قطوه سودا تحاول ادش البيت الفجر ؟

[>الخسرانة<]

انا ابدا ما أؤمن بالخرافات والسحور بس بقولكم اللي صار .....
اليوم الفجر حاولت قطوه سودا ادش البيت الفجر يوم فتحنا الباب !
وفعلا دشت ودارت في الصالة وبعدين طلعوها
ما دري ليش خفت من هالتصرف
وهي اول مره نشوفها ما دري من وين جات والمنطقة قليل جدا مانشوف فيها قطاوة ...
وحصلنا كووومة رمل عند الباب معن البيت والحوش مبلط ومافي رمل او تراب الا فالشارع
وعلى فكره عندي خدامة فلبينية لها شهر ونص من جات
بس انا كلش مو مرتاحه لها
شكلها غامضة وعينها قوووووووووووويه وجريئه
خايفه ان هالقطوه لها علاقه بالفلبينية او سحر لا سمح الله

ومرتين احلم ان هذي الخدامة لابسه ذهب كثير
ما دري شيعني هالحلم ؟
ارجوووووووووووكم ساعدوني
ارجعها مكتبها ؟
وهل القطوه لها علاقه بها الخدامة
والذهب شمعناه
لا تقولون خرافات لاني ما أومن بهالسوالف لكن الاحتياط واجب
احنا متعلمين ومؤمنين بس ماندري عنهم وعن بيئتهم شلون صايرة ....

اتمنى احصل الرد المناسب وشكرا





--------------------------------------------------------------------------------

[simsim1963]

هههههههههههههههههههههههه يقطع بليسك القطوة عاجبها البيت وتبي تصمم مثله هههههههههههههههه
أسكتي بس لو يسمعونك الفيفا قسم بالله يسحبون منا الاستضافه ... أول شئ القطوة اكيد بردانه وهذي حال القطاوة اذا تبي تولد تستكشف المكان او هذي قطوة اليفه وتحب الناس وماتخاف منهم بس هذي كل السالفه وبعدين هالجني الخبل ليش يدخل في جسم قطوة يروح يدخل في اسد أو نمر او فيل احسن له يدخل في قطوة وتدعمه سيارة ويموت هذا جني غبي . وبالنسبه للفلبينيه لا تظلمينها وتشكين فيها المسكينه ان بعض الظن اثم تعوذي من ابليس وخلي ايمانك بالله قوي ترى الي يخاف من العين والحسد هذا للأسف ماعنده ايمان ابد لأنه يشكك في قدرة الله عز وجل انه الحافظ .

[زقرتي ومزاجي]

مساء الخير ...


اختي في الله لازم تؤمنين بوجود السحر لانه مذكور في القران ..

- اذا الخادمة مب مرتاحة لها رجعيها المكتب ..مافي احد في الدنيا يجلس مع او يعيش
مع شخص مايحبة مب ملزمه فيها

- بخصوص حلم الذهب هذا تفسيرة

الذهب لا يحمد في التأويل لكراهة لفظه وصفرة لونه، وتأويله حزن وغرم مال، والسوار منه إذا لبسه ميراث يقع في يده، فمن رأى أنّه لبس شيئاً من الذهب فإنه يصاهر قوماً غير أكفاء، ومن أصاب سبيكة ذهب، ذهب منه ماله أو أصابه هم بقدر ما أصاب من الذهب، أو غضب عليه سلطان وغرمه، فإن رأى أنّه يذهب الذهب خاصم في أمر مكروه ووقع في ألسنة الناس، ومن رأى بيته مذهب أو من ذهب وقع فيه الحريق. ومن رأى عليه قلادة أو فضة أو خرز أو جوهر ولي ولاية وتقلد أمانة، ومن رأى عليه سوارين من ذهب أو فضة أصابه مكروه مما تملك يداه، والفضة خير من الذهب، ولا خير في السوار والدملج، قال رسول الله صلى الله عليه وسلم: " رأيت كأن في يدي سوارين من ذهب فنفختها فسقطا، فأولتهما مسيلمة الكذاب والعنسي صاحب صنعاء " . ومن رأى أنّ عليه خلخالاً من ذهب أو فضة أصابه خوف أو حبس وقيد. ويقال خلاخيل الرجال قيودها، وليس يصلح للرجال شيء من الحلي في المنام إلا القلادة والعقد والخاتم والقرط. والحلي كله للنساء زينة، وربما كان تأويل السوار والخلخال الزوج خاصة. والذهب إذا لم يكن مصوغاً فهو غرم، وإذا كان مصوغاً فهو أضعف في الشر لدخول اسم آخر عليه. وقيل إنّ حلي النساء يدل للنساء على أولادهن، فذهبه ذكورهن، وفضته إناثهن، وقد يدل المذكر منه على الذكور، والمؤنث منه على الإناث. وحكي أنّ امرأة أتت معبراً فقالت: رأيت كأنّ لي طستاً من ذهب إبريز فانكسرت واندفعت في الأرض فطلبتها فلم أجدها، فقال: ألك عبد مريض أو أمة؟ قالت نعم، قال: إنّه يموت. ورأى إنسان كأنّ عينيه من ذهب فعرض له ذهاب بصره.

