موقفكم يا أعضاء المنتدى في هذي لحظة

[khalid-qtr]

أنا ابي اعرف لحظة هذا الموقف ويليت كل واحد يقول لنا موقفة
في هذي لحظة الجميلة

http://www9.0zz0.com/2010/12/03/20/800724404.jpg (http://www.0zz0.com)

انا موقفي كنت منسدح على السرير في غرفة نومي ولدي كان جنبي يوم اعلنوا فوز قطر قمت وشلت ولدي من الفرحة وصرخت بصوت عالي جابوة جابوة
ولدي مسكين تخرع هههههههههه

[لوردغاليري]

تستاهل قطر فديتها
ومبروك للأسرة الحاكمه

[تغلبية]

كنت متسمرة قدام التلفزيون ..

لا شعوري وبذهول .." هيييييييييه" بصوت عالي وتصفيق .... وجاو الشغالات يتراكضون علي .. اشفيها مدام:p

[القيادة]

الكل في قطر من مواطنيين ومقيميين والدول العربية والاسلامية

فرحانيين وأنشاء الله تدوم الفرحة.

أنتمنا أحنا المواطنيين ماتكون أستضافة قطر كاس العالم فيها ضرر لنا

من ناحية أرتفاع كل شي في قطر.

وانا بكل أمانة مستانس أن بلادي فازت بستضافة كاس العالم.

[مدرسة]

كنت في البيت

هل البيت كلهم متجمعين في المقعد بانتظار اللحظة الحاسمة

و اوووووول ما طلعت البطاقة من الظرف .... كلنا صرخنا و كلمن نط من مكانه

بصراحة لحظة حلوة و ذكرى حلوة

و الأحلى فكرة الموضوع.....سانكيوووو

:thumbup1::thumbup1::thumbup1:

[khalid-qtr]

كنت متسمرة قدام التلفزيون ..

لا شعوري وبذهول .." هيييييييييه" بصوت عالي وتصفيق .... وجاو الشغالات يتراكضون علي .. اشفيها مدام:p

ههههههههههههههههههههههه

[هداف]

فرحنا من فرحة الامير واسرته الكريمه ,, اصدقك القول الاغلبيه متخوفين من المستقبل
ولنا في تجربة اسياد المثل وما حصل ؟ ! ولكن عند ما شفنا هذه الفرحه العارمه من ابونا
القائد المفدى وفلة حجاجه والفرح لحد البكاء كلنا فرحنا لا شعوريا وفرحتنا من فرحة قيادتنا

واحسست بالفخر العظيم عندما ظهر للعالم اسم qatar على الكرت الفايز

وعماااااااااااااااااار ياقطررررر

[kooool]

الف مبروووك لاهل قطر والله يعطينا من خيرها ويكفينا شرها ...

كنا في المجلس مع الربع وطارت العقل والغتر ..وطلعت من المجلس بغترة جديدة وعقال جديد هههه

[شمعة الدوحه]

مع اني كنت ضد الاستضافه

بس توقعت نفوز عقب ماسمعت كلام الشيخه موزه وشفت الملف بيوم العرض

كان شي خيالي مثل ماقال رئيس الاتحاد

وماتملل من العرض

واللي صار لي بهاللحظه انه دمعت عيني عقب ماشفت فرحة الشيخ حمد

لاصارخت ولا نطيت كان عادي عندي

[aleamdi]

صراحة يستاهل امير القلوب والاسره الحاكمه والشعب القطري واعتقد حتى المعارض لهذه الاستضافة ما قدر يتمالك نفسه من الفرحه بهذا الموقف وعاشت بلادي ايامها كلها افراح ان شاءالله والله يعطيكم طولة العمر وتشوفون هذا اليوم 2022 .

