المدارس الخاصه

[koka]

ابي انقل عيالي من المدارس المستقله الى مدرسة خاصه بس في مشكله مصادفتني اللي هي مستوى المدارس المستقله في الانجليزي والرياضيات انزل من المدارس الخاصه بالتالي عيالي مستواهم انزل من الطلاب اللي في المدارس الخاصه وبغيتكم تساعدوني ابي اعرف مدرسه امتحان القبول فيها مايكون صعب وايد لان عيالي واحد عمره 8 والثاني 5 ويسوون لهم امتحان تحديد مستوى .. وابي تعطوني فكره عن الامتحانات حق اللي في سنهم
وابي اعرف آرائكم في المدارس الخاصه
ارجو التفاعل معاي جزاكم الله خير

[ام السعف]

لا تحكمين على العيال قبل ما يقدمون الامتحانات

خليهم يقدمون الامتحان ومن عقبه حكمي عليهم ،،

[umabdulla77]

انصحج بالمها اهتمامهم من كل النواحي

الديني واللغة العربية والانجليزي والانشطة

[koka]

لا تحكمين على العيال قبل ما يقدمون الامتحانات

خليهم يقدمون الامتحان ومن عقبه حكمي عليهم ،،

خايفه لان في المدارس الخاصه اللي فسنهم سابقينهم سنه
عالعموم مشكورة حبيبتي عالنصيحه

[koka]

انصحج بالمها اهتمامهم من كل النواحي

الديني واللغة العربية والانجليزي والانشطة

مشكوره اختي
المها ماعليها كلام الكل يمدحها بس دايما فل مافيي اماكن

[نورهان88]

الله يوفقك

[jwar7]

اقرا الانجليزيه

[حالي الذوق]

اذا مستواهم في الانجليزي والرياضيات ضعيف فانصحك خليهم بالمستقله

نقلت ثنتين من بناتي من مستقله الى مدرسه انجليزيه خاصه وتوهقت معاهم في امتحان القبول كانوا جيدين لكن يوم صار الصج كل يوم والثاني مطرشين لي رسايل ان بناتي ضعاف بالانجليزي والرياضيات وخذي عاد دروس خاصه في المدرسه للانجليزي 12 حصه 750 ريال وياريت استفادوا منها وفعلا ندمت قد شعر راسي على نقلهم

[ام السعف]

اذا مستواهم في الانجليزي والرياضيات ضعيف فانصحك خليهم بالمستقله

نقلت ثنتين من بناتي من مستقله الى مدرسه انجليزيه خاصه وتوهقت معاهم في امتحان القبول كانوا جيدين لكن يوم صار الصج كل يوم والثاني مطرشين لي رسايل ان بناتي ضعاف بالانجليزي والرياضيات وخذي عاد دروس خاصه في المدرسه للانجليزي 12 حصه 750 ريال وياريت استفادوا منها وفعلا ندمت قد شعر راسي على نقلهم

اعتقد هناك خلل ،، لأن بالفعل مستوى العيال تغير مع بداية تأسيس في السنة
الأولى والاستغناء عن المدرسين في السنين الثانية بفضل من الله ،،

فلا تقارن ابدا مستوى المناهج في المستقلات مع المدارس الاجنبية الخاصة ،،

[حالي الذوق]

المدارس الخاصه الانجليزيه قويه بالفعل ولا مجال للمقارنه بينها وبين المستقله

بناتي درجاتهم بالمستقله اقل علامه -b بس من راحوا الخاصه بين الصج

[شموخ وبس]

مادري شقولج بس توهم اصغاراتحاتين جنهم في الاعدادية يعني راح يتعبون في البدايه صح وانشالله مع الايام والوالشهور والسنين بيتقوون ولازم يتققون وترا 12ساعه ماتكفي تقويه لازم ممارسه واستمرار
وبيصير اسهل انقليهم احسن عالاقل يتاسسون صح بالذات اللي عمره خمس سنين لان في مدارس مابتاخذ الكبير عموما استخيري

[البعد الخامس]

بالبداية حاب أطمنك ولا تحاتين

لسى أطفالك صغار

اولاً أختاري المدرسة

ثم قوي أطفالك بأعطائهم بعض الدروس البسيطه في الأنجليزية والرياضيات

كالجمع والطرح ومسميات الأشياء

واذا لا قدر الله رسبوا بالأمتحان

أطلبي من المدرسه كحل اول أدخالهم بالمدرسه بتعهد منك بمتابعتهم وتقويتهم

اذا تم رفض الحل الأول

ما لك الأ تنزيلهم صف

ومافي مشاكل من تنزيلهم صف أنا فعلت ذلك مع أبني والحمدلله الأمور ماشيه تمام

تحياتي
:thumbup1:

[koka]

للي قالت لي خلهم بالمستقله حبيبتي لو ان عيلي مستفيدين جان خليتهم بس للاسف مستواهم قاعد ينزل والسبب مب عيالي السبب من المدرسه اللي قالولي عنها من اقوى المدارس المستقله وشهادتها علميه بس للاسف صار لهم سنتين ومستواهم في نزول وانا خايفه ع مستقبل عيالي علشان جي ابي انقلهم مدرسه خاصه باي طريقه..
مشكورين عالردود الحلوة وجزاكم الله خير

[mrs.spoon]

اختي أنصحك اذا ناوية تنقلينهم وقادرة ع التكاليف انقليهم الحين ولاتأجلين وانا عيالي نفس الشي وكنت محتاره بس نقلتهم والحمدلله سهالات من رب العالمين اهم شي تشوفين مدرسه زينه، عندك المها وشوربون وبعد عندك نيوتن لها كذا فرع والبارك هاوس بس فل ماتحصلين مكان وجربي ووالله يوفقك ان شالله ويسهل لك امور عيالك.