الى المسؤولين .. ارجو ان لا تحرمونا من فرحتتنا يوم 18 ديسمبر كما حرمتمونا يوم الاعلان

[القطرية1]

متى كان رفع العلم مخالفة يخالف عليها القانون
لماذا تحرمونا من فرحتنا
وتذبحون الوطنية في اعيالنا
يوم السبت .. جالي شرطي وانا في السيارة في الاند الساعة 4 العصر ليقول لي ولاطفالي : نزلوا العلم وشيلوه من السيارة قبل ما اتحصلون على مخالفة .. المسيرة كانت امس مو اليوم .
رغم انه كان علم صغير من اللي ينحط على نافذة السيارة .
بالفعل تاثر ابني كثيييرا .. وقال خلاص ما ابي اروح المسيرة ..

نعم هناك سلبيات في المسيرات من بينها التحرشات بالنساء
وهنا ياتي دور الشرطة ونتمنى منهم حسن الانتشار ومنع مثل هذه التحرشات اللي احصلت العام الماضي .

شوقو الكويت وكم راح تستمر الافراح والمسيرات .. لفوزهم بكاس الخليج
اما نحن ومع هذا الانجاز الكبير فقط المسيرة يوم واحد وان كثرت يومين .

متى كان رفع العلم مخالفة يا ادارة المرور ؟؟؟؟؟؟؟؟؟؟؟

[الطيبة كلها]

يا ريت خالفوا الشباب اللي جالسين على اطراف نوافذ السيارات واللي واقفين فوق السيارات واللي يعطلون الشارع بكبره علشان ينزلون ويترقصون هني الخطوره مب مخالفه برفع العلم وياريت باليوم الوطني ما يسوون مثل العام سكروا الكورنيش هالشرطه على الشباب وعند الالعاب الناريه محد فرح واستانس الا الاجانب اللي يتمشون على رجولهم وشبابنا مقهوريين سدوا عليهم الشرطه الطرق وصرفوهم بعيد ما شافوا شئ ليش الفرحه مب للقطريين وياريت يحطون اكشاك لبيع الماء والاكل الشباب بالمسيره لعده ساعات او جهزوا لهم الخدمات او وزعوا عليهم الماي والاكل كهديه لشباب الوطن هم اللي مسوين الفرحه بمسيرتهم الحلوه لدرجه يعدلون السيارات ويشترون الاعلام بفلوسهم بدل ماتتوزع عليهم ببلاش وعجبيomen

[سـ ع ـود]

طحتي على العوق

خلوني ساكت لا انفجر :(

[R 7 A L]

نتمى من إدارة المرور تثقيف رجال المرور بالنسبة للمخالفات وكيفية التعامل مع الجمهور في المسيرات الوطنية

[نورالهدى]

هاه
العلم مخالفه

ليش إن شاء الله

[بصمة قطرية]

اعتقد لأنهم صرحوا ان الاحتفال يوم الاعلان واليوم اللي بعده بس ..
على هالاساس من حقهم يمنعون هالاشياء ولا بتظل المسيرة والاعلام كل يوم ..!!

[البرجوازي]

الجو حلو والاحتفالات والمسيره بالسيارات مالها داعي صف سيارتك وتمشى واحتفل واستانس ابرك من الي طالع من الدريشه حتى الاطفال فيها خطوره عليهم . هذي مشكلتنا كسالى حتى في الاحتفالات الي طالعه من القلب نحب الترزز

[jeep-srt8]

احسن شي اسويه اني اروح من بيتنا للكرنيش مشي

[مهل]

ما اداني شي اسمه مسيره

حتى مسيره الاعراس ما ادانيها

[كاشف الغطاء]

المسيرة اصلا مالها داعي احنا شعب يحب المسيرات

[رُفق المجنّا]

كما أننا نطالب المرور بأمور , نطلب من الشباب الالتزام بالاداب والأخلاق أثناء الإحتفال

وجعل هذه الأفراح دائمة

[فارس قطر]

المسيرات والافراح يحتفى بها في كل مدن العالم بالمناسبات السعيدة

الا عندنا المرور مازال متخلف في تنظيم الاحتفلات بسبب

الثقافة التي يتمتع بها رجال المرور في التعامل مع الجمهور

لان اكثر التصرفات فردية ومزاجية لشرطي

فهوا معذور لان لايوجد قوانين خاصة بالاحتفلات

يطبقها الشرطي ويعلم بها الجمهور.

