ممكن مساعده يا أهل الخبره ؟!

[A 7 M A D]

السلام عليكم ورحمة الله وبركاته

اخباركم ياجماعه

انا بصراحه عندي موضوع محيرني من فتره وحاولت اني اتخذ خطوه لكن كله اتردد واتراجع

الله يسلمكم انا طالب جامعي ولله الحمد قدرت اجمع مبلغ جيد .. صحيح انه صغير .. لكن ينفع ان شاء الله

الله يسلمكم انا ابغي استثمر هالمبلغ واضاعفه وازيده باحسن الطرق واضمنها

جربت وسألت وايد

في ناس قالو لي اشتر بضاعه من برا وبيع .. وفي ناس قالو لي اشتر ارقام مواتر وتلفونات وبيع .. وكذا فكره انطرحت علي من قبل ربعي والاهل

لكن مثل ماقلت لكم انا طالب واحس اني مابتفرغ ابدا لمثل هالمواضيع .. خصوصا اني لو قدرت اضاعف هالمبلغ في هالفتره وانا طالب .. بعدها بقدر افتح لي بزنس حلو

اللحين ابي نصيحتكم يا اهل الخبره شنهي احسن طريقه اني اقدر استثمر المبلغ اللي عندي

يعطيكم العافيه .. وبانتظار افكاركم :)

[عـجايب]

امممممم يمكن تشتري أسهم

[A 7 M A D]

مشكلتي مب فاهم وايد فالاسهم

ممكن تفاصيل اكثر؟

وشكرا على الرد

[Qtr95]

خل نفترض ان المبلغ 5000

اول شي اطلب اشياء بسيطة ..
اقلام , ازرة اطقم كوبي ون ييبهم من برع
وارفع سعرهم 20% عن السعر الحقيقي يعني بيكون ربحك 20%
عقب لما تبيع كل بضاعتك ..
اخذ ال20% لك وال80% اشتر فيهم بضاعة جديدة
لين ما تكون راس مال عدل ..

[BURBERRY]

احسن شي صدقة شهرية :)

و الله يوفقك

[A 7 M A D]

يعطيكم العافيه جميعا

اخوي مايستور عندك خبره في هالسوالف؟

يعني من وين اقدر اجيب هالاشياء؟

وهل هالتجاره مربحه ومضمونه؟

[A 7 M A D]

صباح الخير

يعطيكم العافيه وناطرين باقي الاقتراحات

[toghma]

اخوي الطالب الجامعي ـ ـ ـ المستثمر المستقبلي :)
ممكن اعرف كم المبلغ علشان تكون نصيحتي في محلها ؟ انتظر ردك

[A 7 M A D]

^^

شكرا لك يالغالي

ارسلت لك رساله شوفها ولاتهون

[toghma]

هلا يالشيخ

بالنسبة لذي المبلغ فأنصحك اولا انك تبتعد عن الأسهم بشكل نهائي

ممكن مثل ما تفضلوا الشباب انك تشتري أغراض من بره ( الامارات ، تايلاند ) وانك تبيع في المنتدى
راح تحتاج لراس مال بسيط 15-20 ألف .
لكن تأكد ان بعض الاغراض راح ( تطيح في جبدك ) وهذا مب مهم ، لان التجارة هذه طبيعتها.
والفائدة راح تعوضك عن الخسارة .
ما تلاحظ أكثر المحلات تبيع أغراضها بسعر الشراء أو حتى أقل ، حتى علشان تغير الموديلات إلي عندها وتفتك من القديم .

وممكن بعد تدخل في تجارة السيارات ، تبدأ بسيارات الصالون اليابانية ( 4 سلندر )
وتوقع بعد انك راح تفحص اكثر من سيارة بدون ما تشتريهم ، يعني بتخسر فلوس الفحص لكن بالنهاية تعوضهم من البيعة .

لكن اذا تبغي شئ مضمون 100%
روح اكفل لك يتيم بـ 150 ريال شهريا ـ ـ ـ ـ وراح تضمن الربح في الدنيا والآخرة
صدقني صدقني يالشيخ ـ راح يتضاعف هالمبلغ بشكل عجيب غريب خلال فترة وانت بنفسك ما راح تصدق .

وعسى الله يوفقك واشوفك يوم من الأيام ( هاموووووووور ) .

[A 7 M A D]

يعطيك العافيه الغالي ماقصرت والله

جزاك الله خير و الله يوفقنا وياك فالدنيا والاخره

بس عندي سؤال

مثل هالبضاعات من وين اقدر اجيبها؟

من النت ولا لازم اروح للبلدان اللي ذكرتها؟

[toghma]

لا ـ بالنت ما ينفع كلشششش
لازم تروح تشتريها بنفسك
بالامارات بتحصل في سوق الذهب القديم ـ اكشخ بغترة حمرة وعقال بكركوش علشان يتأكدون انك ( مش اماراتي ) وراح يتحذفون عليك الدلاليل وبيدلونك على شقق قريبة من السوق تروح وياهم مشي ( 1-3 دقايق ) وهناك بتلاقي مطلبك . لا تخاف المكان كأنه وكر للعصابات ـ بس ما عليك .
وممكن بعد في مجمع المنال إلي جنب سوق نايف ( الصندقة ) في كل دور بتحصل كباين يبيعون ساعات وعطورات بتلاقي مطلبكم عندهم .
وهالله هالله في المكاسر .

وفي تايلاند طبعا في شارع العرب تلاقي عند ( بن داوود ، حفيظ ، او بالسوق الليلي ـ night Bazar )

واترك المجال لباقي الشباب انهم يفيدونك ـ ـ ـ خاصة تجار المنتدى ـ ـ لا تبخلون على خويكم يالربع .

[A 7 M A D]

يعطيك العافيه يالغالي ماقصرت والله

بيض الله وجهك