[Arab!an]

اختي معروف ان القطة السوداء لها علاقة بالجن خصوصا اذا كان حولكم كومة رمل ..

علشان تكتشفين هالشئ اذا شفتي القطوة كلميها .. قولي لها من انتي ؟ شتبين ؟

اذا وقفت وطالعت في اللي يتكلم معناته السالفه 100% لها علاقة بالسحر وخلي الخدامه توقف معكم وانتي تكلمينها اذا حطت عيونها على الفلبينية معناته الفلبينيه متورطه في السالفه

وجعل الله كل احلامكم خير

والسلام عليكم

[بـــــــنت النوخـّــــذه]

الله يستر عليكم دنيا وآخره ويقيكم من شياطين الانس والجن000


سؤال فضول : هل المجتمع الي انتي به يتكلمون كثير عن قصص وتجارب عن الخدم والشعوذه ؟والاحلام المزعجه ؟؟؟؟؟؟؟؟(واقصد بالمجتمع الي حولج :اصدقاء -خوات-جيران-معارف 000الخ)

ولي مداخله بعد ذلك اذا تم التجاوب مع سؤالي :looking:

[بوصالح 92]

السلام عليكم اختي الخسرانة الي قال مافيه سحر كذاب فيه سحر

ثانيا اذا انتي مب مرتاحة للخدامة رديها وهذا احسن حل ومثل ماقال اخوي ازقرتي كلامة فعين الصواب والله يعينج

[اسعاف]

انت خرافية؟؟؟؟؟

لو اتجين بيتنه اذا ايش تقولين؟؟

من الفجر لما آروح المسجد
آشوف قطاوة تخرج من تحت سيارتي
وقطوة اذا فتحت الكراج تدخل بيتي (عيني عينك)
وقطوة ( سودة) تنط من بيت الجيران لبيتي وتأتي عند مطبخنا العامر
لا واذا طبخنا سمك تنط الى نافذة المطبخ وتريد ان تدخل البيت بالقوة ،ولها (مواء)
وبنتي تشيل الصافية وتعطيها،وتصب لهاكل يوم كوب حليب!!
وفي قطوة تدخل المطبخ الخارجي مع الخدم الفلبينات،واذا رأتني دخلت المطبخ فإنها تهرول مسرعة،كأنها سيارة اسعاف،وحتى الخدم يضحكون على القطوة من خوفها مني!!واذا غبت عادت للمطبخ

==========
والمضحك ان هناك قطوة تستقبلنا كل يوم عند باب المسجد
واذا خرجنا منه تريد ان تلعب معانا (تمد يدها نحو رجل المصلين)
وكاد احد المصلين الشيبان ان يتعثر بها
ونحن ذاهبون وءاتون للمسجد نرى ضحايا واشلاء وقتلى من القطاوة هنا وهناك

وكل هذه الأمور عادية ومافيها شئ

[المهاجر]

اختي لاتاخذين الامور بهالطريقه ولا تتشائمين

دائما وكلي امرج لله وعليج بذكر الله وتحصين نفسكم بالقرءان

وشغلي سرة البقره بالبيت

وان شاء الله ما تشوفين الا الخير

بالنسبه للخادمه حطي عينج عليها واذا شفتي منها شي مب زين او تصرفات غريبه

رديها المكتب وشوفي غيرها

والله يبعد عنكم كل مكروه

[الهاجري 2]

اختي معروف ان القطة السوداء لها علاقة بالجن خصوصا اذا كان حولكم كومة رمل ..

