تعبنا منكم ياموظفين كيوتل من اخطائكم (!!!!!!!!!!!!!!!!!!!!!!!!!!!!!!!!!!!)

[الجوكر90]

السلام عليكم ورحمه الله وبركاته
صباح الخير
شحالكم



بخصوص ان كيوتل مايشبعون فلوس

ترى والله مب حاله معاهم

مصخوها


المهم انا بقولكم سالفتي معاهم

قبل فتره كانت عندي ارقام فواتير انا استخدم رقمين و2 من ربعي كل واحد رقم بس باسمي

المهم كل ماحولت رقم باسم رفيجي تجيني فاتوره متاخره وادفع

المهم اخر فاتوره عرفت السبب

ترى والله مب كيوتل الي ينصبون

الي يشتغلون هناك مايعرفون شي

يعني

انا كنت مشترك فباقه الشهري 300 ريال وفاتورتي تنزل تاريخ 18 الشهر

واقل مده 3 شهور بس كل شهر الفاتوره تجيني اكثر بوايد قلت يمكن عشان اتصل حق فودا فون

بس قبل لا اكمل الثلاث شهور يعني شهرين و24 يوم رحت وحولت الرقم من فاتوره لين هلا وقطعت خدمه الشهري بتاريخ 12 يعني قبل نزول الفاتوره ب6 ايام

ودفعت الفلوس وهم زياده مادري ليش

المهم قبل فتره رحت وجيكت ع رقمي الشخصي فكيوتل لان ادري ان راح يسونها فيني والا قالي عليك فاتوره متاخره قلت له ليش قالي مادري

يوم جيك قالي انت دافع نص الشهر قلت له بس فاتورتي تنزل 18 وانا دافع قبل

قالي اي صح بس الموظفه الي سوت لك المعامله حسبت عليك ان باقي لك تدفع نص المبلغ

قلت والحل قال بطرش لها ايميل وطبعا ماردت عليه

وقلت له والحل قالي اقرب مكينه وادفع

بذمتكم هاي كلام

يعني لو اشتكيت راح يحاسبون الموظفه

والقهر مب بس هالفاتوره

حتى البرود باند حاسبين فاتوره متاخره ليش لايكون اتكلم من البرود باند

والمشكله اني لا ادخل اليوتيوب ولا استخدم البرود باند الا اقل من ساعه فاليوم

ولا احمل او انزل شي بس اتصفح

هم نفس الشي حاسبين علي نص القيمه

يعني يبوني ادفع مثلا

لو كل الموظفين يناقزون مكانهم ماراح ادفع ولا ريال

والله يخلي فودا فون ع الاقل مايبوقون عيني عينك

بس ان شاء الله بشتكي عليهم اليوم فوطني الحبيب صباح الخير

وهاي نصيحه لاحد يدفع لهم الفاتوره المتاخره لان 100% غلط

والسموحه ع الطوله



.:. الجوكر90 .:.

[Nesreen]

والله صدقت كيوتل نصابين

انا كنت مشتركة بالباقة ابو 300 ريال وما كنت اتكلم كتير وكان المفروض الدقايق توصل عندي اكثر من 4000 دقيقة واكثر مرة وصلت 1800 بجد نصب وبعدين نزلتها للباقة 200 ونفس الشي دفع فواتير ع الفاضي هلا حطيتو 130 ريال وبدفع اكترر ههههههههه والله حالة

وللعلم كل مرة بيقطعوة ال بتجاوز 80 % مابعرف كيف وامتى وخليها ع الله هالنصب مارح ينتهي

[ألحـــــان]

الدليل انهم حراميه تدري شنو

دورهم في المشاريع الفاشلة، لو هم تعبانين في الفلوس ما نثروها على مشاريع غير هادفة

واللي ساعدهم في النصب،

إن احنا ما نشيك وراهم وان الناس تعودت تدفع اخر الشهر وتحط ميزانيه خاصه لكيوتل فكل يوم يزيدون شويه

[الصريحه]

الله يعينك

[bo_hamad]

انا كل شهر احط في ماكينة الدفع 1500 ريال والله المستعان

[المزمجرر]

والله ياخوي انا مثلك اشتركت في باقه الشهري 300 ريال

كل شهر ادفع 900 وفوق

مع العلم اني مااتكلم واجد ولا اطرش رسايل ولا ادخل على الانترنت بالتلفون

والحين والحمد لله فاتوترتي بالكثير 350 في الشهر

كنسل خدمة 300 وبترتاح

[بوخالد911]

مشترك بباقة بو 200 ريال

والله مرتاااح جدا

لي شهريا 700دقيقة

و100 مسج


وشكرا لكيوتل

:)

[واحد ثقة]

