عاجل / مغسلة الشعب لسيارات ارفعت سعر غسيل السيارات بمناسبة المونديال

[بو فهد]

عاجل / مغسلة الشعب لسيارات دوار الفولكس واجن خلف محلات سناء والجبري

ارفعت سعر غسيل السيارات بمناسبة المونديال

لاند كروزر.......غسيل اتوماتيك 25____ سوبر 30 سابقا 20 ـــــــ 25 .

لاندكروزر....... غسيل جيك 55 ريال ______ سابقا 50 ريال

الله يكون في عون المواطن

نوجة نداء لشيخ صاحب المغسلة يرجع السعر القديم الى بعد المونديال.

[مهل]

حسبي الله ونعم الوكيل ، ليش مايتحول النداء الموجه لصاحب المغسله الى بلاغ مثبت بالفاتوره الى حمايه المستهلك

[Roooo7 Qtr]

55 احسن من مغسله وقود 60

[khaldoon]

حسبي الله ونعم الوكيل ، ليش مايتحول النداء الموجه لصاحب المغسله الى بلاغ مثبت بالفاتوره الى حمايه المستهلك

خمس ريالات او 10ريالات مب سبب لتدخل حماية المستهلك اخوي

[مالي ومال الناس]

اتركوه وغسلوا سياراتكم في محطات وقود غسيل جيك 45 والعادي 25 , وغسيلهم جيد

وقفت على هالمغسله يعني ؟

[Alpinestars]

ياجماعه انتو دوم تلومون اصحاب المشاريع برتفاع الاسعار
و السبب الرئيسي في ارتفاع لاسعار هو صاحب العقار اكيد ان رفع الايجار على صاحب المغسله
والرجال عشان يقطي التكاليف زاد شوي في سعر المغسله

لواحنا مكانه بنسوي نفسه


الله يوفق الجميع ..

[فقط قطر]

تحمدوا ربكم....اذا جات على خمس ريالات....


الله يعين على بعدين....

[فارس قطر]

ليش تروح مغسلة الشعب

روح مغسلة العزيزية 35 ريال غسيل جك

او اذا كنت مستعجل روح تحت كارفور ستي سنتر بعشرة ريال

وعندك مغسلة الصقر الي في محطة الصقر 15 ريال

وعندك محطة الخوري والي مقابلها محطة المانع 15 ريال

[اكاديمي]

الي يرفع السعر خله وروح لغيره محد بجابرك ومرده بيرجع السعر مثل ما كان

[qatr_vip]

لا حول ولا قوة الا بالله
بس المغاسل
الايام جايه والله يرحمنه

[يا هلا]

يا اخوان خلوا عنكم الإشاعات
المغسلة هذي أسعارها من بعد التجديدات الأخيرة
سوا مكاين جديدة وهذا السعر من حوالي أكثر من شهرين

[حمد بن سعد]

بداية الغيث

[فارس قطر]

يا اخوان خلوا عنكم الإشاعات
المغسلة هذي أسعارها من بعد التجديدات الأخيرة
سوا مكاين جديدة وهذا السعر من حوالي أكثر من شهرين

اكيد لك مصلحة

انا كلمتهم اليوم العصر بالتلفون قال
الاخ المصري الموجود
نعم رفعنا الاسعار
بناء على اوامر مدير المحطة

[متسلف وفي الاخير]

بلللللللللللللللللللللللللللللللللللللللللللل بعدكم ماشفتو شي صبرووو التجار يبونها من الله

[بعيد النظر]

بديييييييييييييييييييييييييييييينا !!

[MR.STOP]

ههههههههههههههههههههههه

ضريبة المجد ياشعبنا العزيز

[راعي ارقام]

هذا هو الجشع ... نفوس ضعيفه وحبها للمال

[abdulla999]

خمس ريالات او 10ريالات مب سبب لتدخل حماية المستهلك اخوي

الظاهر انت هامور ماشاء الله عليك

[شاعر القبيله]

خمس ريالات او 10ريالات مب سبب لتدخل حماية المستهلك اخوي

اخوي الموضوع مب 5 او 10 ريال ، انت احسب هال5 ريال او 10 ريال كم نسبتها من الميه في الزياده

[khalid 88]

نداء لحماية المستهلك

قال 5 ريال مش سبب

اذا ريالين كان سبب

نداء وفكوا اعماركم

حنا هل قطر مرات نسكت ونخلي البعض يتماادى وهذا غلط

[tawareq]

عاد هالمغسلة اللي قضى عليها الدهر وشرب

ويييييييييين زمان

[بوخالد911]

بل

تووونا ببداية الحمد


وبنشووف وش بعد بيرتفع سعره

؟!؟!

[sporty]

للحين ماشفتو شي

[La Bella]

:con2:انا أتوقع الاسعار هذي على السيارات الي عليها رش المسيره

[R 7 A L]

روح لارخص منها

[بو فهد]

اليوم حصلت مغسلة السوق المركزي

غسيل لاندكروزر 40ريال

شوفو الفرق بيم المغسلتين

مغسلة الشعب 55 ريال
مغسلة السوق المركزي 40

ابي اعرف حماية المستهلك وينهم ؟؟؟؟؟؟

[Alpinestars]

انتوا المشكله دايما تحكمون بالضاهر وماتدرون عن الباطن

ياخي الفرق الايجار اكيد هذا الشي مايبيله تفكير

في محلات ايجار الباب الواحد با 5000 الاف
وفي محلات ايجار الباب الواحد 25000 الف

في فرق بينهم والا لا ؟؟ هذا هو الفرق بين المغااسل

انا مالي مصلحه في المغسله ولا اعرف صاحبها بس انا انسان حقاني واحب اتكلم بالواقع
واعتقد اي شخص يفتح مشروع اكيد ان يدور من وراه الربح مب فاتح عشان يخدم الناس بالخساره

تحياتي .

[بوخالد911]

عيل

هل بينزلوون السعر عقب 2022؟

؟!؟!؟!؟!؟!