[بصمة قطرية]

انا والعيال والشغالات كلنا متسمرين جدام التلفزيون وعلى اعصابي ..
حتى العيال توتروا معاي
اول ما طلع الورقة وقريت qatar صرخت وصرخوا العيال
يوم شفت فرحة اميرنا وعيلته دمعت عيني
وربي فرحتهم نستنا كل شي
كنا معارضين لكن فرحتهم خلتنا نعيش لحظات السعادة والفرح
عشنا الفرح معاهم وبفرحتهم دمعت عيوننا ..

صج لحظات تتسطر في التاريخ ..
قطــر سجلت اسمها في التاريخ بحروف من ذهب ..

الله يديم افراحج يا قطـــــر ..

[شيزكيك]

الصراحه كانت لحظات حلوه وماتتنسى
كنا متسمرين عند التلفزيون ونسكت اليهال وعق مافزنا صرخت صراخ yes yes وعقب كنت معزومه

على عشا وحسيت احبالي الصوتيه تالمني اثاريه من الصراخ ههههه

فديت قطر حبيبتي بلادي

[البارح]

كنت متسمرة قدام التلفزيون ..

لا شعوري وبذهول .." هيييييييييه" بصوت عالي وتصفيق .... وجاو الشغالات يتراكضون علي .. اشفيها مدام:p


هههههههههههههههههههههههه

[Rider]

وقت التصويت كان وقت صلاة العشاء كم واحد ضيع صلاة الجماعه علشان التصويت وبعدين الحمد الله استضافنا كاس العالم وطبعا شفت النتيجة في الاعادات طبعا يمكن مايكون طعمها مثل طعم نفس اللحظة المباشرة

[بوخالد911]

كنت لحظتها تووني واصل العنة بسيليين

والكل متأهب


وصرررخنا بقووووو

واشوووي والدموع كانت بتطلع !!!!!



الحمد لله

[نور الحور]

كنت في بيت هلي .. أختي على أعصابها تصور التلفزيون بالفيديو :looking:
وأختي الثانية متسمرة جنبي .. وولدي الصغير فديته قاعد في القاري ..ويدتي قاعدة ويانا بس مو مستوعبة الموضوع ..ودقات قلوبنا دق دق دق دق .. ايديني ترجف لا إرادياً ..
ولما سمعت بلاتر يقول : (كاتار) .. صرخنا وانفجر ولدي من الصياح <<<< خرعناه فديت قلبه .. لميته وهديته وتحسفت على هالصرخة :(
ورزفت يدتي بعصاها ههههه حسبالها فزنا في مباراة .. جان نقولها عن السالفة كلها وإن هالتنظيم بيكون بعد 12 سنة ... مااشوف إلا كأن حد صاب عليها ماي بارد :p:p:p

[بـــــــنت النوخـّــــذه]

اليهال كانو حولي ينطرون ألون وجهم حالفه قلت لهم والله مالون وجه احد فيكم الا اذا سمعت النتيجه بإذني00:looking:فكانو راكبين فوق الطاوله واول ما اسمعو نطو خرعونا : omen

بس بعدين صبغت وجهم وراحو المسيره <<خوش رسمه رسمت لهم :thumbup1:p:p:p

[عزتي سمو ذاتي]

شعور صعب الواحد يوصفه لأن هذا إنجاز باسم الوطن العربي كله اقدرت تحققه قطرنا

مهما كتبنا ومهما وصفنا شعورنا صعب نوفي حالتنا وشعورنا ذيك اللحظة

كلنا صرخنا ونقزنا ودموع موقف له رهبته وفرحة النجاح مافي مثلها ابـد

[تحداني]

ما كان لي موقف تاريخي مع هذه اللحظات
لا صرخت ولا دمعت ولا نطيت .. ولا حتى طرت

كل الي سويته قلت .. الله يفرح إقلوبهم
ويكونون على قدر المسؤوليه .. ويستطيعون إكمال باقي المشوار
فالغد متعب أكثر

