نصيحتكم في شراء بيت مرهون

[بو دحوم]

السلام عليكم ورحمة الله
أخواني بغيت نصيحتكم في شراء بيت مرهون للدولة وكيف أضمن ان البيت بعد كذا سنة يكون بسمي علماً اني بشتري البيت وبسكن فيه وبعد ما يتحرر بيحول صاحب الارض البيت بسمي

هل مرت عليكم نفس المسألة؟ وهل يجوز شرعاً شراء البيت المرهون لفقدان البائع الملكية؟!

ارجوا النصيحة وتوضيح الطرق لضمان البيع والشراء بطريقة سليمة

[poor]

صباح الخير اخوي بو دحوم


انصحك لا تشتري اي شي تفتقد ملكيتة علشان ماتورط نفسك في شي انت غني منه وفيه ناس تورطو بنفس الموضوع وانصحك مرة ثانية لا تشتري البيت وتروح افلوسك عليك .


اما بخصوص الحلال والحرام فأنا ليس عندي اي فكرة في هذه المسأله .

[تاجر ماركات]

لا تغامر ولا تفكر ابتعد عن الومضوع ولا تشترى سمك فى البحر والله يوفقك

[simsim1963]

تعوذ من ابليس وخل فلوسك في جيبك ولا ترميها برا .... اولا أنت ويش عرفك بأن الرجل بينقل ملكيه البيت بعد ما ياخذ فلوسك ؟ بعدين الدنيا حياه وممات وماتدري من بيورث البيت وبينقلبون عليك الورثه . أو بعد عمر طويل ورثتك بيتخالفون على الورث وصاحب البيت بيقول مالي شغل فيكم . فرجاء نصيحه قول لصاحب البيت بعطيك الفلوس بعد نقل الملكيه بس أحين بنكتب ورقه تنازل وآخذ البيت وبسكن فيه وبعطيك فلوسك بعد نقل الملكيه غير هالكلام اقولك لك لا تضيع دراهمك . وتجنب مشاكل انت في غنى عنها

[بو دحوم]

جزاكم الله خير والله يبيض وجيهكم

[ن.سهيل]

بالتوفيق

استشير ( مكتب محاماه )

[a7med0_0]

انا انصحك لا تفكر تشتري حتى لو السعر رخيص
الا لو كان البيت باسم حد من اخوانك او اهلك وتثق فيهم

[Goolgestudnt]

حسب علمني انها مغامرة وساعات ما اجي معاك خاصة ان البيت بتم٢٥او ٣٠ سنه مرهون للدوله محد يضمنك شى لا محامي ولا غيره
ونصيبك ..لو اتبدل ارض بارض محد بقايلك شى لكن......