السؤال لاادارة المرور ...الى متى..... يطبق المرور القوانين على الجميع

ودليل الشاحنات تجوب شوارع ليللا ونهار الدوحة

وتجاوزات على اليمين وتكاسي الاجرة الخاصة التي انشائها الاسيويين

بدون حسيب ولارقيب .

[لمعة الالماس]

احنا بعد تونا علقنا علمنا وجانا الضابط وقال لنا شيلوه

علم واحد بس اللي علقناه ههههه


وصح كلامكم المفروض ييوزعون علينا اعلام وهالسوالف

والله وايد ناس من متى تشتري اغراض وهذا دليل لحبنا للبلد وفرحتنا

وبصراحه كانت الاعلام واللون العنابي فرحي يعني واحنا بالسيارة نفرح لما نشوف الناس معلقه اعلامها

والاطفال لابسين هالاكسسوارات الحلوة

والمخالفات المفروض على اللي يركبون اصوات تخرع

واللي يغبرون بالشارع وسط المسيرة ويضرون غيرهم

والمخالفات على اللي يوصخون الشارع بالرش والا برمي القاذورات

المخالفات للي مغطي رقم سيارته

مخالفات للي يتعرضون للاجانب من الجنسيات المختلفة



اما اللي ماشي بالسليم وما يضر حد ليش تخالفونهم !!!

[الحبتور]

الله يادنيا ..

شوفوا من اهل المسيرات الحين ..

[abdo222]

يمكن الشرطي يومها كان معصب ولا تعبان من شيء ،، انا للحين حاط العلم الكبير "ورى" يعني مغطي على الشباك الي ورى ومحد تكلم ،، و في المسيره كان في اكثر من شرطي يتمشى بين المواتر،،

كانت في سياره قدامنا شباب طالعين فوق السياره ومنهم منسدح فوق دبه السياره ،، جان الدوريه تاخذ الليسن حقهم ،، هذا له حق فيها ،،

بالنسبه للحزام ،، والتلفون كان الموضوع سهالات

باختصار انا اشوف لخويا والفزعه سوو الي عليهم وزياده ،، يعطيهم العافيه

[الصريحه]

وانا اقول ليش الوطنيه تختفي بسرعه بعد الحدث
الاعلام والصور من السيارات والمنازل وحتى المدارس
ههههههههههه
حدث العاقل بما يعقل

[انتر ميلان]

ياليت وطنية البنات والأمهات تكون في البيت وبين أهل البيت ..

للأسف (( البعض )) صار يبيع الدين من أجل الدنيا !!

[بوخالد911]

نبي توضيح من المرور

[simsim1963]

الاعلام يجب ان تكون مرفوعه حتى 2022 مافيها شئ هذي روح وطنيه والاعلام الصغيرة الي على النوافذ مافيها اي ضرر على السواقه

[بشمرقي]

أتوقع انهم سوو هالحركة عشان يحفظون لليوم الوطني هيبته

لو تمت الاعلام معلقة من الخميس لين سبت اليوم الوطني ما بيكون لليوم الوطني ذاك الاستقلال

لازم الناس تتعب مرتين وتعلق مرتين عشان يحسون بطعم اليوم الوطني

[كرستال]

من متى ترتبط الوطنية بالاعلام والرقص والهرنات المستمرة والتحرش والزحمة الي مالها داعي

كأن الناس تبي جنازة تشبع فيها لطم


افروحوا وخلوا الناس تفرح وياكم ..
مو حق العيال فوق السيارة وهات البوق وهوس عالهرن ولا ترحم ولا تخلي رحمة الله تنزل

