استفسار بخصوص النيسان 2010

[العساس]

السلام عليكم

بس حبيت استفسر عن الفرق بين النيسان
320 حصان
400حصان

في القياده
صوت المكينه في الخطوط الطويلة
استهلاك الوقود
العزم


وجزاكم الله خير

[البرجوازي]

400 حصان سافرت فيه ممتاز جدا على الطريق قوة عزم المكينه معطيه للسياره رفاهيه وقوه وثبات . صوت المحرك طبيعي خصوصا وانت داخل السياره اما من الخارج يكون الصوت شوي قوي اول ماتشغل السياره وايضا اذا اشتغلت المروحه . صرفية البترول على الخطوط طبيعيه اما داخل المدينه فصرفيته مثله مثل السيارات الثمانيه سلندر فلذلك الناس يفضلون 300 حصان الظاهر عشان صرفية البترول . وتقبل تحياتي

[مهل]

السلام عليكم


سالت في عظيم .. صار لي كم يوم منخشش في مخي الموضوع و خاطري اخذ لي واحد .. بقول الي عندي !

قريت في موقع سعودي شبه مختص في السيارات معلومه مفادها انك لو ماتعرف تفرق في الشكل بين النيسان الـ ٣٢٠ حصان و الـ ٤٠٠ حصان و تسوق الاثنين .. ماراح تكتشف ايهم الـ ٤٠٠ و ايهم الـ ٣٢٠ حصان هذا على ذمتهم .

بخصوص صرفيه البانزين اعرف شباب العام قنصو على في اكسارات و جي اكسارات كلها ٨ سلندر و السنه خمس اشخاص منهم خذو النيسان الجديد ٤٠٠ حصان و قنصو فيهم .. تعليقهم ان النيسان داخل الدوحه يصرف بزياده و في الرمله يصرف اكثر من الفي اكس ار .. ولكن على خط السفر الفي اكسار يصفر و النيسان يبقى فيه الربع في خزانه و هذا راجع لان جير النيسان ٧ غيارات فا المكينه تكون مرتاحه في النيسان .

عندي سؤال بخصوص كراسي النيسان يقولون فيه نوعين نوع كرسيه متصل و نوع كراسيه مفصوله .. ممكن حد يشرح لنا اي سيت يقصدون و اي النوعين افضل

[الـقـاسـي]

والله حتى انا صرت افكر اخذ لي نيسان بعد فشل التويوتا من وجهة نظري ..

ياليت اللي عنده معلومات مايبخل علينا عن استخدام النيسان بشكل عام وعيوبه ومشاكل وسعره جديد

[وحش قطر]

والله حتى انا صرت افكر اخذ لي نيسان بعد فشل التويوتا من وجهة نظري ..

ياليت اللي عنده معلومات مايبخل علينا عن استخدام النيسان بشكل عام وعيوبه ومشاكل وسعره جديد

اخوي انا عندي واحد320 حصان وارد السعوديه خذته 188 الف من الرياض في معارض نجد اللي في النسيم

الموتر ماعليه كلام وعيوبه يشرب باترول بالمقارنه مع التيوتا 6 سلندر لاني كنت استعمل السته سلندر واشوف في فرق كبير

السكان شوي خفيف على الخطوط بس مش ذاك العيب

التكايه اللي في النص كبيره وايد تسد عليك الرؤيه اذا كان وراك موتر

ومع كل اللي قلته لك بس بعد النيسان عندي احسن من التيوتا


هذا راي شخصي ولحد يصيرلي فيها بوالعريف الحين ويقعد يمدح نوع على الاخر لانه هو عنده سياره ويبي يطلع سيارته احسن من الثانيه

[البيت بيتك]

أنا عندي نيسان و400حصان واستعمال ماعليه كلام رفهيه وقوة وشكله حلو وما بخصوص الكراسي المنفصله هذا النوع يجيك في الفل ابشن بس الكراسي الخلفيه فقط المفصوله وليسه عملي مثل العادي المرغوب فيه العادي وسعرة حلو مع الموصفات

[tawareq]

للاسف عندي كروزر واسوأ عيب في وكالة تويوتا الكراج والصيانه

سوء ادارة الى ابعد الحدود

وكل ما اشيك سيارتي 5000 كم اشوف الموظفين يتغيرون ليش ما ادري

يمكن من شكاوي الناس عليهم.

واسوأهم صراحة مدير الصيانه ماعنده اسلوب مع الناس ولا عنده حلول مع مشاكل الصيانه ما ادري ليش حاطينه ( زينه ).

[غير عنهم]

عيب السياره الحجم كبير شوي

[العساس]

جزاكم الله خير على الردود الطيبة
وابي اسال عن ال320حصان
هل الجير والمكينه هي نفس الارمادا

[حسن]

انا عندي 400 حصان ممتاز ومريح ووسع من الداخل وبالنسبه للصرفيه عاديه اشوفها وكان ياريت انه يكون خزان البترول سعته كبر خزان الكروزر لانه الخزان صغير والعيب اللي اشوفه انه رنقات العشرين ماتصلح للجيب

[مضاد]

سعره في السعودية ارخص من قطر ...؟

[العساس]

سعره في السعودية ارخص من قطر ...؟

في فرق في السعر والمواصفات

[bo_moha]

انا عندي 400 حصان ممتاز ومريح ووسع من الداخل وبالنسبه للصرفيه عاديه اشوفها وكان ياريت انه يكون خزان البترول سعته كبر خزان الكروزر لانه الخزان صغير والعيب اللي اشوفه انه رنقات العشرين ماتصلح للجيب

لو تكرمت اخوي جم لتر ايشيل الخزان؟
وهل هو خزان ولا خزانين؟
اضيف راي مع اخواني الاعضاء بصراحة الموتر فخم
انا عندي كروزر والله مفكر ابيعه واخذ النيسان من فترة
ان شاء الله

