مطلوب الفزعة من جميع الأعضاء

[أبو عبدالعزيز]

تحياتي للجميع وبعد:

أصدرت الساعة 8 و12 دقيقة أمر شراء بالعقارية بسعر 94.6 ريال
ومع متابعتي للسوق قبل الافتتاح كان السوق كالآتي:
الساعة 8و 43 دقيقة المعروض 48 الف والمطلوب 10 الاف ( يعني المفترض يكون طلبي من بينها*)
والساعة 900 المعروض 73 الف والمطلوب 74 الف

وفور افتتاح السوق تم بيع فوق 70 الف سهم بالسعر المذكور
وبمراجعتي لشركة الوساطة قالوا بأن طلبي لم يتم تنفيذه :anger2:

ما الحل في نظركم؟

[عارف الحال]

شنو اسم شركه الوساطه

[أبو عبدالعزيز]

شنو اسم شركه الوساطه


بغض النظر
لأن السؤال كيف استرد حقي؟
ما الإجراء الممكن اتباعه؟ :anger2:

[ali]

شنو اسم شركه الوساطه
والله ياخوى شوف
مافي اي اجراء

حالك والله حالنا

احنا مثلك نشوف طلب ونبيع وويوم نروح ثاني يوم
نقول بعتو يقول لا ما تنفد

ربك كريم :)

[عارف الحال]

اى ليش تروح اقعد عند طلبك
يا اخى بورصتكم فاشله بالقوانين الصارمه

[البرنس]

اى ليش تروح اقعد عند طلبك
يا اخى بورصتكم فاشله بالقوانين الصارمه
معاك 100% و بالخصوص ما تحته خط اقول لك جداً جداً جداً ..

[عارف الحال]

بصراحه انا كنت بالدوحه قبل اسبوع واول مره ادخل بورصتكم

وشفت الفوضى العارمه والزحمه وعدم النظام وقله بمكاتب الوساطه والموظفين عددهم قليل

والله حرام الى يصير فى دوله خليجيه هذه الفوضى

الناس وصلت التداول بالانتر نت وبورصه الدوحه ماتعرف فيها بعت ولاشريت

ترى السالفه ماتحتاح تطور ولااختراع

يا اخوان عط اى شركه واهى تقوم بعمل لك نظام حديث ومتطور وزيد عدد مكاتب الوساطه
:anger2: :anger2: :anger2: :anger2: :anger2:

[فزعـــــ قطر ـــــة]

المفروض يكون فية تطور أكثر

وياليت يحطون التداول عن طريق الانترنت

[السهم الاخضر]

شوف اخوي ما لك الا ان تدعي عليهم وبس
الي اعرفه انك ما تقدر تسوي شي مثل ما قالو لك الشباب حالنا حالك
الله يعوضك

[البرنس]

بصراحه انا كنت بالدوحه قبل اسبوع واول مره ادخل بورصتكم

وشفت الفوضى العارمه والزحمه وعدم النظام وقله بمكاتب الوساطه والموظفين عددهم قليل

والله حرام الى يصير فى دوله خليجيه هذه الفوضى

الناس وصلت التداول بالانتر نت وبورصه الدوحه ماتعرف فيها بعت ولاشريت

ترى السالفه ماتحتاح تطور ولااختراع

يا اخوان عط اى شركه واهى تقوم بعمل لك نظام حديث ومتطور وزيد عدد مكاتب الوساطه
:anger2: :anger2: :anger2: :anger2: :anger2:

:eek3: الله يرحم والديك اسكت و لا تعلق .. لنك حرقت قلبي و قلبت علي المواجع :eek3:

:eek3: :eek3: :eek3: :eek3: :eek3: :eek3: :eek3: :eek3: :eek3: :eek3:

[m mattar]

اخوي بو عبد العزيز :
هذه الأفلام دايما" تصير معاي في المجموعة آخر ما صار أمس حطيت طلبين بيع على لمت أب في التحويلية
الساعة 8:56 والساعة 8:58الثاني تنفذ لأن كمية صغيرة والكمية كبيرة ما تنفذت مع العلم ان الطلبات قبل بداية التداول و القصة تكررت معاي في الوقود والوطني الخ......
الزبدة المجموعة غير نزيهة وتعاملاتها منحازة لجهة معينة تدفع أكثر من العمولة (4في1000)
وانا صفيت كل شيئ عندي عن طريقهم وبدور على وسيط لي بروحي في ظل انعدام الشفافية والتحيز وقلة شركات
الوساطة .
وتحياتي للجميع

[ali]

والله يا اخواني

اانا اتعااااامل مع عليكم بشركه الاوراق الماليه الاسلاميه
ياخواني صح الشيك يتأخر لكن يبيعون لك بسرعه
ولا شفت فيها اي قصور
بس خلك معاهك موجود وامورك خالصه ولا با التفلون
وتعاملهم ممتاز
صار لي فتره معاهم
والله ماشفت منهم شي

امااااا المجموعه تعاملت معاها
للاسف شركة فاااااااااشله بمعنى الكلمه
ونحيازيه
لكبار الهوامير والواسطه
روح طريق سلوى ولا المطار ولا الدوحه
وبتشوفون بنفسكم وبتعرفون
ماقول الا حسبي الله عليهم
والله خسروني فوق 170 الف ريال
غيري يخلص وانا لا لازم تتعرف على موضف
ولا فلوس تحت الطاوله وتمشي امورك
يارب الدوله تشوف لها حل صااااارم معاهم
ويوظفون قطرين احسن

[الغشيم]

الاخ بو عبد ا لعزيز انا مثلك حطيت امر شراء 12000 الف سهم على اللمت داون وكان بسعر 6/94 لكن يوم فتح السوق متنفذ والسبب لان فيه ناس حطوا سعر اعلى مني وشروا لهم الكميه كلها وانت كنت مثلي حاط على اقل سعر علشان كذا مااتنفذ ...


