( ماء )
دفعت لقعدتك في التمهيدي او الروضة
دفعت لمدة 12 سنه تكاليف دراستك
دفعت لمدة 4 او 5 سنين لمدة شهادة الباكالريوس
دفعت لمدة 3 سنين للماجستير
دفعت لمدة سنتين للدكتوراه
دفعت ضرائب لمحلات الشراء او الفترات السنوية كما في الدول الاوروبية
دفعت فواتير الهواتف الارضية لكيوتل
دفعت مصاريف علاجك في مستشفى حمد ( بعيد الشر عنك )
لو تمرض او اي احد من اهلك يمرض ( بعيد الشر ) وقدمت طلب مساعده بالعلاج من الدولة (( في احد راح يردك ))

يوم الاسهم في امير في كل شركة يسوي اكتتاب للمواطنين باسهم برخص التراب وكأن يقول لك هذي هدية مني لك تفضل تفضل تفضل

هل تعرف من وراء كل هذي الفوائد

اكيد الرجل رقم واحد في الدولة

ولما جاء هذا الرجل الله يطول في عمره بو مشعل

لجلب هذا الحدث في الدولة للعالم الاسلامي والعربي والخليجي و القطري

وأراد وقفتنا لشيء واحد فقط وان نكون يد وحده

تتوقع ان انا بقول لا !!!

والله العظيم ان ودي افرح هذا الرجل وكل من ورائه

بس بقول نعم

انا مافي شي في يدي الا اقول بس نعم

والله ان ما استخسرها لا في الدولة والامير ولا الشعب القطري

نعم ان شاء الله يصير وان شاء الله احنى بنرفع اسم قطر وبنمثلها بالخير والعادات الطيبة امام العالم اجمع

والحمدلله رب العالمين ان الدولة عطتني من اول ما انولد لغاية اليوم

وكملت جامعتي على حساب الدولة والحمدلله

واعمل بدرجة كبار الموظفين والحمدلله

والراتب فوق 30 الف

والحمدلله رب العالمين

عمري ماقلت الدولة والدولة

بو الجوري لنأخذها بإيجابيه

سواء قطر فازت ام لم تفز

كل هذا من امر الله

وان شاء الله تفوز قطر

عشان نفرح كلنا

اولهم الشيخ حمد

والشيخ محمد بن حمد الرجل اللي وراء هذا الملف

وكل شعب قطر والخليج والعرب

لا تحتكر فرحتك على مليون و 700 الف نسمة فقط

صدقني ان 22 دولة عربية راح تفرح وغير الدول الاسلامية

صدقني خل ناخذها بشي ايجابي

هات هات هات ومافي خذ

لا الحين جا الوقت اللي نقول فيه خذ هذا يومك

واتمنى ماطولت عليك او عليكم

وانا آسف على الاطاله

تباشير الفجر

01-12-2010, 05:41 PM

الله لا يقول ويتحقق هالحلم الله يهداك ليش قلته يقولون الحلم الشين ما ينقال

الله يستر انا على اعصابي ........

La Bella

01-12-2010, 05:42 PM

السلام عليكم ورحمة الله تعالى وبركاته

هذي عوده لي للموضوع لخاطري بو الجوري

والله يا اخوي انا شخصيا ما اعرف

ولكن يشرفني طبعا اني اعرفك :thumbup1:

سؤال

من اول ما انولدت انت

دفعت فاتورة ( كهرباء )
دفعت فاتورة ( ماء )
دفعت لقعدتك في التمهيدي او الروضة
دفعت لمدة 12 سنه تكاليف دراستك
دفعت لمدة 4 او 5 سنين لمدة شهادة الباكالريوس
دفعت لمدة 3 سنين للماجستير
دفعت لمدة سنتين للدكتوراه
دفعت ضرائب لمحلات الشراء او الفترات السنوية كما في الدول الاوروبية
دفعت فواتير الهواتف الارضية لكيوتل
دفعت مصاريف علاجك في مستشفى حمد ( بعيد الشر عنك )
لو تمرض او اي احد من اهلك يمرض ( بعيد الشر ) وقدمت طلب مساعده بالعلاج من الدولة (( في احد راح يردك ))