انا اشتركت في الشهري منذ بدايتها ولم تواجهني مشاكل تُذكر ، والفواتير الآن فيها جميع التفاصيل من مكالمات ورسائل وانترنت ، وفي الآونة الأخيرة تمت إضافة تفاصيل الدقائق المجانية المُستخدمة والفائضة إلى الفاتورة أيضاً ،،

يعني كل شي واضح بالتفصيل الممل في الفواتير وماحد يقدر ينصب عليك ،،

شوف الفاتورة وإذا حصلت أي لعب أو مبالغ إضافية قدم شكوى وستحصل على حقك ،،

[احب قطر]

السلام عليكم ورحمه الله وبركاته
صباح الخير
شحالكم



بخصوص ان كيوتل مايشبعون فلوس

ترى والله مب حاله معاهم

مصخوها


المهم انا بقولكم سالفتي معاهم

قبل فتره كانت عندي ارقام فواتير انا استخدم رقمين و2 من ربعي كل واحد رقم بس باسمي

المهم كل ماحولت رقم باسم رفيجي تجيني فاتوره متاخره وادفع

المهم اخر فاتوره عرفت السبب

ترى والله مب كيوتل الي ينصبون

الي يشتغلون هناك مايعرفون شي

يعني

انا كنت مشترك فباقه الشهري 300 ريال وفاتورتي تنزل تاريخ 18 الشهر

واقل مده 3 شهور بس كل شهر الفاتوره تجيني اكثر بوايد قلت يمكن عشان اتصل حق فودا فون

بس قبل لا اكمل الثلاث شهور يعني شهرين و24 يوم رحت وحولت الرقم من فاتوره لين هلا وقطعت خدمه الشهري بتاريخ 12 يعني قبل نزول الفاتوره ب6 ايام

ودفعت الفلوس وهم زياده مادري ليش

المهم قبل فتره رحت وجيكت ع رقمي الشخصي فكيوتل لان ادري ان راح يسونها فيني والا قالي عليك فاتوره متاخره قلت له ليش قالي مادري

يوم جيك قالي انت دافع نص الشهر قلت له بس فاتورتي تنزل 18 وانا دافع قبل

قالي اي صح بس الموظفه الي سوت لك المعامله حسبت عليك ان باقي لك تدفع نص المبلغ

قلت والحل قال بطرش لها ايميل وطبعا ماردت عليه

وقلت له والحل قالي اقرب مكينه وادفع

بذمتكم هاي كلام

يعني لو اشتكيت راح يحاسبون الموظفه

والقهر مب بس هالفاتوره

حتى البرود باند حاسبين فاتوره متاخره ليش لايكون اتكلم من البرود باند

والمشكله اني لا ادخل اليوتيوب ولا استخدم البرود باند الا اقل من ساعه فاليوم

ولا احمل او انزل شي بس اتصفح

هم نفس الشي حاسبين علي نص القيمه

يعني يبوني ادفع مثلا

لو كل الموظفين يناقزون مكانهم ماراح ادفع ولا ريال

والله يخلي فودا فون ع الاقل مايبوقون عيني عينك

بس ان شاء الله بشتكي عليهم اليوم فوطني الحبيب صباح الخير

وهاي نصيحه لاحد يدفع لهم الفاتوره المتاخره لان 100% غلط

والسموحه ع الطوله



.:. الجوكر90 .:.

الشيخ طرش لي رقمك عالخاص علشان نشوف ايش الموضوع بالضبط وان شاء الله مايصير خاطرك الا طيب.

[احب قطر]

والله صدقت كيوتل نصابين

انا كنت مشتركة بالباقة ابو 300 ريال وما كنت اتكلم كتير وكان المفروض الدقايق توصل عندي اكثر من 4000 دقيقة واكثر مرة وصلت 1800 بجد نصب وبعدين نزلتها للباقة 200 ونفس الشي دفع فواتير ع الفاضي هلا حطيتو 130 ريال وبدفع اكترر ههههههههه والله حالة

وللعلم كل مرة بيقطعوة ال بتجاوز 80 % مابعرف كيف وامتى وخليها ع الله هالنصب مارح ينتهي

اختي ، اولا كلمة نصب هاذي فيها مسائلة قانونية ولافي داعي انج تتهمين ، وبعدين بخصوص الباقات في خيارات كثيرة موجودة والشخص يختار اللي يناسبة بناءا على استخدامه الشهري ، واذا عندج اي شك في الموضوع كان ممكن تدخلين على eqtel وتشوفين تفاصيل المكالمات كاملة اللي سويتيها وظريقة حسابها ، ولو تحتاجين معلومات اضافية عن استخدامج ابعثي لي رقمج عالخاص.

