كيوتل: 2022 دقيقة مجانية للاتصال المحلي لعملاء "هلا" وباقات الشهري

[الوعب]

كيوتل: 2022 دقيقة مجانية للاتصال المحلي لعملاء "هلا" وباقات الشهري

الدوحة-الشرق:
أعلنت كيوتل أمس عن عرض جديد يقدم 2022 دقيقة مجانية للاتصال المحلي لعملائها في إطار الاحتفال بفوز قطر باستضافة كأس العالم 2022.
فتفهما للحماسة المتزايدة التي تشهدها قطر هذه الأيام، تقدم كيوتل لعملائها آلاف الدقائق مجاناً ليتواصلوا معا ويتبادلوا أخبار هذا الحدث العالمي الرائع بدون أي تكلفة على الإطلاق.
فالآن، يحصل عملاء "هلا" الذين يقومون بتعبئة رصيدهم بقيمة 50 ر. ق. أو أكثر، في الفترة ما بين 7 — 12 ديسمبر، على 2022 دقيقة من المكالمات المحلية لأي خط كيوتل آخر مجاناً، ليبقوا على تواصل مع أصدقائهم وذويهم في كل أنحاء قطر.
كما سيحصل عملاء باقات الشهري القيمة على 2022 دقيقة للاتصال المحلي مجاناً والتي ستضاف إلى رصيدهم تلقائيا يوم 7 ديسمبر، إضافة إلى باقتهم المعتادة من دقائق الاتصال والرسائل النصية القصيرة والرسائل متعددة الوسائط وتنزيل البيانات.
فعلى سبيل المثال، يحصل مشتركو باقة الشهري 60، التي توفر لمشتركيها 100 دقيقة اتصال كل شهر، على 2022 دقيقة اتصال محلى إضافية، بحيث يصبح رصيدهم الفعلي 2122 دقيقة، علما أن الدقائق المجانية يمكن استخدامها لإجراء المكالمات إلى أي خط كيوتل آخر فقط.. أما بالنسبة لعملاء هلا، فسيحصلون على 2022 دقيقة مجانية مباشرة بعد إعادة التعبئة، ويمكنهم التحقق من ذلك بمراجعة رصيدهم عن طريق الاتصال بـ 129#* ، وتستمر صلاحية الدقائق المجانية لمدة 7 أيام، ويستحقها العميل كاملة بمجرد إعادة تعبئة البطاقة مجددا بقيمة 50 ر. ق. أو أكثر.
ويذكر أن كيوتل قد قامت بتقديم هذا العرض الرائع للعملاء احتفالا بهذه الأيام التي تقوم فيها قطر بكتابة صفحة جديدة في تاريخ المنطقة باعتبارها أول دولة شرق أوسطية تنجح في استضافة بطولة كأس عالم في كرة القدم.. فلقد غمر الجميع إحساس بالغ بالفخر والسعادة، وزادت حماسة الجميع، خاصة مع فرص التطور الهائلة ومجالات النمو الواسعة التي تتيحها إقامة مثل هذا الحدث العالمي في قطر.

[airbus]

ههههههه وانا اقول معقوله تعطي دقايق بلاش طلعت المده اسبوع لانه مستحيل تخلصهم مب متل فودافون ٢٠١٠ دقيقه مجانيه لمدة سنه


مشكور اخوي على الخبر

[الـقـاسـي]

الحين 2022 دقيقه لمده سبع ايام فقط يله حركات كيوتل يعني عندك 33 ساعه تخلصها في اسبوع .. عموما ماقصروا يعطيهم العافيه

[abdo222]

شنو ٧ ايام !!! مين بيخلص ٢٠٠٠ دقيقه في ٧ ايام !!!! وانا اقول شيء غريب على كيوتل تعطي شيء ببلاش !!

فودافون عطو للناس ٢٠١٠ دقيقه من اول السنه وفي ناس للحين ما خلصوها !!

لا عز يا كيوتل

[khaldoon]

الصراحه عرضهم مب شي لانه لمدة اسبوع....معطينه من غير نفس ....على الاقل يخلونه لاخر الشهر

[الراقيه سبشل]

استغربت حركتهم بالبداية وقلت هاي مب كيوتل اكيدomen

بس بعدين اتاكدت لما قالو اسبوع:funny:

[مستثمر مبتدئ]

ليش ياكيوتل بس 7 ايام


لازم هالحركات ولا عمركم عملتوا عرض خليتوه دايما يعني اشفيها لو خليتوا الدقايق مفنوحة لين تخلص ،،،من صجكم 2022 بنخلصها في اسبوع فودافون عطونا 33 ساعة(2010)من اول السنة وبقى منها 22 ساعة ولحد الحين ماخلصت،،،الله يسامحكم بس

[مستثمر مبتدئ]

انزين حق الهلا اسبوع وحق الشهري كم يوم ماحددوا ولا نفس الشي اسبوع

[هدهد سليمان]

وعقب اسبوع بنطلعها عليكم اغلى من بيع السوق .. زورونا في الخيمتنا !
لنتواصل من مخابيكم الطيبه ..