اليوم إبتسامه
ولكن المستقبل يحتاج الى عطاء مضاعف وجهد مشترك
وإخلاص في العمل
ويد واحده من قبل الجميع دون أنانيه



يمكن فرحت لأن الفرح عم كل أرجاء البلاد



جملك الله برضى الرحمن

[الطائر الحائر]

كان وقت صلاة وكنت في المسجد

[مخطط قطري]

انا كانت حاسم الموضوع وعارف واثق بان قطر راح تستظيف البطوله وفرحت يوم الامير قام ياخذ الكاس بعفويه وقام يقول لناس لي جالسه وقفوا وصفقوا وعطاها الشيخه موزه وشيخ محمد

[vtc_4.8]

مابالغ لو قلت اسعد لحظه في حياتي بفرحة الامير والشيخه موزه

كأنه حلم

كفوو ياقطر

[Hamad7788]

كنت ف دبي مول crazy crazy

واتصلت ف اخوي عشان اسمع نتيجة التصويت مباشر

وكان المول ازعاج وسنداره

وطبعا محد كان مفتكر ف الموضوع من هل الامارات

ولحد حاط شاشه .. وكل الكوفيات ناقلين مباراة الكويت والعراق اعتقد ..

وكان في كوفي حاط MTV

,وقلت له حطواا قناة الكاس بس مارضوا :anger3:

ويوم اعلنوا الدولة المستضيفه لسنة 2018

قمت امشي بشرعه بسرعه (( هروله سرييييييييييييعه )) رايح صوب الحمام

عشان اسمع التلفون عدل ..:telephone:

وعرفت انه قطر فازت بالاستضافه من صراخ اخوي وربعه :dance:dance

ومالقيت حد حولي يشاركني الفرحه :weeping:

دمعت عيني بروحي وانا وحيد في الغربه :cry2:

وجان اتصل القطرية واغير وقت الرجوع من يوم السبت المغرب :yes:

لين يوم الجمعة الظهر :dance

وجان ارد الدوحه ومن المطار عالكورنيش :fight:

[المزمجرر]

انا كنت مشغل الراديو في السيارة

وكنت حاط القير في واحد ودايس الكلش حده

واول مااعلنوا فوز قطر بالاستضافة ....... امزح

كنت في المسجد اصلي العشاء مع جماعة المسلمين

ولما طلعت لقيت مكالمات ورسايل وووو

وكلها عن فوز قطر بالاستضافة

[هاب الريح]

متابع بصمت

[نمـر]

كنت في البيت مع إخواني وامي تقول قوموا صلوا ونقول لها ثواني وهي متابعه معانا طبعا لعيون ماترمش كلش الله يهديها نست نفسها تحسب صغيره يوم اعلنوا طرنا كلنا فوق وامي معانا زين مانكسرت وثاني يوم وديناها المستشقى

[خطوة]

انا كنت متابعة بهدؤ رغم اني كنت معارضة الاستضافه

بس يوم شفت حماس الامير واعضاء الوفد وان اسم قطر بيسجل في محفل دولي كبير تمنيت

ان قطر تفوز

يوم قال بلاتر ( كاتار )

رفعت كفي بالدعاء اللهم اعطنا خيرها واكفنا شرها

[العقل المدمر]

كنت توني واصله البيت
ودشيت قعدت فغرفه امي بشيلتي وعبايتي حتى هب قادره افصخهم
واقول حق هلي بعد اتحدانا نقوم نصلي قبل لا يعلنون :secret:
استغفر الله حسيت لو صلينا ماراح نركز فالصلاه ونبي نخلص بسرعه عشان نسمع :looking:
وطبعا كنت معارضه بس متاكده ان قطر راح تفوز وماعرف ليش وقتها مع اني معارضه الا اني كنت ابي اقرا اسم قطر عالبطاقه وفرحت لفوزنا وفرحه قطر والعرب كلهم
وتعشينا برى بعد بهالمناسبه الحلوه :shy: