من يعرف شمعناة رسالة كيوتل ؟؟؟

[qataria80]

السلام عليكم ورحمة الله وبركاته


الحين اول ما فتحت جهازي اللاب توب الا طالعة لي رسالة من كيوتل مفادها ، بأن جهازي يرسل فيروسات متطفله حق كيوتل ، ونصحوني باستخدام برنامج ازالة الفيروسات ، وان جهازي بيتم تحت المراقبة!!!!



يا ترى حد صار له جذية من قبل ؟؟؟

[وافق شنن طبقة]

هههه لا والله اول مره ..اسمع عن هالرسايل

انا اقول مقلب ..او دق وتاكد ترى يجوز احد

مهكر عليك

وتحمل والله ترى هالامور مايستهان فيها



ونسيت اقول

الله يكفينا شر جهازك

[R 7 A L]

اول مره أسمع في هلرسالة
دق لهم وتاكد

[skittles]

صارت لي من قبل خرابيط عادي طنشوا هالرسالة

[qataria80]

صارت لي من قبل خرابيط عادي طنشوا هالرسالة



مشكوووورين كلكم عالرد


بس عفوا اختي لما صارت هالمشكلة بس طنشتيهم ، ولا معناة هالشي ان في حد يدخل جهازي من غير علمي ؟؟؟ علما ان الراوتر ما عليه كلمة سر

[M!$s ĀŁ!eN]

اخوي الراوتر مااله علاقه ..
بس انت اتتصل بخدمه العملاء 111 قولهم ..
بس احتمال .. فيه احد مهكر عليك

[baderbitar]

انصحك تحطي كلمة مرور على الروتر
الوايرلس لانه بيكون في ناس شابكين على الانترنت عندك وبيسببلك بطأ الانترنت وتعليق الجهاز
وخصوصا اذا كان قريب منك بيت عزاب
وتكون اجهزتهم ما فيها برنامج فيروسات
وبامكانك انك تشوفي عدد الاجهزة المتصلة معك من اعدادات الروتر واسماء الاجهزة المتصلة
وتاكدي انه برنامج الفيروسات عندك شغال ومحدث
وبالتوفيق ان شاء الله

[قطري vip]

سو سكان للفيروسات بيكون عندك فايروسات وترى هالرساله جاتني من قبل وعادي وكان عندي فايروسات وسويت فورمات وكل شي اوكي

[ملسونه]

اي حتى انا كانت تطلع لي قبل

بس طقعت لهم


لا فيه تحذير انه ماتتطفل مره ثانيه

[s.a]

لا اختي جهازي كانت عليه حماية ومومتهكر بس طنشت الرسالة وعادي

[honey_uk]

الكلام اللي قلته ماله اساس من الصحه .. نصيحتي سو الآتي

افصل الجهاز من النت .. الله لايهينك روح جرير او الدبلوماسي (محل كمبيوتر) واشتر لك انتي فايرس سعره مايتعدى الـ ١٢٠ ريال ... نزل الأنتي فايرس بعدين سو سكان كامل للجهاز بدون ماتشبكه على النت
بعد مايخلص السكان .. اشبكه على النت وسو ابديت للأنتي فايرس وسو سكان كامل مره ثانيه ... وانشالله ماعليك شر :)

الانتي فايرس اللي انصحك فيه واحد من اثنين
١- Kaspersky
٢- ESET NOD32

هم الاثنين نفس الشي و اثنينهم خفاف على الجهاز وايد

تحياتي :) واي شي انا حاظر طرش لي على الخاص وبساعدك ...

[gouda2000]

لازم تنزل مكافح فيروسات جديد
وفي حالة عدم قبامك بذلك او عدم مسحك للفيرس كيوتل بتوقف عنك الهوتميل و msn massnger