صباحكم ورد :)

[بوخالد911]

حلوووو

لا هنت

[كلنا قطر]

انزين حق الهلا اسبوع وحق الشهري كم يوم ماحددوا ولا نفس الشي اسبوع


هلا أخوي

بالنسبه حق الشهري

العرض ساري لــ 6 / 1 / 2011 م

[شيط ويط]

العرض حق المغازلجية مايحتاج :)

2022 دقيقة في 7 أيام

يعني في اليوم 4.8 ساعه :p

موفقين .. وشكرا كيوتل على هالعرض ويعطيكم العافيه

[الجوكر90]

انا مستعد اخلص الدقايق فاقل من اسبوع
شكلي بفتح رقمي الهلا

بس والله مايوصلون حق فودا فون

فودا فون قالوا لو تعبي 35 او اكثر راح تحصل ضعف المبلغ وضعف الدقايق المجانيه لمده 60 يوم

اقول كيوتل احترقوا مكانكم تراكم فاشلين بمعنى الكلمه

[Nesreen]

لا والله غلبتو حالكو كتيررررر
طيب خلوها محليه ودوليه ع الاقل يكون العرض محرز وانا مستعدة اخلص القايق بيومين بس
والله حاااااالة عموما اللي منكو احسن منكو

[R 7 A L]

المفروض تكون على طول لين 2022

[Nesreen]

المفروض تكون على طول لين 2022

بدك اياهم يموتوووو ناوي ع اخرتهم

[كازانوفا]

هههههههههه
والله غير يطلعو 2022 دقيقه من عيونكم بعد شهر هههههههههههههه
هذه كيوتل مش مصنع خخخخخخ

[بوخالد911]

العرض حق المغازلجية مايحتاج :)

2022 دقيقة في 7 أيام

يعني في اليوم 4.8 ساعه :p

موفقين .. وشكرا كيوتل على هالعرض ويعطيكم العافيه

العيب من المستخدم لو أساء الاستخدام
:con2::con2::con2::con2:

[فواز..]

مثل المطعم اللي يقدم للزبون 22 دجاجة مع الرز ويطلب منه يأكلهم في 7 دقائق
:)
شكراً كيوتل على منح العملاء 2022 دقيقة مجانية ..
ونرجو إعطاءنا الوقت الكافي للاستفادة منها .. على الأقل شهرين أو ثلاثة
خاصة وأنها من كيوتل إلى كيوتل .. لو كانت إلى كيوتل وفودافون ودولية كان لكم الحق
أما أسبوع فقط فالعرض يدل على بخل كيوتل على عملاءها أكثر مما يدل على كرمها

[airbus]

وطبعا هده الحركه تجرايه اكتر

يعني لازم تشحن اقل شي ب٥٠ ريال يعني فيها دفع الحين شوف كم واحد بيروح ويشتري كرت ومتاكد مايدري بسالفه ٧ ايام

اما فودافون ببلاش يعني قمت يوم ١-١-٢٠١٠ لقيت مسج مكتوب فيه عندك ٢٠١٠ دقيقه مجانيه

[vip1982]

عودتنا كيوتل على عروضها الخفية ... بالبونت العريض 2022 دقيقة مجانية وبين السطور تخفي لك ما لاتعلمه !!!

[عزتي سمو ذاتي]

معقوله ولاشخص شكر كيوتل .. يعني تبون تهذرون ع الفاضي بس بلاش

بالعكس عرضهم حلو وماقصروا يعني حوالي 4 ساعات يومياً مجانية لمدة أسبوع شي طيب
عموماً الحين الناس ماصارت تتكلم بالجوال كثير مثل قبل بالذات بعد خدمة مسن البلاك بيري

وأنا من الناس اللي جربت كل عروض كيوتل وكل خدماتها والحمدالله ولامرة انكبت منهم ابـد
خدمة الشهري اللي الكل يذمها أنا اشتركت فيها في الشهر ماادفع اكثر من مبلغ الاشتراك اللي هو 300 ريال


بصراحـة .. كيوتل مهما سوت لكم مايعجبكم العجب .. تحبون البلاش ماتحبون تدفعون كلـش

[Nesreen]

معقوله ولاشخص شكر كيوتل .. يعني تبون تهذرون ع الفاضي بس بلاش

بالعكس عرضهم حلو وماقصروا يعني حوالي 4 ساعات يومياً مجانية لمدة أسبوع شي طيب

كيوتل مهما سوت لكم مايعجبكم العجب .. تحبون البلاش ماتحبون تدفعون كلـش

كل اللي بندفعو وبتحكي بنحب البلاش

كيوتل نهبتنا نهب

[شيط ويط]

العيب من المستخدم لو أساء الاستخدام
:con2::con2::con2::con2:



يارجال لو اني بيل غيتس والا الوليد بن طلال ما تكلمت 4 ساعات في اليوم عسى ماشر :p

[شيط ويط]

معقوله ولاشخص شكر كيوتل .. يعني تبون تهذرون ع الفاضي بس بلاش

بالعكس عرضهم حلو وماقصروا يعني حوالي 4 ساعات يومياً مجانية لمدة أسبوع شي طيب
عموماً الحين الناس ماصارت تتكلم بالجوال كثير مثل قبل بالذات بعد خدمة مسن البلاك بيري

وأنا من الناس اللي جربت كل عروض كيوتل وكل خدماتها والحمدالله ولامرة انكبت منهم ابـد
خدمة الشهري اللي الكل يذمها أنا اشتركت فيها في الشهر ماادفع اكثر من مبلغ الاشتراك اللي هو 300 ريال


بصراحـة .. كيوتل مهما سوت لكم مايعجبكم العجب .. تحبون البلاش ماتحبون تدفعون كلـش

حرام عليك ما شفت ردي .. قلت لهم بالتوفيق ويعطيهم العافيه omen

[عزتي سمو ذاتي]

كل اللي بندفعو وبتحكي بنحب البلاش

كيوتل نهبتنا نهب


أنت ماراح تدفع أكثر من استخدامك للخدمات اللي استخدمتها كل ماتكلمت أكثر زادت فواتيرك

وهالشي عن تجربة أنا ممكن ثلاث شهور ماادفع الفاتورة مايتوقف الجوال والفاتورة ماتوصل الألف

أما أني احرق الجوال وأقول كيوتل انهبتنا هذا هو الغلط .. اعتقد كل شي معروف سعر المسج وسعر الاتصال بالدقيقة معروف

ولوصارت أخطاء تكون من الموظف المسؤول مومن الشركة نفسها .. ولوالحق معاك راح تشوف كيوتل رجعت لك حقك وفوقها اعتذار

[عزتي سمو ذاتي]

حرام عليك ما شفت ردي .. قلت لهم بالتوفيق ويعطيهم العافيه omen


أنت الوحيد اللي قلت الله يعطيهم العافية

ماقصرت أخوي فيك الخير

[التايه]

2000 دقيقه في ٧ ايام !!!!

