للبيع : Samsung Galaxy Tab جديد ( كمبيوتر جيبي )

[مســـك]

السلام عليكم ورحمة الله وبركاته

اخواني خواتي اعضاء منتدى الاسهم القطرية

اعرض لكم للبيع جهاز Samsung Galaxy Tab وهو عبارة عن جهاز كمبيوتر يشابه الاي باد ولكن اصغر جحما
قيمته في السوق القطرية :
فودافون : 3199 ريال
ستارلينك : 3199 ريال
الوكالة : 3500 ريال شامل شنطة + مميري كارت 8 غيغابايت

الي ارغب ببيعه هو من الوكالة شامل شنطه و مميري كارت 8 غيغابايت
سبب البيع : ازمة مالية

لأعلى سعر ممكن ابتداء من 3000 ريال فما فوق ...
الضمان ساري على الجهاز نافذ منه اسبوعين فقط .

الجهاز يشمل التالي : مميري كارت + شنطة + علبه جديدة بالكامل + سيديات الجهاز + وصلة الجهاز للكمبيوتر + فاتوره الضمان
صور للجهاز من الانترنت :

http://www.tech-arabia.com/wp-content/uploads/2010/11/galaxy-tab3.jpg

http://www.tech-arabia.com/wp-content/uploads/2010/09/galaxy-tab.jpg

http://www.mobilefun.co.uk/blog/wp-content/uploads/2010/11/Galaxy-Tab-case2.jpg

[مســـك]

نسيت اذكر انه في الجهاز نظام الملاحه الشغال بدون انترنت gps

[مســـك]

للرفع للأهمية

[@north_star@]

بالتوفيق ان شاء الله
والله يفك ضيقتك

[Lo0oliii]

بالتووفييييييق .. وشكله حلوو ..

[مســـك]

للرفع :( مافي استجابه حقيقية

[qatari1]

السعر غالي قليلاً.

والفرق بين سعرك وسعر فودافون هو 200 ريال فقط!

بالتوفيق.

[مســـك]

السعر غالي قليلاً.

والفرق بين سعرك وسعر فودافون هو 200 ريال فقط!

بالتوفيق.



اخوي انا ماخذة من اقل من اسبوعين + معاه كماليات مش موجوده في فودافون + الشنطه الي معاه تسوى 300 ريال للعلم + سعره الي انا ماخذه به من الوكالة 3500 وانا مب تاجر يالطيب لولا الحاجه الي طرأت علي مافكرت ابيعه اصلا
عموما الله يوفق الجميع ان شاء الله

[STAR]

الله يوفقك نزل من سعرك اشوي يمكن
تلاقي شراييين..‏ جان حطيت السومة ‏2600‏ مبدئيا ولاعلى سعر..

[مســـك]

خوفي يالغالي محد يزود وعقب انا اتورط انا محتاجها لعمل معين اما تصيب او تخيب والله من وراء القصد تسلم يالغالي ستار مع شعارك الحلو على الدخول وتعطيرموضوعي بمشاركتك يالطيب

[airbus]

ربي يكون في عونك وبالتوفيق

[عاشق الشهادة]

وعليكم السلام ورحمه الله وبركاته


اخوي مسك كم سعر البيع ؟

[الجمارك]

السلام عليكم
اذا لك خاطر ب 2200 انا شراي واليوم الوعد دزلي رقمك على الخاص في حالة الموافقه
واذا لك خاطر ابادلك بلابتوب توشيبا الصغير وازيدك 1500 ؟؟
والله يوفقك بالبيعه

[مســـك]

ربي يكون في عونك وبالتوفيق

الله يكون بعون الجميع ان شاء الله تسلم على تعطيرك موضوعي

[مســـك]

وعليكم السلام ورحمه الله وبركاته


اخوي مسك كم سعر البيع ؟

3000 ريال يالغالي او اكثر حسب عطائكم لقيمة الجهاز
الله يكون بعون الجميع ان شاء الله تسلم على تعطيرك موضوعي

[Index Signal]

هل يشغل ملفات الفيديو بكافة صيغها ..؟

و كيف طريقة إضافة الملفات بالجهاز ؟ هل عن طريق برنامج مشابه للآيتونز نفس الآيباد ؟

أو نفس الهارد دسك يعني مجرد كوبي و بست ؟

[حوت الأسهم]

الجهاز حلو ويستاهل
انا معي جلاكسي وخرافة الجوال
الله يوفقك ان شاء الله وتحصل الشراي الجاد

[@north_star@]