يوم الاسهم في امير في كل شركة يسوي اكتتاب للمواطنين باسهم برخص التراب وكأن يقول لك هذي هدية مني لك تفضل تفضل تفضل

هل تعرف من وراء كل هذي الفوائد

اكيد الرجل رقم واحد في الدولة

ولما جاء هذا الرجل الله يطول في عمره بو مشعل

لجلب هذا الحدث في الدولة للعالم الاسلامي والعربي والخليجي و القطري

وأراد وقفتنا لشيء واحد فقط وان نكون يد وحده

تتوقع ان انا بقول لا !!!

والله العظيم ان ودي افرح هذا الرجل وكل من ورائه

بس بقول نعم

انا مافي شي في يدي الا اقول بس نعم

والله ان ما استخسرها لا في الدولة والامير ولا الشعب القطري

نعم ان شاء الله يصير وان شاء الله احنى بنرفع اسم قطر وبنمثلها بالخير والعادات الطيبة امام العالم اجمع

والحمدلله رب العالمين ان الدولة عطتني من اول ما انولد لغاية اليوم

وكملت جامعتي على حساب الدولة والحمدلله

واعمل بدرجة كبار الموظفين والحمدلله

والراتب فوق 30 الف

والحمدلله رب العالمين

عمري ماقلت الدولة والدولة

بو الجوري لنأخذها بإيجابيه

سواء قطر فازت ام لم تفز

كل هذا من امر الله

وان شاء الله تفوز قطر

عشان نفرح كلنا

اولهم الشيخ حمد

والشيخ محمد بن حمد الرجل اللي وراء هذا الملف

وكل شعب قطر والخليج والعرب

لا تحتكر فرحتك على مليون و 700 الف نسمة فقط

صدقني ان 22 دولة عربية راح تفرح وغير الدول الاسلامية

صدقني خل ناخذها بشي ايجابي

هات هات هات ومافي خذ

لا الحين جا الوقت اللي نقول فيه خذ هذا يومك

واتمنى ماطولت عليك او عليكم

وانا آسف على الاطاله

ما بعد كلامك كلام
الله يوفق الشيخ حمد والشيخة موزة والشيخ محمد أن شاالله

الوسيط العقاري

01-12-2010, 07:17 PM

حلمي أحسه بيتحقق

ننتظركم بكره ..

الكرك اللي شربته اليوم قال لي قطر ستستضيف كأس العالم خخخخ
كرك عجيب ..

Miss

01-12-2010, 07:26 PM

بو الجوري

02-12-2010, 06:54 AM

السلام عليكم :..

أخوي Nikon :.. تحياتي لكـ :..

والله يالشيخ من أول مانولدت والحمدلله كل شي مجاني والله يطول في عمر الأمير :.. ماقصر :..
لكن لا تخلط الأمور :.. في بعضها :..( ترى مب كل القطريين مرتاحين)
يعني لو أنا قلت لا للإستضافه :.. معناتها ماحب الحاكم !! وإلا أبغي أكدره :.. !!!!
وين الديمقراطيه !! هذا رائي وهذي وجهة نظري فالموضوع :..
يمكن أنا تفكيري على قدي !!! وقطر بتربح أكثر من 50 مليار دولار اللي بتصرفها :..crazy
مع إني ماعتقد :.. لكن هم يبون يثبتون للعالم إن قطر قادره على المستحيل :.. حتى لو بتخسر ملايــيـــن :.. crazy

أنا عن نفسي إن شاء الله فـ 2022 بكون ساكن في بيت ملك :.. لكن الواحد ما يفكر في نفسه بس :..

بذكرك شاللي بيصير أخوي قريب الـ 2022 :..

الله يجيب اللي فيه الخير للبلاد :.. ولا تنسى قطر قبل كل شي :..

.:: القيصر ::.