معقولة يا كيوتل

حدث العاقل بما يعقل !!!!!!!!!!!!

[Nesreen]

أنت ماراح تدفع أكثر من استخدامك للخدمات اللي استخدمتها كل ماتكلمت أكثر زادت فواتيرك

وهالشي عن تجربة أنا ممكن ثلاث شهور ماادفع الفاتورة مايتوقف الجوال والفاتورة ماتوصل الألف

أما أني احرق الجوال وأقول كيوتل انهبتنا هذا هو الغلط .. اعتقد كل شي معروف سعر المسج وسعر الاتصال بالدقيقة معروف

ولوصارت أخطاء تكون من الموظف المسؤول مومن الشركة نفسها .. ولوالحق معاك راح تشوف كيوتل رجعت لك حقك وفوقها اعتذار

حبيبتي شكلك ماشفتي شو كاتبة انا بتعليقي ع الموضوع بخصوص الباقات بحكيلك كان المفروض اكثر من 4000 لانو استخداماتي للجوال خفيفة اكتر شي طلعلي 1800

[بـن عدوان]

لازم يذلون الواحد !!!


عسى ماشر سبع ايام ؟

[Nesreen]

بصراحة انا برايي يوفرو عرضهم لنفسهم خليه يدفيهم بالشتا هلا

[عزتي سمو ذاتي]

حبيبتي شكلك ماشفتي شو كاتبة انا بتعليقي ع الموضوع بخصوص الباقات بحكيلك كان المفروض اكثر من 4000 لانو استخداماتي للجوال خفيفة اكتر شي طلعلي 1800


بالنسبة لباقة الشهري ناس كثيرة تشترك بها وتدفع اكثر وناس تدفع على قد مبلغ الاشتراك

الشخص اللي مايرسل مسجات كثيرة ومايتكلم كثير المفروض مايشترك بباقة الشهري لأنها ماراح تفيدة

والدقايق الزايدة تتحول بس للشهر اللي بعده لومااستخدمتيها تروح عليك .. أنا من مشتركين في خدمة 300 وماادفع اكثر

ولودفعت اكثر يكون الفرق 150 ريال بالكثير لمكالمات خارجية لأن الشهري تعطي دقايق مجانية للمكالمات الخارجية


أختي أنا ماني ضدك ولا مع كيوتل انا مع الحق ماأقول ان ماتصير اخطاء تصير بس يكون الغلط من الموظف المسؤول

[مروض الفكرة]

هناك شروط اشترطتها كيوتل لا يعلمها الكثيرون ،، منها :

1 - أن تتحدث وأنت واقف على رجل واحدة.

2 - أن يتكلم معك في نفس الوقت ما لا يقل عن خمسة من أقاربك.

3 - أن لا تفصل بين مكالمة وأخرى أكثر من ثانيتين.

4 - أن تكتب اسم كيوتل 2022 مرة وتوزعها في شوارع الدوحة.


والله من وراء القصد ...

[الـقـاسـي]

يارجال لو اني بيل غيتس والا الوليد بن طلال ما تكلمت 4 ساعات في اليوم عسى ماشر :p

اما عاد .. انزين انا لاعندي نفس ثروه الوليد ولا غيتس واتكلم في اليوم اقل شي اقل شي اقل شي 7 ساعات بالتلفون

[بوخالد911]

اما عاد .. انزين انا لاعندي نفس ثروه الوليد ولا غيتس واتكلم في اليوم اقل شي اقل شي اقل شي 7 ساعات بالتلفون

حدث العاقل بما لا يعقل


:con2::con2::con2::con2:

[الوحداني]

بالنسبة لباقة الشهري ناس كثيرة تشترك بها وتدفع اكثر وناس تدفع على قد مبلغ الاشتراك

الشخص اللي مايرسل مسجات كثيرة ومايتكلم كثير المفروض مايشترك بباقة الشهري لأنها ماراح تفيدة

والدقايق الزايدة تتحول بس للشهر اللي بعده لومااستخدمتيها تروح عليك .. أنا من مشتركين في خدمة 300 وماادفع اكثر

ولودفعت اكثر يكون الفرق 150 ريال بالكثير لمكالمات خارجية لأن الشهري تعطي دقايق مجانية للمكالمات الخارجية


أختي أنا ماني ضدك ولا مع كيوتل انا مع الحق ماأقول ان ماتصير اخطاء تصير بس يكون الغلط من الموظف المسؤول
من وين جايب هالكلام من راسك!!!
انا مسوي خدمة الشهري 300 من اكثر من سنه ولا شفت منهم ريال دولي مجاني
اذا انك موظف بكيوتل لاتقعد تدافع عنهم وتجيب كلام من راسك

[tawareq]

حركاااااات والله

[شموخ قطر]

انزين هالعرض لهلا والشهري

والفاتوره شلون مالهم نصيب ؟

[الوحداني]