لا و بعد يطقونها لثمة .. ويخشون ارقام السيارات ويتحرشون في الي رايح والي جاي
من غير احترام ومن غير حتى تذكر ليش هالمسيرة والفرحة


والي تقول شوفوا مسيرة وفرحة اهل الكويت .. نقولها شوفي كم واحد يصيبه العمى من الي يرشونه بعيون الناس وكم هي الوساخة والقذارة الي يرمونها بالشارع بحجة الفرحة والعيد الوطني



انا مع المرور والاخوية في الي يسوونه


احترم نفسك خل غيرك يحترمك

[شيط ويط]

انا مع إدارة المرور .. الاحتفال يوم الخميس والجمعه يكفي انه الواحد يطلع الزيران اللي فيه في هاليومين .. ليش بعد يوم السبت حلاوه هي ؟؟؟؟

[SmartMan]

ما اداني شي اسمه مسيره

حتى مسيره الاعراس ما ادانيها

:thumbup1::thumbup1::thumbup1::thumbup1::thumbup1: :thumbup1::ok::ok::ok:

[البرجوازي]

بعدين تبي تحتفل ليش خاش وجهك ومتلثم مسوي شي غلط . الموضوع يبيله وعي وتثقيف

[بـــــــنت النوخـّــــذه]

كل فرحه لها وقتها وكل تزيين له وقته

بالعكس في يوم الاحتفال انالاحظت تاركين الناس على راحتهم بس بعد الاحتفال اعتقد خلاص كل شي يرد مكانه والكل يمشي مثل قبل لان صراحه حلات الاحتفالات بوقتها وللعلم اهو ماكان قصده نزلو العلم كأهانه بالعكس انا لو مكانه وبعد الاحتفال بطلب هذا الشي لسلامة الجميع ماتدرين اختي يمكن هالعلم يطير من النافذه ويضرب سياره ثانيه او يطيح بالارض ا000الخ 00فيعني خلاص اهي فرحه بيوم وبوقت محدد وتنتهي والاعلام خلوها لي يوم ثاني وحب قطر بقلوب الجميع :thumbup1:

والوقايه خير من العلاج اقصد سلامه الافراد فوق كل شيئ :looking:

[كازانوفا]

خلاص يوم وعدى على خير ولله الحمد

[Rider]

المبالغة في الشي مب حلوه وترى الوطنية مب بعلم أحطه على السيارة ولا مسيرات في الشوارع الوطنية شي داخلي في الانسان

[لوردغاليري]

المفروض مسيرة متواصله لين18ديسمبر وعمار ياقطر

[بلوتنيوم]

انا مع إدارة المرور .. الاحتفال يوم الخميس والجمعه يكفي انه الواحد يطلع الزيران اللي فيه في هاليومين .. ليش بعد يوم السبت حلاوه هي ؟؟؟؟

وانا اقول وش فيهم الناس يتحولون بالمسيرة:looking:

[.:: القيصر ::.]

السلام عليكم

كان مصرح الخميس والجمعه

و48 ساعه كافيه :)

:thumbup1:

ولا ليكون تبون مسيرة شبك لين 2022 :looking:

ماقصروا المرور والداخلية 48 ساعه في حالة طوارئ


ومبروك عليكم اليوم الوطني و تنظيم كأس العالم


القيصر

[خالد القطري]

المفروض المسيره يوم واحد او يومين

مب دهررر !!

اذا اسمحو للشباب بتشوفهم كل يوم في الكورنيش ومسيره واستعراض وزحمه

حب الوطن في القلب

مب بالاستعراض والرقص

[BURBERRY]

الشيخ محمد بن حمد قال اليوم نحتفل و غدا نعمل

[إينشتاين]

اعتقد لأنهم صرحوا ان الاحتفال يوم الاعلان واليوم اللي بعده بس ..
على هالاساس من حقهم يمنعون هالاشياء ولا بتظل المسيرة والاعلام كل يوم ..!!