02-12-2010, 07:41 AM

[QUOTE=بو الجوري;6648918ولا تنسى قطر قبل كل شي :..QUOTE]

وعليكم السلام ورحمة الله تعالى وبركاته

ما راح انسى دام

الرجل الاول مب ناسينا ولا ناسي قطر :thumbup1:

ومحد يفكر في نفسه انا ماعندي بيت ملك

لكن الحمدلله الخير موجود

ودائما الانسان قد مايقدر يقول الحمدلله

_____________

مب من كلام الناس (( احنا اولى )) ياخي انت اولى من اول ما انولدت لغاية ما توظفت وانت كل شي ميسير لك و متوفر لك

على العموم الديمقراطية موجوده وحرية الرأي موجوده

كل واحد يقول رايه :thumbup1:

لكن لا يختلق الاعذار في (( الديون )) (( المفاسد ))

وانا ذكرت قبل (( اذا دينه بيت الله يسقط عنه الدين )) اما (( اذا دينه مواتر و سفر و فشخره هذا ماله حق يتكلم 1% ))
(( المفاسد احنا قدها واهل الاصل موجودين وبإذن الله مب كأس العالم يأثر علينا ))

(( احنا نأثر على كأس العالم )) :thumbup1:

وتقبل اجمل و ارق تحية :

القيصر

الوسيط العقاري

02-12-2010, 07:59 AM

حلمي اللي حلمته بإذن الله بيتحقق اليوم ..

بو الجوري

02-12-2010, 08:15 AM

[QUOTE=
وعليكم السلام ورحمة الله تعالى وبركاته
لكن لا يختلق الاعذار في (( الديون )) (( المفاسد ))

وانا ذكرت قبل (( اذا دينه بيت الله يسقط عنه الدين )) اما (( اذا دينه مواتر و سفر و فشخره هذا ماله حق يتكلم 1% ))
(( المفاسد احنا قدها واهل الاصل موجودين وبإذن الله مب كأس العالم يأثر علينا ))

(( احنا نأثر على كأس العالم )) :thumbup1:

وتقبل اجمل و ارق تحية :

القيصر

أخوي :.. أنا ماجبت طاري الديون :.. والديون إحنا سببها :.. محد جبرنا غير متطلبات الحياه الضروريه :..

وإن شاء الله نأثر على كاس العالم :.. ويصير مثل ما صار في الأسياد ( جهات الدعوه ) كان لهم تأثير على عدد من الزوار وإسلموا الحمدلله :..

وفالأخير الله يكتب اللي فيه الخير للبلاد :..

تحياتي :..

.:: القيصر ::.

02-12-2010, 08:34 AM

هذا هو الكلام اللي ابيه منك :)

ان بإذن الله ان احنا اللي نأثر على هالحدث

مب الحدث اللي يأثر علينا

ومثل ماقلت منها فرصه لنشر الاسلام

ونشر العادات الطيبة اللي تبين مدى اخلاقنا العاليه

وانا ماقلت انت قلت عن الديون انا ذكرت من الآراء اللي نسمعها

ولازم الواحد ياخذ له دين او مبلغ و يكافح عشان حياته مب ينتظر كل شي يجيه بارده مبرده

اسعدني التناقش معك كشخص مجهول ولكن معروف بحكمة عقله

لا بقصر تفكيره

والحين راح انزل لك احلى صور من فرنسا

:p:p:p:p:p:p

الوسيط العقاري

02-12-2010, 10:17 AM

ياساتر

الاغلبيه متشائمه

بو الجوري

02-12-2010, 10:32 AM

اسعدني التناقش معك كشخص مجهول ولكن معروف بحكمة عقله

لا بقصر تفكيره

والحين راح انزل لك احلى صور من فرنسا

:p:p:p:p:p:p

أسعدني أكثر :.. التناقش معكـ أخوي :.. و ما عليكـ زوود :.. ;)

و شكراً عالإهداااااء :.. :pic:

الوسيط العقاري

02-12-2010, 12:28 PM

أهم شي النقاش يكون بناء بعيد عن العصبية

هدو الاعصاب ياشباب :) خخخ

بو الجوري

02-12-2010, 01:19 PM

أهم شي النقاش يكون بناء بعيد عن العصبية

هدو الاعصاب ياشباب :) خخخ

لا تحاتي الامور طيبه وإحنا بخير :.. :p

الوسيط العقاري

02-12-2010, 01:50 PM

لا تحاتي الامور طيبه وإحنا بخير :.. :p

أهم شي روقو المانجا

كله الا حلم صار لي

وان شاء الله بتشوفونه اليوم من حلم الى حقيقه

;)

نوفا91

02-12-2010, 02:10 PM

الله يهداك ..فاضي تحلم ..يبه هاي كابوس تعوذ من الشيطان وكأن لم يكن ..