اما عاد .. انزين انا لاعندي نفس ثروه الوليد ولا غيتس واتكلم في اليوم اقل شي اقل شي اقل شي 7 ساعات بالتلفون

بس 7 ساعات باليوم
انا اقل شي بالميت باليوم اتكلم 25 ساعه حتى اني اتسلف ساعه من اليوم الثاني

[عزتي سمو ذاتي]

من وين جايب هالكلام من راسك!!!
انا مسوي خدمة الشهري 300 من اكثر من سنه ولا شفت منهم ريال دولي مجاني
اذا انك موظف بكيوتل لاتقعد تدافع عنهم وتجيب كلام من راسك


الشيخ لاني موظف بكيوتل ولاني قاعد ادافع عنهم ولااجيب كلام من رأسي على قولتك


ادخل الرابط وشوف الجدول بنفسك اعتقد انه هو يكفي ويوفي .. وأنا ماأقول كلام إلا متأكد منه 100%

http://www.qtel.qa/ParentProdSrvcesLinks.do?idnum=9&prodtype=1

[الوحداني]

الشيخ لاني موظف بكيوتل ولاني قاعد ادافع عنهم ولااجيب كلام من رأسي على قولتك


ادخل الرابط وشوف الجدول بنفسك اعتقد انه هو يكفي ويوفي .. وأنا ماأقول كلام إلا متأكد منه 100%

http://www.qtel.qa/parentprodsrvceslinks.do?idnum=9&prodtype=1

ياخوي بلاعبط
الجدول الي مطرشه مافيه شي حتى الشهري بو 60 كاتبين دقائق دوليه مجانيه : نعم
اذا انت واثق من كلامك ماشالله عليك حددلي انا مسوي شهري 300 زين كم يحقلي دقائق مجانيه ؟
جاوبني على قد سوالي
ولا خلك بعيد من الموضوع

[مروض الفكرة]

بس 7 ساعات باليوم
انا اقل شي بالميت باليوم اتكلم 25 ساعه حتى اني اتسلف ساعه من اليوم الثاني



ليش تتسلف من اليوم الثاني؟


بسلفك أنا من يومي


شقلت؟

[بوخالد911]

الشيخ لاني موظف بكيوتل ولاني قاعد ادافع عنهم ولااجيب كلام من رأسي على قولتك


ادخل الرابط وشوف الجدول بنفسك اعتقد انه هو يكفي ويوفي .. وأنا ماأقول كلام إلا متأكد منه 100%

http://www.qtel.qa/parentprodsrvceslinks.do?idnum=9&prodtype=1



الدقائق الدولية المجانية**: ادفع فقط لأول 5 دقائق من أي مكالمة دولية وستحصل تلقائياً على الـ 5 دقائق التالية مجاناً، و سيتكرر الشيء نفسه طوال فترة المكالمة. اضغط هنا لمعرفة المزيد.



مع عرض الدقائق الدولية، يدفع العميل فقط لأول خمس دقائق من المكالمة الدولية وتحتسب الدقائق الخمس التالية مجانية، وهو ما يعني إيقاف الساعة عند الاتصال الدولي والتواصل مع الأهل والأصدقاء في أكثر من 41 دولة في الشرق الأوسط واَسيا وأوروبا وأمريكا الشمالية.

ويوفر هذا العرض قيمة واضحة تتسم بالشفافية للعملاء، فبعد أول خمس دقائق من المكالمة، تحتسب الدقائق الخمس التالية من نفس المكالمة بالمجان. وتعمل هذه الخدمة من خلال دورة مدتها 10 دقائق، حيث تحتسب بعد أول خمس دقائق، خمس دقائق مجانية، ثم تحتسب خمس دقائق مدفوعة، وتليها خمس دقائق أخرى مجانية، وهكذا.

[الوحداني]

ليش تتسلف من اليوم الثاني؟


بسلفك أنا من يومي


شقلت؟

تسلملي يالغالي فيك الخير ;)

[عزتي سمو ذاتي]

ياخوي بلاعبط
الجدول الي مطرشه مافيه شي حتى الشهري بو 60 كاتبين دقائق دوليه مجانيه : نعم
اذا انت واثق من كلامك ماشالله عليك حددلي انا مسوي شهري 300 زين كم يحقلي دقائق مجانيه ؟
جاوبني على قد سوالي
ولا خلك بعيد من الموضوع



ماكنت برد عليك والسبب أسلوبك في الحوار .. بس حبيت أوريك اني عارف كل شي
وماادخل نفسي في حوار أو نقاش إلا وأنا عارف الموضوع وفاهم وش قاعد اتكلم فيه


الشرح تحت كافي ووافي الشيخ مايحتاج اشرح لك اكثر


مع عرض الدقائق الدولية، يدفع العميل فقط لأول خمس دقائق من المكالمة الدولية وتحتسب الدقائق الخمس التالية مجانية، وهو ما يعني إيقاف الساعة عند الاتصال الدولي والتواصل مع الأهل والأصدقاء في أكثر من 41 دولة في الشرق الأوسط واَسيا وأوروبا وأمريكا الشمالية.

ويوفر هذا العرض قيمة واضحة تتسم بالشفافية للعملاء، فبعد أول خمس دقائق من المكالمة، تحتسب الدقائق الخمس التالية من نفس المكالمة بالمجان. وتعمل هذه الخدمة من خلال دورة مدتها 10 دقائق، حيث تحتسب بعد أول خمس دقائق، خمس دقائق مجانية، ثم تحتسب خمس دقائق مدفوعة، وتليها خمس دقائق أخرى مجانية، وهكذا.

