البنت لولد عمها ؟؟؟؟

[المغروره]

آلسلآم عليكم ورحمة آلله وبركآته ..

صبآح / مسآء آلخيرٍ ..

كمآ هو متعآرفٌ عليه بيننآ أن هنآك عآده منتشره فيمجتمعنَآ..

على آلرغم بأنهآ تعد نآدرة في وقتنآ آلحآلي على ع حآلهآ في آلسآبق ..


/

ألآ وهي أجبآر آلفتآه بآلزوآج بأن عمهّآ ..

مآهو رأيكمِ بخصوص هذآ آلموضوع .. !؟

/

بآلنسبة لي ..

آرى آن آلموضوع لآزآل عآلق في آذهآن بعض آلقبآئل ..

كون آنّ آلبنت مآلهآ آلآ ولد عمّهآ ..

بإعتقآدهم آنه آحق فيهآ وآحفظ لهآ من آلغريب ... وآلخ

بغض آلنظر عن آخلآقه آلدينيّه وآلدنيويّه ..

آنآ بإعتقآدي آن هآلشيء فيه من آلجهل وآلظلم مآ آلله به عليم ..

بحكم آن آلرسول عليه آلصلآإه وآلسلآإم :


نهى عن زوآج آلبكر حتّى تستأذن ..

وهذآ آكبر دليل على آن آلمرأه لهآ آلحق آلكآمل في آختيآر شريك حيآتهآإ ..


لآنهآ بآلنهآيه عشرة عمر ..

فـ من آبسط حقوقهآإ آنّهآ تختآر آلآنسآن آللي تسعده ويسعدهآ بقيّة حيآتهم ..



اعجبني فنقلته لكم

[R 7 A L]

صار قليل في وقتنا الحاضر
وذلك بعد تثقف الناس
معقولة اخذ وحدة متبيني !!!

مازال عند بعض الناس بس قليل جداً

[بوخالد911]

هلا

الزواج مو بالغصب

وانما يكون مبني ع اقتناع ورضا تام


وهالأفكار اشووي وبتنقرض ان شاء الله



لا هنتي

[حمد بن خالد]

الأفضل ولد العم

إلا في حالة تقدم شخص آخر لها متعلم مثقف ناجح ذو خلق ودين ويتم رفضه بحجة انها لولد عمها

وولد عمها في المقابل ماعنده حتى ثانوية وصياعة لين اخر الليل ولا مستقبل معروف ولا طريق للمسيد

في هالحالة يكون ظلم كبير جداً لها

...

لكن وجهة نظري في النهاية

يبقى ولد العم أفضل بمراحل من الغريب (( في حالة توافر الشروط المذكورة أعلاه فقط ))

:)

[شبح الصمت]

يعطيج العافيـه أختي

ونفس ما تفضلتي أختي بموضوعـج ويقعد معلقها أهو زين شين مصلي خايف ربه طايع أهم شيء ياخذ بنت عمه محيره له ولا هي لغيره وأن جاء وأحد يتقدم لها كانه مسكين المتقدم عدو لهم ومستعدين يقصون رأسه ,,

بس اختي الحين العالم وعت ودرت وتفهمت ومهب غلط إذا ولد عمها يبيها وبياخذها أما يخليها معلقـه حرام عليـه وهي مسكينه ما تبيـه ليش تنجبر عليه ,,


وترى أغلب أغلب أغلب الطلاق يصير بين عيال العـم والخال مب كلـهم بس ما يكون في ود وأحتـرام خلاص بنت عمـي اسوي الي بخاطري والغريبه أحطها فوق رأسي ,,

الله يهدي كل أبو وأم وأخو وان جاءهم إنسان ذو خلق ودين ويشوفونه ينفع لأختهم وبيستر عليها وبيحافظ عليها ولد عرب يزوجونها ولا يتردوون من عقب موافقتها وموافقة الأهل ,,

[قناص الخليج]

انقرضت هذي العاده حاليا الزواج عبر الانترنت والبلاك بيري

[بوخالد الذيب]

الأفضل ولد العم

إلا في حالة تقدم شخص آخر لها متعلم مثقف ناجح ذو خلق ودين ويتم رفضه بحجة انها لولد عمها

وولد عمها في المقابل ماعنده حتى ثانوية وصياعة لين اخر الليل ولا مستقبل معروف ولا طريق للمسيد

في هالحالة يكون ظلم كبير جداً لها

...