هدهد سليمان

02-12-2010, 07:47 PM

طلعت رؤيا مب حلم الله يهداك .. ياليت ترقد اليوم عدل وترى لنا رؤيا عن الأقصى وتحريره من براثن اليهود :)
بركاتك ياعم الحج omen

طموحي عالي

02-12-2010, 09:35 PM

كلتوا الريال بسم الله

مبروك عليك تحقيق الحلم

La Bella

02-12-2010, 11:07 PM

وينك يا راعي الحلم
طرش لي رقم التواصل عشان نطرش لك الهدية باجر الصباح
والله ياعمري قطر

.:: القيصر ::.

02-12-2010, 11:30 PM

الحمدلله ربي العالمين

على هذا التوفيق والانجاز

ودائما النجاح يبدأ بخطوه

الله يسعد ايامك يا امير البلاد ويسعد ايام قطر و الشعب القطري

فرحنا العرب الله يجعل ايامنا كلها فرح و سعاده

اخي و اختي المعارضة

نورتوا الموضوع :)

وفي انتظار ابتسامتكم

2023

بعد المونديال ان شاء الله ان كنا من الحين

:p

مع التحية :

القيصر

الوسيط العقاري

03-12-2010, 12:42 AM

نورتو موضوع حلمي جميعا

والف الف مبروك ياقطر

حلمن تحقق .. حسيت كذا

الوسيط العقاري

03-12-2010, 12:49 AM

وينك يا راعي الحلم
طرش لي رقم التواصل عشان نطرش لك الهدية باجر الصباح
والله ياعمري قطر

انتظر الهدية بأحر من الجمر ..
وشيكي الخاص :thumbup1:

La Bella

03-12-2010, 12:51 AM

انتظر الهدية بأحر من الجمر ..
وشيكي الخاص :thumbup1:

أن شاالله باجر الصباح تستلمها

بـــــــنت النوخـّــــذه

03-12-2010, 12:54 AM

وايد تطنزنا على حلمك واخرتها اهو الي صدق 000صراحه فاق تنبؤات الاخطبوط بولو :p:p:p:p

سلام تعظيم لحلمك

الوسيط العقاري

03-12-2010, 08:57 AM

وايد تطنزنا على حلمك واخرتها اهو الي صدق 000صراحه فاق تنبؤات الاخطبوط بولو :p:p:p:p

سلام تعظيم لحلمك

:thumbup1:

الوسيط العقاري

03-12-2010, 09:17 AM

عساك يوم رقدت ماكنت متوضي :)

ابشرك كنت متوضي

والحمد الله تحقق الحلم

deema117

03-12-2010, 12:58 PM

مبروك الحلم omen اقصد مبرووووك فوز قطر بالاستضافة omen

ومبروك لصاحب الحلم الهدية تستاهل الهدية على الردود اللي قريتها خخخخ :thumbup1:

طلعت من الشخصيات اللي تخوّف فالمنتدى .. :looking: لحد يحلم فيني بسسسس :looking:

hard to get

03-12-2010, 03:04 PM

الف مبروك على الاستضافة

الصراحة تستاهل هدية من كل عضو شكك في حلمك :)

الوسيط العقاري

03-12-2010, 06:05 PM

الف مبروك على الاستضافة

الصراحة تستاهل هدية من كل عضو شكك في حلمك :)

تستاهل خير ياخوي ..

:thumbup1:

الوسيط العقاري

03-12-2010, 06:09 PM

ياسلام أخيراَ واحد بشرنا
واذا تحقق حلمك لك مني هدية أن شاالله
الوعد تاريخ 2-12
:thumbup1:

يتقدم السهم الطايح خخخ

بالشكر الجزيل الى الأخت La Bella ..