2300 عندي

[سعادة الوزير]

hالله يوفقك في بسعتك ، انا عندي الجلاكسي تاب وهو جهاز ممتاز من كل النواحي وافضل بالف مره من الايباد :
1- فيه فلاش بلاير
2- فيه جوال
3- نقل الملفات عن طريق بس كوبي وبيست ومايحتاج اي تيونز
4- الملايين من البرامج المجانية
5- له برنامج يشبه الجيل بريك لتحميل البرامج الي بفلوس بشكل مجاني
6- حجمة اصغر واخف وشاشته اوضح

[راعي الدتسن]

الله يوفقك اخوي وتحصل الشراي الصامل

[مســـك]

2300 عندي

السموحه فديتك والله ماقدر اقل من 3000 ريال لاني ماخذه بي 3500 وكاله كامل اكسسوراته بالاضافه اني مرتبه وحاط فيه برامج سنعه + حاجتي لمبلغ معين لو ماجاب هالمبلغ مافي داعي ابيعه لاني ماخذته عشان اتاجر فيه كنت ومازلت محتاجه بس حاجه عن حاجه تفرق والدنيا ياخوي ماتخلى للاسف وكل هالقطر مديونين واكيد عارفين معنى كلامي .

[مســـك]

وعلى فكره اخواني هو gps شغال على طول ممكن ينحط في السياره على اساس نفغيشين + فيه تلفون وكاميرتين و واضحين جدا يعني كمبيوتر + جهاز تلفون

[حزينه]

بالتوفيق

[مســـك]

مشكوره اختي الحزينة لتطيبك بدخولك موقع وموضوعي

[الجمارك]

2700
واذا اموافقك طرش رقمك

[karak]

اخوي طرش لي رقمك على الخاص ... تسلم :)

[honey_uk]

هلا الشيخ ...

ممكن رقمك على الخاص لوسمحت ..

تسلم

[Index Signal]

هل يشغل ملفات الفيديو بكافة صيغها ..؟

و كيف طريقة إضافة الملفات بالجهاز ؟ هل عن طريق برنامج مشابه للآيتونز نفس الآيباد ؟

أو نفس الهارد دسك يعني مجرد كوبي و بست ؟




ما جاوبتني يا راعي الموضوع ؟

[مســـك]

ما جاوبتني يا راعي الموضوع ؟

اخوي فعلا اخوي يشغل جميع الملفات حتى ملفات الورد والاكسل و المايكروسوفت دكيمونت والاركروبات وملفات الصور, كما يفتح ملفات الفلاش ايضا ويفتح المفات المضغوطه وفيه مئات البرامج المجانية اخوي اكثر حتى من برامج الايفون وفي نفس الوقت انا منزل برامج اسلاميه وايد فيه وبرامج مفيده

[Index Signal]

طيب أخوي شلون أضيف ملفات الفيديو للجهاز ؟

عن طريق إيش ؟

أضيفهم للجهاز كوبي بيست كأنه هارد دسك أو فلاش ميموري ؟

أو لازم برنامج خاص مثل الآيتونز في الآيباد ؟

[مســـك]

طيب أخوي شلون أضيف ملفات الفيديو للجهاز ؟

عن طريق إيش ؟

أضيفهم للجهاز كوبي بيست كأنه هارد دسك أو فلاش ميموري ؟

أو لازم برنامج خاص مثل الآيتونز في الآيباد ؟

في طريقتين ياخوي :
طريقة عن طريق برنامج مرفق يشتغل على الويندوز وفي برنامج للماك
او عن طريق كوبي بيس شكل ملفات الممري للتلفون لما تشبكه على الجهاز يطلع لك كأنه هارديسك منفصل
لو حاب تجربه ياخوي ماعندي مانع بس اهم شي جديه الرغبة

طبعا نسيت اذكر ان طرق الشبك عن طريق الواير ليس او البلوتوث او اليوسبي للجهاز مباشرة او عن طريق كارت الممري

[مســـك]

للرفع السبت 11-12-2010 اخر يوم للموضوع وبعده راح اسحب الموضوع وانهيه بصراحه فأتمنى من الجادين التفاوض معي عبر رقم هاتفي او ارسال رساله لسعرهم المطلوب , لانني ارغب ايضا في عرض اجهزه اخرى مختلفه للبيع واتخلص من احدث واحد وهو السامسونغ .
فالك طيب و اشكر كل من طيب موضوعي بدخوله , وانتظر المشاركات الجادة

[HAMADZ]

اخوي 2800 طرشلي رقمك واخلص معاك

[الجمارك]

الله يوفقك

[مســـك]

للرفع

[مســـك]

اخواني الموضوع مغلق تم بيع الجهاز ولله الحمد والمنه والافضل من ذلك معرفتي بالشخص الشاري فعلا شراواكم والطيب , مكسبي كان اعظم بمعرفته ولله الحمد والمنه .