لكن وجهة نظري في النهاية

يبقى ولد العم أفضل بمراحل من الغريب (( في حالة توافر الشروط المذكورة أعلاه فقط ))

:)

:thumbup1::thumbup1::thumbup1:

الله يعطيك العافيه

ويضاف الى ماذكرته شرط اقتناعها بولد عمها وليس لهم حق الاجبار

[missperfect]

للأسف في هذا الزمن اصبح الأقارب عقارب ،، بس ما أعم

البنت لولد عمها لين ألحين موجوده هذه الظاهرة وبتعصب شديد عند بعض القبائل ،، والي يفرض هذا عليهم خاصة إذا الجد موجود يصر على رأيه ،، وتلاقي الرجال ينجبر على بنت عمه وهذا أكبر غلط crazy

[khalid-qtr]

ماعاد تصير هذي الامور منقرضة من زمان

هو يفضل انك تاخذ من اهلك لكن مو شرط تستانس او ترتاح اول زواج لي كان من قريبة لي وللاسف كان زواج فاشل بمعنى الكلمة لكن الحمدلله رحت بعيد بعيد والله احس اني اسعد انسان

نصيحة للشباب اذا حد فكر يتزوج يروح بعيد حتى لو من دول الجوار

[ذيب سرحان]

حلاة الثوب رقعته منه وفيه

[خالـــــد]

ولد عمها او غيره

اهم شي موافقة البنت

وسلامتكم

[be.happy]

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

[قطريه ماركه]

روح بعيد وتعال سالم .......

[بوخالد911]

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

:thumbup1::thumbup1::thumbup1::thumbup1::thumbup1:

[umabdulla77]

روح بعيد وتعال سالم .......

:thumbup1::thumbup1::thumbup1:

[latty]

هو تقاليد واعراف كان ملزم قديما لكن الان الزواج مب غصب ان هي ارادت كان بها وان هي رفضت لا تجبر على ابن العم لو كان يحبها حبا مميت

كله ولا الغصب

[دوحة حمد]

هلا والله اختي المغروره

بخصوص الموضوع ف اشوف انه هالعاده لازالت موجوده عند بعض العوايل واللحين صار الزواج على مشتهات الرجل يعني له مواصفات يبيها فالبنت والام بدورها تدور عليها لين تلقاها .

ومثل ما قالو الاخوان والاخوات فوووق انه اهم شي لنجاح الحياة الزوجيه هو التفاهم بين الزوجين والود والاحترام .

[منصوربن حمد]

ولد عمها او غيره

اهم شي موافقة البنت

وسلامتكم

لايا خي يمكن البنت موافقة على سربوت ولا ضايع ولاماله اصل والموافقه تجي من الصوبين احسن بعد دراسة الحالة جيدا

[العـوا]

للأسف في هذا الزمن اصبح الأقارب عقارب ،، بس ما أعم

البنت لولد عمها لين ألحين موجوده هذه الظاهرة وبتعصب شديد عند بعض القبائل ،، والي يفرض هذا عليهم خاصة إذا الجد موجود يصر على رأيه ،، وتلاقي الرجال ينجبر على بنت عمه وهذا أكبر غلط crazy

هذا الكلام الصحيح

[ضي البدر]

لا والله لا قلت ولا شي!!
هالظاهرة الي تتكلمين عنها ماقلت بالعكس مازالت على حالها عند الكثير من القبايل وفيه نوعا ماه تغيير طفيف وتثقيف بسيط وعندي دليل تونا ماصكينا السنه الا اخوي معرس على بنت عمه وبكلمه من الوالد ومن غير اي اعتراض والله ليومكم وتوه ماكمل سنه متاذي ومشاكل ولا قد ارتاح وشاف يوم عدل!!

والله المستعان

[الرويـس]

الله الله

[الراقيه سبشل]

تفكير غبي الصراحة

الله يهدي هالعقول

[القيادة]

اذا ولد عمها فيه خير ومصلي ليش لا بيحفظها أما اذا كان سربوت خله يقلب وجه

واذا جاها غير ولد عمها ومن قبايل اهل قطر ليش لا اذا كان فيه خير ومصلي

وخايف ربه.

طبعاً كل هذا بمشورة الاب والاخوان يسئلون عنه وخلصت السالفة.

[بـــــــنت النوخـّــــذه]

آلسلآم عليكم ورحمة آلله وبركآته ..

صبآح / مسآء آلخيرٍ ..

كمآ هو متعآرفٌ عليه بيننآ أن هنآك عآده منتشره فيمجتمعنَآ..

على آلرغم بأنهآ تعد نآدرة في وقتنآ آلحآلي على ع حآلهآ في آلسآبق ..


/

ألآ وهي أجبآر آلفتآه بآلزوآج بأن عمهّآ ..

مآهو رأيكمِ بخصوص هذآ آلموضوع .. !؟

/

بآلنسبة لي ..