بمناسبة الهدية المقدمة من الأخت ..

وذلك بتوقعي لفوز قطر بمونديال كأس العالم
2022 ..
وحلمي اللذي حلمته والذي تحول إلى حقيقه ..

والهدية كانت عبارة عن :

http://www4.0zz0.com/2009/12/19/09/874276796.jpg

ipod touch 8gb

أعيد وأكرر الشكر الجزيل للأخت على الهدية ..
وهذه الهدية إهداء للمتشائمين بموضوعي السابق عن إستضافة قطر لكأس العالم 2022 ..

http://2.bp.blogspot.com/_x2v8mGIUtxM/SXCgyezybCI/AAAAAAAAAIQ/f-oLxyWF9IM/s400/thank-you.jpg

:)

La Bella

03-12-2010, 10:51 PM

يتقدم السهم الطايح خخخ

بالشكر الجزيل الى الأخت La Bella ..

بمناسبة الهدية المقدمة من الأخت ..

وذلك بتوقعي لفوز قطر بمونديال كأس العالم
2022 ..
وحلمي اللذي حلمته والذي تحول إلى حقيقه ..

والهدية كانت عبارة عن :

http://www4.0zz0.com/2009/12/19/09/874276796.jpg

ipod touch 8gb

أعيد وأكرر الشكر الجزيل للأخت على الهدية ..
وهذه الهدية إهداء للمتشائمين بموضوعي السابق عن إستضافة قطر لكأس العالم 2022 ..

http://2.bp.blogspot.com/_x2v8mGIUtxM/SXCgyezybCI/AAAAAAAAAIQ/f-oLxyWF9IM/s400/thank-you.jpg

:)

تستاهل كل خير يا أخ سهم طايح
والسموحة على الهدية البسيطة
وأن شاالله من اليوم ورايح ما نبي قطري متضايق أو غير متفائل الكلام للأخوان الي كانو غير مؤيدين فكرة الأستضافة
ما دام أميرنا حمد ما به مستحل :thumbup1:

La Bella

03-12-2010, 10:55 PM

تستاهل كل خير يا أخ سهم طايح
والسموحة على الهدية البسيطة
وأن شاالله من اليوم ورايح ما نبي قطري متضايق أو غير متفائل الكلام للأخوان الي كانو غير مؤيدين فكرة الأستضافة
ما دام أميرنا حمد ما به مستحل :thumbup1:

الله ياعمري قطر

شيط ويط

04-12-2010, 12:59 AM

مبروووك تحقق الحلم اخوي السهم .. وتستاهل الايبود الفال لي

الوسيط العقاري

04-12-2010, 08:20 AM

مبروووك تحقق الحلم اخوي السهم .. وتستاهل الايبود الفال لي

الله يبارك فيك .. وتستاهل خير

اشكرك ع المرور ...

:thumbup1:

R 7 A L

04-12-2010, 08:25 AM

الحمدلله ان حلمك تحقق
وهذي حبة خشم
><

الوسيط العقاري

04-12-2010, 02:30 PM

الحمدلله ان حلمك تحقق
وهذي حبة خشم
><

فديت خشمك
ومبروك لك الفوز بكأس العالم 2022

:thumbup1:

نوفا91

04-12-2010, 10:03 PM

والله وتحقق حلمك يبه اشرايك تحلم نيابه عني لعل وعسى تحقق حلم من احلامي خخخخخخخخخ

الوسيط العقاري

04-12-2010, 10:30 PM

والله وتحقق حلمك يبه اشرايك تحلم نيابه عني لعل وعسى تحقق حلم من احلامي خخخخخخخخخ

omen

خخخخ

الوسيط العقاري

05-12-2010, 05:06 AM

فال الله ولاحلمك

خخخخخخخخخخ

الوسيط العقاري

06-12-2010, 07:45 AM

تصدق اني حلمت ان احنا خسرنا المونديال . ودايما احلامي تصدق ....

للأسف أحلامك ما صدقت ؟