[الوحداني]

الدقائق الدولية المجانية**: ادفع فقط لأول 5 دقائق من أي مكالمة دولية وستحصل تلقائياً على الـ 5 دقائق التالية مجاناً، و سيتكرر الشيء نفسه طوال فترة المكالمة. اضغط هنا لمعرفة المزيد.




تسلم الشيخ على التوضيح
وانا والله اعرف انه كان يقصد ان الدولي المجاني ادفع لاول 5 واحصل على الخمس التاليه مجانا
انا كنت ابيه هو يجاوب لانه قال مجاني
والسالفه فيها دفع لاول 5 دقايق
بس ماعلينا خله يدافع لبكره الصبح

[الوحداني]

ماكنت برد عليك والسبب أسلوبك في الحوار .. بس حبيت أوريك اني عارف كل شي
وماادخل نفسي في حوار أو نقاش إلا وأنا عارف الموضوع وفاهم وش قاعد اتكلم فيه


الشرح تحت كافي ووافي الشيخ مايحتاج اشرح لك اكثر


مع عرض الدقائق الدولية، يدفع العميل فقط لأول خمس دقائق من المكالمة الدولية وتحتسب الدقائق الخمس التالية مجانية، وهو ما يعني إيقاف الساعة عند الاتصال الدولي والتواصل مع الأهل والأصدقاء في أكثر من 41 دولة في الشرق الأوسط واَسيا وأوروبا وأمريكا الشمالية.

ويوفر هذا العرض قيمة واضحة تتسم بالشفافية للعملاء، فبعد أول خمس دقائق من المكالمة، تحتسب الدقائق الخمس التالية من نفس المكالمة بالمجان. وتعمل هذه الخدمة من خلال دورة مدتها 10 دقائق، حيث تحتسب بعد أول خمس دقائق، خمس دقائق مجانية، ثم تحتسب خمس دقائق مدفوعة، وتليها خمس دقائق أخرى مجانية، وهكذا.

كيف حالك يالمجاني :pilot:

[Nesreen]

يا الله كلو بسببي بعتدر للجميييييييييييييع ووحدووو الله يا جماعة الخير

[عزتي سمو ذاتي]

كيف حالك يالمجاني :pilot:


الشيخ أنا ماذكرت كل الدقايق مجانية .. قلت يعطون دقايق مجانية

الحين انت إذا تكلمت خمس دقايق الخمس الدقايق اللي بعدها تنحسب لك مجانية

اعتقد كلامي كان واضح ماذكرت شي ثاني وبعدين غيرته او انكرته

[عزتي سمو ذاتي]

يا الله كلو بسببي بعتدر للجميييييييييييييع ووحدووو الله يا جماعة الخير


أختي أحنا أخوان في المنتدى واعيال ديرة وحدة مابينا إلا كل خير

ولوصارت مناقشة وأخذ وعطاء هذا مومعناته مشكله أو خلاف لا طبعا
هاذي مناقشة كل واحد يحاول يقنع الثاني بكلامه .. في الأخير نبقى أخوان

[الوحداني]

الشيخ أنا ماذكرت كل الدقايق مجانية .. قلت يعطون دقايق مجانية

الحين انت إذا تكلمت خمس دقايق الخمس الدقايق اللي بعدها تنحسب لك مجانية

اعتقد كلامي كان واضح ماذكرت شي ثاني وبعدين غيرته او انكرته

كلمة مجاني في المصطلح معناتها مجاني بلاش
لاكن مجاني وادفع ؟ هذا مايسمونه مجاني
على العموم كل واحد له نظرته ورأيه الخاص
وانا بس زعلت من سالفه الدولي مجاني وانا اقعد ادفع من فلوسي على المكالمات الدوليه
واعتذر عن اي كلمه قلتها لك (السموحه يالغالي)\
تحياتي

[Nesreen]

أختي أحنا أخوان في المنتدى واعيال ديرة وحدة مابينا إلا كل خير

ولوصارت مناقشة وأخذ وعطاء هذا مومعناته مشكله أو خلاف لا طبعا
هاذي مناقشة كل واحد يحاول يقنع الثاني بكلامه .. في الأخير نبقى أخوان

بتمنى هالشي وانو ما حد يحط شي حقد او كره للشخص التاني

وربنا يوفق الجميع

[الوحداني]

يا الله كلو بسببي بعتدر للجميييييييييييييع ووحدووو الله يا جماعة الخير
:thumbup1:

ماصار الا الخير وشكرا على الاعتذار مع ان مالج علاقه بالنقاش الي صار بينا
فمان الله

[الوحداني]

بتمنى هالشي وانو ما حد يحط شي حقد او كره للشخص التاني

وربنا يوفق الجميع

احقد على اخوي المسلم عشان دقايق مجانيه
لاحول ولا قوه الا بالله
ماتوصل لهدرجه

[م. عبدالعزيز]

بخصوص 2022 ال\قيقه المجانيه ، توني مكلم 111 قالوا لي صلاحيه 50يوم والعرض بيبدا بكره

[مروض الفكرة]

يمكن يا جماعة قصدهم


اذا اشتريت بطاقة خلال خمسة أيام

[ابو محمد7]

اتمنى من كيوتل ان تكون صلاحية هالعرض شهر على الاقل والعرض جيد وايجابي بس يطولون مدة الصلاحية

انا عندي سؤال وشي غريب ومحير ! ليش اي واحد يقول اي شي ايجابي عن كيوتل لازم يكون موظف ويقولون عنه له مصلحة مع كيوتل !

وفي نفس الوقت اللي يهاجم كيوتل 24 ساعه او يدافع عن فودا محد يتهمه بشي وبريء تماما !!!