آرى آن آلموضوع لآزآل عآلق في آذهآن بعض آلقبآئل ..

كون آنّ آلبنت مآلهآ آلآ ولد عمّهآ ..

بإعتقآدهم آنه آحق فيهآ وآحفظ لهآ من آلغريب ... وآلخ

بغض آلنظر عن آخلآقه آلدينيّه وآلدنيويّه ..

آنآ بإعتقآدي آن هآلشيء فيه من آلجهل وآلظلم مآ آلله به عليم ..

بحكم آن آلرسول عليه آلصلآإه وآلسلآإم :


نهى عن زوآج آلبكر حتّى تستأذن ..

وهذآ آكبر دليل على آن آلمرأه لهآ آلحق آلكآمل في آختيآر شريك حيآتهآإ ..


لآنهآ بآلنهآيه عشرة عمر ..

فـ من آبسط حقوقهآإ آنّهآ تختآر آلآنسآن آللي تسعده ويسعدهآ بقيّة حيآتهم ..



اعجبني فنقلته لكم


مرفوض رفضا" باتا" إلا اذا البنت تبغيه والنعم فيه هذا شيئ ثاني 000واصلا" حلاتها يجددون بالقبائل مهب شي نفس العائله اخوه ماخذ اختي وانا ماخذه اخوه وخالتي ماخذه عمه وبنت عمه ماخذه بنت خالتي و000الخ يعني نفس الوجيه تتكرر000حلاتها والله من كل عائله نسب000صراحه اعرف ناس جذيه متداخلين بكل القبائل وعيالهم سبحان الله اتشوفينهم اتقولين هذا من ال فلان وذي من ال فلاني وذاك من ال فلتان مهب صبه وحده نفس الماخذين من بعض 00وفي الاخير يبقى النصيب فوق كل شي شئنا ام ابينا :p 000

[بـن عدوان]

عــادة مالها داعي ومن عادات الجاهلية وفيها ظلم للطرفين ..

الأنانية وماتسوي .. !!

[ام السعف]

احنا محيناها من الوجود

[جفى الجوارح]

بالرغم لعدم تأييدي لهذي الفكره

إلا ان الوضع الحالي يخلي هالعاده مكسب للبنت

حالياً عدد البنات أضعاف عدد الرجال

يعني من الاخر الي عندها ولد عم اضمن لها انها تتزوج بدل ما يطوفها القطار

من الاخير
الموضوع له حسنات ومساوء

[**هـتــــــان**]

:thumbdown: :thumbdown:
:no2:

[الأصيلة]

المهم يكون الأثنين مقتنعين
اما الإجبار فلا فائدة منه
بل هو تحطيم لحياة أسرية يفترض
أن تقوم على التفاهم والود والمحبة والرضا...
ثم أن انتشار الأمراض الوراثية خفف من وطأة هذا التقليد...
المشكلة هناك بعض الأسر تجبر بناتها بالزواج من أبناء أعمامهم
حتى لو كانوا متزوجين
المهم البنت ماتروح للغريب وكأنها سلعة...
والكثير من القبائل التي أصرت على ذلك
لم تجني غير الإعاقات والأمراض الوراثية
التي راح ضحيتها الأبناء...
وانا مع زواج البنت من إبن عمها بشرط التوافق والرضا...

[أرج ــوآنه]

،

،



ظآهره بدآت تتلآشى واذا هي موجوده فبقله،،
آؤؤيد الزوآج من ولد العم اذا كآن رجل ملتزم وفيه من الخير الكثير،،
اعجبني فنقلته لكم

ماشفتي تآريخه المغروره،،
شكله مغبررررررر:looking:>>>>>>>تحب المزح:p



لاهنتِ،،عزيزتي،،

[بوحارب]

البنت لراعي الدين والخلق والحسب والنسب

اما ولد عمها يمكن يكون اكبر خربان في الفريج وتنظلم البنت فيه :)

[ابو علاوي]

الحيار؟؟؟

[المغروره]

مجرررد اراااء اشكرركم ع الرد

[هند88]

اعرف وحده لان ماعندها لاعيال عم ولا عيال خال
ابوها رافض يزوجها !!
(لين اليوم)
وعمرها وصل الاربعين..

[بنت صقار]

السالفه كلها نصيب..ومحد فوق امر الله..
بس الاكيد ان اي بنت لازم تتوجه دايما بالدعاء في صلاتها ان الله يرزقها الزوج الصالح..وكذلك الشاب محد غني من توفيق الله..
فيه عاده..تزويج الاقارب..لتحسين العلاقات..وهي ماتزيد الامور الا حساسيات ومشاكل..ولا يصلح العطار ما افسد الدهر..