علشان تكتشفين هالشئ اذا شفتي القطوة كلميها .. قولي لها من انتي ؟ شتبين ؟

اذا وقفت وطالعت في اللي يتكلم معناته السالفه 100% لها علاقة بالسحر وخلي الخدامه توقف معكم وانتي تكلمينها اذا حطت عيونها على الفلبينية معناته الفلبينيه متورطه في السالفه

وجعل الله كل احلامكم خير

والسلام عليكم

بــــل صدق لو تكلمت معا القطوه المسكونه تشوفني :eek5:

اوكي لو مثلا جيت ابي اطردها وهي بعيد وتشوفني بس ماتشرد هل معناته انها فيها جني او لها علاقه في السحر

لانه اغلب القطاوه اللي حولنا مايطلعون الا فالليل متأخر ولا وفوقها تطلع اصوات غريبه واذا جيت بطردها تسكت وتشوفني عاد ان اهنا اتووهق واسوي نفسي بطل خخخخخ

[>الخسرانة<]

شكرا للجميع
وبالنسبة للاخت بنت النوخذه
لا والله احنا مجتمعنا ما نتكلم عن هالاشياء ابدا
وبالعكس دائما اقول هذي خرافات
بس هالمره مادري ليش خفت
لاني بحثت في النت عن القطوه السودا وقالو يمكن يكون لها علاقة بالجن
والله خايفه ما دري ليش

[بـــــــنت النوخـّــــذه]

شكرا للجميع
وبالنسبة للاخت بنت النوخذه
لا والله احنا مجتمعنا ما نتكلم عن هالاشياء ابدا
وبالعكس دائما اقول هذي خرافات
بس هالمره مادري ليش خفت
لاني بحثت في النت عن القطوه السودا وقالو يمكن يكون لها علاقة بالجن
والله خايفه ما دري ليش

لاتحاتين اختي 0000 ونصيحتي لاتسمعين ولا تقرين تفسير لاحد لان بتدخلين بدوامه الشك والخوف من كل شيئ يواجهك 000 وكلي امرج لله مثل ماقالو الاخوان وعليج بسلاح صورة البقره والتسبيح في الصباح والله بيحفظج ويحفظ بيتج وعيالج 000لاننكر وجود السحر ولكن مهب كل شيئ ممكن نصنفه تحت بند السحر والشعوذه والجن والشياطين 0000وانا سئلت هذا السؤال لان احيانا" من كثر سماع القصص وتدوال تفاسير الاحلام المزعجه بين الاصدقاء يخلي العقل الباطن للشخص يخزن القصه ويعيش الحدث مثلا عندج شخص كان يتابع فلم مرعب وبطل الفيلم ينقلب قطوه :looking: بعد الفيلم نام وقام الصبح يقول ياجماعه حلمت بقطوه <<<لاحظي هذا مهب حلم مزعج هذا عقله الباطن خزن شخصيه البطل القطو في الفيلم 000

وتبغين الصج مافي اشطن واجن من أبن آدم :p

[فيزيائية]

شغلي سورة البقرة وحصني بيتج وراقبي شغالتج
لاتوسوسين ...
الله الحافظ ...

[الخاتم]

شدعوه من صجكم انا من 3سنين القطوة السودا ماترقد الا عند الدرج اللي عند غرفتي خبركم ملحق خارجي بس مافكرت في السالفه هاي
الله واعلم الله يبعد عنا كل شر ان شاء الله

[jeep-srt8]

انا اسمع انه الجن يدخل في القطط السوداء

عاد انا اموووووووت بالقطط اسود ولا اخضر هههههههههههههههههههههههه ولا مريت جنب اي قطوة اسويلها حركاات وابسبس لها والاقيها فتحت عيونها وشردت هههههههههههههههههههههههههههههههه (انا مولود مع القطط) وكل ذكرياتي مع القطط وكل صوري وانا صغير مع القطط هههههههههههه

والله يا اختي انتبهي من القطط السوداء لانه سبحان الله احس انه فيها شي غرييب وتحسين انج تشوفينها عند البيوت المهجورة

انا كل يوم القطط تدخل بيتنا اطعيمهم والعب فيهم اما الاسود ما اقربه

[الماريّة]

اقري المعوذات دبر كل صلاة وعليج باذكار الصباح والمساء كل يوم

وشغلي سورة البقرة ثلاث ليالي في البيت

وبإذن الواحد الاحد يروح عنج الخوف والفزع وحتى لو كانت القطوة

صدق سَكِن بإذن الله بتروح لان القرآن يحرقهم حراق ويطردهم من البيت


والله يحفظكم اختي :)

ملاحظة

بالنسبة لكومه الرمل الي حصلتيها في الحوش يمكن تكون القطوة حافرتها بالعماله
تدرين القطاوة الله يكرمج تسوي حاجتها في الرمل ولما شافت البيت امبلط احفرت

فعادي لاتوسوسين

[مشتاقة لقطر]

انا عندبيتي كانو ثنتين وصارو اربع ودايما اطردهم مافيه فايدة

ولونهم اسسسسسسسسود ووحدة منهم من يتبطل الباب الصالة تحت سيدة تطلع فوق عند غرفتي وغرفة الكمبيوتر

واصرخ عليها ولا تخاف تحط عينها بعيني بسم الله الرحمن الرحيم
اتعوذ من الشيطان وما اركز على الموضوع وايد بس اشغل القران والله يستر

وبالحج حلمت الغرفة فوق فيها قطوتين ..

