استفسار بخصوص العشب الصناعي

[sweety]

لو سمحتو حابة استشيركم لأني محتارة بخصوص ارضية الحوش
افكر اخلي الارضية خضراء بالكامل:con2:
يعني اغطيها بالعشب الاخضر فشرايكم في الفكرة وهل للعشب الصناعي عيوب ؟
ولكم جزيل الشكر

[شموخ دائم]

,


,



مرحبا

فكره جديده والله
:)

لكن انا اشوف ان للفكره سلبيات كثيره

منها

بعد التركيب بفتره كم شهر راح يغطي الغبار والاتربه اللون الاخضر ويحتاج غسيل بالماء
العشب الصناعي الشمس تاثيرها كبير عليه وراح يتفتت شوي شوي مع الوقت ويترك مخلفات بكل البيت
اعتقد العشب الصناعي للاماكن الي فيها ظل احسن واماكن القعدات
اما الحوش بقطر انسب شي له اما تبليط او ستامب كونكريت
ومن الجميل يكون في احواض ونباتات طبيعيه
ترى الزراعه بالحوش والحديقه فيها ( متعه ) كبيره
اذا زرعتوا الليمون ونباتات الزينه الفل والياسمين والجوري والمحمدي وكل ورده تقول الزود عندي يوم الجمعه والسبت لين صار تقطفون الورد الطبيعي ويتنسق بالمزهريه شي عجيب
:)


بالتوفيق لك



,

,



اخوك



شموخ دائم

[sweety]

أها......
بس وين أحصل شركة تعمل ستامب كونكريت؟؟
ولك جزيل الشكر اخ شموخ

[فواز1976]

العشب الصناعي خيار جيد ...... خصوصاً بعد التطوير الي حصل بتصنيعه
حيث ان العشب الصناعي الجديد مضمون من المصنع ل 7 سنوات وعمره الافتراضي ممكن يوصل الى 15 سنه
ومن ناحيه الشكل ما يحتاج في انواع ما تفرقيه عن الطبيعي ...... انا انشاء الله راح اركبه في منزلي وسويت بحث شامل ...... وعندي عينات خاصه جايبها من بره عاليه الجوده

الستامب كونكريت يجي باشكال جميله لكنه يعتبر ناشف يعني مهو مثل العشب لا من ناحيه راحه اللون ولا من ناحيه مرونه ارضيته الي تناسب لعب الاطفال عليه ....... بالاضافه الخرسانه بالصيف تخزن الحراره بعكس النجيل سواء صناعي ولا طبيعي

اي استفسار ثاني حاضرين