انا اشوف طبيعي كل شركة بتلاقي ناس راضيين عن خدماتها او على الاقل بعض خدماتها و بعض الناس مب راضيين

البعض يتضايق اذا شاف انسان واحد راضي عن خدمة وحده من خدمات كيوتل شي غريب !!!

[احب قطر]

السلام عليكم ورحمة الله وبركاته ، ماشاء الله عليكم غسلتوا شراع كيوتل في هالموضوع ولكن اي شي تقولونه اعتقد انه مهم ولازم ينحط في الحسبان لين نقدم اي عروض في المستقبل ، ولكن خلوني اوضح لكم ايش هالعرض ، هذا الله يسلمكم كيوتل مع الاحتفال بمرور 10 اعوام قدمنا عروض مختلفة على هلا خلال هذا الشهر منها رسائل دولية مجانية او مضاعفة الرصيد وغيرها من العروض ، وكان العرض الجاي انك لم تعبي ب 50 ريال او اكثر كان المفروض انك تحصل على 100 دقيقة مجانية ، ولكن بمناسبة الفوز باستضافة كأس العالم قلنا بنخلي 100 دقيقة 2022 دقيقة .

[Nesreen]

السلام عليكم ورحمة الله وبركاته ، ماشاء الله عليكم غسلتوا شراع كيوتل في هالموضوع ولكن اي شي تقولونه اعتقد انه مهم ولازم ينحط في الحسبان لين نقدم اي عروض في المستقبل ، ولكن خلوني اوضح لكم ايش هالعرض ، هذا الله يسلمكم كيوتل مع الاحتفال بمرور 10 اعوام قدمنا عروض مختلفة على هلا خلال هذا الشهر منها رسائل دولية مجانية او مضاعفة الرصيد وغيرها من العروض ، وكان العرض الجاي انك لم تعبي ب 50 ريال او اكثر كان المفروض انك تحصل على 100 دقيقة مجانية ، ولكن بمناسبة الفوز باستضافة كأس العالم قلنا بنخلي 100 دقيقة 2022 دقيقة .

ولمدة اسبوع اي طيب وشو كمان وبعدين يعني شو استفدنا من الاخر ممكن اعرف شو اللي تغير بالموضوع

[شيط ويط]

اما عاد .. انزين انا لاعندي نفس ثروه الوليد ولا غيتس واتكلم في اليوم اقل شي اقل شي اقل شي 7 ساعات بالتلفون

الله يعين اذنك :p

[قناص الخليج]

انا اقووول كيوتل ماتسوووي شيء وتكمله لازم تحط له مطب صناعي ^_^

[شيط ويط]

يا الله كلو بسببي بعتدر للجميييييييييييييع ووحدووو الله يا جماعة الخير

شفتي شلون ؟؟؟ omen

تقتلين القتيل وتمشين في جنازته :p

[النائب]

كيووووووتل عيب عليكم إستحوا تستغلوا فرحة الدوله وفرحة الشعب بهذا الإنجاز الرائع 2022

وتشفطوا فلوسهم كثر ما قد شفطتو حسبنا الله ونعم الوكيل عليكم .

[جوهرة قطر]

شيء احسن من لاشيء:looking:

[abdo222]

مثل المطعم اللي يقدم للزبون 22 دجاجة مع الرز ويطلب منه يأكلهم في 7 دقائق
:)


:thumbup1: :thumbup1: :thumbup1: :thumbup1:

[الألماسي]

و الله لو تقعد كيوتل تبوق من اليوم لـ بكره ابـرك من فودافون اللـي كل دقيقه يقطع عليك . .
اصلاً خط فودافون ما يصلـح " للـعقـــّـار " يخـرب سالفتـه و المتصل به يتملل و يقفـل جواله عشان ما تـدق عليه . . فـ أنصـح " العقـــّارين " من الجنسين بالـتمسك بكـيوتل لاخر " السالفه " :thumbup1:

[عزتي سمو ذاتي]

بخصوص 2022 ال\قيقه المجانيه ، توني مكلم 111 قالوا لي صلاحيه 50يوم والعرض بيبدا بكره


اتصلت انا الحين وقالت لي الموظفة :con2:

2022 دقيقة لكروت هلا وتبدأ من بكرة ولمدة أسبوع

وعملاء GSM بس المشتركين في الباقات الشهرية لهم 2022 دقيقة بعد ماتخلص
كل الدقائق المجانية اللي عندهم وتنتهي هالدقايق مع نزول الدقايق المجانية الجديدة من الباقة الأساسية

[بوناصر1]

سبحان الله
انا مستغرب من بعض الاخوان، الحين العرض مجاني يعني انت مب خسران شي 2022 دقيقه تكلم فيها لمدة اسبوع ، شلي مزعلك ،اعتبر انه ما في عرض ،بصراحه مادري ليش الناس ماتحمد ربها على النعمه
الحمد لله على كل حال،

[jeep-srt8]

متى نسمع خبركم ياكوتل النصب

[STAR]

كيوتل شهالحركة البايخة؟! ‏

مع احتراماتي لكم انتم اغبية والا عبالكم العملاء اغبية؟!!‏

يعني لنفترض انهم عطوني الدقائق المجانية طبعا ماقدر
استخدمها الا بعد ماتخلص الدقائق اللي عندي..‏!!‏

واذا اضطريت اخلص دقائقي عشان هالدقائق المجانية
بعد اسبوع راح تختفي دقائقهم الغبية

[sara jsm]

