عوايد أهلنا عندنا أمانة

[طواش]

من عوايد أهلنا اللي لازم نحافظ عليها طال الزمان ولا قصر :

1. التواصل مع الأهل مهما بعدت الأماكن .

والبعد بعد القلوب ما هو بعد الدروب

2. استقبال الضيوف بوجه باسم .

والعين لهم أوسع من البيت

3. الكبار لهم حشيمة في المكان ولهم صدر الميلس .

4. ضيف جاري ضيفي .

5. اللي ياي من غبة أو حاج عشاه أو غداه يوصله .

6. اللي ما حضر العزيمة لعذر سهمه مرفوع ويبشر بالخير

7. الرفيج والصديق له معزة واحترام .

والله يعز اللي يعز الرفيج



وأنتظر إضافاتكم لعوايدنا وقيمنا الراقية التي يجب أن نحافظ عليها وننقلها لأجيالنا .

[السهم السريع]

من عوايد أهلنا اللي لازم نحافظ عليها طال الزمان ولا قصر :

1. التواصل مع الأهل مهما بعدت الأماكن .

والبعد بعد القلوب ما هو بعد الدروب
أكيد تقصد العكس

القلوب قريبة لو الدروب بعيدة2.

استقبال الضيوف بوجه باسم .

والعين لهم أوسع من البيت

3. الكبار لهم حشيمة في المكان ولهم صدر الميلس .

4. ضيف جاري ضيفي .

5. اللي ياي من غبة أو حاج عشاه أو غداه يوصله .

6. اللي ما حضر العزيمة لعذر سهمه مرفوع ويبشر بالخير

7. الرفيج والصديق له معزة واحترام .

والله يعز اللي يعز الرفيج



وأنتظر إضافاتكم لعوايدنا وقيمنا الراقية التي يجب أن نحافظ عليها وننقلها لأجيالنا .


من عوايدهم
الفزعة والوقفة في الفرح والحزن
لاصارت عندك عزيمة تلاقي حريم الفريج مع ام عيالك واهلك يساعدونهم
ولاصار عندك عزى تلاقي القوم كلهم يعزونك ويواسونك
واللي يقرى قران واللي يترحم

ومن عوايدهم الطيب وحسن العشرة

الله عليها من عوايد

[مهل]

من عوايدهم
الفزعة والوقفة في الفرح والحزن
لاصارت عندك عزيمة تلاقي حريم الفريج مع ام عيالك واهلك يساعدونهم
ولاصار عندك عزى تلاقي القوم كلهم يعزونك ويواسونك
واللي يقرى قران واللي يترحم

ومن عوايدهم الطيب وحسن العشرة

الله عليها من عوايد

و من عوايدهم ... حفظ الامانه يطلع الرجال في سفر و يامن جاره او قريبه على بيته و عياله و ام عياله و يتابعهم و يباشرهم في ماينقصهم اكثر من بيته .

من عوايدهم ... حسن تربيه الصغار قبل لايخط شارب الولد يكون ساد مكان ابوه يهلي و يرحب و يقلط .

من عوايدهم ... النخوه ،، ماتنظام المره سواء قريبه او جاره او مقطوعه من شجره الكل يصير لها اخ و قريب وقت الضيق .

من عوايدهم ... الوفاء بالعهد يخطب الرجال البنت و يغيب سنين يتكسب الرزق ولا رجع لقاها قدامه .

من عوايدهم ... تنزيه الرجال لنفسه و من يسمعه عن ارذل الحديث ،، ماينطق لسان الرجال بكلمه عوجا او عيبه ، قبل لا ينطق الواحد فيهم يوزن كلامه و يفكر فيه و في وقعه على الغير .

من عوايدهم ... يكونون على قلب واحد و كلمتهم وحده حتى في اداء الواجب ان كان عزا او عرس او عشا يحظرون سوى و يطلعون سوى .

من عوايدهم ... مايقلط الصغير على العشا و فيه في المجلس منهو اكبر منه في السن .

هذا بعض مايحظرني و هذي امانتنا و رسالتنا

[الأصيلة]

والله إن ها العوايد مازالت تمارس بين اهل قطر
وشكرا على الموضوع ولـ عودة

[مهل]

والله إن ها العوايد مازالت تمارس بين اهل قطر
وشكرا على الموضوع ولـ عودة

ان خليت خربت يالاصيلة و عيال الصقور ماتبور .

[السهم السريع]

ان خليت خربت يالاصيلة و عيال الصقور ماتبور .

عسى الله يدوم علينا هالنعم من عوايد الخير

بس للأسف في عوايد تغيرت
مثلا ماعاد الاحترام مثل اول وشي نشوفه بالشارع كل يوم

وقبل ايهبي الولد يتأخر عقب صلاة المغرب
والله اذكر اذا تاخرنا انا واخوي العود عقب المغرب ياويلنا ياسواد ليلنا انتم نرتجف خايفين من الوالد اشبنقول له وكل واحد يجدم الثاني عشان ياكل اول ضربه ههههه

والله ثم والله
قلبي يعورني لاطرت علي ذيك الايام وعوايدها

[بصمة قطرية]

ما احلاها من عوايد ~

لي انخطبت البنت سكوتها هو علامة الرضا تنزل راسها بخجل وتبتسم ~
ما يشوفها زوجها الا ليلة الدخلة ~

لي ولدت المرة تروح اربعين يوم عند اهلها تنفسها امها وتساعدها وتعلمها ~
~ للأسف بدا هالشي ينقرض ~

[ياشايل الظبي]

مشكووور على الموضوع
يعطيك العافية

[شيط ويط]

الله الله

[khalid-qtr]

هذي عوايد المسلمين الي علمهم الدين

[MAZEN37]

تعجبني
عاده صفاء الروح والخلوه والبساطه بالباديه

[بوخالد911]

التقارب الاجتماعي
شي جميل
وطيب

[مهل]

هذي عوايد المسلمين الي علمهم الدين

هلا بو وليد .. طال عمرك ذكرت نقطه مهمه .
كثير من عاداتنا و تقاليدنا مردها الدين رغم ان اهالينا الكبار اميين لكنهم يعملون بالدين اكثر منا .

تحظرني قصه حصلت لي و انا صغير .. كنت مع والدي رحمه الله عليه و شخص يقرب لي و كنا زايرين جدتي من امي الي صار لي فتره طويله ماشفتها .. الله يعطيها الصحه كانت بانيه في الحوش بيت شعر على النظام القديم و رافعته من ورى ،، المهم اني دخلت البيت اركض من الفرحه و ادخل بيت الشعر من ورى و سلمت على العجوز و تمطق و خير :yes2:
والدي رحمه الله عليه و الي معاه ضحكو علي و قطعوني بالكلام وهم يضحكون (اني دخلت البيت من قفاه) وكنت اضحك معهم و انا مستغرب .. شفيها يعني دخلت من قدام ولا من ورى .. اساسا مافرقت بين وجه البيت و قفاه . يوم كبرت و تعلمت اكتشفت ان الدين امرنا ان ندخل البيوت من ابوابها . وهو عرف عند العرب اساسه من الدين

[طواش]

كل طبع سليم وقويم تلقاه مرده إلى الدين والالتزام بوصاياه وأساسياته.