اهل الخبره..اتمنى الفائده..بيتين بأرض وحده...يقولون ممنوع !!!!!

[مختصة]

ارجو منكم مساعدتي وبكون شاكره لكم كل الشكر
والله يوفقه ويسهل له اموره الي بيساعدني
انه واخوي نبي نسكن جمب بعض..
وعنده ارض مساحتها 1220 ( ارض من الدوله ) في روضة الحمامه
ونبي نبنيها فلتين
والله يشهد ان موقصدنا الا ان احنا نكون قراب من بعض ومانبي التفرقه
ومستعدين نكتب تعهد ان ماناجر الفلا الثانيه ولاشي
شنو الخطوات الي ممكن نسويها
لان مانببي نبيني فلا كبيره ونسكن فيها كلنا
مهما كان الخصوصيه طلوبه
فمانبي نلجأ لهل حل
كل الي اتمناه انكم تساعدوني والله يوفقنا اجمعين....

[qatar1111]

هلا اخوي

قد تكلمت من قبل بنفس الموضوع

بيقولون لك ممنوع هذا اكيد مافيه كلام وبعض المناطق مثل الخيسه عادي يعطون

لاكن عليك بالكبيسي الي بالاسكان ولد محمد بن عجاج الكبيسي

هو الي عنده الموضوع واكيد بيقول لا

لاكن وانا اخوك الحقوق يبلها حلوق

هذا من الاخر كلمه ولا شوف واحد يعرفه ويكلمه ويستثنيك مثلك مثل غيرك

وانشاالله اني افتك

[ابوفاطمه2009]

انا مادري عن هذي المناطق بس الي اعرفه اهم شي رخصة البناء وحاولو انكم تاخذونها باي طريقه واهي الي تخليكم تبنون الي تبونه

[فتى الجود]

روح الله يسلمك عند الكبيسي
الوكيل لمساعد وادخل عليه بكتاب عشان يوقع لك عليه
اذا وافق كل شي بيتسهل بأذن الله

والله يوفقكم والله لايفرقكم ان شاء الله

[AL_MUTAEM]

اختي مختصه القانون ببعض المناطق يمنع بناء فيلتين بأرض واحده ..

ولكن تستطيعين عمل مخطط لبناء فيلتين متلاصقتين ولكن بسند ملكيه واحد وبعد اخذ اتمام البناء تفصلين فيما بينهما..

اي معلومه او مساعده حاضر لك

[مختصة]

مشكورين وماقصرتو..
اخوي المتيم.شلون نبني فلتين متلاصقين وهو اصلا ممنوع بناء فلتين جنب بعض؟؟
وبصراحه مانبي نخالف القانون..
نبي ناخذ ترخيص ونبني فلتين ونرتاح وبيكونون جنب بعض
يليت الي عنده مقدره يساعدني واكون شاكره كل الشكر له...

[كبير المتداولين]

اختي مثل ماقال اخوي المتيم بناء فلتين متلاصقتين بسند ملكيه واحده روحي مكتب استشارات هندسيه سوي مخطط فلتين متلاصقتين وامورك خالصه

[حمد]

اختي مثل ماقال اخوي المتيم بناء فلتين متلاصقتين بسند ملكيه واحده روحي مكتب استشارات هندسيه سوي مخطط فلتين متلاصقتين وامورك خالصه

بالنسبة لعداد الكهرباء

هل بالامكان الحصول على عدادين ؟

[مختصة]

تسلمون ماقصرتو
يلي الافاده للي يقدر يفيد
والمشكله ان يقولون فلتين متلاصقين بعد ممنوع
صج ول شلون؟

[الوعب]

انا باني فيلتين متلاصقتين باشكال مختلفه وبعدادين كهرباء في ارض حكوميه وتابعه لبلديه الريان
والحمدالله اليوم طلبت منهم اتمام البناء

[مختصة]

شلون ؟
وفي وين المنطقه؟
يقولون روضة الحمامه مايصير..
يليت تفيدني اخوي؟؟؟

[qatari 111]

اخوي الموضوع بسيط انت روح عند المهندس وقوله ابغي منك تصمم فيلا من دورين بحيث اذا قسمتها تتطله فلتين بحيت ان يبين من الداخل والخارج كأنها فيلا وحده وناس كثير سووها وشوفلك مهندس شاطر وابعد عن المهندس السوداني مع احترامي لهم

[مختصة]

اوكي بس المشكله انهم يقولون مانقدر نحط نفسنا بالمسؤووليه
ولازم الموافقه تجي
واحس ان ناخذ الموافقه من الحين
وبلا لف ودوران
نبني فله وعقب نحاور ونزاور عشان نخليها فلتين
احس مايسوى..
نبي ناخذ موافقه من البدايه ونرتاح

[ماجستك]

اختي مختصه القانون ببعض المناطق يمنع بناء فيلتين بأرض واحده ..