انا عن نفسي راح استخدم كل دقيقة وكل ثانية :p
حتى لو افتح خطي الثاني واتصل على نفسي ,,
المهم اخلصهم بذمة وضمير :p

[diab911]

البخل طبعهم

[La Bella]

وليش أصحاب الخط فاتورة مالهم حق في ال 2022 دقيقة ولا وش السالفة

[الواعد]

وين الأخ


احب قطر


ياليت يرد على الأستفسارات بخصوص المدة هل هي أسبوع او 50 يوم ؟؟

# كم المدة لأصحاب هلا ؟

# وكم المدة لأاصحاب الشهري ؟ ياليت توضيح اذا عندي دقائق مجانية

وماراح اخلصها الا مع صدور الفاتورة في تاريخ 24 من الشهر

فكيف استخدم الدقائق 2022 ؟؟؟؟؟؟؟؟؟؟؟؟؟؟

كيف فهمنا ياأخي بكلام واضح غير مبهم

[Nesreen]

وليش أصحاب الخط فاتورة مالهم حق في ال 2022 دقيقة ولا وش السالفة

لالالالا اظاهر الفاتورة الخط مغضوووب عليهم

هاي كيوتل حبيبتي وما ادراكي ما كيوتل

[سيمباسون]

يا جماعة الخير

اكرو ربكم

انا والله لاني بموظف بكيوتل ولا باي شركة اتصال

بس يعني مايصير نطيح بكيوتل كذا

انا اكثر واحد فيكم ضد كيوتل وبعض عروضها وبعض سياساتها

ولاكن بنفس الوقت ابي اقول كلمة حق

اولا فلنفرض ان كيوتل مانزلوا هالعرض من الاساس

هل هي بتخسر شي او هل انتوا بتتجادلون بموضوعها ؟؟

ثانيا خل نروح للواقع وللعرض

هي نزلت 2022 دقيقه مجانيه مع اي تعبيه

فلنفرض انك عبيت ب50 و استخدمت ساعتين و22 دقيقه من ال2022

بهالحاله بتم عندك ال50 ريال ماراح يقص منها شي

ياجماعه والله احمدوا ربكم على كل حال

صح ايام العرض شوي ولاكن الحمدلله انهم نزلوا عرض

وتذكروا كيوتل شلون كانت قبل لاتجي فودافون وشلون صارت من بعد فودافون

قبل ماكنا نتخيل ان كيوتل بتنزل عرض واحد بس من بعد ماصارت المنافسه بينهم وبين فودا فون

صارت عروض كيوتل جيده لحد ما والحمدلله انهم عدلوا من سياستهم شوي

والحين بعد لا تنسون فيرجن صح من تبع كيوتل بس تراها ارخص من كيوتل وفودا فون

انا عبيت من 3 اسابيع فيرجن ب200 ريال وعطوني 200 ريال مجانيه وحرقت ام التلفون مع خطوط كيوتل

ولين الحين باقي من الرصيد الفعلي اللي عبيته 194 ريال

فالمنافسه موجوده ياجماعة الخير

وفي النهايه احمدوا ربكم

عشان تزيد النعمه وتذكروا شلون كان عبدالله بن صخر الدوسي رضي الله عنه كان كل ما حمد ربه زاده من نعيمه


واسف اذا غلطت في حق حد وانا مب قاصد

بس حبيت اذكركم بحمد الله على كل حال :)

[STAR]

وين الأخ


احب قطر


ياليت يرد على الأستفسارات بخصوص المدة هل هي أسبوع او 50 يوم ؟؟

# كم المدة لأصحاب هلا ؟

# وكم المدة لأاصحاب الشهري ؟ ياليت توضيح اذا عندي دقائق مجانية

وماراح اخلصها الا مع صدور الفاتورة في تاريخ 24 من الشهر

فكيف استخدم الدقائق 2022 ؟؟؟؟؟؟؟؟؟؟؟؟؟؟

كيف فهمنا ياأخي بكلام واضح غير مبهم

اي والله ياليت اخ احب قطر يبلغهم شكاوينا وياليت لو يقترح عليهم
ان يخلون الدقائق المجانية مجانية دون وضع شرط الزمن او عالاقل يخلونها
لين ستة اشهر وبعدها تنتهي الصلاحية..
هذا اذا صج تبي تشتري رضى عملائها وتكسب ثقتهم لها...

[بنت السد]

لو يطولوون فترة العررض
مايكفي اسبوووع !

[فواز..]

أتمنى من اللي مش عاجبه العرض - مثلي
الاتصال على كيوتل ١١١
ويبلغهم ان الاسبوع غير كافي
واذا جاتهم اتصالات كثيرة ممكن يغيرون العرض ويزيدون المدة عالاقل شهر.

[إينشتاين]

وين الأخ


احب قطر


ياليت يرد على الأستفسارات بخصوص المدة هل هي أسبوع او 50 يوم ؟؟

# كم المدة لأصحاب هلا ؟

# وكم المدة لأاصحاب الشهري ؟ ياليت توضيح اذا عندي دقائق مجانية

وماراح اخلصها الا مع صدور الفاتورة في تاريخ 24 من الشهر

فكيف استخدم الدقائق 2022 ؟؟؟؟؟؟؟؟؟؟؟؟؟؟

كيف فهمنا ياأخي بكلام واضح غير مبهم

الخبر اليقين من موظف كيوتل على 111

# المدة لأصحاب هلا هي اسبوووع فقط

# المدة لأصحاب الفاتورة هي شهر كامل

ورغم اني من اصحاب الفاتورة لكن بلغت الموظفة استياء مستخدمي هلا من قصر المدة واستحالة انهاء الــ 34 ساعة في خلال اسبوع فقط وطلبت انها توصل الكلام للمسؤولين واتمنى الناس يحرقونهم اتصالات ويبلغونهم تذمرمهم من استعباط كيوتل....

