مع طول فترة الخطبه ام ضد ...؟

[MAZEN37]

السلام عليكم
تحيه لكل الاعضاء
باختصار هل انت مع او ضد والاسباب ؟
رائي انه الخطوبه ما تتعدى ال3 شهور كحد اقصى تحاشيا من كثر الكلام والي للاسف يكون من القرايب .
:con2:

[مالي ومال الناس]

أيدك بقوه , حلاتها ماتطول اكثر من هالمده

[MAZEN37]

أيدك بقوه , حلاتها ماتطول اكثر من هالمده

منور يا رمز الوفا :thumbup1:

[مشاكل]

الأفضل ان تطول فترة الخطبة
وتقصر فترة الملجة
هذا هو الأفضل والأنسب
لكن للأسف اصبحت الخطبة عندنا تعرف بالملجه
واكثر حالات الطلاق تستوي في هالفتره

[مالي ومال الناس]

منور يا رمز الوفا :thumbup1:

النور نورك :p

[MAZEN37]

الأفضل ان تطول فترة الخطبة
وتقصر فترة الملجة
هذا هو الأفضل والأنسب
لكن للأسف اصبحت الخطبة عندنا تعرف بالملجه
واكثر حالات الطلاق تستوي في هالفتره
اكيد فترة الخطوبه هي من بعد الملكه الي يوم الزواج الرسمي
هذه الفتره يكثر فيها الطلاق ليش هذا الي اقوله علشان البلبله الي تصير ان طالت
واهلا بك

[latty]

الصراحه انا ضد الخطوبه من حالات شفتها لما يجي يوم العرس المعرس يكون متملل ولا شايف جديد لانه شاف العروس وعرفها فمافيه شي ء يجذبه بعكس لو هي داخله عليه بدون خطوبه يكون مشتاق لاكتشاف عروسه والتعرف عليها من اول لحظه على الكوشه

[MAZEN37]

الصراحه انا ضد الخطوبه من حالات شفتها لما يجي يوم العرس المعرس يكون متملل ولا شايف جديد لانه شاف العروس وعرفها فمافيه شي ء يجذبه بعكس لو هي داخله عليه بدون خطوبه يكون مشتاق لاكتشاف عروسه والتعرف عليها من اول لحظه على الكوشه

كيف بيعيش العمر معاها ؟
لو بيفكر بهالاسلوب لا يتزوج
شرفني مرورك

[ملسونه]

انا ضد صراحه لان اغلب البنات الي طولوها سنه وسنتين تطلقو فالنهايه

[نوفا91]

انا مع انها ماتزيد عن 3 شهور ..
تحياتي..

[fhd4]

الصراحه انا ضد الخطوبه من حالات شفتها لما يجي يوم العرس المعرس يكون متملل ولا شايف جديد لانه شاف العروس وعرفها فمافيه شي ء يجذبه بعكس لو هي داخله عليه بدون خطوبه يكون مشتاق لاكتشاف عروسه والتعرف عليها من اول لحظه على الكوشه




اسمح لي بس هالتفسير عقيم ...

اذا تملل منها في فترة الخطوبة (الملكة) ... شلون بيعيش باقي العمر معاها ...

واذا تزوج على طول يعني ما راح يمل منها باقي عمره ...

وبالعكس ... أنا اشوف ان هالفترة أفضل فترة ان كل واحد يتعرف على شخصية الاخر ...

وبدل ما يحاول يطلع العيوب ... يحاول يتأقلم ويتعلم شلون يتعايش مع العيوب ...

واذا كان ولا بد وصارت مشاكل مستعصية ... فالطلاق في هذي الفترة أفضل من الطلاق بعد الزواج ...

وللتوضيح ... أنا أقصد فترة الملكة ... أي بعد كتابة عقد الزواج ...

وفي نفس الوقت أنا ضد انها تطول أكثر من سنة ...

[toomi9]

على حسب
اذا توالفوا يعرسون على طول سواء طالت ولا قصرت
يمكن البنت ليحين ماخذت عليه واذا قرب عرسها تصير فيها بلاوي لانها مب متهيأه

[الأصيلة]

نعم فترة الخطوبة لايجب أن تطول أكثر من 3 أو 4 أشهر...

[لمعة الالماس]

ما تزيد عن سنة ولا تكون اقل من 3 شهور

بالعكس فترة الخطوبة توضح وايد اشياء للطرفين ومنها يفهمون بعض ويعرفون كل واحد شنو يحب وشنو يكره

[mr.M]

أنا مع بس ما اتكون طويلة:yes2:
لازم المعاريس يتعرفون على بعض :p
إذا ما تفاهموا ولا اختلفوا ينفصلون وهم على البر
مب يتزوجون ويطيح الفاس في الراس :thumbdown:

وجهة النظر;)

[بصمة قطرية]

بصراحة فترة الخطوبة مهمة ..
وهي الفترة اللي تكــون بعد الملجة ~
وهالشي المتعــارف عليه في مجتمعنــا ..
وتكــون فترة تعــارف للأثنين كل واحد يعرف الثاني ..
ويعرف طبايعة ..

وطبعـتاً أنا ضــد ان هالفترة تطــول ..
لانها لو طــالت بتجيب مشاكــل ..
شهور قليقة وخلاص ياخذ مرته ~

[عزتي سمو ذاتي]

أهـم فترة هي فترة الخطوبـة لنها تحدد مصير هالزواج بالنجاح أو الفشل

عن طريق هالفترة راح يقدر الطرفين يفهموم بعض ويعرف كل واحد إيجابيات وسلبيات الطرف الثاني

لان هذا زواج مولعبه راح يستمر العمر كله .. واللي يقول عشان مايتملل منها لوتملل وقت فترة الملكة راح يتملل طول العمر

وبالعكس الواحد لوقدر الله ماتفاهموا ينفصل في فترة الملكة احسن من الانفصال بعد الزواج وتكثر السوالف والقيل والقــال

حلات الملكة تستمر مابين 6 شهور بالكثير سنة والأفضل الواحد مايمصخها بكثرة الزيارات كل اسبوع راز الوجه في بيت الخطيبة

يزورها كل ثلاث اسابيع في المناسبات بس وتكون هالزيارات ماتتعدى حدودها لأن هالفترة تعتبر فترة تعارف يايستمر هالزواج أو كل واحد يروح في طريقة



الله يوفق الجميع يارب والفاااااااااال لكل شاب وبنت يتمنون الزواج

[اخر العنقود]

ضد

يعطيك العافيه اخوي

[فتى الجود]

يقولون الشياب
ان طالت بارات

[طرفه]

لا قصيره ولا طويله
بحيث يعرف بعضهم البعض

[العقل المدمر]

شي نسبي وراجع للخطيبين
هم اللي يحددون ويقدرون كم الفتره اللي تناسبهم انهم يتعرفون على بعض عشان يتخذون قرارهم النهائي يتزوجون او في حاله ماقدروا يستمرون ينفصلون
تختلف الحاجه حق هالفتره من شخص لي شخص وعشان جذي مانقدر نحدد مده معينه للكل