إستفسارات لمن يملك سيارة في الورة (منظمة سيارات الأجرة الوطنية)

[معيذر جنوب]

أسئلة للي عندهم سيارات في نظام الورة:

كم الفترة الإنتظار بعد تسجيل السيارة؟

بعد نهاية العقد وتسليم السيارة :
كم تكاليف الصيانة السنوية تقريبا لسيارة صالون 4 سلندر مثلا كامري؟
بعد نهاية العقد هل تم استلام السيارة بنفس حالتها أو كان فيها صبغ؟
هل مشت السيارة كثير ؟
هل تعتقدون أنه يوجد بهالنظام ربح للمالك ؟

[شموخ دائم]

,

,




مرحبا


السلام عليكم ورحمه الله

وعلى نياتكم ترزقون

بحكم وجودي القريب من احد فروع هذه المنظمه او الشركه

راح اجاوبك

مسئله الدور يلعب فيها امور كثيره ومنها العلاقات ناس تنتظر وناس تجيب اكثر من سياره باسماء مختلفه ( اولادهم مثلا ) وتدخل

وهناك اماكن الناس لا ترغب فيها على سبيل المثال ( السياره تقطع مسافات طويله ) ولذلك هم يشوفون الشخص الموافق بغض النظر عن الدور

اذا شخص بيشتري سيارة مخصوص لهذا الموضوع ما انصحه نهائيا يشتري

لانها ليست المدخول الذي يستحق ذلك

لكن اذا كان هناك سياره زايده بالبيت وواقفه فهذا يناسبها


كم الفترة الإنتظار بعد تسجيل السيارة؟

غير محدد لكن الاتصال الكثير فيهم يجيب نتيجه وبعض الامور الاخرى

بعد نهاية العقد وتسليم السيارة :
كم تكاليف الصيانة السنوية تقريبا لسيارة صالون 4 سلندر مثلا كامري؟

على حسب الجهه التي تعمل فيها ولكن خصص ( ايجار شهر ) للصيانه السنويه

بعد نهاية العقد هل تم استلام السيارة بنفس حالتها أو كان فيها صبغ؟

مو محتاجه صبغ الموضوع ليس بهذا السوء ولكن نصيحتي حط ( سائق ) من طرفكم

احسن يتم ايجار السياره والسائق حتى تضمن المحافظه على السيارة

هل مشت السيارة كثير ؟

اكيد بتمشي بحدود 30 الف كيلو متر في السنه
في اليوم من 50 الى 80 كيلو تقريبا المكان الذي تعمل فيه السياره
هناك اماكن السياره لا تقطع اكثر من 30 كيلو وهناك 80 كيلو
انت وحظك بالمكان

هل تعتقدون أنه يوجد بهالنظام ربح للمالك ؟

لا يوجد ربح بمعنى كلمه ربح هذا في اعتقادي الشخصي ربما هناك شخص يشوفها ربح جيد

ولكن لو السياره والسائق زايدين بالبيت يعتبر ربح احسن من وقفتها وتصليحها كل شوي بسبب التوقف

وراح تجيب راتب السائق ايضا وفوقها شويتين

:)

لكن ما انصح اي احد يشتري سيارة مخصوص لهذا الموضوع لا يستحق ذلك

دمت بطيب

,

,


اخوكم


شموخ دائم

[تاجر121]

للعلم لو السياره اندعمت يجبرونك تجي تستلمها وانت اتصلحها وغير جي يطلعون السياره من الايجار فورااا والحين وانا جربتها دمروووا السياره خربوها ما انصحك يالغالي بهالمشروووع

[الألماسي]

خذ لك دنكر " سحب مجاري " -كرمكم الله- احسن لك . .