[لآإْيكثر]

كمآ جآء في الحديـث

احفظ اللَّه يحفظك، احفظ اللَّه تجده تجاهك،
إذا سألت فسأل اللَّه، وإذا استعنت فاستعَنْ باللَّه،
واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،
رفعت الأقلام وجفت الصحف

[أرج ــوآنه]

،
،
عليك بسورة البقره،،
وبإذن الله ترد عنك كل مكروه،،
ولكن آقرأيها بحضور قلب،،
وحآولي تختمينها كل 3آيام،،

كلنا نحتآجها ومشكلتنا دائماً ما عندنا وقت،،
ولكن لو جعلنا قرآتها من آهم الآشغال لنحلت كثير من مشآكل الحياه،،

الله يرزقك الإمان والسكينه في بيتك،،

[لمعة الالماس]

خلي القران دوم شغال بالبيت

واقري اذكار الصباح والمساء

وتحملوا تضربون القطوة باي شي

وان شاء الله تكون قطه عادية ومافيها شي

[الصريحه]

القطوه موضوعها عادي
لكن الخدامه صلي استخاره واذا ماارتحتي وديها
الله يعينك ويعينا عليهم

[نوفا91]

الله يحفظكم اختي من كل شر ..واللي اقدر اقولج احرصي على تشغيل صوره البقره فالبيت يوميا ...

[مضاربه]

سلام قول من رب رحيم مثل ماقالو الاخوان سوره البقره خلها تشتغل طول اليوم وادعيه الصباح والمساء والله يحفظكم ان شاءالله

[بوخالد911]

الله يحفظكم

[عزتي سمو ذاتي]

أختي أول حاجه صلي صلاة استخارة في الشغاله

وكل يوم اقرأ سورة البقرة كامله في البيت ولاتنسين اذكار الصباح والمساء


والله يحفظك ويحفظ الجميع يارب .. والأهم لاتحطين الموضوع في بالك ولاتفكرين فيه

[R 7 A L]

حصني نفسك

[MAZEN37]

الذكر وكلام الله افضل علاج

[@north_star@]

انا مب مفسر بس دائما الاذكار واية الكرسي تحفظ قارئها باذن الله والموضوع عادي اختي وبالنسبه لكومة الرمل مرات يكون من النمل لانه يبنى بيوت تحت البلاط ويطلع الرمل الزايد ( نمل مقاول)

[%حورية قطر%]

بخصوص الشغااله !!!

دووم اقري في ويهها [ اللهم اني اسألك خيرها وخير ما جبلتها عليه
واعوذ بك من شرها وشر ما جبلتها عليه ]

ودووم حصني نفسج وعيالج وزوجج

والله يكفيج شرها

[شبح الصمت]

لا حول ولا قوة الا بالله

اختي شالسالفه انا يوميا في حوشنا قطوه سوده ويوم اجي ابي ادخل اطالعها والله ياخواني وخواتي انها تناظرني بعيونها ولا تكسر عيوونها وسوده سوده قاررر !!!

لا حول ولا قوة الا بالله وربت تحت درام الماي وكله اشوفها في الحوش !!

الله يستر اختي بس والله انا طار قلبي سوده + علاقة بالجن = الله لا يقول سحر مثلا

الله يستر علينا ويحفظنا من كل عين وشر يالرب

اختي الله يستر عليكم وما تشوفون شر يارب

[Al-Enazi]

هذي كلها خرافات ولا صحه لها......الشي الوحيد والصحيح اللي تقدرين تسوينه هو:

الصلاه في وقتها قراة القران والاذكار صباحً ومساءً وتحصين النفس....والتوكل على الله سبحانه..ضروري

أما بالنسبه للخادمه والله اني خايف اظلمها لكن لتعطينها الخيط والمخيط وراقبي تصرفاتها هل تقعد ساعه فالحمام الله يعز السامع؟

ترا الخادمات منهم خوف والله خصوص عند الناس (المفهيه) سوري على هالكلمه لكن في ناس والله مايدرون شالطبخه الجهال عند الخدامه الطبخ الغسيل التنظيف كل شي اعتماد 100 بالميه وهذا غلط خصوصً الاطفال