[مضاد]

وين الأخ


احب قطر

ياليت يرد على الأستفسارات بخصوص المدة هل هي أسبوع او 50 يوم ؟؟

# كم المدة لأصحاب هلا ؟

# وكم المدة لأاصحاب الشهري ؟ ياليت توضيح اذا عندي دقائق مجانية

وماراح اخلصها الا مع صدور الفاتورة في تاريخ 24 من الشهر

فكيف استخدم الدقائق 2022 ؟؟؟؟؟؟؟؟؟؟؟؟؟؟

كيف فهمنا ياأخي بكلام واضح غير مبهم




احب قطر :telephone:

[باسكن روبنز]

يعني تقريباً 33 ساعه ،

ولازم نخلصها في 5 أيام! ،

اوووه بيصيدونها المغازلجيه ،:looking:

يعطيهم العافيــه ،

شعارنا بالحياه مال بو بلاش كثر منه ،


:)

[تاجر121]

كيوتل: 2022 دقيقة مجانية للاتصال المحلي لعملاء "هلا" وباقات الشهري

الدوحة-الشرق:
أعلنت كيوتل أمس عن عرض جديد يقدم 2022 دقيقة مجانية للاتصال المحلي لعملائها في إطار الاحتفال بفوز قطر باستضافة كأس العالم 2022.
فتفهما للحماسة المتزايدة التي تشهدها قطر هذه الأيام، تقدم كيوتل لعملائها آلاف الدقائق مجاناً ليتواصلوا معا ويتبادلوا أخبار هذا الحدث العالمي الرائع بدون أي تكلفة على الإطلاق.
فالآن، يحصل عملاء "هلا" الذين يقومون بتعبئة رصيدهم بقيمة 50 ر. ق. أو أكثر، في الفترة ما بين 7 — 12 ديسمبر، على 2022 دقيقة من المكالمات المحلية لأي خط كيوتل آخر مجاناً، ليبقوا على تواصل مع أصدقائهم وذويهم في كل أنحاء قطر.
كما سيحصل عملاء باقات الشهري القيمة على 2022 دقيقة للاتصال المحلي مجاناً والتي ستضاف إلى رصيدهم تلقائيا يوم 7 ديسمبر، إضافة إلى باقتهم المعتادة من دقائق الاتصال والرسائل النصية القصيرة والرسائل متعددة الوسائط وتنزيل البيانات.
فعلى سبيل المثال، يحصل مشتركو باقة الشهري 60، التي توفر لمشتركيها 100 دقيقة اتصال كل شهر، على 2022 دقيقة اتصال محلى إضافية، بحيث يصبح رصيدهم الفعلي 2122 دقيقة، علما أن الدقائق المجانية يمكن استخدامها لإجراء المكالمات إلى أي خط كيوتل آخر فقط.. أما بالنسبة لعملاء هلا، فسيحصلون على 2022 دقيقة مجانية مباشرة بعد إعادة التعبئة، ويمكنهم التحقق من ذلك بمراجعة رصيدهم عن طريق الاتصال بـ 129#* ، وتستمر صلاحية الدقائق المجانية لمدة 7 أيام، ويستحقها العميل كاملة بمجرد إعادة تعبئة البطاقة مجددا بقيمة 50 ر. ق. أو أكثر.
ويذكر أن كيوتل قد قامت بتقديم هذا العرض الرائع للعملاء احتفالا بهذه الأيام التي تقوم فيها قطر بكتابة صفحة جديدة في تاريخ المنطقة باعتبارها أول دولة شرق أوسطية تنجح في استضافة بطولة كأس عالم في كرة القدم.. فلقد غمر الجميع إحساس بالغ بالفخر والسعادة، وزادت حماسة الجميع، خاصة مع فرص التطور الهائلة ومجالات النمو الواسعة التي تتيحها إقامة مثل هذا الحدث العالمي في قطر.

تتدري الشيخ شلي عجبني بالموضوع :
بس توقيعك : "من باع دارًا أو عقارًا ولم يجعل ثمنه في نظيره(مثلها) فجدير أن لا يبارك له فيه"

تحياتي الشيخ لك ومن كل قلبي والله يجزيك خير

[تاجر121]

الخبر اليقين من موظف كيوتل على 111

# المدة لأصحاب هلا هي اسبوووع فقط

# المدة لأصحاب الفاتورة هي شهر كامل

ورغم اني من اصحاب الفاتورة لكن بلغت الموظفة استياء مستخدمي هلا من قصر المدة واستحالة انهاء الــ 34 ساعة في خلال اسبوع فقط وطلبت انها توصل الكلام للمسؤولين واتمنى الناس يحرقونهم اتصالات ويبلغونهم تذمرمهم من استعباط كيوتل....
:strong2: الله يبشرك بالخير انا من اصحاب الفاتور

[moh80]

اسبوع ماتكفي

[نوفا91]

بخصوص الدقايق اللي تتكلمون عنها انا اتكلم وينسحب من رصيدي شسالفه في طريقه ؟؟فيدونا ع الاقل نستفيد من كيوتل شوي

[sara jsm]

بخصوص الدقايق اللي تتكلمون عنها انا اتكلم وينسحب من رصيدي شسالفه في طريقه ؟؟فيدونا ع الاقل نستفيد من كيوتل شوي

عبيت من تاريخ 7-12 ؟؟
ولا من زمان ؟

[STAR]

بخصوص الدقايق المجانية..مادري انضافت والا ليحين؟!!‏