[المخفي]

لو تكرمت اخوي جم لتر ايشيل الخزان؟
وهل هو خزان ولا خزانين؟
اضيف راي مع اخواني الاعضاء بصراحة الموتر فخم
انا عندي كروزر والله مفكر ابيعه واخذ النيسان من فترة
ان شاء الله
خزانين 100 + 40 لتر

[bo_moha]

خزانين 100 + 40 لتر

لاهنت

[super jet]

خزانين 100 + 40 لتر

من متى صار خزانين :sneaky: انا موتري 400 حصان 2010 جلد خزان واحد

ماسمعت عن اي نيسان خزانين

صحيح خزانه اصغر من التيوتا بس مب وايد يمكن يفرق 10 ريال بس ,, لكن صرفيته ممتازه جدا على الخطوط الطويله ,, مثال انا شيكت بترول في محطة الرمزاني كنت رايح دبي وممشاي 140 مثبت الكروس كنترول في الصيف ووصلت السوق الصيني ولين الحين كاتب لي في الشاشه باقي لي 110 كم للبترول وكنت انا ماشي 630 كم تقريبا

[المخفي]

من متى صار خزانين :sneaky: انا موتري 400 حصان 2010 جلد خزان واحد

ماسمعت عن اي نيسان خزانين

صحيح خزانه اصغر من التيوتا بس مب وايد يمكن يفرق 10 ريال بس ,, لكن صرفيته ممتازه جدا على الخطوط الطويله ,, مثال انا شيكت بترول في محطة الرمزاني كنت رايح دبي وممشاي 140 مثبت الكروس كنترول في الصيف ووصلت السوق الصيني ولين الحين كاتب لي في الشاشه باقي لي 110 كم للبترول وكنت انا ماشي 630 كم تقريبا

خزانين نفس نظام الكروزر

[super jet]

خزانين نفس نظام الكروزر

تبي الصج انا مب فاهم اللي انت تقصده بالضبط بس اللي انا اعرفه انه خزان واحد بس ,, وعداد البترول واحد وفتحة البترول وحده

[sout qatar]

السلام عليكم


سالت في عظيم .. صار لي كم يوم منخشش في مخي الموضوع و خاطري اخذ لي واحد .. بقول الي عندي !

قريت في موقع سعودي شبه مختص في السيارات معلومه مفادها انك لو ماتعرف تفرق في الشكل بين النيسان الـ ٣٢٠ حصان و الـ ٤٠٠ حصان و تسوق الاثنين .. ماراح تكتشف ايهم الـ ٤٠٠ و ايهم الـ ٣٢٠ حصان هذا على ذمتهم .

بخصوص صرفيه البانزين اعرف شباب العام قنصو على في اكسارات و جي اكسارات كلها ٨ سلندر و السنه خمس اشخاص منهم خذو النيسان الجديد ٤٠٠ حصان و قنصو فيهم .. تعليقهم ان النيسان داخل الدوحه يصرف بزياده و في الرمله يصرف اكثر من الفي اكس ار .. ولكن على خط السفر الفي اكسار يصفر و النيسان يبقى فيه الربع في خزانه و هذا راجع لان جير النيسان ٧ غيارات فا المكينه تكون مرتاحه في النيسان .

عندي سؤال بخصوص كراسي النيسان يقولون فيه نوعين نوع كرسيه متصل و نوع كراسيه مفصوله .. ممكن حد يشرح لنا اي سيت يقصدون و اي النوعين افضل

اخوي ال vip يجيك الكراسي الي ورا السايق مفصوله بينهم تكايه كبيره ثابته يعني بس ثنين يركبون ورا ومانصحك فيه حتى فالوكاله جابو ثنين اول مانزل الجديد واحد انباع والثاني لحد الحين محد خذاه فعاد خلك عالمفصول احسن

[Busin Lover]

مووفقين

^_^

[DNA]

مشكورين يا اخوان

[ضاحي]

اقولون ان طلع عيب في مروحه النيسان اطلع صوت والشركه جابت مراوح جديده من اليابان
اللي عنده نيسان وطلع صوت في المروحه اروح الوكاله ابدلونه له على الضمان لان

واحد من الربع وده سيارته اليوم لكن قالوله ماعنده سياره نعطيك ايها لين ماتجهز سيارتك

فالرجال بينتظر لين تتوفر عندهم السياره بدخل موتره الكراج لتغيير المروحه.

[محمد الجفيري]

ان شالله ساعدوك اخوي

بالتوفيق . .

[مهل]

السلام عليكم


ياجماعه خذت النيسان لله الحمد
و اثنين من ربعي خذو معاي

الي يبي يسئل عن اي شي بجاوبه في جميع الانواع و المواصفات

[خريج اعلام]

ياشباب عيوب النيسان كثيرة جدا

منها

1 مريح جدا
2 فخم جدا
3 رفاهيه
4 قوة
5 شكله من الخارج والداخل جميل

واكبر عيب فيه

انه افضل من الفي اكس ار 2011 واللكزس بعد

[مهل]

ياشباب عيوب النيسان كثيرة جدا

منها

1 مريح جدا
2 فخم جدا
3 رفاهيه
4 قوة
5 شكله من الخارج والداخل جميل

واكبر عيب فيه

انه افضل من الفي اكس ار 2011 واللكزس بعد

النيسان زين بس لاتهظم حق التيوتا .. سيارات عريقه من وعينا على الدنيا و احنا نشوفها :)

[Me My Only]

من عقب ما اتجرب النيسان الجديد ماظن ان بيغريك موتر او بيكون في مجال ولو اتفكر غير الانفينيتي الجديد(نفس الموديل لكن رفاهيه اكثر)