ولكن تستطيعين عمل مخطط لبناء فيلتين متلاصقتين ولكن بسند ملكيه واحد وبعد اخذ اتمام البناء تفصلين فيما بينهما..

اي معلومه او مساعده حاضر لك


اقول لاتوهق المره بس

هذا الكلام خطا واكبر خطا

لازم اتكون موافقه مسبقه (واسطه بعد الله)

[مختصة]

اوكي اخوي..
تعرف حد يقدر يفيدني بهالموضوع...

[خبير عقاري]

بالتوفيق اذا لكك خاطر في مكتب استشارات هندسية ترى عني مكتب محترم جدا

[مختصة]

ابعث لي اخوي التفاصيل عالخاص..

[مختصة]

شكرا على الردود
اتمنى المزيد من الافاده

[basma222]

بالتوفيق ان شاء الله

[مختصة]

وياكم ...

[ناقد]

عندي لك حل ولكــــــــــــــــــــــــن

قد يكون صعب


تزوج الثانيه ويعطونك

[بوشاهين2]

كل شي سهل .. أختي ولا عليج أمر أفرزي الأرض قصدي قسميها وهي مساحتها 1220 وإذا قسمتيها بتصير كل أرض مساحتها 610م وبعدها سووي الخرايط وأخذي الموافقه من بلدية الريان وبعدها أبني الفلتين وآخر شي خلي الحوش مشترك قصدي حوش الفلتين مفتوحين على بعض.
بس طبعاً موضوع فرز الأراضي أيطول يمكن ياخذه شهر أو شهرين.

[مختصة]

شكرا جزيلا ...

[Goolgestudnt]

كل شي سهل .. أختي ولا عليج أمر أفرزي الأرض قصدي قسميها وهي مساحتها 1220 وإذا قسمتيها بتصير كل أرض مساحتها 610م وبعدها سووي الخرايط وأخذي الموافقه من بلدية الريان وبعدها أبني الفلتين وآخر شي خلي الحوش مشترك قصدي حوش الفلتين مفتوحين على بعض.
بس طبعاً موضوع فرز الأراضي أيطول يمكن ياخذه شهر أو شهرين.

يعطيك العافيه الشيخ ان شاء الله في ميزان حسناتك

[AL_MUTAEM]

اقول لاتوهق المره بس

هذا الكلام خطا واكبر خطا

لازم اتكون موافقه مسبقه (واسطه بعد الله)

اوهق المره على شنو ماجستك ؟؟؟

اي خطأ ربي يخليك ..!

الاخت تقول ارض حكوميه يعني تنسى موضوع الفرز وهي طلبها يكون فلتين متجاورتين والقانون يمنع هذا ومافيه اللا حل تكون فلتين متلاصقتين بسند ملكيه واحد ..

اذا كلامي خطأ ممكن تقول انت الصح ..!

[الـقـاسـي]

انزين سئلتيهم اختي شوفي الجهة المختصه واسئليهم بيكون اضمن انا ماعندي فكرة نهائيا

[تاله]

الله يوفقج اختي وتلقين اللي يفيدج

[الموضوعي]

في مناطق نموذجية محددها الديوان الاميري لايجوز فيها بناء اكثر من وحدة سكنية واحدة او فرز الأرض وحسب الخرايط اللي شفتها في البلدية المناطق هي روضة قديم وام سنيم وابا الحيران وروضة الحمام ومنطقة ثانية نسيت اسمها ، لكن كل شي عندنا ممكن يصير في قطر ، واذا ماقدرت مالك إلا تبني فلة كبيرة لها مدخلين منفصلين وشوف تصاميم الفلل السعودية فنانين في الامور هذي

[مختصة]

تسلمون على الافاده

[ابو خليفه]

كلام الاخ موضوعي سليم 100% وانا حاولت قبلج ولا في فايده ممكن يوافقون اذا كان الزوج ماخذ ثنتين ممكن فلتين متلاصقتين بسند ملكيه وحده ورقم كهربا واحد .. الحل تبنين فله وتقسمينها انتي واخوج بعد اتمام البناء مثل ماقالوا لج الاخوان قبل .

[مختصة]

شكراجزيلا