[احب قطر]

الدليل انهم حراميه تدري شنو

دورهم في المشاريع الفاشلة، لو هم تعبانين في الفلوس ما نثروها على مشاريع غير هادفة

واللي ساعدهم في النصب،

إن احنا ما نشيك وراهم وان الناس تعودت تدفع اخر الشهر وتحط ميزانيه خاصه لكيوتل فكل يوم يزيدون شويه

هذا اتهام مش في محله ، واذا انت او انتي ماتشيكين فهذا غلط منك وانت تتحمل مسؤلية نفسك ، وانت تقدر تتحكم في استخدامك ولا تبذر في الاستخدام ، بالنسبة حق المشاريع ، اي مشاريع غير هادفه اللي تقصدها علشان نعرف اذا كانت هادفة او لا

[Nesreen]

اختي ، اولا كلمة نصب هاذي فيها مسائلة قانونية ولافي داعي انج تتهمين ، وبعدين بخصوص الباقات في خيارات كثيرة موجودة والشخص يختار اللي يناسبة بناءا على استخدامه الشهري ، واذا عندج اي شك في الموضوع كان ممكن تدخلين على eqtel وتشوفين تفاصيل المكالمات كاملة اللي سويتيها وظريقة حسابها ، ولو تحتاجين معلومات اضافية عن استخدامج ابعثي لي رقمج عالخاص.

انا اللي بعرفو مكالماتي مو كثيرة والدقايق المفروض كثيرة بس مثل ما قلت اكتر شي وصلني 1800 وطبعا المفروض اكثر من 4000 لاني ما بخلص دقايقي بالشعهر والمفروض انو كان في تزيد بالنقاط كل شهر مو التقليل منه

[زمان]

كيوتل شركة قطرية ممتازة

لكن صراحة ساعات يجيبون العيد

كلنا قطر

وياسلامي عليكم يافودافون بس تسنعون ارسالكم شوي

[احب قطر]

انا اللي بعرفو مكالماتي مو كثيرة والدقايق المفروض كثيرة بس مثل ما قلت اكتر شي وصلني 1800 وطبعا المفروض اكثر من 4000 لاني ما بخلص دقايقي بالشعهر والمفروض انو كان في تزيد بالنقاط كل شهر مو التقليل منه

اللي تعرفينه شي والواقع شي ، فالافضل انج تتطلعين على فواتيرج علشان تتأكدين او تتصلين 111 او ادخلي على eqtel وشوفي التفاصيل كامله

[أم غانم]

غير اللي ذكره أخوي أو أختي " أحب قطر " ..

المشكلة إن إحنا نفكر في حسبة المكالمات " الصوتية" ناسين إن فيه إشتراكات شهرية أتوماتيك تكون نازلة ..

ممكن تكون قيمة المكالمات " مثلآ : 300 ريال " و " 200 ريال إضافية رسوم خدمات (طالبها المشترك) وتشغيل خدمة "

مثل التجوال الدولي، الأجتماع، أتبعني ، الأنترنت وغيرة .. وكل خدمة بسعرها 10 ، 25 ، وغيره ..؟

أجمعها على بعض توصل 200 أو 100 أو 150 ريال ؟ وضيفها لقيمة المكالمات ..؟ كم تطلع


الموضوع مافية حرامية .. كل شي يكون واضح والمفروض " الكاستمر " قبل لايقدم طلب أي خدمة


يكون عارف كل متطلباتها وشروطها .. غير هذا مافية موظف عنده آلة حاسبة ويزيد بكيفة على شخص

دون غيرة ؟ لآ ، لآن ماله حق ولا مصلحه .. والأهم من ذلك بيكون ( محُاسب )

.. الموظف يضيف خدمة أو خاصية طلبها المشترك والحسبة تكون موجودة وتنزل أوتوماتيك

eqtel .. يعطينا تفاصيل دقيقة 100% .. ومايقصرون الأخوان والخوات في الكاستمر سيرفس أو الكول سنتر ..

تكون معاهم على الخط ويشرحون لك نقطه نقطة ..


موفقين

[الجوكر90]

السلام عليكم
ياجماعه حتى انا كنت مرتاح فالباقه
بس السوال الي يطرح نفسه ليش الفاتوره المتاخره

والحمدلله طلعت حرتي فوطني الحبيب صباح الخير
وتواصوا معاي كيوتل وبنشوف وشو الاشكال


واخوي احب قطر جيك الخاص

ولاهنتوا ع المرور

[الواعد]

مشترك بباقة بو 200 ريال

والله مرتاااح جدا

لي شهريا 700دقيقة

و100 مسج


وشكرا لكيوتل

:)

بالفعل هذي افضل باقة واللي هي الـ 200 ريال ( 700 دقيقة + 100 رسالة مسج وام ام اس )

وفاتورتي الشهرية حوالي 350 - 400 ريال فقط

[Nesreen]

بالفعل هذي افضل باقة واللي هي الـ 200 ريال ( 700 دقيقة + 100 رسالة مسج وام ام اس )

وفاتورتي الشهرية حوالي 350 - 400 ريال فقط


طيب اخي الواعد ممكن اعرف ليشى الباقي الي نازل من 150-200 زيادة