#####################

اخوي الغشيم ((من كان يؤمن بالله واليوم الاخر فاليقل خير او ليصمت))صدق رسول الله

[ابوسعود]

ابوعبدالعزيز صحيح احنا كل ماصار لنا موضوع
قلنا خلاص هذا الموضوع صار لفلا وفلان يعني
عادي ولكن لو كل واحد صارت له سالفه اشتكى
عليهم يطلب المسوول او المدير الموجود وانا
متاكد بيكون فيه تجاوب وعلى الاقل بالتيلفون
اتوقع تعدل حالنا
وحسب الموظف الف حساب
حق اي طلب عنده وانا مااقول انك تشك في
الموظف ولكن ابحث عن السبب فقط


..........

[Banana]

اهم شىء الامر ومختوم الساعه كم وبعدين اذا ماتنفذ على طول لمدير شركات التداول الحق حق لو لا :court:

[الغشيم]

اخوي بو علي اليافعي الله يرضا عليك الحين اللي يشوف الخطوط اللي حاطها علي باقي كلامي بيقول اكيد الغشيم قايل شي مهوب زين والله جد احرجتني وانا اشوف اللكلام مافيه اي شي يجرح حد غير انتقاد لسهم شركه فقط الا اذا انت تحب هالشركه هذا كلام ثاني ....................... تقبل تحياتي

[المسكين]

اخوي مالك الا الصبر


وبعدين شالي حادك عليهم روح مكتب ثاني احسن لك

[أبو عبدالعزيز]

أشكركم جميعا

وأبشركم بأنه بعد وقت قصير من كتابة الموضوع
قمت بالاتصال بالشركة ووضحت لهم تقصيرهم وشديت عليهم شوي بالكلام
بعد ما وضحت إن ما لهم أي حجة لأنه من حيث الأولوية فالأمر ثابت لي وكان الواجب تنفيذه قبل غيره من الأوامر بالنظر إلى أنه صدر في وقت مبكر (8.12) وما جات الساعة (8.30) إلا وإجمالي الطلب أقل من عشرة آلاف سهم والمعروض أكثر من المطلوب أضعاف مضاعفة .... يعني ما في أي مبرر بالتالي لتنفيذ فوق 70 ألف سهم الساعة 9.00 وما يكون طلبي من بينها ... الخ
حاولوا في البداية يقولوا إن كلامي خطأ بل ومنهم من حاول يستغفلني ويقول شوف السوق الحين مرتفع وانتظر شوي .... فلما بينت إن كلامه غلط وإن التقصير منهم 100% بدليل إن طلبي الآخر في النقل ما تنفذ إلى وقت المكالمة بالرغم إنه يوجد معروض بنفس السعر .. والظاهر شاف الصفقات اللي أنا مسويها في الفترة الأخيرة وخاف يتوهق معاي ... وشوي إلا جاتني الإفادة بتنفيذ الأمر في الساعة 9.36 وشوي تجيني الإفادة بتنفيذ أمر النقل البحري لكن مكتوب فيها إن الوقت 9.00 مع إني كلمته تقريبا 9.30 وقال توه ما تنفذ !!!!


شكرا لكم جميعا
مع أطيب الأماني

[قطر]

بوعبدالعزيز

اكيد المجموعه

لان اللي صارلك صارلي وفي نفس الشركة المراد شرائها ثلاث مرات...

ولا القهر كان طلبي على اللمت اب .... ودوم ينزل السعر لين لمت داون ومايشترون لي !!!!!!!!!

طبعا الحمدلله...

بس لما تحاججهم ايقولون لك دورك ماجا بالعقل اشلون ماجاني والسعر سكر على لمت داون...

وانا طالب على لمت اب ؟؟؟

غريبه

الحمدلله سكرت حسابي من عندهم وارتحت

[أبو عبدالعزيز]

بوعبدالعزيز
اكيد المجموعه
لان اللي صارلك صارلي وفي نفس الشركة المراد شرائها ثلاث مرات...
ولا القهر كان طلبي على اللمت اب .... ودوم ينزل السعر لين لمت داون ومايشترون لي !!!!!!!!!
طبعا الحمدلله...
بس لما تحاججهم ايقولون لك دورك ماجا بالعقل اشلون ماجاني والسعر سكر على لمت داون...
وانا طالب على لمت اب ؟؟؟
غريبه
الحمدلله سكرت حسابي من عندهم وارتحت





بالفعل الموضوع مع المجموعة
وبالرغم من اني لا ازال الومهم الا انها في نظري تمتاز بالخدمة الهاتفية عن باقي الشركات
وهي ميزة كبيرة بالنسبة لي خصوصا واني عمري ما دخلت مبنى البورصة في ساعات التداول لظروف العمل .... وبالتالي فما مجال افضل من التواصل عبر الهاتف فيما يتعلق بتنفيذ اوامر البيع والشراء