المسيرة يمنعونها بس شالمشكلة إذا ظلت الأعلام كل يوم ؟؟؟

[abdulla999]

صرت اكره المسيرة وسبب الدوريات

[Golden_men]

أنا كنت بالبيت بعد الفرحة الكبرى و في حدود الساعة الحادية عشر اصيبت بنتي بحمى شديدة وصلت إلى 40 درجة فأخذتها مسرعا إلى عيادة الدوحة لكن أحد رجال المرور سامحه الله منعني من عبور دوار الديوان و امرني بالتوجه يسارا توسلت له حتى يتركني أمر لأني بنتي الرضيعة مريضة جدا و رآه تتألم فحن قلبه لكن زميله طلب مني التوجه يسارا و بسرعة..توجهت يسارا و مررت ببعض الشوارع ومن شدة الضغط علي و أنا أرى بنتي تتألم وجدت نفسي مجددا في نفس الدوار ومع شرطي آخر فرفض هو الآخر أن أمر و قال لي أنت مخالف و ستجد مخالفة في السيستام..أعرف أنه لم يخالفني لكن والله تأثرت جدا..يعني رضيعة من 16 شهر تتألم الله يسامحه

[احلى دنيا]

و انا اقول شفيهم الناس


محد في الشارع على سيارته علم الا احنا ... يا غافلين لكم الله

و كل من شفت سيارة بعلم اقول للصغير

هكوووووو شووووف هناك علم !!!!!!!!!

وعليه علي لا يكون خالفونا و انا مادري !!!!!!

[تاجر121]

ياليت وطنية البنات والأمهات تكون في البيت وبين أهل البيت ..

للأسف (( البعض )) صار يبيع الدين من أجل الدنيا !!

صحيح هاذي صدقت فيها يالغالي بس وين الي يسمع .......؟

[ولد قحطان]

اقول خلهم يستريحون يعني لو بلد ثاني فايز بالاستضافة بتشوف مسيرات
مب حنا الكرنيش صار حلم توصله

والربع مسكرين الدوارات ويكلمونك بخياس نفس ما تقول انه مستانسين
ياليت يبتسم وهو يكلم خلق الله

عني ما خليت شي في خاطري عيالي يبون الكرنيش ما خليت رصيف وجزيرة ما شقحتها
والسبة انهم مسكرين الشوارع

[نوفا91]

سالفه العلم معاج حق اما سالفه التحرش بالنساء وليش شادين الحيل ورايحين اي وحده تروح المسيره تدري وش يصير هناك..!!وثاني شي يكون فيه تصوير انا اقول تحشم عمرها وتقعد فبيتها احسن لها من الدواره بهالشوارع ..ومن متى صاروا الحريم يروحون المسيرات ..واذا بيروحون مع الوالد او حد من الاهل مو.......................!!

[G0LD]

نتمى من إدارة المرور تثقيف رجال المرور بالنسبة للمخالفات وكيفية التعامل مع الجمهور في المسيرات الوطنية



ياسلام اي والله صدقت

يجب على المسؤولين توعية الافراد

وبالنسبه لهذا الشرطي الي جاي فقط علم معلق على نافذة السياره شفيها يعني لو عنده وطنيه

ماجا وقال نزلوا العلم -- طالما انه علم صغير ويشوف في السياره بزران فرحانيين في هذا الانجاز الكبير

انا مع وضع الاعلام ورفعها والملصقات لكن بحدود المعقول !!

والله كريم

والى الامام ياقطر

[القطرية1]

[color="red"]سالفه العلم معاج حق اما سالفه التحرش بالنساء وليش شادين الحيل ورايحين اي وحده تروح المسيره تدري وش يصير هناك..!!color]

مو كل النساء اللي بالمسيرة قاصدين يكونون بيها
بس هذا طريقنا للبيت
والله قطنا وسط المسيرة
وشوف التحرشات .. ما جنا في الدوحة

ارجو من رجال المرور التوزيع خصوصا عند دوار الشيراتون والدفنة

شي خيال كان العام

بس بعد ابي افهم ليش الشرطي نزل العلم من السيارة والا مخالفة لرفع العلم
قواقكم الله