هل ممكن افتح سجل تجاري وانا عسكري

[مرحوم قطر]

السلام عليكم

يالربع سؤال و اتمنى الرد

هل ممكن افتح سجل تجاري وانا عسكري

؟.؟

واحد يقولي اي و الثاني لا

و تحياتي للجميع

[مرحوم قطر]

انا الي اعرفه ان مايصير و اخبر مره رحت و قالولي لازم توقع على تعهد انك ما تشتغل في جهه حكوميه

هلكلام من ثلاث سنين تقريبا



و من فتره بسيطه سمعت ان يصير عادي اسمحو للعساكر

و شفت في الجرايد اعلانات حق مخلصين ان نفتح سجلات تجاريه حق العساكر

و فعلا شفت عساكر افتحوا و واحد منهم من شهرين

فهل تم السماح او للحين ؟.؟

ابي حد ياكدلي عشان اذا افتحو اروح بكره

[وهم قطر]

مرحبا اخوي السجل التجاري ماله شغل في العسكريه

الكل في العسكريه عنده شركه أو موسسه بأسمه

وتقدر تاخذ والله يوفقك

[البدع]

اسال مندوب اخوي

شوف مندوب في جريدة الوسيط واتصل عليه واساله

شخصيا انا حطيت طالب في جوازي لتحاشي هذا الموضوع

ونصيحة لوجه الله من مجرب خلك في البورصة وابتعد عن السجل التجاري

الا اذا عندك وكالة او محل بفكرة جديدة فتوكل على الله

وبالتوفيق

[مرحوم قطر]

اخوي وهم اشكرك يا الغالي

بس اغلبية ربعي الي بسم ولده ولا مرته و في منهم عندهم بس اقدام


اخوي المبدع تسلم يا الطيب

بس دورت ارقام مناديب للاسف ما حصلت لا امس ولا اليوم

و بخصوص البورصه انا انصحك تبعد عنها

و شوف لك سجل تجاري و خطط حق نفسك مشروع تكون انت الي تشتغل فيه مب تجيب لك حد يديره عنك

و شوف شلون بتربح بئذن الله بس اهم شي ديره و اشتغل فيه بنفسك و و يكون المشروع انت تعرفه

يعني لك خبره فيه مب اي شي

وبيني و بينك انا شغال اصلا من فتره بس بدون سجل او اي شي بس الحين كبر الشغل فا قلت كل شي

يكون رسمي احسن عشان ابتعد عن المشاكل

[البدع]

اخوي وهم اشكرك يا الغالي

بس اغلبية ربعي الي بسم ولده ولا مرته و في منهم عندهم بس اقدام


اخوي المبدع تسلم يا الطيب

بس دورت ارقام مناديب للاسف ما حصلت لا امس ولا اليوم

و بخصوص البورصه انا انصحك تبعد عنها

و شوف لك سجل تجاري و خطط حق نفسك مشروع تكون انت الي تشتغل فيه مب تجيب لك حد يديره عنك

و شوف شلون بتربح بئذن الله بس اهم شي ديره و اشتغل فيه بنفسك و و يكون المشروع انت تعرفه

يعني لك خبره فيه مب اي شي

وبيني و بينك انا شغال اصلا من فتره بس بدون سجل او اي شي بس الحين كبر الشغل فا قلت كل شي

يكون رسمي احسن عشان ابتعد عن المشاكل


احترم ودهة نظرك اخوي

شخصيا اشتغلت في السجل التجاري

جاني صداع راس مزمن ومشاكل متعددة ومنافسة قوية جدا

الي يبيع برخيص بيتم رخيص

لاحظ 90% من ايل افتحوا تجارة انتهت اخر 10 سنوات

محد بقى الا الوكالات

وارباح السجل ولاشيء مقارنة بالاستثمار كنت اربح الف والفين

بينما الاستثمار اقل شيء 5% من راس المال كل شهر مثل السلام عليكم

وبالتوفيق اخوي

ونصيحة تبرع ب 1% من الراباح

[qatarlands]

يصير اخوي العزيز
تفتح سجل تجاري

ناس كبار وعساكر وعندهم شركات كبيره في البلد

[qatari1]

لا يجوز لموظف الدولة عسكري أو مدني أن يكون لديه مؤسسة!

والبديل إما شركة الشخص الواحد، أو شركة ذات مسؤولية محدودة.

والسالفة يبيلها 200 ألف ريال كرأس مال مودع في أحد البنوك، وخلاص!

أو تفتح مؤسسة باسم زوجتك-إذا كانت غير موظفة بالحكوم- أو أولادك.

[زمان]

شركة الشخص الواحد

[jassimqtr]

الوالد عسكري وفاتح شركات ووقع على التعهد مالهم
بالاساس التعهد هذا ماله لزمه لان اغلب الشركات والموسسات والمحلات ملك لاشخاص عساكر وانا اقولك اخوي توكل على الله وروح افتح سجل ولا تصدق كلام المندوبين انهم بيخلصونك بدون تعهد لانهم بيوقعون بدالك عشان المعامله تمشي وياخذون منك 1000 او 2000 على الفاضي

[ام ناصر1]

الافضل شركة الشخص الواحد أو شركة ذات مسؤولية محدودة
أو خل السجل باسم أحد افراد اسرتك من غير العاملين بالحكومه وكن أنت موكلا عنه بالتصرف ...وهاي اللي الغالبية
اتسويه ...والله اعلم

وهاي هي احكام شركة الشخص الواحد من موقع محامو قطر ...

"
القانون الجديد نص علي معظم تلك الأحكام والمبادئ إذ جاء نص المادة السادسة منه علي ان يضاف لقانون الشركات المشار إليه باب بعنوان الباب التاسع مكرراً (شركة الشخص الواحد) يتضمن الأحكام التالية: يقصد بشركة الشخص الواحد في تطبيق القانون كل نشاط اقتصادي يمتلك رأس ماله بالكامل شخص واحد طبيعي أو معنوي، ويجب ان يكون لشركة الشخص الواحد نظام يحدد أحكامها وبياناتها وإجراءات قيدها وشهرها، ويصدر بقرار من الوزير، ولا تكتسب الشركة الشخصية المعنوية إلا بعد شهرها، ويكون للشركة اسم تجاري خاص ويجوز أن يكون اسمها مشتقاً من غرض إنشائها ويجب أن يقترن اسم الشركة باسم مالك رأس مالها، وان تتبعه عبارة شركة الشخص الواحد (ش.ش.،و) ويجب ان تتخذ الشركة مركزها الرئيسي في قطر وان تزاول نشاطها الرئيسي فيها، ولا يسأل مالك رأس مال الشركة عن التزاماتها إلا بمقدار رأس المال المخصص للشركة، ويجب ان لا يقل رأس مال الشركة عن مائتي ألف ريال، ويكون مدفوعاً بالكامل، وإذا قام صاحب رأس مال الشركة بسوء نية بتصفيتها أو بوقف نشاطها قبل انتهاء مدتها أو قبل تحقيق الغرض من إنشائها كان مسؤولاً عن التزاماتها في أمواله الخاصة.
ويكون صاحب الشركة مسؤولاً في أمواله الخاصة إذا لم يفصل بين مصلحته الشخصية ومصلحة الشركة. وفيما عدا هذه الأحكام تسري في شأن شركة الشخص الواحد الأحكام الخاصة بالشركة ذات المسؤولية المحدودة فيما لا يتعارض مع طبيعتها."

[محسن العجي]

قبل مايصير

الحين يصير

ووتقدر تكلم اي مندوب وتستفسر منه

والله يوفقك ياخوي