بقولكم سالفة واحد جاب خدامه وعنده طفله عمرها يمكن ثلاث سنين ودايم مع الخدامه والام الشيخه لاهيه
المهم البنت ماقامت تمشي طبيعي بعد فتره لكن قامت كل ماتبي تمشي تدور على نفسها نفس الحمام اذا صابه مرض ابورقيب تدور على نفسه في مكان واحد ولاتعدا مكانها....ابوها مافي مستشفى ماراحله لكن مافي فايده

يوم من الايام وجد الخادمه تضحك وهي تشاهد بنته تدور مكانها حسبي الله عليها شك فالموضوع
بعد فتره وصل ضرف من اهلها قال انا ابي استلمه هالمره اخذ الضرف وفتحه حصل في طلاسم...اخ

وكلام موب فاهم معناه.....وعنده واحد فالدوام اوندنيسي وداله هالضرف قاله الخادمه عندكم سوت للبنت سحر
وهذا الضرف فيه عمل جاهز لكن طالبين صوره او شعر منك او من مرتك

المهم خذا الضرف الرجال وقال حق امرته حاولي اتجيبين شعر من الخدامه وفعلاً قدرت تحصل على شعر منها
وطرشها مره ثانيه حق اهلها وبعد فتره حصلوا الخدامه تدور على نفسها نفس البنت الصغيره المسكينه...

وسلامتكم

[قطر love]

رقم منظمه الدعوة والارشاد هم يمكن يفيدونكم بخصوص الموضوع

44871182

او ممكن تاخذون منهم ارقام المشايخ والرقاه الشرعيين المرخصين لهم



لحد يقول السحر خرافات لانه مذكور في القران

قد ذكر السحر في القرآن الكريم 60 مرة و الفتنة 60 مرة كذلك

[_QTR_]

لا حول ولا قوة الا بالله

اختي شالسالفه انا يوميا في حوشنا قطوه سوده ويوم اجي ابي ادخل اطالعها والله ياخواني وخواتي انها تناظرني بعيونها ولا تكسر عيوونها وسوده سوده قاررر !!!

لا حول ولا قوة الا بالله وربت تحت درام الماي وكله اشوفها في الحوش !!

الله يستر اختي بس والله انا طار قلبي سوده + علاقة بالجن = الله لا يقول سحر مثلا

الله يستر علينا ويحفظنا من كل عين وشر يالرب

اختي الله يستر عليكم وما تشوفون شر يارب

السلام عليكم

بخصوص اني قمت اخاف ههههههههههههه

اقول شبح الصمت انت ذكرياتك وايد مع القطاوة وكله من فريجكم القديم

فريج القطاوة اللي فيه اكثر من سكان الفريج

اقول اختي ابعدي عن بالج هذي الاشياء

واذا مب مرتاحة للشغالة رديها المكتب وجيبي غيرها وريحي راسج

[شبح الصمت]

السلام عليكم

بخصوص اني قمت اخاف ههههههههههههه

اقول شبح الصمت انت ذكرياتك وايد مع القطاوة وكله من فريجكم القديم

فريج القطاوة اللي فيه اكثر من سكان الفريج

اقول اختي ابعدي عن بالج هذي الاشياء

واذا مب مرتاحة للشغالة رديها المكتب وجيبي غيرها وريحي راسج


اشدعوه مثلا قصدك وتقصد انه فريجنا كله قطاوووه ومافي بني آدمين !!!
crazy
يأخي ترى تعال برويك أياه اشلون اتحداك تكاسرها في عيونها عليها نظرة وفي الليل تعطج الزنون بعد تكبس لك !!
:stop:

[بوعلي2]

الله المستعان

[شبح الصمت]

اختي أنتي اشلون مع بوحارب اصلاح يعني ما استلمتيه في المنتدى الله يطول بعمره

أخاف قطوته دازها عليكم صوب البيت تحوس وتسوي لكم سوالف تخرع

http://up4.m5zn.com/9bjndthcm6y53q1w0kvpz47xgs82rf/2009/12/3/04/rqpm9lydx.jpg

ههههاي

لا لا اختي لا تحسبين شيء هي مب باب تلطيف الجو والله يعافيكم ويبعد عنكم الشر يارب

[shadad]

الخدامه مو مرتاحه لها شيليها, اما القطوه فما اقدر افيدك بها, بس صارت معاي تقريبا نفس القصه بس على اكل بالصاله, وطلع شبعان من البيت ( ضيف ودخل بيت ولازم اكرمه ههههه ) وربيته معاي بالبيت وطلع هاي القطر بعدين ديناصور مو مخلي احد من القطاوه الثانيه تطب بالحوش !
لا تحاتين وايد . الله الحافظ . شغلي سورة البقره بالبيت وعليك بالصلاه داومي عليها .